ಮೋಹಿನಿಯಾಟ್ಟಂ
ಮೋಹಿನಿಯಾಟ್ಟಂ (Mohiniyattam), (ಕೆಲವೊರ Mohiniattam ಪಂದ್ ಲಾ ನಮೂದಿಸಾದೆರ್ (ಮಲಯಾಳಂ:മോഹിനിയാട്ടം), ಕೇರಳ ಮೂಲದ ಸಾಂಪ್ರದಾಯಿಕ ದಕ್ಷಿಣ ಭಾರತದ ನಲಿಕೆದ ಶೈಲಿ. ತಮಿಳು ಮೂಲದ ನಟ್ಟುವಾನರ (ನಲಿಕೆದ ಗುರು) ಬೊಕ ತಂಜಾವೂರು ಚತುಷ್ಟ ರೆಡ್ ಒರಿಯಾಯಿನ ವಡಿವೇಲು, ಈ ನಲಿಕೆದ ರೂಪನ್ ಅಭಿವೃದ್ಧಿ ಮಲ್ತೆರ್. ೮ ಭಾರತೀಯ ಶಾಸ್ತ್ರೀಯ ನಲಿಕೆ ರೂಪಗ್ಲೆಡ್ ಉಂದುಲಾ ಒಂಜಿ. ಪೊಂಜೆನಕುಲು ಒಂಟಿಯಾದ್ ಪ್ರದರ್ಶನ ಮಲ್ಪುನ ಬಾರೀ ಸುಲಭದ ನಲಿಕೆ.
ಚರಿತ್ರೆ
[ಸಂಪೊಲಿಪುಲೆ]ಮೋಹಿನಿಯಾಟ್ಟಂ ಪನ್ಪುನ ಪದ, 'ಮೋಹಿನಿ' (ತೂಪುನಕುಲೆನ್ ಮರುಳು ಮಲ್ಪುನ ಪೊಂಜೊವು ) ಬೊಕ 'ಆಟಂ' (ಸುಲಭ ಬೊಕ ಅಪ್ಯಾಯಮಾನವಾಯಿನ ಶಾರೀರಿಕ ಚಲನವಲನಳು ) ಪನ್ಪುನ ರಡ್ಡ್ ಪದಕ್ಲೆ ಸಂಯೋಗರ್ದ್ ಬತ್ತಿನ್ಡ್. ಮೋಹಿನಿಯಾಟ್ಟಂ ಪನ್ಪುನವು ಮೋಹಿನಿನ ನಲಿಕೆ ' ಪಂದರ್ಥ ಕೊರ್ಪುಂಡು. ಶ್ರೀವಿಷ್ಣು ಮೋಹಿನಿನ ವೇಷಡ್ ಇತ್ತ್ ನ ಬಗ್ಗೆ ರಡ್ಡ್ ಕಥೆಕ್ಲು ಉಂಡು. ಒಂಜಿ ಕಥೆಟ್, ದೇವತೆಳು-ಅಸುರೆರ್ ಕ್ಷೀರಸಾಗರ ಮಥನ ಮಲ್ತ್ ದ್ ಅಮೃತನ್ ದೆತ್ತಿ ಬೊಕ, ಅಸುರೆರೆನ್ ಅಮೃತರ್ದ್ ದೂರ ಮಲ್ಪೆರೆ ವಿಷ್ಣು ಮೋಹಿನಿನ ವೇಷಡ್ ತೋಜುವೆ. ರಡ್ಡ್ ನೇ ಕಥೆಟ್, ಭಸ್ಮಾಸುರೆ ಪನ್ಪುನ ರಾಕ್ಷಸನೆರ್ದ್ ಶಿವನ್ ರಕ್ಷಿಸಾಯೆರೆ ವಿಷ್ಣು ಮೋಹಿನಿನ ರೂಪಡ್ ತೋಜುವೆ. ವಿಷ್ಣುನ ಅವತಾರನ್ ಮೂಲವಾದ್ ದೀವೊಂದು ಮೋಹಿನಿಯಾಟ್ಟಂ ಪನ್ಪುನ ಪುದರ್ ಬಳಕೆಯಾದ್ ಇತ್ತ್ oಡಲಾ, ವಿಷ್ಣು ಅತಂಡ ಕೃಷ್ಣ ದೇವರೆನ್ ಮೆಚ್ಚಿದ್ ನಮನ ಸಲ್ಲಿಸಾವುನ ಈ ನಲಿಕೆದ ಧ್ಯೇಯ ಆತ್ oಡ್. ದೇವದಾಸಿಳು ದೇವಸ್ಥಾನ ಗ್ಲೆಡ್ ಈ ನಲಿಕೆ ನಲಿಪುವೆರ್. ಆಂಡಲಾ ಈ ನಲಿಕೆಡ್ ಕೂತು ಬೊಕ ಕೊಟ್ಟಿಯಾಟಂನ ಅಂಶಳು ಉಂಡು. ಮೋಹಿನಿಯಾಟ್ಟಂ ಪಂನ್ಪುನ ನಲಿಕೆ ಬೊಕ ಪದ್ಯ-ಪಂಕ್ತಿಳುಪ್ಪುನ ನಾಟಕ. ಭರತನಾಟ್ಯಂ ಬೊಕ ಕಥಕ್ಕಳಿ ಪನ್ಪುನ ದಕ್ಷಿಣ ಭಾರತದ ರಡ್ಡ್ ನಲಿಕೆ ರೂಪಗ್ಲೆ ಪ್ರಭಾವ ಬೊಕ ಅಂಶಳೆನ್ ಈ ನಲಿಕೆ ಹೊoದೊಂದುಂಡು. ತಂಜಾವೂರು ಚತುಷ್ಟೆರೆಡ್ ಒರಿಯಾಯಿನ ವಡಿವೇಲು, ಈ ನಲಿಕೆದ ಸುರುತ ಸರ್ತಿ ರಾಜೆ ಸ್ವಾತಿ ತಿರುನಾಳ್‌ ಆಸ್ಥಾನಡ್ ಪ್ರದರ್ಶನ ಪರಿಚಯಿಸಾಯೆರ್. ಈ ನಲಿಕೆ ಅಗಲವಾಯಿನ ನಡುನು ಸುಲಭವಾದ್ ತೂಗಾಡಿಸಾವುನ ಅಂಚನೆ ಸರ್ತ ಉಂತುನ ಭಂಗಿನ್ ಅಂಚಿ ಇಂಚಿಗ್ ಮೆಲ್ಲನೆ ಪೋಪುನ ಕಲೆನ್ ಪಡೆಯೋನ್ಡ್. ಮೋಹಿನಿಯಾಟ್ಟಂದ ಜಾಗೆ ಕೇರಳ ರಾಜ್ಯಡ್ ಜಾಸ್ತಿ ಯಾದುಪ್ಪುನ, ಮೆಲ್ಲ ಆಡುನ ತಾರೆದ ಮರಕುಳು ಅಂಚನೆ ಮೆಲ್ಲ ನಿಧಾನವಾದ್ ಅಂಚನೆ ನಿಧಾನಗತಿಟ್ ಸುಗಮವಾದ್ ಪರಿಪುನ ತುದೆಕ್ಳೆನ್ ನೆನಪು ಮಲ್ಪುನಾಂಚಿನ ಕಲಿಕೆ ಆತ್ oಡ್. ಮೋಹಿನಿಯಾಟ್ಟಂಡ್ 'ಅಟವುಕಲ್' ಪನ್ಪುನ ೪೦ ಬೇತೆ ಬೇತೆ ಮೂಲಭೂತ ಚಲನವಲನಳು ಉಂಡು.
