ಲಾರಾ ಡೆಲಾನಿ

ಐರಿಶ್ ಕ್ರಿಕೆಟಿಗೆ ಲಾರಾ ಕ್ಯಾಥರೀನ್ ಡೆಲಾನಿ ಡಿಸೆಂಬರ್ ೨೩, ೧೯೯೨ಡ್ ಪುಟ್ಟಿಯೆರ್. ಬುಕ್ಕೊ ಆರ್ ಇತ್ತೆ ಟೈಫೂನ್ಸ್ ಪನ್ಪುನ ತಂಡದ ನಾಯಕೆರ್ ಆದ್ ಉಲ್ಲೆರ್. ಆರ್ ಒರಿ ಮದ್ಯಮ ವೇಗೊದ, ಬಲಗೈದ ಬೌಲರ್ ಬುಕ್ಕೊ ಬಲಗೈದ ಬ್ಯಾಟ್ಸ್ ಮನ್. ಜುಲೈ ೨೦೧೦ಡ್, ಡೆಲಾನಿ ಕಿಬ್ವರ್ತ್ ಕ್ರಿಕೆಟ್ ಕ್ಲಬ್ ನ್ಯೂ ಗ್ರೌಂಡ್‍ಡ್ ನ್ಯೂಜಿಲೆಂಡ್‍ನ ವಿರುದ್ಧ ಐರ್ಲೆಂಡ್ ದೇಸೊಗು ಸುರುತ ಮಹಿಳಾ ಒಂಜಿ ದಿನೊತ ಅಂತರಾಷ್ಟ್ರೀಯ (WODI) ಪಂದ್ಯೊನು ಗೊಬ್ಬೊಂದಿತ್ತೆರ್. ಐರ್ಲೆಂಡ್ ವಿರುದ್ದಪ ಸರಣಿಡ್ 63ನೇ ಸರ್ತಿ ತಂಡೊನು ಗೆಂದಾಯಿನ ಡೆಲಾನಿ ಕ್ಯಾಪ್ಟನ್ ಆದ್ 62 ಗೊಬ್ಬುಲೆನ ಐಸೊಬೆಲ್ ಜಾಯ್ಸ್‍ನ ದಾಕಲೆನ್ ಮೀರ್ದ್ ಪೋಯೆರ್.

ನವೆಂಬರ್ 2021ಡ್, ಡೆಲಾನಿನ್ ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿ(ಐಸಿಸಿ)ದ ಪ್ಲೇಯರ್ ಆಫ್‍ದ ಮಂತ್ ಪನ್ಪುನ ಪುದರ್ದ್ ನೇಮಕ ಮಲ್ತೆರ್.

ಜೀವನದ ಚರಿತ್ರೆ

ಭಾರತೊಡು ನಡತಿನ 2016 ಐಸಿಸಿ ಮಹಿಳಾ ವಿಶ್ವ ಟ್ವೆಂಟಿ ೨೦‍ಡ್ದ್ ಬುಕ್ಕೊ ಐಸೊಬೆಲ್ ಜಾಯ್ಸ್ ರಾಜೀನಾಮೆ ಕೊರ್ನಗ ಏಪ್ರಿಲ್ 2016ಡ್ ಐರ್ಲೆಂಡ್‍ದ ನಾಯಕೆರಾದ್ ಅದಿಕಾರೊಗು ಬತ್ತೆರ್. ಮೇ 2017ಡ್ ಐರ್ಲೆಂಡ್ ಬುಕ್ಕೊ ದಕ್ಷಿಣ ಆಫ್ರಿಕಾದ ನಡುಟು ನಡತಿನ 2017 ದಕ್ಷಿಣ ಆಫ್ರಿಕಾ ಚತುರ್ಭುಜ ಸರಣಿಡ್ ಆರ್ 100ನೇ ಅಂತರರಾಷ್ಟ್ರೀಯ ಗೊಬ್ಬುನು ಗೊಬ್ಬಿಯೆರ್.

