ಯುವಾನ್ಮಿಂಗ್ಯುವಾನ್

ಯುವಾನ್ಮಿಂಗ್ಯುವಾನ್(ಪಿರಾಕ್ದ ಬೇಸಿಗೆದ ಅರಮನೆ)

ಪಿರಾಕ್ದ ಬೇಸಿಗೆದ ಅರಮನೆದ ಅವಶೇಶ

ಓಲ್ಡ್ ಸಮ್ಮರ್ ಪ್ಯಾಲೇಸ್, ಯುವಾನ್ಮಿಂಗ್ಯುವಾನ್ ಅತ್ತ್ಂಡ ಯುವಾನ್ಮಿಂಗ್ಯುವಾನ್ ಪಾರ್ಕ್ ಪಂಡ್ದ್ ಲೆಪ್ಪುವೆರ್. ಉಂದೆನ್ ಮೂಲತಃ ಇಂಪೀರಿಯಲ್ ಗಾರ್ಡನ್ಸ್ ಪಂಡ್ದ್ ಲೆಪ್ಪುವೆರ್ ಬೊಕ್ಕ ಕೆಲವೊಂಜಿ ಸರ್ತಿ ವಿಂಟರ್ ಪ್ಯಾಲೇಸ್ ಪಂಡ್ದ್ ಲೆಪ್ಪುವೆರ್, ಇತ್ತೆದ ಹೈಡಿಯನ್ ಜಿಲ್ಲೆಡ್ ಚೀನಾದ ಬೀಜಿಂಗ್ ಡ್ ಉಪ್ಪುನ ಅರಮನೆಲು ಬೊಕ್ಕ ಉದ್ಯಾನೊಲೆನ ಸಂಕೀರ್ಣ ಆದುಂಡು. ಉಂದು ಬೀಜಿಂಗ್ ದ ದುಂಬುದ ಇಂಪೀರಿಯಲ್ ಸಿಟಿ ವಿಭಾಗೊದ ಗೋಡೆಲೆಡ್ದ್ ವಾಯುವ್ಯೊಗು 8 ಕಿಲೋಮೀಟರ್ (5 ಮೈಲ್) ದೂರೊಡು ಉಂಡು. ಚೀನೀ ಸಾಮ್ರಾಜ್ಯಶಾಹಿ ಉದ್ಯಾನ ಬೊಕ್ಕ ಅರಮನೆದ ವಿನ್ಯಾಸೊದ ಗರಿಷ್ಠ ಬೇಲೆ ಪಂಡ್ದ್ ವ್ಯಾಪಕವಾದ್ ಗ್ರಹಿಸಲ್ಪಟ್ಟಿನ, ಓಲ್ಡ್ ಸಮ್ಮರ್ ಪ್ಯಾಲೇಸ್ ಉದ್ಯಾನೊಲೆನ ವ್ಯಾಪಕ ಸಂಗ್ರಹೊಗು, ಅಯಿತ ಕಟ್ಟಡ ವಾಸ್ತುಶಿಲ್ಪೊಗು ಬೊಕ್ಕ ಅಸಂಖ್ಯಾತ ಕಲೆ ಬೊಕ್ಕ ಐತಿಹಾಸಿಕ ನಿಧಿಲೆಗ್ ಪುದರ್ ಪೋತುಂಡು. ೧೮ನೆ ಬೊಕ್ಕ ೧೯ನೆ ಶತಮಾನೊದ ಸುರುಟು ನಿರ್ಮಾಣ ಆಯಿನ, ಓಲ್ಡ್ ಸಮ್ಮರ್ ಪ್ಯಾಲೇಸ್ ಕ್ವಿಂಗ್ ರಾಜವಂಶೊದ ಕ್ವಿಯಾನ್ಲಾಂಗ್ ಚಕ್ರವರ್ತಿ ಬೊಕ್ಕ ಅರೆನ ಉತ್ತರಾಧಿಕಾರಿಲೆನ ಪ್ರಮುಖ ಸಾಮ್ರಾಜ್ಯಶಾಹಿ ನಿವಾಸ ಆದಿತ್ತ್ಂಡ್, ಬೊಕ್ಕ ಅಲ್ಪ ಅಕುಲು ರಾಜ್ಯ ವ್ಯವಹಾರೊಲೆನ್ ನಡಪಾವೊಂದಿತ್ತೆರ್; ನಿಷೇಧಿತ ನಗರೊನು ಔಪಚಾರಿಕ ಸಮಾರಂಭೊಲೆಗ್ ಬಳಕೆ ಮಲ್ತೆರ್. ಬ್ರಿಟಿಷ್ ಸೈನ್ಯೊಲೆನ ಚಾಪ್ಲಿನ್ ಸ್ಟುವರ್ಟ್ ಮೆಕ್ ಗೀ ನ ಪ್ರಕಾರ, ಉದ್ಯಾನವನೊನು ಅಯಿತ ಉನ್ನತ ಕಾಲೊಡು "ಉದ್ಯಾನೊಲೆನ ಉದ್ಯಾನೊಲು" ಪಂಡ್ದ್ ಲೆಪ್ಪುವೆರ್. ರಡ್ಡನೆ ಅಫೀಮ್ ಯುದ್ಧೊದ ಪೊರ್ತುಡು, ಫ್ರೆಂಚ್ ಬೊಕ್ಕ ಬ್ರಿಟಿಷ್ ಸೈನಿಕೆರ್ ೬ ಅಕ್ಟೋಬರ್ ೧೮೬೦ಡ್ ಅರಮನೆನ್ ಸೆರೆಪತ್ಯೆರ್, ದುಂಬುದ ಕೆಲವು ದಿನೊಟು ಸಾಮ್ರಾಜ್ಯಶಾಹಿ ಸಂಗ್ರಹೊಲೆನ್ ಲೂಟಿ ಮಲ್ತೆರ್ ಬೊಕ್ಕ ನಾಶ ಮಲ್ತೆರ್. ಒಂಜಿ ಆಂಗ್ಲೊ-ಫ್ರೆಂಚ್ ನಿಯೋಗೊನು ಕ್ವಿಂಗ್ ಸರ್ಕಾರ ಜೈಲುಗು ಪಾಡ್ದ್ಂಡ್ ಪನ್ಪಿನ ಸುದ್ದಿ ಬನ್ನಗ, ೧೯ ನಿಯೋಗದ ಸದಸ್ಯೆರೆಗ್ ಮರಣದಂಡನೆ ಕೊರ್ತೆರ್, ಬ್ರಿಟಿಷ್ ಅರ್ಥ್, ಎಲ್ಗಿನ್ ಹೈಯರ್ ಆಯುಕ್ತೆರ್ ಚೀನಾಗ್ ಪೋಯೆರ್, ಅಕ್ಟೋಬರ್ ೧೮ ತಾರೀಕ್ ಗ್ ಅರಮನೆನ್ ಪೂರ್ತಿ ನಾಶ ಮಲ್ಪೆರೆ ಆದೇಶ ಕೊರ್ದು ಪ್ರತೀಕಾರ ಕೊರ್ತೆರ್, ಅಯಿನ್ ಅರೆನ ಆಜ್ಞೆಡ್ ಸೈನಿಕೆರ್ ಮಲ್ತೆರ್. ಅರಮನೆ ಮಸ್ತ್ ಮಲ್ಲೆ ಆದಿತ್ತ್ಂಡ್ - ೩.೫ ಚದರ ಕಿಲೋಮೀಟರ್ (೮೬೦ ಎಕ್ರೆ) ಡ್ದ್ ಜಾಸ್ತಿ ಜಾಗೊನು ಆವರಿಸೊಂದಿತ್ತ್ಂಡ್ - ಅಯಿನ್ ನಾಶ ಮಲ್ಪೆರೆ ೪,೦೦೦ ಜನಕುಲು ಬೊಕ್ಕ ಮೂಜಿ ದಿನೊಕುಲು ಬೋಡಾಂಡ್. ಮಸ್ತ್ ಸೊಬಗುದ ಶಿಲ್ಪೊಲು - ಪಿಂಗಾರದ ಕಲೆ, ರೇಷ್ಮೆ, ಜಾಲ್ ವಸ್ತ್ರೊಲು, ವಿಸ್ತಾರವಾದ್ ಮಲ್ತಿನ ಜವಳಿಲು, ಚಿನ್ನದ ವಸ್ತುಲು ಬೊಕ್ಕ ಹೆಚ್ಚಿನವುಲು - ಲೂಟಿ ಆಯಿನವು, ಯುನೆಸ್ಕೋದ ಪ್ರಕಾರ, ಇತ್ತೆ ಜಗತ್ತ್ ದ 47 ವಸ್ತುಸಂಗ್ರಹಾಲಯೊಲೆಡ್ ಉಂಡು

ಓಲ್ಡ್ ಸಮ್ಮರ್ ಪ್ಯಾಲೇಸ್ ಡ್ ಇಂಪೀರಿಯಲ್ ಗಾರ್ಡನ್ಸ್ ಮೂಜಿ ಗಾರ್ಡನ್ ಲೆಡ್ದ್ ಮಲ್ಪುನವು:

ಗಾರ್ಡನ್ ಆಫ್ ಪರ್ಫೆಕ್ಟ್ ಬ್ರೈಟ್ನೆಸ್ ( ಯುವಾನ್ಮಿಂಗ್ ಯುವಾನ್) ಗಾರ್ಡನ್ ಆಫ್ ಎಟರ್ನಲ್ ಸ್ಪ್ರಿಂಗ್ ( ಚಾಂಗ್ಚುನ್ ಯುವಾನ್) ಗಾರ್ಡನ್ ಆಫ್ ಎಲಿಗಂಟ್ ಸ್ಪ್ರಿಂಗ್ (Qǐchūn Yuan)

ಒಟ್ಟುಗು, ಅವು 3.5 ಚದರ ಕಿಲೋಮೀಟರ್ (860 ಎಕರೆ) (2.2 ಮೈಲ್) ದ ಪ್ರದೇಶೊನು ಆವರಿಸೊಂದಿತ್ತ್ಂಡ್, ಉಂದು ನಿಷೇಧಿತ ನಗರೊದ ಮೈದಾನೊದ ಗಾತ್ರೊಡ್ದ್ ಸುಮಾರ್ ಐನ್ ಬಾರಿ ಬೊಕ್ಕ ವ್ಯಾಟಿಕನ್ ನಗರೊದ ಗಾತ್ರೊಡ್ದ್ ಎಂಟು ಬಾರಿ ಮಲ್ಲೆ. ಸಭಾಂಗಣೊಲು, ಮಂಟಪೊಲು, ದೇವಸ್ಥಾನೊಲು, ಗ್ಯಾಲರಿಲು, ಉದ್ಯಾನೊಲು, ಕೆರೆಕುಲು ಬೊಕ್ಕ ಸೇತುವೆಲೆನಂಚಿನ ನೂದೆಡ್ದ್ ಜಾಸ್ತಿ ರಚನೆಲು ಮೈದಾನೊಡು ಉಂತುದು ಇತ್ತ್ಂಡ್. ಅತ್ತಂದೆ, ಚೀನೀ ಕಲಾಕೃತಿಲೆನ ಬೊಕ್ಕ ಪ್ರಾಚೀನ ವಸ್ತುಲೆನ ನೂದೆಡ್ದ್ ಜಾಸ್ತಿ ಉದಾರ್ಮೆಲೆನ್ ಸಭಾಂಗಣೊಲೆಡ್ ಸಂಗ್ರಹ ಮಲ್ತೆರ್, ಒಟ್ಟುಗು ಸಾಹಿತ್ಯಿಕ ಕೃತಿಲೆನ ಬೊಕ್ಕ ಸಂಕಲನೊಲೆನ ಅನನ್ಯ ಪ್ರತಿಲೆನ್ ದೀದ್ ಇತ್ತೆರ್. ದಕ್ಷಿಣ ಚೀನಾದ ಕೆಲವು ಪ್ರಸಿದ್ಧ ಭೂದೃಶ್ಯೊಲೆನ್ ಇಂಪೀರಿಯಲ್ ಗಾರ್ಡನ್ಸ್ ಡ್ ಪುನರುತ್ಪಾದನೆ ಮಲ್ತೆರ್.

ಭೂ ಪ್ರದೇಶ

ಜೇಡ್ ಸ್ಪ್ರಿಂಗ್ ಹಿಲ್ ದ ಎದುರುಡು, ಶುದ್ಧ ನೀರ್ಡ್ ಸಮೃದ್ಧವಾದ್ ಉಪ್ಪುನ ಜಾಗೆಡ್ ಅರಮನೆನ್ ನಿರ್ಮಾಣ ಮಲ್ತೆರ್. ಈ ಪ್ರದೇಶ ಅಯಿತ ಪೊರ್ಲುದ ಭೂದೃಶ್ಯೊಗು ಪುದರ್ ಪೋತುಂಡು. ಯುವಾನ್ ರಾಜವಂಶದ ಆಳ್ವಿಕೆಡ್ 13ನೆ ಶತಮಾನೊಡ್ದ್ ಸುರು ಆದ್ ಗ್ರಾಮೀಣ ಇಲ್ಲ್ ಲೆನ್ ಈ ಜಾಗೆಡ್ ನಿರ್ಮಾಣ ಮಲ್ತೆರ್, ಬೊಕ್ಕ 16ನೆ ಶತಮಾನೊಡು ಮಿಂಗ್ ರಾಜವಂಶದ ಲಿ ವೀ ಈ ಜಾಗೆಡ್ ಕ್ವಿಂಗ್ಹುವಾ ಯುವಾನ್ ಎಸ್ಟೇಟ್ ನ್ ನಿರ್ಮಾಣ ಮಲ್ತೆರ್.

ಗ್ಯಾಲರಿ

ಪುನ ಸ್ಥಾಪನೆ ಮಲ್ತಿನ ಓಲ್ಡ್ ಸಮ್ಮರ್ ಅರಮನೆದ ಒಂಜಿ ದೇವಸ್ಥಾನೊ

ಹಯಾನ್ಟಾಂಗ್ ದ ಅವಶೇಶ

ವರ್ಗ:ತುಳು ಸ್ಪ್ರಿಂಗ್ ಮಂತ್ ಎಡಿಟ್-ಅಥಾನ್