ರಾಬರ್ಟ್ ಕಾಲ್ಡ್ವೆಲ್
ರಾಬರ್ಟ್ ಕಾಲ್ಡ್ವೆಲ್ | |
|---|---|
 | |
| ಪುಟ್ಟು | 7 ಮೇ 1814 [ಕ್ಲಾಡಿ, ಕೌಂಟಿ ಟೈರೋನ್, ಕೌಂಟಿ ಟೈರೋನ್, ಉತ್ತರ ಐರ್ಲೆಂಡ್ |
| ಸಾವು | 28 August 1891 (aged 77) ಕೊಡೈಕನಾಳ, ಮದುರ ಜಿಲ್ಲೆ (ಮದ್ರಾಸ್ ಅಧ್ಯಕ್ಷತೆ), ಮದ್ರಾಸ್ ಅಧ್ಯಕ್ಷತೆ, ಬ್ರಿಟಿಷ್ ಇಂಡಿಯಾ |
| ಸಮಾಧಿ ಮಲ್ತಿನ ಜಾಗೆ | ಇದಯಂಗುಡಿ, ತಿರುನೆಲ್ವೆಲಿ ಜಿಲ್ಲೆ, ತಮಿಳುನಾಡು, ಭಾರತ |
| ಪೌರತ್ವೊ | ಬ್ರಿಟಿಷ್ ಜನೊ |
| ಬೇಲೆಲು | ಮಿಷನರಿ, ಭಾಷಾತಜ್ಞೆ |
| ಪುಗರ್ತೆದ ಕ್ಷೇತ್ರೊ | ದಕ್ಷಿಣ ಭಾರತೊಡು ಬಿಷಪ್ |
| ಸಂಗಾತಿ |
Eliza mault (m. ೧೮೪೪) |
ರಾಬರ್ಟ್ ಕಾಲ್ಡ್ವೆಲ್ (7 ಮೇ 1814 - 28 ಆಗಸ್ಟ್ 1891) ಇಂಬೆರ್ ಒರಿ ಬ್ರಿಟಿಷ್ ಮಿಷನರಿ ಬುಕ್ಕೊ ಭಾಷಾಶಾಸ್ತ್ರ ತಜ್ಞೆರ್. ಲಂಡನ್ ಮಿಷನರಿ ಸೊಸೈಟಿದ ಮಿಷನರಿ ಆರೆನ 24ನೇ ವರ್ಸೊ ಪ್ರಾಯೊಡು ಬ್ರಿಟಿಷ್ ಭಾರತಗ್ ಬತ್ತೇರ್. ಮುಲ್ಪದ ಜನಕ್ಲೆಗ್ ಅಕುಲೆನ ಜಾಗದ ಬಾಸೆಡೇ ಬೈಬಲ್ದ ಪಾತೆರೊಲೆನ್ ಪಟ್ಟರೆಗಾದ್ ಮುಲ್ಪದ ಪ್ರದೇಸೊದ ಬಾಸೆಲೆನ್ ಬಾರೀ ಉಮೇದ್ಡ್ ಕಲ್ತೇರ್. ಈ ಕಲ್ಪಾಟದ ಅದ್ಯಯನೊದ ಪಿರಾವುಡು ಅರೆಗ್ ದಕ್ಷಿಣ ಭಾರತೀಯ ಭಾಷೆಲೆನ ತುಲನಾತ್ಮಕ ವ್ಯಾಕರಣೊದ(A comparative grammar of the Dravidian or South-Indian family of languages) ಬಗ್ಗಟ್ ಒಂಜಿ ಬೂಕುನು ಬರೆಯೆರೆ ಸಾಯೊ ಆಂಡ್. ಕಾಲ್ಡ್ವೆಲ್ ಬೂಕುಡು ಒಂಜಿ ಪೊಸ ವಿಚಾರೊನು ತೋಜಪಾಯೆರ್. ಪ್ರಪಂಚೊದ ಪಿರಾಕ್ದ ಬಾಸೆಲಾಯಿನ ಹೀಬ್ರೂ ಬಾಸೆದ ಪರತ್ ಒಡಂಬಡಿಕೆ(Old Testament), ಅಂಚನೆ ಪಿರಾಕ್ದ ಗ್ರೀಕ್ ಬಾಸೆ ಬುಕ್ಕೊ ಇತಿಯಾಸಗಾರೆ ಟಾಲೆಮಿ ಗುರುತು ಮಲ್ತ್ನ ಜಾಗೆಲೆನ ಪುದರ್ಲೆಡ್ ದ್ರಾವಿಡ ಪದೊಕುಲು ಉಂಡು ಪಂಡ್ದ್ ಪ್ರಸ್ತಾಪ ಮಲ್ತೆರ್. [೧] ಭಾರತೊಡೇ ಸೇವೆ ಮಲ್ತೊಂದಿತ್ತಿನ ನನೊರಿ ಮಿಷನರಿ ಆಯಿನ ರೆವರೆಂಡ್ ಚಾರ್ಲ್ಸ್ ಮೌಲ್ಟ್ ಇಂಬೆರೆನ ಮಗಳಾಯಿನ ಎಲಿಜಾ ಮೌಲ್ಟ್ ಮೆರೆನ್ ಕಾಲ್ಡ್ವೆಲ್ ಮದ್ಮೆ ಆಯೆರ್. ಇಂಬೆರ್ 1877ಡ್ದ್ ತಿರುನಲ್ವೇಲಿದ ಸಹಾಯಕ ಬಿಷಪ್ ಆದ್ ಸೇವೆ ಮಲ್ತೇರ್. ತಮಿಳುನಾಡ್ ಸರ್ಕಾರೊ ಇಂಬೆರೆನ ನೆನಪುಗೋಸ್ಕರ ಒಂಜಿ ಮಲ್ಲ ಸ್ಮಾರಕನ್ ಮಲ್ತ್ದೆರ್. ಅಂಚನೆ ಅರೆನ ಪುದರ್ಡ್ ಅಂಚೆ ಚೀಟಿನ್ (Postage Stamp) ಬಿಡುಗಡೆ ಆತ್ಂಡ್.[೨] ದಕ್ಷಿಣ ಭಾರತದ ಚರ್ಚ್ದ (CSI) ಉಡುಗೊರೆಯಾದ್ 1967ಡ್ ಚೆನ್ನೈದ ಮರೀನಾ ಬೀಚ್ ಕೈತಲ್ ಕಾಲ್ಡ್ವೆಲ್ನ ಒಂಜಿ ಪೊರ್ಲುದ ಪ್ರತಿಮೆನ್ ಸ್ತಾಪನೆ ಮಲ್ತ್ದೆರ್.
ಸುರುತ ಜೀವನೊ
[ಸಂಪೊಲಿಪುಲೆ]ರಾಬರ್ಟ್ ಕಾಲ್ಡ್ವೆಲ್ ಕ್ಲಾಡಿ, ಕೌಂಟಿ ಟೈರೋನ್, ಉತ್ತರ ಐರ್ಲೆಂಡ್ಡ್ 7 ಮೇ 1814 ಗ್ ಬಡ ಅಲ್ಸ್ಟರ್ ಸ್ಕಾಟ್ಸ್ ಪ್ರೆಸ್ಬಿಟೇರಿಯನ್ ಅಪ್ಪೆ ಅಮ್ಮೆರೆಗ್ ಪುಟ್ಟುವೆರ್. ಆ ಕುಟುಮ್ಮೊಗ್ಲಾಸ್ಗೊಗು ಪೋಯೆರ್ ಬೊಕ್ಕ ಅಲ್ಪ ಆರ್ ಒಂಜಿ ವರ್ಸೊ ಪ್ರಾಯೊಡು ಬೇಲೆ ಸುರು ಮಲ್ತೆರ್. ಹೆಚ್ಚಾದ್ ಸ್ವಯಂ ಕಲ್ಪುನ, ಆರ್ 15 ವರ್ಸೊದ ಪ್ರಾಯೊಡು ಐರ್ಲೆಂಡ್ಗ್ ವಾಪಸ್ ಬತ್ತೆರ್. 1829 ಬೊಕ್ಕ 1833 ನಡುಟು ಕಲೆನ್ ಅದ್ಯಯನ ಮಲ್ಪುನಗ ಡಬ್ಲಿನ್ಡ್ ಒರಿ ಮಲ್ಲ ಮೆಗ್ಯೆನೊಟ್ಟುಗು ಜೀವನ ಮಲ್ತೆರ್. ಅಪಗ ಆರ್ ಗ್ಲಾಸ್ಗೊಗು ವಾಪಸ್ ಬತ್ತೆರ್. ಬಹುಶಃ ನಂಬಿಕೆದ ಬಿಕ್ಕಟ್ಟುದ ಪರಿಣಾಮವಾದ್, ಬೊಕ್ಕ ಆರ್ ಕಂಗ್ರೆಗೇಶನಲ್ ಚರ್ಚ್ಡ್ ಕ್ರಿಯಾಶೀಲರಾಯೆರ್.
