ರಾಣಿ ವೇಲು ನಾಚಿಯಾರ್

ರಾಣಿ ವೇಲು ನಾಚಿಯಾರ್ "ವೀರಮಂಗೈ" ರಾಣಿ ವೇಲು ನಾಚಿಯಾರ್ (3 ಜನವರಿ 1730 - 25 ಡಿಸೆಂಬರ್ 1796) ಶಿವಗಂಗಾ ಎಸ್ಟೇಟ್ ದ ರಾಣಿಯಾದ್ ೧೭೮೦ದ್-೧೭೯೦ಡ್ ಮುಟ್ಟ ಆರೆನ ಕಾಲಘಟ್ಟೊ.ಭಾರತೊಡು ಈಸ್ಟ್ ಇಂಡಿಯಾ ಕಂಪೆನಿ (ಇಐಸಿ) ಬುಕ್ಕೊ ಯುದ್ಧ ಮಲ್ತಿನ ಸುರುತ ಭಾರತೀಯ ರಾಣಿ ಆರ್. ತಮಿಳುಲು ಆರ್ನ್ ವೀರಮಂಗೈ ("ಧೈರ್ಯಶಾಲಿ ಪೊಣ್ಣು") ಪಂಡ್ದ್ ಹೆಮ್ಮೆಡ್ ಲೆಪ್ಪುವೆರ್. ಆರ್ ಇಐಸಿನ್ ಯುದ್ಧ ಮಲ್ತೆರ್.

ರಾಣಿ ವೇಲು ನಾಚಿಯಾರ್

ಬಾಲ್ಯ,ಜೀವನ

ವೇಲು ನಾಚಿಯಾರ್ ರಾಮನಾಥಪುರದ ರಾಜಕುಮಾರಿ ಬೊಕ್ಕ ರಾಮನಾಡ್ ರಾಜ್ಯದ ರಾಜೆ ಚೆಲ್ಲಮುತು ವಿಜಯರಗುಣಾಥ ಸೇತುಪತಿ ಬೊಕ್ಕ ರಾಣಿ ಸಕಂಧಿಮುಠಾಲ್ ನ ಒಂಜೇ ಮಗೆ. ನಚಿಯಾರ್ ಯುದ್ಧದ ಅನೇಕ ವಿಧಾನೊಲೆಡ್ ತರಬೇತಿ ಪಡೆಯೆರ್, ಉಂದೆಟ್ ಯುದ್ಧ ಪಂದ್ಯೊದ ಶಸ್ತ್ರಾಸ್ತ್ರೊಲೆನ ಬಳಕೆ, ವಲಾರಿ, ಸಿಲಂಬಾಂ, ಕಲಾರಿಪಯಟ್ಟು, ಕುದುರೆ ಸವಾರಿ, ಬೊಕ್ಕ ಬಿಲ್ಲುಗಾರಿಕೆದಂಚಿನ ಸಮರ ಕಲೆಲು ಸೇರ್ದ್ ಉಪ್ಪುಂಡು. ಆರ್ ಮಸ್ತ್ ಬಾಸೆಲೆಡ್ ವಿದ್ವಾಂಸೆರ್ ಬೊಕ್ಕ ಫ್ರೆಂಚ್, ಇಂಗ್ಲಿಷ್ ಬೊಕ್ಕ ಉರ್ದುದಂಚಿನ ಬಾಸೆಲೆಡ್ ಪ್ರವೀಣೆರ್ ಆದಿತ್ತೆರ್. ೧೭೪೬ಡ್, ಆರ್ ಮುತು ವದುಗನಾಥ ಪೆರಿಯಾವುದಯ ತೇವರ್ ನೊಟ್ಟುಗು ಮದಿಮೆ ಆಯೆರ್, ರಾಜಕುಮಾರನ ನಿಕಟ ಸಲಹೆಗಾರೆ, ಗುರು, ಬೊಕ್ಕ ವಿಶ್ವಾಸಾರ್ಹೆ ಆದ್ ಸೇವೆ ಮಲ್ತೆರ್.ಕಲೈಯಾರ್ ಕೋವಿಲ್ ಡ್ದ್ 12 ಕಿ.ಮೀ ದೂರೊಡು ಮರವಾರ್ ಮಂಗ್ಲಾಮ್ ಡ್ ಅರೆನ ಗಂಡ ಮುತು ವದುಗನಾಥ ಪೆರಿಯಾವುದಯ ತೇವರ್ ಯುದ್ಧ ನಡತಿನಗ. 1772ಡ್ ಕಲೈಯಾರ್ಕೊಯಿಲ್ ಡ್ ಇಐಸಿ ಸೈನಿಕೆರೆನ ದಾಳಿಡ್ ಎರಡನೆ ದಿನ ಸೈತಿನಗ, ಅಲೆನ್ ಯುದ್ಧೊಗು ಸೇರಾಯೆರ್. ವೇಲು ನಚಿಯಾರ್ ಶಿವಗಂಗಾಯಿಡ್ದ್ ಪಿದಯಿ ಪೋದು ಹೈದರ್ ಅಲಿನ ಸಹಾಯೊನು ಕೋರಿನೆರ್, ದಿಂಡಿಗುಲ್ ಪಂಡ ಹೈದರ್ ಅಲಿನ ಆಳ್ವಿಕೆದ ಗಡಿ ರಾಜ್ಯ. ಆರ್ ವಿರುಪಾಚಿ ಕೋಟೆಡ್ ಉಂತುವೆರ್. ಎಂಟು ವರ್ಷೊದ ಯೋಜನೆದ ನಂತರ - ಅನೇಕ ನಟ್ಟು ಅಂಬಲಾರ್ ಲೆನ ಬೆಂಬಲೊಡು, ಕಮಾಂಡರ್ ಮರುಧು ಸೋದರರು, ಬೊಕ್ಕ ಥಂಡಾವರಾಯನ್ ಪಿಳ್ಳೈ - ಟಿಪ್ಪು ಸುಲ್ತಾನ್ ನ ಯುದ್ಧದ ಸಮಯೊಡು ಬೆಂಬಲೊಡು ಆರ್ ಬ್ರಿಟಿಷ್ ಈಸ್ಟ್ ಇಂಡಿಯಾ ಕಂಪೆನಿದ ವಿರುದ್ಧ ಯುದ್ಧ ಮಲ್ತೆರ್.೧೭೮೦ನೇ ಇಸವಿಡ್ ವೇಲು ನಚಿಯರ್ ಬ್ರಿಟಿಷೆರೆನ ವಿರುದ್ಧ ಯುದ್ಧ ಮಲ್ತ್‌ದ್ ಯಶಸ್ವಿಯಾದ್ ತನ್ನ ರಾಜ್ಯೊನು ಪಿರ ಗೆತೊನುವೆರ್. ಆರ್ ಪತ್ತ್ ವರ್ಸೊಗು ಆಡಳಿತ ಮಲ್ತೆರ್ ಬೊಕ್ಕ 1796ಡ್ ತೀರ್ ಪೋಯೆರ್. 1790ಡ್, ಆರ್ನ ಮಗೆ ವೆಲ್ಲಾಚಿ ರಾಜ್ಯೊನು ದೆತೊನುವೆರ್. ಆರ್ ತನ್ನ ಮಗೆಗ್ ರಾಜ್ಯೊದ ಆಡಳಿತೊಗು ಸಹಾಯ ಮಲ್ಪೆರೆ ಮರುದು ಸೋದರೆರೆನೊಟ್ಟುಗು ಅಧಿಕಾರೊಲೆನ್ ಕೊರ್ತೆರ್. ವೇಲು ನಾಚಿಯಾರ್ ಕೆಲವು ವರ್ಷೊಡ್ದು ಬೊಕ್ಕ, ಡಿಸೆಂಬರ್ ೨೫, ೧೭೯೬ಡ್ ತೀರ್ ಪೋಯೆರ್.

