ಯೆಸ್ ಬ್ಯಾಂಕ್
 |
ಯೆಸ್ ಬ್ಯಾಂಕ್ ಒಂಜಿ ಭಾರತದ ಖಾಸಗಿ ವಲಯದ ಬ್ಯಾಂಕ್. ಇಂದೆತ ಪ್ರಧಾನ ಕಚೇರಿ ಮುಂಬೈಡ್ ಉಂಡು. ಉಂದು ಚಿಲ್ಲರೆ ಗ್ರಾಹಕರೆಗ್, ಎಂಎಸ್ಎಂಇಲೆಗ್ ಬೊಕ್ಕ ಕಾರ್ಪೊರೇಟ್ ಗ್ರಾಹಕರೆಗ್ ಸೇವೆಲೆನ್ ಕೊರ್ಪುಂಡು. ಈ ಬ್ಯಾಂಕ್ನ್ ರಾಣಾ ಕಪೂರ್ ಬೊಕ್ಕ ಅಶೋಕ್ ಕಪೂರ್ ಸೇರ್ದ್ 2003ನೇ ಇಸವಿಡ್ ಸ್ಥಾಪನೆ ಮಲ್ತೆರ್. ದೇಸೊರ್ಮೆ ಈ ಬ್ಯಾಂಕ್ದ 1,198 ಶಾಖೆಲು, 193 ವ್ಯವಹಾರ ಪ್ರತಿನಿಧಿ ಕಛೇರಿಲು ಬೊಕ್ಕ 1,287ಡು ಎಚ್ಚ ಎಟಿಎಂಲು ಉಲ್ಲ. ಮಾರುಕಟ್ಟೆ ಬಂಡವಾಳದ ಆಧಾರದ ಮಿತ್ತ್ ಈ ಬ್ಯಾಂಕ್ ಇತ್ತೆ ೭ನೇ ಸ್ಥಾನೊಡು ಉಂಡು.
ಇತಿಹಾಸ
[ಸಂಪೊಲಿಪುಲೆ]1997–98ನೇ ಇಸವಿಡ್, ಮುಂಬೈ ಮೂಲದ ಮೂಜಿ ಜನ ಬ್ಯಾಂಕರ್ಲಾಯಿನ ರಾಣಾ ಕಪೂರ್, ಅಶೋಕ್ ಕಪೂರ್ ಬೊಕ್ಕ ಹರಕೀರತ್ ಸಿಂಗ್ ನೆದರ್ಲ್ಯಾಂಡ್ಸ್ ದೇಶದ ರಾಬೋಬ್ಯಾಂಕ್ ಸಹಭಾಗಿತ್ವೊಡು 'ರಾಬೋ ಇಂಡಿಯಾ ಫೈನಾನ್ಸ್' ಸಂಸ್ಥೆನ್ ಸ್ಥಾಪನೆ ಮಲ್ತೆರ್.
2003ನೇ ಇಸವಿಡ್, ಈ ಮೂಜಿ ಜನ ಬ್ಯಾಂಕರ್ಲು ರಾಬೋ ಇಂಡಿಯಾ ಫೈನಾನ್ಸ್ಡ್ ಇತ್ತಿನ ಅಕ್ಲೆನ ಪಾಲನ್ ಮಾರ್ದ್, ಬತ್ತಿನ ದುಡ್ಡುಡು 'ಯೆಸ್ ಬ್ಯಾಂಕ್' ಅನ್ನು ಸುರು ಮಲ್ತೆರ್.