ಕಾಲ್ಡ್ವೆಲ್ ಆಕ್ಸ್ಫರ್ಡ್ದ ಬ್ಯಾಲಿಯೊಲ್ ಕಾಲೇಜ್ಗ್ ಒಂಜಿ ವಿದ್ಯಾರ್ತಿವೇತನೊನು ಗೆಂದಿಯೆರ್. ಆಂಡ ಅದಿಕಾರಿಲು ಆರ್ ಐರ್ಲೆಂಡ್ಡ್ ಪುಟ್ಟುದುಪ್ಪುನವು ತೆರಿನಗ ಅಯಿನ್ ರದ್ದ್ ಮಲ್ತೆರ್. ಲಂಡನ್ ಮಿಷನರಿ ಸೊಸೈಟಿಗ್ ಸೇರ್ದ್ ಗ್ಲಾಸ್ಗೊ ವಿಶ್ವವಿದ್ಯಾಲಯೊಗು ತರಬೇತಿಗ್ ಕಡಪುಡುವೆರ್. ಅಲ್ಪ ಕಾಲ್ಡ್ವೆಲ್ ಡೇನಿಯಲ್ ಕೀಟ್ ಸ್ಯಾಂಡ್ಫೋರ್ಡ್ಡ್ದ್ ಪ್ರಬಾವಿತೆರಾಪೆರ್. ಗ್ರೀಕ್ ಬಾಸೆದ ಪ್ರಾದ್ಯಾಪಕೆರ್ ಬುಕ್ಕೊಆಂಗ್ಲಿಕನ್ ದರ್ಮದ ಪ್ರವರ್ತಕೆರ್ ಆರೆನ ಪೊಸ ಸಂಶೋದನೆ ಕಾಲ್ಡ್ವೆಲ್ಗ್ ತುಲನಾತ್ಮಕ ಭಾಷಾಶಾಸ್ತ್ರ ಬುಕ್ಕ ದರ್ಮಶಾಸ್ತ್ರೊದ ಇಚ್ಚೆಗ್ ಪ್ರೋತ್ಸಾಹಿಸಯೆರ್. ಕಾಲ್ಡ್ವೆಲ್ ವಿಶ್ವವಿದ್ಯಾಲಯೊನು ಒಂಜಿ ಗೌರವೊಡು ಬುಡ್ದು ಪೋಯೆರ್ ಬುಕ್ಕೊ ಒರಿ ಕಂಗ್ರೆಗೇಷನಲಿಸ್ಟ್ ಸಚಿವೆರಾದ್ ನೇಮಕ ಆಯೆರ್.
24ನೆ ಪ್ರಾಯೊಡು ಕಾಲ್ಡ್ವೆಲ್ ಜನವರಿ 8, 1838ಡ್ ಲಂಡನ್ ಮಿಷನರಿ ಸೊಸೈಟಿದ ಮಿಷನರಿ ಆದ್ ಮದ್ರಾಸ್ಗ್ ಬತ್ತೆರ್. ನನೊಂಜಿ ಸರ್ತಿ ಸೊಸೈಟಿ ಫಾರ್ದ ಪ್ರೊಪಗೇಷನ್ ಆಫ್ ದ ಗಾಸ್ಪೆಲ್ ಮಿಷನ್ (ಎಸ್ ಪಿ ಜಿ) ಗ್ ಸೇರ್ದೆರ್. ಆರೆನ ಮಿಷನರಿ ಉದ್ದೇಶೊಲೆನ್ ಮುಂದುವರಿಸಯರ, ಕಾಲ್ಡ್ವೆಲ್ "ಜನಸಾಮಾನ್ಯೆರೆನ್" ದರ್ಮ ಪರಿವರ್ತನೆ ಮಲ್ಪೆರೆ ತಮಿಳು ಬಾಸೆಡ್ ಪ್ರವೀಣೆರಾವೊಡು ಪನ್ಪಿನೆನ್ ಅರ್ತ ಮಲ್ತೆರ್? ಬುಕ್ಕೊ ಆರ್ ಬಾಸೆದ ವ್ಯವಸ್ತಿತ ಅದ್ಯಯನೊನು ಸುರು ಮಲ್ತೆರ್. 