ಲಕ್ಷ್ಮೀ ಎನ್ ಮೆನನ್

ಲಕ್ಷ್ಮೀ ಎನ್ ಮೆನನ್
ಪುಟ್ಟು	೨೯ ಮಾರ್ಚ್ ೧೮೯೯
ಸಾವು	೩೦ ನವೆಂಬರ್ ೧೯೯೪

ಲಕ್ಷ್ಮೀ ಎನ್. ಮೆನನ್ (29 ಮಾರ್ಚ್ 1899  – ೩೦ ನವೆಂಬರ್ ೧೯೯೪ ) ಒರ್ತಿ ಭಾರತೀಯ ಸ್ವಾತಂತ್ರ್ಯ ಹೋರಾಟಗಾರ್ತಿ ಬೊಕ್ಕ ರಾಜಕಾರಣಿ. ಆರ್ ೧೯೬೨ಡ್ದ್ ೧೯೬೬ ಮುಟ್ಟ ರಾಜ್ಯ ಸಚಿವೆರಾದ್ ಇತ್ತೆರ್

ಸುರುತ ಜೀವನ

ತಿರುವನಂತಪುರೊಡು ಪುಟ್ಟುನ ಆರ್ ರಾಮವರ್ಮ ತಂಪನ್ ಬೊಕ್ಕ ಮಾಧವಿಕುಟ್ಟಿ ಅಪ್ಪೆನ ಮಗಲ್. ೧೯೩೦ಡ್ ಆರ್ ಪ್ರೊಫೆಸರ್ ವಿ.ಕೆ.ನಂದನ್ ಮೆನನ್ನ್ ಮದಿಮೆ ಆಯೆರ್. ಬೊಕ್ಕಾಅರ್ ಟ್ರಾವಂಕೂರು ವಿಶ್ವವಿದ್ಯಾಲಯೊದ (೧೯೫೦-೧೯೫೧) ಬೊಕ್ಕ ಪಟ್ನಾ ವಿಶ್ವವಿದ್ಯಾಲಯೊದ ಉಪಕುಲಪತಿ ಆಯೆರ್. ಮೇರ್ ಭಾರತೀಯ ಸಾರ್ವಜನಿಕ ಆಡಳಿತ ಸಂಸ್ಥೆದ ನಿರ್ದೇಶಕಿಯಾದಿತ್ತೆರ್.

ಕೆಲಸ

ಜೂನ್ ೩, ೧೯೬೩ಡ್ ಶ್ವೇತ ಭವನೊಡು ರಾಜ್ಯ ಭೋಜನೊಗು ಹಾಜರಾತಿನ ಮೆನನ್ (ಎದುರುದ ಸಾಲು, ಎಡತ್ತ ಕಡೆಟ್) .

