ರೋಸಮ್ಮ ಪುನ್ನೂಸ್
ರೋಸಮ್ಮ ಪುಣ್ಣೂಸೆ (೧೨ ಮೇ ೧೯೧೩ - ೨೮ ಡಿಸೆಂಬರ್ ೨೦೧೩) ಒರ್ತಿ ಭಾರತೀಯ ಸ್ವಾತಂತ್ರ್ಯ ಕಾರ್ಯಕರ್ತೆ, ರಾಜಕಾರಣಿ ಬೊಕ್ಕ ವಕೀಲೆರ್. ಆರ್ ಕೇರಳ ವಿಧಾನಸಭೆತ ಸದಸ್ಯೆರಾದ್ ಪ್ರಮಾಣ ವಚನ ದೆತೊನುನ ಸುರುತ ವ್ಯಕ್ತಿ. ನ್ಯಾಯಾಲಯದ ಆದೇಶೊದ ನಂತರ ತನ್ನ ಸ್ಥಾನೊನು ಕಳೆವೊಂದಿತ್ತಿನ ಭಾರತೊಡು ಸುರುತ ಶಾಸಕೆರ್ ಆಯೆರ್, ಬೊಕ್ಕ 1958ಡ್ ವಿಧಾನಸಭೆಗ್ ಸುರುತ ಉಪ ಚುನಾವಣೆಡ್ ಆಯ್ಕೆ ಆಯಿನ ಸುರುತ ವ್ಯಕ್ತಿಲಾ ಆಯೆರ್. ಪುನ್ನೂಸ್ ಕೇರಳ ಶಾಸಕಾಂಗ ಸಭೆತ ಸುರುತ ಪ್ರೊ ಟೆಮ್ ಸ್ಪೀಕರ್ ಲಾ ಆಯೆರ್.
ಸುರುತ ಜೀವನ
[ಸಂಪೊಲಿಪುಲೆ]ರೋಸಮ್ಮ ಕಾಂಜಿರಪ್ಪಳ್ಳಿ, ಟ್ರಾವಂಕೂರುಡು ಮೇ ೧೨, ೧೯೧೩ಡ್ ಒಂಜಿ ಕ್ಯಾಥೊಲಿಕ್ ಕುಟುಂಬೊಡು ಪುಟ್ಟುವೆರ್, ಕಾಂಜಿರಪ್ಪಳ್ಳಿ ಕರಿಪ್ಪಪರಂಬಿಲ್ ತೊಮ್ಮನ್ ಚೆರಿಯನ್ ಬೊಕ್ಕ ಪಾಯಿಪ್ಪಾಡು ಪುಣ್ಣಕ್ಕುಡಿ ಅಣ್ಣಮ್ಮ ಅರ್ನ ನಾಲ್ನೆದ ಮಗಲ್.
ಆರ್ ಮದ್ರಾಸ್ ಕಾನೂನು ಕಾಲೇಜಿಡ್ದ್ ಕಾನೂನು ಶಾಸ್ತ್ರೊಡು ಪದವಿ ಪಡೆಯೆರ್.
ಕೆಲಸ
[ಸಂಪೊಲಿಪುಲೆ]ಅರೆನ ಮಲ್ಲ ಅಕ್ಕ ಅಕ್ಕಮ್ಮ ಚೆರಿಯನ್ ನ ಪ್ರಭಾವೊಡು ೧೯೩೮ಡ್ ಟ್ರಾವಂಕೂರು ರಾಜ್ಯ ಕಾಂಗ್ರೆಸ್ ಗ್ ಸೇರ್ದ್ ಅರೆನ ರಾಜಕೀಯ ಜೀವನೊನು ಸುರು ಮಲ್ತೆರ್.
ರೋಸಮ್ಮ 1948ಡ್ ಸಿಪಿಐಗ್ ಸೇರ್ದೆರ್. 1957ಡ್ ಕೇರಳ ರಾಜ್ಯೊಡು ನಡತಿನ ಸುರುತ ವಿಧಾನಸಭಾ ಚುನಾವಣೆಡ್ ದೇವಿಕುಲಂ ಕ್ಷೇತ್ರೊಡ್ದ್ ವಿಧಾನಸಭೆಗ್ ಆಯ್ಕೆ ಆಯೆರ್. ಅರೆನ ಗಂಡ 1952 ಸಾಮಾನ್ಯ ಚುನಾವಣೆಡ್ ಲೋಕಸಭೆಗ್ ಆಯ್ಕೆ ಆಯೆರ್, ಬೊಕ್ಕ 1957 ಸಾಮಾನ್ಯ ಚುನಾವಣೆಡ್ ಅರೆನ ಸ್ಥಾನೊನು ಮುಂದುವರಿಸಯೆರ್, ಉಂದು ಕೇರಳ ರಾಜಕೀಯೊಡು ಆಯ್ಕೆ ಆಯಿನ ಗಂಡ ಬೊಕ್ಕ ಪತ್ನಿನ ಅಪರೂಪದ ಘಟನೆನ್ ಸೂಚಿಸವುಂಡು. [1] [2] ವಿಧಾನಸಭೆತ ಸದಸ್ಯೆರಾದ್ ಪ್ರಮಾಣ ವಚನ ಪಡೆಯಿನ ಸುರುತ ವ್ಯಕ್ತಿ ರೋಸಮ್ಮ. ವಿಧಾನಸಭೆತ ಸುರುತ ಪ್ರೊ ಟೆಮ್ ಸ್ಪೀಕರ್ ಆದ್ ಬೇತೆ ಶಾಸಕೆರೆಗ್ ಲಾ ಆರ್ ಪ್ರಮಾಣ ವಚನೊನು ಕೊರ್ತೆರ್. ಆಂಡಲಾ, ನ್ಯಾಯಾಲಯದ ಮಧ್ಯಪ್ರವೇಶೊಡ್ದ್ ರೋಸಮ್ಮ ತನ್ನ ಸ್ಥಾನೊನು ಕಳೆವೊಂಡೆರ್, ಆಂಡ 1958ಡ್ ವಿಧಾನಸಭೆಗ್ ಸುರುತ ಉಪ ಚುನಾವಣೆಡ್ ಅಯಿನ್ ಕುಡ ದೆತೊಂಡೆರ್