೨೦ನೆ ಶತಮಾನದ ಉತ್ತರಾರ್ಧಡ್ ಮೋಹಿನಿಯಾಟ್ಟಂ ನಲಿಕೆದ ಪುನಶ್ಚೇತನಗ್ 'ಮೂಜಿ ಆಧಾರಸ್ತಂಭಳು' ಆಯಿನ ಶ್ರೀ ಸ್ವಾತಿ ತಿರುನಾಳ್‌ ರಾಮ ವರ್ಮ, ಶ್ರೀ ವಲ್ಲತೊಳ್‌ ನಾರಾಯಣ ಮೆನನ್‌ (ಮಹಾ ಕವಿ ಬೊಕ ಕೇರಳ ಕಲಾಮಂಡಲಮ್‌ ಸಂಸ್ಥೆಯ ಸಂಸ್ಥಾಪಕೆ ) ಅಂಚನೆ ಶ್ರೀಮತಿ ಕಲಾಮಂಡಲಂ ಕಲ್ಯಾಣಿಕುಟ್ಟಿ ಅಮ್ಮ (ಮೋಹನಿಯಾಟಂ ನಲಿಕೆದ ಜನನಿ)ಮೊಕುಲು ಕಾರಣರಾತೆರ್. ಗುರು ಕಲ್ಯಾಣಿಕುಟ್ಟಿ ಅಮ್ಮ ಇಂಚಿನ ನಲಿಕೆ ರೂಪದ ಪಿರವುದ ವಿಸ್ಮಯಕಾರಿ ಹಿನ್ನೆಲೆನ್ ಸ್ಪಷ್ಟಗೊಳಿಸಾಯೆರ್. ನೈಜ ಮಾಹಿತಿ, ಸಾಮಾಜಿಕ ಬೊಕ ಐತಿಹಾಸಿಕ ವಿಕಸನಗ್ಲೆನ್ ಆಧರಿಸಾದ್ ಜನಕ್ಲೆ ಮನವೊಲಿಸು ನಂಚಿನ ವಿವರಣೆ ಕೊರಿಯೆರ್. ಸ್ವರ್ಗರ್ದ್ ಜತ್ತ್ ಬತ್ತ್ ನ ವಿಚಿತ್ರ ಮೋಹಿನಿನ ನಲಿಕೆರ್ದಲಾ ಹೆಚ್ಚಾದ್, ಒಂಜಿ ಸುಂದರಿನ ಲಲಿತ ನಲಿಕೆ ಪಂದ್ ವ್ಯಾಖ್ಯಾನ ಮಲ್ತೆರ್.
ತುತ್ತೈದ
[ಸಂಪೊಲಿಪುಲೆ]ಮೋಹಿನಿಯಾಟ್ಟಂಗ್ ಪಾಡೊಡಾಯಿನ ತುತ್ತೈದಡ್, ಕರೆಟ್ ಬಂಗಾರ್ದ ಕಸೂತಿ (ಕಸವು) ಪಾಡ್ದ್ ಉಪ್ಪುನ ಬೊಲ್ದುದ ಸೀರೆಲಾ ಸೇರಿಂಡ್. ಮುದ್ರೆ (ಕೈ, ಅಂಗೈ ಬೊಕ ಬಿರೆಲ್ ಗ್ಲೆರ್ದ್ ತೋಜಾವುನ ಹಾವಭಾವಳು) ವಿಸ್ತೃತ ವಿವರಣೆಗ್ಲೆನ್ ಹೊಂದ್ ನ 'ಹಸ್ತ ಲಕ್ಷಣದೀಪಿಕಾ'ದ ಶಾಸ್ತ್ರೀಯ ಪಠ್ಯಗ್ಲೆನ್ ಈ ಮೋಹಿನಿಯಾಟ್ಟಂ ನಲಿಕೆ ಅನುಸರಿಸಾವುಂಡು.