ಮೇ 2004 ನೇ ಇಸವಿಡ್, ಯೆಸ್ ಬ್ಯಾಂಕ್ ಭಾರತೀಯ ರಿಸರ್ವ್ ಬ್ಯಾಂಕ್ಡ್ದ್ ಬ್ಯಾಂಕಿಂಗ್ ಲೈಸೆನ್ಸ್ ಪಡೆಯಿಂಡ್. ಸುರುಟು, ರಾಣಾ ಕಪೂರ್ ಬೊಕ್ಕ ಅಶೋಕ್ ಕಪೂರ್ ತಲಾ ಶೇ. 26 ರಷ್ಟು ಪಾಲನ್ ಹೊಂದ್ದಿತ್ತೆರ್, ರಾಬೋಬ್ಯಾಂಕ್ ಶೇ. 20 ದಾತ್, ಸುರುಟು ನೇಮಕ ಆಯಿನ ನಿರ್ದೇಶಕರೆಗ್ ಶೇ. 3 ಬೊಕ್ಕ ಒರಿದಿನ ಶೇ. 25 ಪಾಲನ್ ಖಾಸಗಿ ಈಕ್ವಿಟಿ ಸಂಸ್ಥೆಲು ಹೊಂದ್ದಿತ್ತ. ಸುರುತ ಶಾಖೆನ್ ಆಗಸ್ಟ್ 2004 ಡ್ ಸುರು ಮಲ್ತೆರ್.
ಜೂನ್ 2005 ಡ್ ಯೆಸ್ ಬ್ಯಾಂಕ್ ಭಾರತದ ಷೇರು ಮಾರುಕಟ್ಟೆಲೆಡ್ ಸೇರ್ಪಡೆ ಆಂಡ್.
ಸೆಪ್ಟೆಂಬರ್ 2016 ಡ್, ಮಾರುಕಟ್ಟೆದ ಪರಿಸ್ಥಿತಿದ ಕಾರಣೊಡ್ದು ಯೆಸ್ ಬ್ಯಾಂಕ್ ತನ್ನ ಪ್ರಸ್ತಾಪಿತ 1 ಬಿಲಿಯನ್ ಡಾಲರ್ ಮೌಲ್ಯದ ಷೇರು ಮಾರಾಟನ್ ರದ್ದು ಮಲ್ತ್ಂಡ್. ಬೊಕ್ಕ, ಹೊಸ ಬ್ಯಾಂಕರ್ಲೆನ ತಂಡನ್ ನೇಮಕ ಮಲ್ತಿನ ಬೊಕ್ಕ ಕಂಪನಿ ತನ್ನ ವಿಫಲ ಆಯಿನ ಬಂಡವಾಳ ಸಂಗ್ರಹದ ಕೆಲಸನ್ ಪಿರ ಸುರು ಮಲ್ಪೆರೆ ಪ್ರಯತ್ನ ಮಲ್ತ್ಂಡ್.
2020 ರ ಸುರುಕು, ಯೆಸ್ ಬ್ಯಾಂಕ್ ಬಂಡವಾಳ ಸಂಗ್ರಹ ಮಲ್ಪೆರೆ ಸಾಧ್ಯ ಆವಂದೆ ಇತ್ತಿನೆಡ್ದಾತ್ರ ಬ್ಯಾಂಕ್ದ ಆರ್ಥಿಕ ಸ್ಥಿತಿ ಭಾರಿ ಹಾಳಾಂಡ್. ಉಂದು ಸಾಲದ ನಷ್ಟೊಲೆಗ್ ಕಾರಣ ಆದ್, ಬ್ಯಾಂಕ್ದ ರೇಟಿಂಗ್ಲು ಕುಸಿದ್ ಪೋಂಡ್, ಹೂಡಿಕೆದಾರೆರ್ ಬಾಂಡ್ ಒಪ್ಪಂದಲೆನ್ ಪಿರ ದೆತೊನಿಯೆರೆ ಮಲ್ತ್ಂಡ್ ಬೊಕ್ಕ ಗ್ರಾಹಕರೆರ್ ಅಕ್ಲೆನ ಠೇವಣಿಲೆನ್ ಪಿರ ದೆಪ್ಪೆರೆ ಸುರು ಮಲ್ತೆರ್.