೧೯೬೪ಡ್ ಒಂಜಿ ಪಕ್ಷದ ವಿಭಜನೆಡ್ದ್ ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ (ಮಾರ್ಕ್ಸಿಸ್ಟ್) ಉದಿಪನ ಆನಗ ರೋಸಮ್ಮ ಸಿಪಿಐಡ್ ಉಂತುದುಪ್ಪುವೆರ್. ಅಲ್ಲೆಪೆ ಕ್ಷೇತ್ರೊಡ್ದ್ 1982 ವಿಧಾನಸಭಾ ಚುನಾವಣೆಡ್ ಆರ್ ಯಶಸ್ವಿಯಾದ್ ಸ್ಪರ್ಧೆ ಮಲ್ತೆರ್. ೧೯೮೭ ದ ಚುನಾವಣೆಡ್, ರೋಸಮ್ಮ ಅದೇ ಕ್ಷೇತ್ರೊಡ್ದ್ ರಡ್ಡನೆ ಸರ್ತಿ ವಿಧಾನಸಭೆಗ್ ಆಯ್ಕೆ ಆಯೆರ್.
ಅಂಚನೆ ಕೇರಳ ಮಹಿಳಾ ಸಂಘದ ಅಧ್ಯಕ್ಷೆರಾದ್ (೧೯೬೯-೮೩), ಪ್ಲಾಂಟೇಶನ್ ಕಾರ್ಪೊರೇಷನ್ ದ ಅಧ್ಯಕ್ಷೆರಾದ್ (೧೯೬೪-೬೯), ವಸತಿ ಮಂಡಳಿದ ಮುಖ್ಯಸ್ಥೆರಾದ್ (೧೯೭೫-೭೮), ಬೊಕ್ಕ ೧೦ ವರ್ಷ ರಬ್ಬರ್ ಮಂಡಳಿದ ಸದಸ್ಯೆರಾದ್ ಸೇವೆ ಸಲ್ಲಿಸಯೆರ್. [2] ಮೇರ್ ೧೯೯೩ಡ್ದ್ ೧೯೯೮ ಮುಟ್ಟ ನಿವೃತ್ತಿ ಆಯಿನ ಮುಟ್ಟ ಕೇರಳ ಮಹಿಳಾ ಆಯೋಗದ ಅಧ್ಯಕ್ಷೆರಾದ್ ಇತ್ತೆರ್. [3]
ಮರಣ
[ಸಂಪೊಲಿಪುಲೆ]ರೊಸಾಮ್ಮಾ ಡಿಸೆಂಬರ್ ೨೮, ೨೦೧೩ಡ್ ಸಲಾಲಾ, ಒಮಾನ್ ಡ್ ತೀರ್ ಪೋಯೆರ್ ಅಲ್ಪ ಆರ್ ತನ್ನ ಮಗೆ ಥಾಮಸ್ ಪುನ್ನೂಸ್ ನೊಟ್ಟುಗು ಜೀವನ ಮಲ್ತೊಂದಿತ್ತೆರ್. ಅಲೆನ ಒಂಜೇ ಒರಿ ಬಾಲೆ, ಗೀತಾ ಜಾಕೋಬ್, ಅಬುಧಾಬಿಡ್ ನೆಲೆಯಾದಿತ್ತೆರ್. ಅಲೆನ ಶವೊನು ತಿರುವಲ್ಲದ ಸಮೀಪದ ಪಮಲೊಡು ಅಲೆನ ಇಲ್ಲಗ್ ಕನತೆರ್, ಬೊಕ್ಕ ಅಂತ್ಯ ಸಂಸ್ಕಾರ 30 ಡಿಸೆಂಬರ್ 2013 ಗ್ ತಿರುವಲ್ಲದ ಸಮೀಪದ ವರಿಕ್ಕಾಡ್ ಡ್ ಸೆಹಿಯೊನ್ ಮಾರ್ ತೋಮಾ ಚರ್ಚ್ ಡ್ ನಡತ್ಂಡ್. [2] [3]
ಉಲ್ಲೇಖೊಲು
[ಸಂಪೊಲಿಪುಲೆ]- ↑ Jeffrey, Robin (27 July 2016). Politics, Women and Well-Being: How Kerala became 'a Model' (in ಇಂಗ್ಲಿಷ್). Springer. p. 137. ISBN 9781349122523. Retrieved 20 December 2016.
- 1 2 3 "Communist Legend Rosamma No More". The New Indian Express. Retrieved 20 December 2016."Communist Legend Rosamma No More". The New Indian Express. Retrieved 20 December 2016.
- 1 2 "Kerala's 'first legislator' Rosamma Punnoose passes away". Daily News & Analysis. 28 December 2013. Retrieved 20 December 2016."Kerala's 'first legislator' Rosamma Punnoose passes away". Daily News & Analysis. 28 December 2013. Retrieved 20 December 2016.