ಲಾಯ್ ಕ್ರಾಥೊಂಗ್

ಲಾಯ್ ಕ್ರಾಥೊಂಗ್ ಒಂಜಿ ಥಾಯ್ ಪರ್ಬ ಉಂದು ಥೈಲ್ಯಾಂಡ್ ಡ್ ಬುಕ್ಕೊ್ಕ ಸುತ್ತಮುತ್ತದ ದೇಶೊಲೆಡ್ (ಲಾವೋಸ್, ಶಾನ್, ಮೊನ್, ತನಿಂಥಾರ್ಯಿ, ಕೆಲಾಂಟನ್, ಕೆಡಾಹ್, ಪರ್ಲಿಸ್ ಬುಕ್ಕೊ್ಕ ಕ್ಸಿಶುವಾಂಗ್ಬನ್ನಾ) ವಾರ್ಷಿಕವಾದ್ ಆಚರಣೆ ಮಲ್ಪುನವು. ಈ ಪುದರ್ ನ್ "ಆಚರಣೆದ ಪಾತ್ರೆ ಅತ್ತಂದೆ ದೀಪೊನು ತೇಲುನ" ಪಂಡ್ದ್ ಅನುವಾದ ಮಲ್ಪೊಲಿ, ಬುಕ್ಕೊ್ಕ ಉಂದು ಕ್ರಾಥೊಂಗ್ ಅತ್ತಂದೆ ತೇಲುನ, ಅಲಂಕರಿಸಾಯಿನ ಬುಟ್ಟಿಲೆನ್ ಮಲ್ಪುನ ಸಂಪ್ರದಾಯೊಡ್ದ್ ಬತ್ತ್ಂಡ್, ಅವೆನ್ ನನ ಒಂಜಿ ನದಿಟ್ ತೇಲಾವೊಂದುಲ್ಲೆರ್. ನೀರ್ ಬುಕ್ಕೊ್ಕ ನದಿ ದೇವತೆ ಖೊಂಗ್ಖಾ ದೇವತೆಗ್ ಧನ್ಯವಾದೊಲೆನ್ ಪನ್ಪಿನಗ ಮಸ್ತ್ ಥಾಯ್ಯೆರ್ ಕ್ರಾಥೊಂಗ್ ನ್ ಬಳಸುವೆರ್. ಈ ಪರ್ಬೊದ ಮೂಲ ಭಾರತೊಗು ಪಿರ ಬರ್ಪುಂಡು.

ಲಾಯ್ ಕ್ರಾಥೊಂಗ್

ಆಚರಣೆ,ದಿನ

ಲಾಯ್ ಕ್ರಾಥೊಂಗ್ ಸಾಂಪ್ರದಾಯಿಕ ಥಾಯ್ ಚಂದ್ರ ಪಂಚಾಂಗೊಡು 12ನೇ ತಿಂಗೊಲುದ ಪೂರ್ಣ ಚಂದ್ರನ ಬಯ್ಯಗ್ ನಡಪುಂಡು, ಅಂಚಾದ್ ಪ್ರತಿ ವರ್ಷ ಉತ್ಸವದ ನಿಖರ ದಿನೊ ಬದಲಾಪುಂಡು. ಪಾಶ್ಚಾತ್ಯ ಪಂಚಾಂಗೊಡು ಉಂದು ಸಾಮಾನ್ಯವಾದ್ ನವೆಂಬರ್ ಮಾಸೊಡು ಬರ್ಪುಂಡು. ಚಿಯಾಂಗ್ ಮೈಡ್, ಉತ್ಸವ ಮೂಜಿ ದಿನೊಕುಲು ನಡಪುಂಡು, ಬುಕ್ಕೊ್ಕ 2024ಡ್, ದಿನಾಂಕೊಲು ನವೆಂಬರ್ 15-17 ಆದಿತ್ತ್ಂಡ್. ಥೈಲ್ಯಾಂಡ್ ಡ್ ಈ ಪರ್ಬೊನು ಲೋಯಿ ಕ್ರಾಥೊಂಗ್ ಪಂಡ್ದ್ ಲೆಪ್ಪುವೆರ್. ಥೈಲ್ಯಾಂಡ್ ದ ಪಿದಯಿ, ಈ ಪರ್ಬೊನು ಬೇತೆ ಬೇತೆ ಪುದರ್ ಡ್ ಆಚರಣೆ ಮಲ್ಪುವೆರ್, ಮ್ಯಾನ್ಮಾರ್ ನ್ "ತಜಾಂಗ್ಡೈಂಗ್ ಪರ್ಬ", ಶ್ರೀಲಂಕಾನ್ "ಇಲ್ ಫುಲ್ ಮೂನ್ ಪೋಯಾ", ಚೀನಾನ್ "ಲ್ಯಾಂಟರ್ನ್ ಫೆಸ್ಟಿವಲ್" ಬುಕ್ಕೊ್ಕ ಕಂಬೋಡಿಯಾನ್ "ಬಾನ್ ಓಮ್ ಟೌಕ್" ಪಂಡ್ದ್ ಲೆಪ್ಪುವೆರ್.