1877ಡ್ ಟಿರುನೆಲ್ವೆಲಿದ ಬಿಷಪ್ ಮಲ್ತೆರ್. 1844ಡ್, ಕಾಲ್ಡ್ವೆಲ್ ಎಲಿಜಾ ಮೌಲ್ಟ್ (1822-1899) ನ್ ಸಿಎಸ್ಐ ಹೋಮ್ ಚರ್ಚ್, ನಗರ್ಕೋಯಿಲ್ಡ್ ಮದಿಮೆ ಆಯೆರ್.[೩] ಅರೆಗ್ ಏಳ್ ಜೋಕುಲು ಪುಟ್ಟುವೆರ್. ನಾಗರ್ಕೋಯಿಲ್ಡ್ ಪುಟ್ಟುನ ಎಲಿಜಾ ಮೌಲ್ಟ್, ಲಂಡನ್ ಮಿಷನರಿ ಸೊಸೈಟಿದ ರೆವರೆಂಡ್ ಚಾರ್ಲ್ಸ್ ಮೌಲ್ಟ್ (1791-1858) ಪನ್ಪಿನ ಟ್ರಾವಂಕೋರ್ ಮಿಷನರಿನ ಎಲ್ಯ ಮಗಳ್. ನಲ್ಪೊ ವರ್ಸೊಡ್ದ್ ಜಾಸ್ತಿ ಕಾಲೊ, ಎಲಿಜಾ ಇಡೈಯಾಂಗುಡಿ ಬುಕ್ಕೊ ತಿರುನೆಲ್ವೆಲಿಡ್ ಜನೊಕುಲೆನ್, ವಿಶೇಷವಾದ್ ತಮಿಳು ಪಾತೆರುನ ಪೊಣ್ಣುಲೆನ್ ಮತಾಂತರ ಮಲ್ಪುನ ಕೆಲಸ ಮಲ್ತೆರ್. [೩]
ಕಾಲ್ಡ್ವೆಲ್ನ ತುಲನಾತ್ಮಕ ವ್ಯಾಕರಣ
[ಸಂಪೊಲಿಪುಲೆ]
ಕಾಲ್ಡ್ವೆಲ್ ಒಂಜಿ ಪುಗರ್ತೆ ಪಡೆಯಿನ ಬೂಕುನು ಬರೆಯೆರ್. ದ್ರಾವಿಡ ಅತ್ತಂದೆ ದಕ್ಷಿಣ ಭಾರತೊದ ಬಾಸೆಲೆನ ತುಲನಾತ್ಮಕ ವ್ಯಾಕರಣ . ದಕ್ಷಿಣ ಭಾರತೊಡು ಬ್ರಾಹ್ಮಣೆರೆನ್ ಇಂಡೋ-ಯುರೋಪಿಯನ್ಲೆನೊಟ್ಟುಗು ಗುರುತಿಸಯೆರ್. ಉಂದು ಭಾಗಶಃ ಇಂಡೋ-ಯುರೋಪಿಯನ್ಲೆಗ್ "ಎಚ್ಚಿನ ಮಾನಸಿಕ ಕೊಡುಗೆಲು ಬುಕ್ಕೊ ನಾಗರಿಕತೆಗ್ ಎಚ್ಚದ ಸಾಮರ್ತೊ" ಉಂಡು ಪನ್ಪುನ ಅರೆನ ಸುಳ್ಲು ವೈಜ್ಞಾನಿಕ ನಂಬಿಕೆನ್ ಆದಾರವಾದ್ ಇತ್ತ್ಂಡ್.[೪] ಕಾಲ್ಡ್ವೆಲ್ ತಮಿಳು ಭಾಷೆ ಪಾತೆರುನಗ್ಲೆನ್ '''ಪ್ರಾದೇಶಿಕ ದ್ರಾವಿಡ"' ಜನಕುಲು ಪಂಡ್ದ್ ದ್ರಿಡೊ ಮಲ್ತೆರ್. ಜನಾಂಗೀಯವಾದ್ ಬುಕ್ಕೊ ಧಾರ್ಮಿಕವಾದ್ ತಿರ್ತ ಜಾತಿದಕ್ಲೆನ್ ಮಿತ್ತ ಜಾತಿದ ದಬ್ಬಾಳಿಕೆಡ್ದ್ ಪಿರ ಕೊಂಡತ್ತ್ದ್ ಅಗ್ಲೆನ್ '"ಬ್ರಾಹ್ಮಣೀಯ ಆರ್ಯೆರ್"' ಪಂಡ್ದ್ ಲೆತ್ತೆರ್. ಈ ಪೊರ್ತುಡು '"ಆರ್ಯನ್"'ನ್ ಬ್ರಾಹ್ಮಣ್ಯೊನು ಹಿಂದೂ ದರ್ಮೊದ ಮಿತ್ತಜಾತಿಂದ್ ಗುರ್ತಿಸಬೆರ್. [೫] ಭಾಷಾ ವಿಜ್ಞಾನದ ವ್ಯಾಪ್ತಿಡ್ದ್ ಪೆರ ಇತ್ತಿನ ಈ ಊಹೆದ ವಾದೊಲು, 'ಮುಲ್ಪದ ಮೂಲ ದ್ರಾವಿಡ ಜನಕ್ಲೆನ್ ಬ್ರಾಹ್ಮಣ ಆರ್ಯೆರ್ ಸೋಪಾದ್ ಅಕ್ಲೆನ ಮಿತ್ತ್ ಸಾಮ್ರಾಜ್ಯ ಮಲ್ತೇರ್ (ವಸಾಹತುಶಾಹಿ ಮಲ್ತೇರ್)' ಪನ್ಪುನ ಒಂಜಿ ಇತಿಯಾಸೊನು ಉಂಡು ಮಲ್ಪೆರೆಗೇ ಆಯಿನ ಶ್ರಮೊ ಆದಿತ್ತ್ಂಡ್. [೫]
ಪುರಾತತ್ತ್ವ ಶಾಸ್ತ್ರದ ಸಂಶೋಧನೆ
[ಸಂಪೊಲಿಪುಲೆ]ತಿರುನೆಲ್ವೆಲಿದ ಬಿಷಪ್ ಆದ್ (ಎಡ್ವರ್ಡ್ ಸಾರ್ಜೆಂಟ್ರೆನ ಒಟ್ಟುಗು) ಸೇವೆ ಮಲ್ಪುನ ಆ ಕಾಲೊಡು, ಕಾಲ್ಡ್ವೆಲ್ ಇಂಬೆರ್ ತರಬೇತಿ ಪಡೆಯಿನ ಪುರಾತತ್ತ್ವಜ್ಞೆ ಅತ್ತ್ಂಡಲಾ, ಆ ಜಾಗೆದ ಇತಿಯಾಸೊದ ಬಗೆಟ್ ಮಸ್ತ್ ಮೂಲ ಸಂಶೋದನೆಲೆನ್ ಮಲ್ತೇರ್. ಅರೆನ ಈ ಅನ್ವೇಷಣೆದ ಒಟ್ಟಿಗೆ ತಾರಿದ ಇರೆತ (ತಾಳೆಗರಿ) ಹಸ್ತಪ್ರತಿಲೆನ್ ಬುಕ್ಕೊ ತಮಿಳ್ದ ಪುರಾತನ ಸಂಗಮ ಸಾಹಿತ್ಯೊನು ಬಾರೀ ಮೋಕೆಡ್ ಅದ್ಯಯನ ಮಲ್ತೇರ್. ಅಂಚನೇ ಕೆಲವು ಜಾಗೊಲೆಡ್ ಉತ್ಖನನ (ನೆಲ ಗರಿತ್ದ್ ತೂಪುನ ಬೇಲೆ) ಮಲ್ತ್ದ್, ಪಿರಾಕ್ದ ಕಟ್ಟನೊಲೆನ ಅಡಿಪಾಯೊಲೆನ್, ಪುರಾತನ ಸಮಾಧಿ ಕಲಶೊಲೆನ್ ಬುಕ್ಕೊ ಪಾಂಡ್ಯ ರಾಜರೆನ ಮೀನ್ ಚಿಹ್ನೆ ಇತ್ತಿನ ಬಂಗಾರದ ನಾಣ್ಯೊಲೆನ್ ನಾಡ್ದ್ ಪತ್ತ್ದ್ ಕೊರ್ಯೆರ್.