2018 ಜೂನ್‍ಡ್ ನಡತಿನ 2018 ಐಸಿಸಿ ಮಹಿಳಾ ವಿಶ್ವ ಟಿ 20 ಕ್ವಾಲಿಫೈಯರ್‍ಡ್ ಐರ್ಲೆಂಡ್‍ನ ನಾಯಕತ್ವೊಗು ಆರ್ ಆಯ್ಕೆ ಆಯೆರ್. 2018 ಅಕ್ಟೋಬರ್(October)ಡ್ ವೆಸ್ಟ್ ಇಂಡೀಸ್ ಡ್ ನಡತಿನ 2018 ICC ಮಹಿಳಾ ವಿಶ್ವ ಟಿ 20ಗ್ ಐರ್ಲೆಂಡ್‍ದ ನಾಯಕೆರಾದ್ ಆರ್ ಆಯ್ಕೆ ಆಯೆರ್. ನನೊಂಜಿ ವರ್ಸೊದ ಮಹಿಳಾ ಅಂತರಾಷ್ಟ್ರೀಯ ಆಟಗಾರ್ತಿ ಪ್ರಶಸ್ತಿನ್ ಗೆಂದಿಯೆರ್.

ಆಗಸ್ಟ್ 2019ಡ್, ಸ್ಕಾಟ್ಲೆಂಡ್‍ಡ್ ನಡತಿನ ೨೦೧೯ ಐಸಿಸಿ ಮಹಿಳಾ ವಿಶ್ವ ಟಿ20 ಅರ್ಹತಾ ಪಂತೊಗ್ ಐರ್ಲೆಂಡ್‍ದ ನಾಯಕೆ ಆದ್ ಗೋಸಣೆ ಆಯೆರ್. ಕ್ರಿಕೆಟ್ ಐರ್ಲೆಂಡ್ ಜುಲೈ ೨೦೨೦ಡ್ ಬರ್ಪುನ ರುತುವಿಗ್ ಅರೆಕಾಲಿಕ ವೃತ್ತಿಪರ ಒಪ್ಪಂದೊನು ಅರೆಗ್ ಕೊರ್ಂಡ್.

ಆರ್ 2016ಡ್ ಡ್ರ್ಯಾಗನ್ಸ್ ತಂಡೊದ ನಾಯಕತ್ವ ಮಲ್ತೆರ್. ಬುಕ್ಕೊ 2015 ಬುಕ್ಕೊ 2016ಡ್ ಮಹಿಳಾ ಸೂಪರ್ ಸೀರಿಸ್‍ಡ್ ಗೊಬ್ಬೊಂದಿತ್ತೆರ್. 2017ಡ್ ಟೈಫೂನ್ಸ್‍ಗ್ ಸೇರ್ನ ಬುಕ್ಕೊ, 2020ಡ್ ಅಕ್ಲೆನ ಸುರುತ ಚಾಂಪಿಯನ್ಶಿಪ್‍ಗ್ ಅರೆನ್ ಲೆತೊಂದು ಪೋಯೆರ್.

ನವೆಂಬರ್ ೨೦೨೧ಡ್ ಜಿಂಬಾಬ್ವೆಡ್ ನಡತಿನ ೨೦೨೧ ಮಹಿಳಾ ಕ್ರಿಕೆಟ್ ವಿಶ್ವಕಪ್ ಅರ್ಹತಾ ಗೊಬ್ಬುಗು ಐರ್ಲೆಂಡ್‍ದ ನಾಯಕೆ ಆದ್ ಗೋಸಣೆ ಆಯೆರ್. ಸೆಪ್ಟೆಂಬರ್ ೨೦೨೩ಡ್ ಡೆಲಾನಿ ತಂಡದ ಉಳಿಯಿನ ರಾಚೆಲ್ ಹೇಹೋ ಫ್ಲಿಂಟ್ ಟ್ರೋಫಿ ಆಟೊಲೆಗ್ ನಾರ್ತ್ ವೆಸ್ಟ್ ಥಂಡರ್ ನೊಟ್ಟುಗು ಸಹಿ ಪಾಡ್ದ್ಂಡ್ ಪನ್ಪಿನವು ತೆರಿಂಡ್.

ನವೆಂಬರ್ 2024ಡ್ ಬಾಂಗ್ಲಾದೇಶೊದ ಟಿ20 ಬುಕ್ಕೊ ಒಡಿಐ ಪ್ರವಾಸೊಗು ಡೆಲಾನಿ ಐರ್ಲೆಂಡ್ ತಂಡೊಗು ಸೇರ್ದೆರ್.