ಜನಪ್ರಿಯ ಸಂಸ್ಕೃತಿ

ಅಂಚೆ ಚೀಟಿ

ಡಿಸೆಂಬರ್ ೩೧, ೨೦೦೮ಡ್, ಅಲೆನ ಪುದರ್ಡ್ ಒಂಜಿ ಸ್ಮರಣಾರ್ಥ ಅಂಚೆ ಚೀಟಿನ್ ಬಿಡುಗಡೆ ಮಲ್ತೆರ್. ಚೆನ್ನೈದ OVM ಡಾನ್ಸ್ ಅಕಾಡೆಮಿ "VELU NACHIYAR" ನ್ ಶಿವಗಂಗಾ ರಾಣಿನ ಮಿತ್ತ್ ಗ್ರ್ಯಾಂಡ್ ಡಾನ್ಸ್ ಬ್ಯಾಲೆಟ್ ನ್ ಪ್ರಸ್ತುತ ಮಲ್ತೊಂದುಲ್ಲೆರ್. ಪ್ರೊಫೆಸರ್ ಎ.ಎಲ್.ಐ., ಒರಿ ತಮಿಳು-ಅಮೆರಿಕನ್ ಹಿಪ್-ಹಾಪ್ ಕಲಾವಿದೆ, 2016ಡ್ ತನ್ನ ತಮಿಳುಮ್ಯಾಟಿಕ್ ಆಲ್ಬಮ್ ದ ಭಾಗವಾದ್ "ನಮ್ಮ ರಾಣಿ" ಪನ್ಪಿನ ವೇಲು ನಚಿಯಾರ್ ಗ್ ಸಮರ್ಪಿತವಾದ್ ಒಂಜಿ ಪಾಡ್ದನೊನು ಬಿಡುಗಡೆ ಮಲ್ತೆರ್. ೨೦೧೭ ಆಗಸ್ಟ್ ೨೧ ತಾರೀಕ್ ಗ್ ಚೆನ್ನೈದ ನಾರಾಧಾ ಗಾನ ಸಭಾಡ್ ರಾಣಿ ವೇಲು ನಾಚಿಯಾರ್ ನ ಜೀವನ ಚರಿತ್ರೆನ್ ಚಿತ್ರಿಸವುನ ಒಂಜಿ ಭವ್ಯವಾದ್ ನಲಿಕೆದ ಬ್ಯಾಲೆ ನಡತ್ಂಡ್. ಈ ನಾಟಕೊನು ಶ್ರೀರಾಮ್ ಶರ್ಮಾ ನಿರ್ದೇಶನ ಮಲ್ತೆರ್, ಸುಮಾರ್ ಒಂಜಿ ದಶಕೊಗು ರಾಣಿನ ಜೀವನ ಚರಿತ್ರೆನ್ ಸಂಶೋಧನೆ ಮಲ್ತೆರ್.