5 ಮಾರ್ಚ್ 2020 ದ್, ಆರ್ಬಿಐ ಯೆಸ್ ಬ್ಯಾಂಕ್ನ್ ತನ್ನ ನಿಯಂತ್ರಣಕ್ ದೆತೊಂಡ್. ಆರ್ಬಿಐ ಯೆಸ್ ಬ್ಯಾಂಕ್ದ ಮಂಡಳಿನ್ ಪುನರ್ರಚನೆ ಮಲ್ತ್ಂಡ್. ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಮಾಜಿ ಮುಖ್ಯ ಹಣಕಾಸು ಅಧಿಕಾರಿ ಬೊಕ್ಕ ಉಪ ವ್ಯವಸ್ಥಾಪಕ ನಿರ್ದೇಶಕರಾದ್ ಇತ್ತಿನ ಪ್ರಶಾಂತ್ ಕುಮಾರ್ ಮೆರೆನ್ ಎಂಡಿ ಬೊಕ್ಕ ಸಿಇಒ ಆದ್ ಬೊಕ್ಕ ಪಂಜಾಬ್ ನ್ಯಾಷನಲ್ ಬ್ಯಾಂಕ್ದ ಮಾಜಿ ಕಾರ್ಯನಿರ್ವಾಹಕೇತರ ಅಧ್ಯಕ್ಷ ಸುನಿಲ್ ಮೆಹ್ತಾ ಮೆರೆನ್ ಕಾರ್ಯನಿರ್ವಾಹಕೇತರ ಅಧ್ಯಕ್ಷರಾದ್ ನೇಮಕ ಮಲ್ತ್ಂಡ್.
ಆರ್ಬಿಐ ನಿರ್ದೇಶನದ ಮಿತ್ತ್, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಎಚ್ಡಿಎಫ್ಸಿ ಬ್ಯಾಂಕ್, ಐಸಿಐಸಿಐ ಬ್ಯಾಂಕ್, ಆಕ್ಸಿಸ್ ಬ್ಯಾಂಕ್ ಬೊಕ್ಕ ಬೇತೆ ಹಣಕಾಸು ಸಂಸ್ಥೆಲು ಪುನರ್ರಚನಾ ಯೋಜನೆದ ಮೂಲಕ ಯೆಸ್ ಬ್ಯಾಂಕ್ಗ್ ಬಂಡವಾಳ ಹೂಡಿಕೆ ಮಲ್ತ್ದ್ ಸಹಾಯ ಮಲ್ತ್ಂಡ್.
ಅಂಗಸಂಸ್ಥೆ
[ಸಂಪೊಲಿಪುಲೆ]'ಯೆಸ್ ಸೆಕ್ಯುರಿಟೀಸ್ (ಇಂಡಿಯಾ) ಲಿಮಿಟೆಡ್' ಯೆಸ್ ಬ್ಯಾಂಕ್ದ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾಗಿದೆ. ಉಂದು ಚಿಲ್ಲರೆ ಗ್ರಾಹಕರೆಗ್, ಮಲ್ಲ ಹೂಡಿಕೆದಾರೆರೆಗ್ ಬೊಕ್ಕ ಸಾಂಸ್ಥಿಕ ಗ್ರಾಹಕರೆಗ್ ಸಂಪತ್ತು ನಿರ್ವಹಣೆ, ಸಾಂಸ್ಥಿಕ ಇಕ್ವಿಟಿ ಮಾರಾಟ ಬೊಕ್ಕ ಹೂಡಿಕೆ ಸಲಹೆದಂಚಿನ ಸೇವೆಲೆನ್ ಕೊರ್ಪುಂಡು.
ನಿಷೇಧ
[ಸಂಪೊಲಿಪುಲೆ]5 ಮಾರ್ಚ್ 2020 ದ್, ಭಾರತೀಯ ರಿಸರ್ವ್ ಬ್ಯಾಂಕ್ ಗ್ರಾಹಕರೆನ ಬೊಕ್ಕ ಠೇವಣಿದಾರೆರೆನ ಹಿತದೃಷ್ಟಿಡ್ದು ಯೆಸ್ ಬ್ಯಾಂಕ್ದ ಆಡಳಿತ ಮಂಡಳಿನ್ ಅಮಾನತು ಮಲ್ತ್ದ್ ತನ್ನ ಸುಪರ್ದಿಗೆ ದೆತೊನುವೆ ಬೊಕ್ಕ ಇಂದೆತ್ತ ವಹಿವಾಟುದ ಮಿತ್ತ್ 30 ದಿನತ್ತ ನಿಷೇಧ ಹೇರುವೆ ಪಂದ್ ಘೋಷಣೆ ಮಲ್ತ್ಂಡ್.