ಸಂಪ್ರದಾಯ

ಲಾಯ್ ಕ್ರಾಥೊಂಗ್

ಕ್ರಾಥೊಂಗ್ ಪಂಡ ಸಾಂಪ್ರದಾಯಿಕವಾದ್ ಎಲೆಕುಲೆಡ್ದ್ ಮಲ್ಪುನ ಒಂಜಿ ಎಲ್ಯ ತೇಲುನ ಪಾತ್ರೆ ಆದುಂಡು, ಉಂದೆನ್ ಸಾಂಪ್ರದಾಯಿಕ ಥಾಯ್ ಖಾದ್ಯ (ಉದಾಹರಣೆಗೆ ಹಾರ್ ಮೊಕ್) ಅತ್ತಂದೆ ಸಿಹಿತಿಂಡಿದಂಚಿನ ಒಂಜಿ ಎಲ್ಯ ಭಾಗೊನ್ ದೀಯೆರೆ ಮಲ್ಪುವೆರ್. ಉತ್ಸವೊಡು ತೇಲುನ ಸಾಂಪ್ರದಾಯಿಕ ಕ್ರಾಥೊಂಗ್ ನ್ ಬಾಳೆ ಮರತ ಕಂಡೊದ ತುಂಡು ಅತ್ತಂಡ ಜೇಡ ಲಿಲಿ ಸಸ್ಯೊಡ್ದ್ ಮಲ್ಪುವೆರ್. ಆಧುನಿಕ ಕ್ರಾಥೊಂಗ್ ಲೆನ್ ಹೆಚ್ಚಾದ್ ಬ್ರೆಡ್ ಅತ್ತ್ಂಡ ಸ್ಟೈರೊಫೋಮ್ ಡ್ದ್ ಮಲ್ಪುವೆರ್. ಒಂಜಿ ಬ್ರೆಡ್ ಕ್ರಾಥೊಂಗ್ ಕೆಲವು ದಿನೊಡ್ದು ಬುಕ್ಕೊ್ಕ ಪುಡಪುಂಡು ಬುಕ್ಕೊ್ಕ ಮೀನ್ ತಿನ್ಪುಂಡು. ಬಾಳೆ ಕಾಂಡದ ಕ್ರಾಥೊಂಗ್ ಲು ಜೈವಿಕವಾದ್ ವಿಘಟನೆ ಆಪುಂಡು, ಆಂಡ ಸ್ಟೈರೊಫೋಮ್ ಕ್ರಾಥೊಂಗ್ ಲೆನ್ ನಿಷೇಧ ಮಲ್ಪುನವು ಜಾಸ್ತಿ ಆವೊಂದುಂಡು, ದಾಯೆ ಪಂಡ ಅವು ನದಿಲೆನ್ ಬುಕ್ಕೊ್ಕ ಸಾಗರೊಲೆನ್ ಮಾಲಿನ್ಯ ಮಲ್ಪುಂಡು. ಒಂಜಿ ಕ್ರಾಥೊಂಗ್ ನ್ ವಿಸ್ತಾರವಾದ್ ಮಡತ್ ದ್ ಬಾಳೆಹಣ್ಣುದ ಎಲೆ, ಮೂಜಿ ಧೂಪದ ಕಡ್ಡಿಲು, ಬುಕ್ಕೊ್ಕ ಒಂಜಿ ಮೇಣದ ಬತ್ತಿಡ್ ಅಲಂಕರಿಸವೆರ್. ನದಿ ಆತ್ಮೊಲೆಗ್ ಒಂಜಿ ಎಲ್ಯ ನಾಣ್ಯೊನು ಕೆಲವೊಂಜಿ ಸರ್ತಿ ನೈವೇದ್ಯೊಗು ಸೇರಾವೊಡು. ಪುರ್ಣ ಚಂದ್ರನ ರಾತ್ರೆಡ್, ಥಾಯ್ಯೆರ್ ಅಕ್ಲೆನ ಕ್ರಾಥೊಂಗ್ ನ್ ಒಂಜಿ ನದಿ, ಕಾಲುವೆ, ಅತ್ತಂದೆ ಒಂಜಿ ಕೊಳೊಟು ಸುರು ಮಲ್ಪುವೆರ್, ಅಕುಲು ಮಲ್ಪುನಗ ಒಂಜಿ ಆಸೆನ್ ಮಲ್ಪುವೆರ್. ಈ ಫ್ಲೋಟ್ ಲೆನ್ 1947ಡ್ ಚಿಯಾಂಗ್ ಮೈಗ್ ಪರಿಚಯಿಸಯೆರ್ ಪಂದ್ ನಂಬುನವು ಬುಕ್ಕೊ್ಕ ಅಯಿಡ್ದ್ ಬುಕ್ಕೊ್ಕ ಥಾಯ್ ಸಂಸ್ಕೃತಿಡ್ ಸೇರ್ದ್ಂಡ್. ಸರ್ಕಾರಿ ಕಚೇರಿಲು, ನಿಗಮೊಲು, ಬುಕ್ಕೊ್ಕ ಬೇತೆ ಸಂಸ್ಥೆಲು ಮಲ್ಲ ಅಲಂಕೃತ ಕ್ರಾಥೊಂಗ್ ಲೆನ್ ಸುರು ಮಲ್ಪುವೆರ್. ಈ ಮಲ್ಲ ಕ್ರಾಥೊಂಗ್ ಲೆಡ್ ಎಡ್ಡೆ ಆಯಿನಕ್ಲೆಗ್ ಸ್ಪರ್ಧೆಲು ಉಂಡು. ಸೌಂದರ್ಯ ಸ್ಪರ್ಧೆಲು ಆಗಾಗ್ಗೆ ಉತ್ಸವೊಲೆನ್ ಒಟ್ಟುಗು ಮಲ್ಪುಂಡು ಬುಕ್ಕೊ್ಕ ಪಟಾಕಿಲುಲಾ ಸಾಮಾನ್ಯ ಆತ್ಂಡ್.