ಪಿರಾಕ್ದ ಹಿನ್ನೆಲೆ
[ಸಂಪೊಲಿಪುಲೆ]ಕಾಲ್ಡ್ವೆಲ್ನ ಮಿಷನ್ ಐವೊ ವರ್ಸೊಡ್ದ್ ಜಾಸ್ತಿ ನಡತ್ಂಡ್. ಬಾಸೆ ಬುಕ್ಕೊ ಪ್ರದೇಶದ ಇತಿಯಾಸೊದ ಬಗೆಟ್ ಅರೆನ ಸಂಶೋದನೆದ ಪ್ರಕಟಣೆ, ಭಾರತೀಯ ಬುಕ್ಕೊ ಇಂಗ್ಲಿಷ್ ಸಮಾಜೊಡು ಅರೆನ ಸ್ತಾನಮಾನೊನು ಸೇರಾದ್, ಬ್ರಾಹ್ಮಣೇತರ ಚಳುವಳಿದ ಪುನರುತ್ತಅನೊಗು ಉತ್ತೇಜನ ಕೊರ್ತುಂಡು.
ಅಂಚನೆ, ಸುವಾರ್ತೆದ ಕಷ್ಟದ ನೆಲಟ್, ಕಾಲ್ಡ್ವೆಲ್ ಕೆಳಜಾತಿದಕ್ಲೆನ ನಡುಟು ಕ್ರೈಸ್ತ ಮತಾಂತರೊನು ಸಾಧಿಸಯೆರ್. ದುಂಬುದ ಕಾಲೊದ ಲೂಥೆರನ್ ಮಿಷನರಿಲೆನ ಕೆಲವು ವಿದಾನೊಲೆನ್ ಆರ್ ಅಳವಡಿಸಯೆರ್. ಅಕ್ಲೆನ ಕ್ರಮೊಕುಲೆನ್ ಅದ್ಯಯನ ಮಲ್ಪುನ ಸಲುವಾದ್ ಸುದ್ದೊ ಜರ್ಮನ್ ಬಾಸೆನ್ ಕಲ್ತೆರ್.
ಕಾಲ್ಡ್ವೆಲ್ ತಮಿಳು ಭಾಷೆದ ವಿದ್ವಾಂಸೆರ್. ಕ್ರಿಶ್ಚಿಯನ್ ಸುವಾರ್ತೆಗಾರೆರ್ ಬುಕ್ಕೊ ಸ್ತಳೀಯ ಚರ್ಚ್ದ ಚಾಂಪಿಯನ್. ಇನಿಕ್ಲಾ ದಕ್ಷಿಣ ಭಾರತೊದ ಆದುನಿಕ ಇತಿಯಾಸೊಡು ಒರಿ ಮಲ್ಲ ವ್ಯಕ್ತಿಯಾದ್ ಉಲ್ಲೆರ್. ಅರೆನ್ ಇತ್ತೆಲಾ ಅಲ್ಪ ನೆಂಪು ಮಲ್ತೊಂದುಲ್ಲೆರ್. ಆರ್ ಸೈತ್ದ್ ೮೦ ವರ್ಸೊಡ್ದು ಬುಕ್ಕೊ ನಿರ್ಮಾಣ ಆಯಿನ ಅರೆನ ಮೂರ್ತಿ ಚೆನ್ನೈದ ಮರೀನಾ ಬೀಚ್ದ ಕೈತಲ್ ಉಂಡು. ದೆಹಲಿದ ಸೆಂಟರ್ ಫಾರ್ ದಿ ಸ್ಟಡಿ ಆಫ್ ಡೆವಲಪಿಂಗ್ ಸೊಸೈಟಿಸ್ಡ್ ವಿಸಿಟಿಂಗ್ ಫೆಲೋ ಆಯಿನ ಭಾರತೊದ ಇತಿಯಾಸಕಾರೆ ಡಾ. ಎಂ.ಎಸ್.ಎಸ್ ಪಾಂಡಿಯನ್ ಇತ್ತೆ ಕಾಲ್ಡ್ವೆಲ್ನ "ದಕ್ಷಿಣ ಭಾರತೊಡು ಕ್ರೈಸ್ತ ದರ್ಮ ಬುಕ್ಕೊ ಈ ಪ್ರದೇಶೊದ ಸಾಂಸ್ಕೃತಿಕ ಜಾಗ್ರತಿಗ್ ಕೊರ್ನ ಕೊಡುಗೆ ಕರಿನ ಇರ್ನೂದು ವರ್ಸೊಡ್ ಸರಿಸಾಟಿ ಇಜ್ಜಿ" ಪನ್ತೆರ್.