ಈ ನಿಷೇಧದ ಅವಧಿಡ್, ಯೆಸ್ ಬ್ಯಾಂಕ್ ಗ್ರಾಹಕರೆಗ್ ಬರ್ಪುನ ಒಂಜಿ ತಿಂಗೊಲು ಮುಟ್ಟ ಅಕ್ಲೆನ ಖಾತೆಡ್ದ್ ಗರಿಷ್ಠ ₹50,000 ಮುಟ್ಟ ಮಾತ್ರ ಪಿರ ದೆಪ್ಪೆರೆ ಅವಕಾಶ ಕೊರಿಯೆರ್. ಆಂಡ ವೈದ್ಯಕೀಯ ಚಿಕಿತ್ಸೆ, ತುರ್ತು ಪರಿಸ್ಥಿತಿಲು, ಉನ್ನತ ಶಿಕ್ಷಣದ ವೆಚ್ಚ ಬೊಕ್ಕ ಮದ್ಮೆದಂಚಿನ ಕಡ್ಡಾಯ ಸಮಾರಂಭದ ವೆಚ್ಚದಂಚಿನ ಕೆಲವು ನಿರ್ದಿಷ್ಟ ಸಂದರ್ಭಡ್ ಮಾತ್ರ, ಆರ್ಬಿಐ ಒಪ್ಪಿಗೆ ದೆತೊಂದು ಹೆಚ್ಚದ ದುಡ್ಡು ದೆಪ್ಪೆರೆ ವಿನಾಯಿತಿ ಇತ್ತ್ಂಡ್. ಇಂದೆಡ್ದ್ ಬಳಕೆದಾರೆರ್ ಆನ್ಲೈನ್ ವಹಿವಾಟು ಮಲ್ಪೆರೆ ಬೊಕ್ಕ ಯುಪಿಐ (UPI) ಪಾವತಿ ಸೇವೆಲೆನ್ ಉಪಯೋಗ ಮಲ್ಪೆರೆ ಭಾರಿ ತೊಂದರೆ ಆಂಡ್.
ನಿಷೇಧ ಮಲ್ತಿನಿ ದಾಯೆ
[ಸಂಪೊಲಿಪುಲೆ]ಆರ್ಬಿಐ ಯೆಸ್ ಬ್ಯಾಂಕ್ ವಹಿವಾಟುದ ಮಿತ್ತ್ 30 ದಿನದ ನಿಷೇಧ ಹೇರೆರೆ ನಾಲ್ ಮುಖ್ಯ ಕಾರಣ ಇತ್ತ್ಂಡ್:
- ನಿಷ್ಕ್ರಿಯ ಆಸ್ತಿಲೆನ ಭಾರಿ ಹೆಚ್ಚಳ- ಯೆಸ್ ಬ್ಯಾಂಕ್ ಕೊರ್ತಿನ ಮಲ್ಲ ಪ್ರಮಾಣದ ಸಾಲಲು - ಮುಖ್ಯವಾದ್ ಅನಿಲ್ ಅಂಬಾನಿ ಗ್ರೂಪ್, ಐಎಲ್&ಎಫ್ಎಸ್, ಡಿಎಚ್ಎಫ್ಎಲ್ ನಂಚಿನ ಸಂಕಟಡಿತ್ತಿನ ಮಲ್ಲ ಕಾರ್ಪೊರೇಟ್ ಸಂಸ್ಥೆಲೆಗ್ ಕೊರ್ತಿನ ಸಾಲಲು - ಪಿರ ಬರವಂದೆ ವಸೂಲಾಗದ ಬಾಕಿ ದುಡ್ಡಾದ್ ಬದಲಾದಿತ್ತ್ಂಡ್.