ಮೋಹಿನಿಯಾಟ್ಟಂದ ಪದ್ಯಗ್ಳೆ ಸಂಗೀತ ಲಯಬದ್ಧವಾಯಿನ ರಚನೆಗ್ಲೇ ವಿಭಿನ್ನತೆನ್ ಪಡೆಯೋದುಂಡು. ಈ ನಲಿಕೆದ ಪದ್ಯಗ್ಲು ಮಣಿಪ್ರವಾಳಂ ಭಾಷೇಡ್ ಉಂಡು (ಸಂಸ್ಕೃತ ಬೊಕ ಮಲಯಾಳಂ ಭಾಷೆಗ್ಲೇ ಮಿಶ್ರಣ). ಪದ್ಯಗ್ಲೇ ಹಿನ್ನಲೆಡ್ ಪನೊಂದು ಉಪ್ಪುನಗನೇ, ಮೋಹಿನಿಯಾಟ್ಟಂ ನಲಿಕೆ ಪ್ರದರ್ಶನ ಮಲ್ಪುನ ನಲಿಕೆದ ನೃತ್ಯಕಲಾವಿದೆ ಸುಲಲಿತವಾದ್ ಮುದ್ರೆಳು ಬೊಕ ಪಜ್ಜೆ ದ ಒಟ್ಟಿಗೆ ನಲಿಪುವೆರ್. ಈ ಕಲಾವಿದೆ ದಿಂಜ ಮೋಹಗೊಳಿಸಾವಂದೆ, ಸೌಮ್ಯ ಅಂಚನೆ ಅಪ್ಯಾಯಮಾನ ರೀತಿಡ್ ತನ್ನ ಕಣ್ಣ್ ಗ್ಲೇಡೇ ನಲಿಕೆದ ಹಾವಭಾವಗ್ಲೆನ್ ಪ್ರದರ್ಶನ ಮಲ್ಪುವೆರ್. ನೆನ್ ತೂಲೆ ಅನುರಾಗ್‌ ಪಾಗ್ಲೂ ದೇಬ್‌ - ಅಂತರರಾಷ್ಟ್ರೀಯ ಖ್ಯಾತಿದ ನೃತ್ಯ ಕಲಾವಿದ, ತನ್ನ ಪಾಗಲೂ ಶೈಳಿದ ಮೋಹಿಯಾಟಂದ ಒಟ್ಟಿಗೆ. ಕಥಕ್ಕಳಿ ಕೂಡಿಯಾಟಂ ಕಲಾಮಂಡಲಂ ಕಲ್ಯಾಣಿಕುಟ್ಟಿ ಅಮ್ಮ ಮಾಣಿ ಮಾಧವ ಚಾಕ್ಯಾರ್‌ ನಾಟ್ಯಕಲ್ಪದ್ರುಮಂ ಥುಳಳ್‌ ಪಂಚವಾದ್ಯಂ ಕೇರಳ ಕಲಾಮಂಡಲಂ ಕನನ್‌ ರೇಲೆ - ನಲಿಕೆದ ಕಲಾವಿದ ಸುನಂದಾ ನಾಯರ್ - ನಲಿಕೆದ ಕಲಾವಿದೆ ಕಲಾಮಂಡಲಂ ಲೀಲಮ್ಮ - ನಲಿಕೆದ ಕಲಾವಿದೆ ಸ್ಮಿತಾ ರಾಜನ್‌ - ನಲಿಕೆದ ಕಲಾವಿದೆ ದೇವಾಶೀಷ್‌ ಪ್ರಧಾನ್‌ (ಬೋಟು ಮಹಾರಾಜ್‌)- ಪಶ್ಚಿಮ ಬಂಗಾಳ ರಾಜಧಾನಿ ಕೋಲ್ಕತ್ತಾ ಮೂಲದ ನಲಿಕೆದ ಕಲಾವಿದೆ.
ಪಿದಯಿದ ಕೊಂಡಿಳು
[ಸಂಪೊಲಿಪುಲೆ]
- ಕೇರಳ ಕಲಾಮಂಡಲಂ
- ಮೋಹಿನಿಯಾಟ್ಟಂ ನಲಿಕೆಗ್ ಸಂಬಂಧಿಸಾಯಿನ ಆಭರಣಳು Archived ೨೦೧೫-೦೯-೦೭ at the Wayback Machine
- ಅಲೆಕ್ಸ್‌ ಹಡರಿ ಬರೆಯಿನ 'ಭಾರತ'
- ಖ್ಯಾತ ಮೋಹಿನಿಯಾಟ್ಟಂ ನೃತ್ಯಕಲಾವಿದೆರ್ Archived ೨೦೧೧-೦೭-೦೭ at the Wayback Machine
ಟೆಂಪ್ಲೇಟ್:ಭಾರತೀಯೆರ್ನ ನೃತ್ಯ ಪ್ರಕಾರಳು ವರ್ಗ:ಮೋಹಿನಿಯಾಟ್ಟಂ ವರ್ಗ:ಕೇರಳ ರಾಜ್ಯದ ಕಲೆಕುಳು ವರ್ಗ:ಕಲೆ ವರ್ಗ:ನೃತ್ಯ