ಅರೆನ ಸ್ಮರಣಾರ್ತೊ ಒಂಜಿ ಅಂಚೆ ಚೀಟಿನ್ 7 ಮೇ 2010 ಗ್ ಬುಡುಗಡೆ ಮಲ್ತೆರ್. [೬]
ಸಾದನೆಲು
[ಸಂಪೊಲಿಪುಲೆ]- Lectures on the Tinnevelly missions, descriptive of the field, the work, and the results: with an introductory lecture on the progress of Christianity in India. Bell and Daldy, 1857
- The best means of promoting an interest in missions among our congregations : being a speech delivered by ... Bishop Caldwell at the Diocesan Church Conference on Thursday 20 March 1879. 1880 (Madras : S.P.C.K. Press)
- Christianity and Hinduism. A lecture addressed to educated Hindus, etc. : S.P.C.K.: London, [1879.]
- A Comparative Grammar of the Dravidian or South Indian Family of Languages. Harrison: London, 1856.[೭]
- Evangelistic Work amongst the Higher Classes and Castes in Tinnevelly. Rev. Dr. Caldwell’s Third Journal. [1876.]
- The Inner Citadel of Religion. S.P.C.K.: London, [1879.]
- The March of the Unsaved. [A religious tract.] G. Stoneman: London, [1896.]
- Narkaruṇait tiyānamālai = A companion to the holy communion. Madras Diocesan Committee of the Society for Promoting Christian Knowledge, 1871.
- The Prince of Wales in Tinnevelly, and "From Delahay Street to Edeyengoody.". London : S.P.C.K., 1876.
- Observations on the Kudumi. J. J. Craen: [Madras?] 1867.
- Report of the Edeyenkoody District for the year ending 30 June 1845. London : Society for the Propagation of the Gospel, 1847.
- On reserve in communicating religious instruction to non- Christians in mission schools in India : a letter to the Right Reverend the Lord Bishop of Madras. Madras : S.P.C.K. Press, 1879.
- The Relation of Christianity to Hinduism. R. Clay, Sons, & Taylor: London, [1885.]
- Records of the Early History of the Tinnevelly Mission, etc. Higginbotham & Co.: Madras, 1881.
- The Tinnevelly Shanars : a sketch of their religion and their moral condition and characteristics : with special reference to the facilities and hindrances to the progress of Christianity amongst them. London : Clay for the Society for the Propagation of the Gospel, 1850.
- The Three Way-marks. Christian Vernacular Education Society: Madras, 1860.
- A Political and General History of the District of Tinnevelly, in the Presidency of Madras, from the earliest period to its cession to the English Government in A.D. 1801. Madras : E. Keys, 1881.
ಉಲ್ಲೇಕೊಲು
[ಸಂಪೊಲಿಪುಲೆ]- ↑ Robert Caldwell (1856). A Comparative Grammar of the Dravidian Or South-Indian Family of Languages. Asian Educational Services (Reprint of 1913 3rd-edition revised by Reverend J.L. Wyatt and T Ramakrishna Pillai). pp. 88–105. ISBN 978-81-206-0117-8.
{{cite book}}: ISBN / Date incompatibility (help) - ↑ "INDIA 2010 ROBERT CALDWELL MNH SINGLE STAMP". Largest Online Dealer & Portal for Stamps of India.
- 1 2 "Faith and Family: Robert Caldwell and his Missionary Dynasty".
- ↑ Suvira Jaiswal (1974) [1958]. "Studies in the Social Structure of the Early Tamils". In R. S. Sharma (ed.). Indian Society: Historical Probings in memory of D. D. Kosambi. Indian Council of Historical Research / People's Publishing House. p. 126. ISBN 978-81-7007-176-1.
- 1 2 Daughrity, Dyron B. (2005). "Hinduisms, Christian Missions, and the Tinnevelly Shanars: A Study of Colonial Missions in 19th Century India". Alberta: University of Calgary. pp. 4, 7. Retrieved 1 April 2011.
- ↑ "Stamps - 2010". Department of Posts, Government of India. Archived from the original on 14 August 2013. Retrieved 2 August 2013.
- ↑ Caldwell, Robert (1856). "A Comparative Grammar of the Dravidian Or South Indian Family of Languages.pdf".