- ಪೊಸತ್ ಬಂಡವಾಳ ಸಂಗ್ರಹ ಮಲ್ಪೆರೆ ವಿಫಲ ಆಯಿನ- ಬ್ಯಾಂಕ್ದ ಆರ್ಥಿಕ ಸ್ಥಿತಿನ್ ಸುಧಾರಣೆ ಮಲ್ಪೆರೆ ಬೊಕ್ಕ ಈ ನಷ್ಟನ್ ಸರಿದೂಗಿಸೆರೆ ಬ್ಯಾಂಕ್ಗ್ ತುರ್ತಾದ್ ಹೊಸ ಬಂಡವಾಳದ ಅಗತ್ಯ ಇತ್ತ್ಂಡ್. ಆಂಡ ಆಡಳಿತ ಮಂಡಳಿ ಹೊಸ ಹೂಡಿಕೆದಾರೆರೆಡ್ದ್ ಬಂಡವಾಳ ಕ್ರೋಢೀಕರಿಸೆರೆ ವಿಫಲ ಆಂಡ್.
- ತಪ್ಪು ಬೊಕ್ಕ ಸುಳ್ಳು ವರದಿಲು- ಯೆಸ್ ಬ್ಯಾಂಕ್ ತನ್ನ ಕೈಟಿತ್ತಿನ ನಿಷ್ಕ್ರಿಯ ಆಸ್ತಿಲೆನ ನಿಜವಾದ ಮೊತ್ತನ್ ದೆಂಗಾದ್ ದೀದ್, ಆರ್ಬಿಐಗೆ ಕಮ್ಮಿ ಪ್ರಮಾಣದ ವರದಿ ಕೊರ್ತಿತ್ತ್ಂಡ್. ಅತ್ತಂದೆ, ನಮಕ್ ಹೊಸ ಹೂಡಿಕೆ ತಿಕ್ಕುಂಡು ಪಂದ್ ಹೂಡಿಕೆದಾರೆರೆಗ್ ಬೊಕ್ಕ ಸಾರ್ವಜನಿಕರೆಗ್ ತಪ್ಪು ಭರವಸೆದ ಹೇಳಿಕೆಲೆನ್ ಕೊರೊಂದು ಬತ್ತ್ಂಡ್.
- ಠೇವಣಿಲೆನ್ ಪಿರ ದೆತೊಂಡಿನ ಗ್ರಾಹಕರೆರ್- ಬ್ಯಾಂಕ್ದ ಆರ್ಥಿಕ ಪರಿಸ್ಥಿತಿ ಹಾಳಾವೊಂದುಪ್ಪುನ ವಿಷಯ ಗೊತ್ತಾಯಿನ ತಕ್ಷಣ, ಮಲ್ಲ ಗ್ರಾಹಕರೆರ್ ಬೊಕ್ಕ ಕಾರ್ಪೊರೇಟ್ ಸಂಸ್ಥೆಲು ಅಕ್ಲೆನ ಠೇವಣಿಲೆನ್ ಬ್ಯಾಂಕ್ಡ್ದ್ ಭಾರಿ ಬೇಗ ಪಿರ ದೆಪ್ಪೆರೆ ಸುರು ಮಲ್ತೆರ್. ಇಂದೆಡ್ದ್ ಬ್ಯಾಂಕ್ಡ್ ದೈನಂದಿನ ವಹಿವಾಟುಗ್ ದುಡ್ಡದ ಕೊರತೆ ಎದುರಾಂಡ್.
ಬ್ಯಾಂಕ್ ಪೂರ ಮುರ್ಕುನೆನ್ ತಡೆಪೆರೆ ಬೊಕ್ಕ ಸಾಮಾನ್ಯ ಗ್ರಾಹಕರೆನ ಹಿತದೃಷ್ಟಿಡ್ದು ಆರ್ಬಿಐ ಮಧ್ಯಪ್ರವೇಶ ಮಲ್ತ್ದ್, ಬ್ಯಾಂಕ್ನ್ ತನ್ನ ಸುಪರ್ದಿಗೆ ದೆತೊಂಡ್.