ದೀಪಾವಳಿ ಬುಕ್ಕೊ್ಕ ಲೋಯ್ ಕ್ರಾಥೊಂಗ್ಗ್ ಸಾಮ್ಯತೆ

ಥೈಲ್ಯಾಂಡ್ ಡ್ ಲೋಯ್ ಕ್ರಾಥೊಂಗ್ ನ ಅಭ್ಯಾಸ ಉಂದೆತ ಮೂಲೊಡು ಹಿಂದೂ ಧರ್ಮ ಉಂಡು, ಉಂದು ದೀಪಾವಳಿದ ಹಿಂದೂ ಪರ್ಬೊಡ್ದ್ ಬತ್ತ್ಂಡ್, ಭಾರತೊಡು ಆಚರಣೆ ಮಲ್ಪುನ ದೀಪೊಲೆನ ಪರ್ಬ ಹಿಂದೂಲು ದೈವಿಕ ತ್ರಿಮೂರ್ತಿನ್ ಆರಾಧನೆ ಮಲ್ಪೆರೆ ದೀಪಾವಳಿ ಪರ್ಬೊನು ಆಚರಣೆ ಮಲ್ಪುನವು ಪುದರ್ ಪೋತುಂಡು ಬುಕ್ಕೊ್ಕ ಬೌದ್ಧ ಧರ್ಮೊಗು ಮತಾಂತರ ಆಯಿನ ಹಿಂದೂಲು ದೀಪಾವಳಿದ ಲೆಕೊನೆ ಒಂಜಿ ಆಚರಣೆನ್ ಸೃಷ್ಟಿ ಮಲ್ತೆರ್. ಹಿಂದೂ ಧರ್ಮ ಸುವರ್ಣಭೂಮಿಡ್ ಥೇರವಾದ ಬೌದ್ಧ ಧರ್ಮೊದೊಟ್ಟುಗು ಒಂಜಿ ಗೌಪ್ಯ ಸಂಬಂಧೊಡು ಕನಿಷ್ಠ ಕ್ರಿ.ಪೂ ೫ನೆ ಶತಮಾನೊಡ್ದ್ ಅಸ್ತಿತ್ವೊಡು ಉಂಡು. ಥೈಲ್ಯಾಂಡ್, ಬುಕ್ಕೊ್ಕ ಬೇತೆ ಆಗ್ನೇಯ ಏಷ್ಯಾದ ದೇಶೊಲು. ಭಾರತೊದ ಪೂರ್ವ ರಾಜ್ಯೊದ ಒಡಿಶಾಡ್ ಆಚರಣೆ ಮಲ್ಪುನ ಕಾರ್ತಿಕ ಪೂರ್ಣಿಮೆದೊಟ್ಟುಗು ಸಾಮ್ಯತೆಲೆನ್ ತೂವೊಲಿ. ಈ ಪರ್ಬೊನು ಬೊಯಿತ ಬಂದನ\ ದಂಗಾ ಭಾಸಾ ಪನ್ಪೆರ್, ಉಂದು ಕಾರ್ತಿಕ ಪೂರ್ಣಿಮೆ ಅತ್ತ್ಂಡ ಕಾರ್ತಿಕ ಮಾಸೊದ ಪೂರ್ಣ ಚಂದ್ರನ ದಿನೊಟು (ಉಂದು ಅಕ್ಟೋಬರ್-ನವೆಂಬರ್ ಗ್ ಅನುಗುಣವಾದುಂಡು) ಆಚರಣೆ ಆಪುಂಡು. ಲಾಯ್ ಕ್ರತೊಂಗ್ ಪರ್ಬೊಲೆನ್ ಸಾಮಾನ್ಯವಾದ್ ಕಾರ್ತಿಕ ಪೂರ್ಣಿಮೆಗ್ ಅನುಗುಣವಾದ್ ಆಚರಣೆ ಮಲ್ಪುವೆರ್. ಆಗ್ನೇಯ ಏಷ್ಯಾದೊಟ್ಟುಗು ಬಲವಾದ್ ಕಡಲ ವ್ಯಾಪಾರ ಸಂಬಂಧೊಲೆನ್ ಮಲ್ತಿನ ಪ್ರಾಚೀನ ಕಾಲಿಂಗದ ಭಾಗವಾದ್ ಒಡಿಶಾ, ಈ ಮಾತಾ ಪರ್ಬೊಲೆಡ್ ಉಪ್ಪುನ ಸಾಮ್ಯತೆಲು ಕಾಕತಾಳೀಯ ಅತ್ತ್.