ದಿಂಜದ ಓದುಗು
[ಸಂಪೊಲಿಪುಲೆ]- ಕ್ರಿಸ್ತೂಡಾಸ್, ಡಿಎ, ಕಾಲ್ಡ್ವೆಲ್ ಅಥಿಯಾಚರ್ (ತಮಿಳು), ದಾನಿಶ್ಪೇಟ್: ಬೆತೆಲ್ ಪಬ್ಲಿಕೇಶನ್ಸ್, 1980.
- ಡಿರ್ಕ್ಸ್, ನಿಕೋಲಸ್ ಬಿ, 'ತಮಿಳು ಸಮಾಜೊನು ಪುನರ್ನಿರ್ಮಾಣ ಮಲ್ಪುನವು: ಸಮಕಾಲೀನ ದಕ್ಷಿಣ ಭಾರತೊಡು ಜಾತಿ ಬೊಕ್ಕ ಜನಾಂಗದ ರಾಜಕೀಯ', ಸಿಜೆ ಫುಲ್ಲರ್ (ಸಂಪಾದಕೆರ್), ಜಾತಿ ಇನಿ, ನ್ಯೂ ದೆಹಲಿ: ಆಕ್ಸ್ ಫರ್ಡ್ ವಿಶ್ವವಿದ್ಯಾಲಯ ಮುದ್ರಣಾಲಯ, 1996.
- ಒ'ಕಾನರ್, ಡೇನಿಯಲ್ (ಸಂಪಾದಕೆರ್), ಥ್ರೀ ಸೆಂಚುರೀಸ್ ಆಫ್ ಮಿಷನ್ – ದಿ ಯುಎಸ್ಪಿಜಿ, ಲಂಡನ್ ಬೊಕ್ಕ ನ್ಯೂಯಾರ್ಕ್: ಕಂಟಿನ್ಯೂಮ್, 2000.
- ರವೀಂದ್ರನ್, ವೈತೀಸ್ಪರ, 'ದಿ ಅನ್ಯಾಂಟಿಸಿಪೇಟೆಡ್ ಲೆಗಸಿ ಆಫ್ ರಾಬರ್ಟ್ ಕಾಲ್ಡ್ವೆಲ್ ಅಂಡ್ ದಿ ದ್ರಾವಿಡ ಮೂವ್ಮೆಂಟ್', ಸೌತ್ ಇಂಡಿಯನ್ ಸ್ಟಡೀಸ್, 1, ಜನವರಿ–ಜೂನ್ ೧1996.
- ತಮಿಳು ಮಿಲಿಟರಿಸಂ ದ ಬಗ್ಗೆ ಶಿವರಾಮ್ ಡಿಪಿ: ಅಧ್ಯಾಯ 6, ಬಿಷಪ್ ಕಾಲ್ಡ್ವೆಲ್ ಬೊಕ್ಕ ತಮಿಳು ದ್ರಾವಿಡಿಯನ್ಸ್, sangam.org, 1992
- ಶಿವಥಂಬಿ, ಕೆ, 'ಸಾಹಿತ್ಯಿಕ ಶೈಲಿದ ರಾಜಕೀಯ', ಸಾಮಾಜಿಕ ವಿಜ್ಞಾನಿ, 6.8, ಮಾರ್ಚ್ 1978.
- ಟ್ರೌಟ್ಮನ್, ಥಾಮಸ್ ಆರ್, 'ದಕ್ಷಿಣ ಭಾರತದ ಇತಿಹಾಸೊನು ಆವಿಷ್ಕಾರ ಮಲ್ಪುನವು', ದೌದ್ ಅಲಿ (ಸಂಪಾದಕರು), ಪಾಸ್ಟ್ ನ್ ಆಹ್ವಾನಿಸವುನವು: ದಕ್ಷಿಣ ಏಷ್ಯಾಡ್ ಇತಿಹಾಸದ ಉಪಯೋಗೊಲು, ನ್ಯೂ ದೆಹಲಿ: ಆಕ್ಸ್ ಫರ್ಡ್ ಯೂನಿವರ್ಸಿಟಿ ಪ್ರೆಸ್, 2002.
ಚಿತ್ರ ಗ್ಯಾಲರಿ
[ಸಂಪೊಲಿಪುಲೆ]
ಕಾಲ್ಡ್ವೆಲ್ನ ಸಮಾಧಿ ಕಲ್ಲ್