೧೯೫೨ಡ್ದ್ ೧೯೬೬ ಮುಟ್ಟ ರಾಜ್ಯಸಭೆತ ಸದಸ್ಯೆರಾದ್ ಇತ್ತೆರ್ ೧೯೫೨ಡ್ದ್ ೧೯೫೭ ಮುಟ್ಟ ವಿದೇಶಾಂಗ ಸಚಿವಾಲಯೊಡು ಸಂಸದೀಯ ಕಾರ್ಯದರ್ಶಿಯಾದ್, ೧೯೫೭ಡ್ದ್ ೧೯೬೨ ಮುಟ್ಟ ಉಪಮಂತ್ರಿಯಾದ್, ಬೊಕ್ಕ ೧೯೬೬ ಮುಟ್ಟ ರಾಜ್ಯ ಸಚಿವೆರಾದ್ ಸೇವೆ ಸಲ್ಲಿಸಯೆರ್ ರಾಜಕೀಯ ಸೇವೆಡ್ದ್ ನಿವೃತ್ತರಾದ್, ೧೯೭೬ಡ್ ಸಮಾಜ ಸೇವೆ ಮಲ್ತೆರ್ ಆಕ್ಸ್ ಫರ್ಡ್ ಯೂನಿವರ್ಸಿಟಿ ಪ್ರೆಸ್ ಡ್ದ್ ಪ್ರಕಟ ಆಯಿನ ಆಕ್ಸ್ ಫರ್ಡ್ ಪ್ಯಾಂಪ್ಲೆಟ್ಸ್ ಆನ್ ಇಂಡಿಯನ್ ಅಫೇರ್ಸ್ ಸರಣಿಗ್ ಬೇತೆ ವಿಷಯೊಲೆನ ನಡುಟು ಭಾರತೀಯ ಪೊಣ್ಣುಲೆನ ಬಗ್ಗೆ ಬರೆಯೆರೆ. ಭಾರತೊಡು ವಿಶ್ವವಿದ್ಯಾಲಯೊದ ಮಹಿಳಾ ಒಕ್ಕೂಟೊನು ಸ್ಥಾಪನೆ ಮಲ್ಪೆರೆ ಆರ್ ಸಹಾಯ ಮಲ್ತೆರ್. ಆರೆನ ಸೇವೆಗ್ ಮಾನ್ಯತೆ ಕೊರ್ದು ೧೯೫೭ಡ್ ಪದ್ಮಭೂಷಣ ಪ್ರಶಸ್ತಿನ್ ಕೊರ್ಪೆರ್.ಈ ಪ್ರಶಸ್ತಿನ್ ಪಡೆಯಿನ ರಡ್ಡನೆ ಮಲಯಾಳಿ ಪೊಣ್ಣು. ಮೆನನ್ ರಾಜಕೀಯೊದ ನಂತರ ತನ್ನ ಕ್ರಿಯಾಶೀಲ ಜೀವನೊನು ರಾಷ್ಟ್ರದ ಕಾರಣೊಗು ಸಮರ್ಪಿಸಯೆರ್. ಅಖಿಲ ಭಾರತ ಮಹಿಳಾ ಸಮ್ಮೇಳನೊದ ಅಧ್ಯಕ್ಷೆರಾದ್ ಬೊಕ್ಕ ಪೋಷಕೆರಾದ್ ಮಸ್ತ್ ವರ್ಸೊ ಸೇವೆ ಮಲ್ತೆರ್. ಮೊರಾರ್ಜಿ ದೇಸಾಯಿನೊಟ್ಟುಗು ಅಖಿಲ ಭಾರತ ನಿಷೇಧ ಮಂಡಳಿದ ಉಪಾಧ್ಯಕ್ಷೆರಾದಿತ್ತೆರ್. ೧೯೮೮ಡ್, ಆರ್ ಎ.ಪಿ.ಉದಯಭಾನು ಬೊಕ್ಕ ಜಾನ್ಸನ್ ಜೆ.ಎದಯರನ್ಮುಲಾ ನಕುಲೆನೊಟ್ಟುಗು ಆಲ್ಕೊಹಾಲ್ ಅಂಡ್ ಡ್ರಗ್ ಇನ್ಫರ್ಮೇಶನ್ ಸೆಂಟರ್ (ಎಡಿಐಸಿ)-ಇಂಡಿಯಾನ್ ಸ್ಥಾಪನೆ ಮಲ್ತೆರ್ ಬೊಕ್ಕ ಅರೆನ ಮರಣೊಗು ಮುಟ್ಟ ಅಯಿತ ಅಧ್ಯಕ್ಷೆರಾದ್ ಸೇವೆ ಮಲ್ತೆರ್. ಮಹಿಳೆಯೆರೆನ ಅನಕ್ಷರತೆನ್ ನಿರ್ಮೂಲನೆ ಮಲ್ಪುನ ಅಖಿಲ ಭಾರತ ಸಮಿತಿದ ಅಧ್ಯಕ್ಷೆರಾದ್ ಬೊಕ್ಕ ೧೯೭೨ಡ್ದ್ ೧೯೮೫ ಮುಟ್ಟ ಕಸ್ತೂರ್ಬ ಗಾಂಧಿ ರಾಷ್ಟ್ರೀಯ ಸ್ಮಾರಕ ಟ್ರಸ್ಟ್ ದ ಅಧ್ಯಕ್ಷೆರಾದ್ ಸೇವೆ ಸಲ್ಲಿಸಯೆರ್

ಲಕ್ಷ್ಮಿ ಮೆನನ್, ನೆಹರೂ ಸರ್ಕಾರೊಡು ರಾಜ್ಯ ಸಚಿವೆರಾದ್ ಇತ್ತಿನಗ, ತಿರುವನಂತಪುರೊಡು ತುಂಬಾ ವಿಷುವದ್ವಾರ ರಾಕೆಟ್ ಉಡಾವಣೆ ಕೇಂದ್ರೊನು ಸ್ಥಾಪನೆ ಮಲ್ಪುನ ಅಧಿಕಾರಶಾಹಿ ಪ್ರಕ್ರಿಯೆನ್ ಸುಗಮ ಮಲ್ಪುನ ಪ್ರಮುಖ ಪಾತ್ರ ವಹಿಸಯೆರ್.

ಗ್ರಂಥಸೂಚಿ

• Ranade, Shobana; Nayar, Sushila (2003). "Lakshmi N. Menon (1899–1994)". In Mankekar, Kamla (ed.). Women Pioneers in India's Renaissance. New Delhi: National Book Trust India. ISBN 9788123737669.

ಬಾಹ್ಯ ಕೊಂಡಿಲು

• ಮ್ಯಾಡಿಸ್ ರಾಂಬ್ಲಿಂಗ್ಸ್ (೨೦೧೬) ಬ್ಲಾಗ್‌ನಿಂದ ಜೀವನಚರಿತ್ರೆಯ ವಿವರಗಳು
• ದೊಡ್ಡ ಸೊಸೆಯ ವೈಯಕ್ತಿಕ ನೆನಪುಗಳು (೨೦೨೧)