ಲಿಯೂ ರೂಶಿ

ಲಿಯು ರೂಶಿ
Born	ಜಿಯಾಕ್ಸಿಂಗ್, ಝೆಜಿಯಾಂಗ್
Died	1664
Resting place	ಮೌಂಟ್ ಯು, ಚಾಂಗ್ಶು, ಜಿಯಾಂಗ್ಸು
Occupations	ವೇಶ್ಯೆ, ಕವಿ, ಬರಹಗಾರ
Known for	ಕಾವ್ಯ, ದೇಶಭಕ್ತಿ

ಲಿಯು ರುಶಿ (ಚೀನೀ: 柳如是; ಪಿನ್ಯಿನ್: ಲಿಯು ರುಶಿ; ವೇಡ್-ಗೈಲ್ಸ್: ಲಿಯು ಜು-ಶಿಹ್; ೧೬೧೮-೧೬೬೪), ಯಾಂಗ್ ಐ (楊愛), ಲಿಯು ಶಿ (柳是), ಲಿಯು ಯಿನ್ (柳隱), ಯಾಂಗ್ ಯಿನ್ ಲಿಯಾನ್ ಡಾಂಗ್ ಬೊಕ್ಕ ಜುನ್ ಹೆ (河東君), ಮಿಂಗ್ ರಾಜವಂಶದ ಉತ್ತರಾರ್ಧೊಡು ಬೊಕ್ಕ ಕ್ವಿಂಗ್ ರಾಜವಂಶದ ಸುರುತ ಕಾಲೊಡು ಒರ್ತಿ ಚೀನದ ಕೋರ್ಟೆಸನ್, ಕವಿ, ಬೊಕ್ಕ ಬರವುದಾರ್.

ಕಡೆತ ಕ್ವಿಂಗ್ ಅಧಿಕಾರಿ ಜಾಂಗ್ ಜಿಂಗ್ಕಿ ವರ್ಣನೆ ಮಲ್ತಿನ ಕ್ವಿಂಗ್ಹುಯಿದ "ಎನ್ಮ ಸುಂದರಿಲೆಡ್" ಒರ್ತಿಯೇ ಆಯೆರ್. ಅರೆನ ಸೃಜನಶೀಲ ಕೆಲಸೊಲೆನ್ (ಅವು ಹೆಚ್ಚಿನ ಭಾಗೊಗು ಬದುಕುದು ಉಂಡು) ಬೊಕ್ಕ ಸ್ವತಂತ್ರ ಮನೋಭಾವೊಗು ಜೊತೆಗೆ, ಅರೆನ ಕಂಡನಿನ ಮಿತ್ತ್ ಮಸ್ತ್ ಪ್ರೀತಿ ಬೊಕ್ಕ ಅರೆನ ದೇಶೊಗು (ಮಿಂಗ್) ಭಕ್ತಿ ಮಲ್ತಿನ ಕಾರಣೊಗು (ಮಿಂಗ್-ಕ್ವಿಂಗ್ ಪರಿವರ್ತನೆದ ಸಮಯೊಡು) ಅರೆನ್ ನನೊಂಜಿ ಸರ್ತಿ ಗೌರವಿಸಯೆರ್. ಇತಿಹಾಸಕಾರೆ ಚೆನ್ ಯಿಂಕೆ ಲಿಯು ರುಶಿನ್ "ಒರಿ ನಾಯಕಿ, ಒರಿ ಪೊರ್ಲು, ಒರಿ ಪದಕ ವಿಜೇತೆ, ಬೊಕ್ಕ ಒರಿ ದೇಶಭಕ್ತೆ" ಪಂಡ್ದ್ ವರ್ಣನೆ ಮಲ್ತೆರ್.

ಸುರುತ ಜೀವನ

ಲಿಯು ರುಶಿ 1618ಡ್ ಪುಟ್ಟುವೆರ್. ಅರೆನ ಮೂಲ ಕುಟುಂಬದ ಪುದರ್ ಯಾಂಗ್, ಬೊಕ್ಕ ಅರ್ ಝೆಜಿಯಾಂಗ್ ಪ್ರಾಂತ್ಯೊದ ಜಿಯಾಕ್ಸಿಂಗ್ ಬತ್ತಿನಾರ್. ಅರೆನ ಕುಟುಂಬದಕುಲು ಬಡವೆರ್ ಆಯಿನೆಡ್ದಾವರ, ಅರೆನ ಜೋಕುಲು ಆನಗ ಕುಟೆಸನ್ಸ್ ನ್ ತರಬೇತಿ ಕೊರ್ಪಿನ ಶಾಲೆ ಆಯಿನ ಗುಯಿಜಿಯಾ ಯುವಾನ್ (归家院) ಗ್ ಮಾರಾಟ ಆಯೆರ್. ಅರೆನ ಬಾಲ್ಯ ಒಂಜಿ ದುಃಖದ ಕಾಲ ಆದಿತ್ತ್ಂಡ್, ಬೊಕ್ಕ ಅರೆನ ಜೀವನದ ವಿವರೊಲು ಗೊತ್ತಿಜ್ಜಿ. ಲಿಯು ರುಶಿ ಸುಮಾರ್ ನಾಲ್ ಅತ್ತ್ಂಡ ಐನ್ ವರ್ಸೊದ ಪ್ರಾಯೊಡು ಕಲೆ ಬೊಕ್ಕ ಸಾಹಿತ್ಯೊಡು ತರಬೇತಿ ದೆತೊನೆರೆ ಸುರು ಮಲ್ತೆರ್. ಗುಯಿಜಿಯಾ ಯುವಾನ್ ಡ್ ಕುಟೆಸನ್ ಅಪ್ರೆಂಟಿಸ್ ಬೊಕ್ಕ ಸೇವಕೆ ಆದ್ ಬೇಲೆ ಮಲ್ತೆರ್. ಆರ್ ಎಲ್ಯ ಪ್ರಾಯೊಡ್ದ್ ಬಾರಿ ಬುದ್ಧಿವಂತೆ ಆದಿತ್ತೆರ್. ಗುಯಿಜಿಯಾ ಯುವಾನ್ ನ ಮಾಲೀಕೆರ್ ಶು ಫೊ (徐佛), ಒರಿ ದುಂಬುದ ಪ್ರಸಿದ್ಧ ಕುಟೆಸನ್, ಲಿಯು ರುಶಿನ ಗುರು ಆದಿತ್ತೆರ್. ಶು ಫೊನ ಪ್ರಭಾವೊಡು, ಲಿಯು ರುಶಿ ಮಸ್ತ್ ಓದುನ, ಕಬಿತೆ ಬರೆಯೆರೆ ಬೊಕ್ಕ ಪುಷ್ಪ ಚಿತ್ರಕಲೆ ಮಲ್ಪುನ ಕೌಶಲ್ಯೊಲೆನ್ ಗಳಸೊಂಡೆರ್.

ಲಿಯು ರುಶಿಗ್ 13 ವರ್ಸೊ ಆನಗ, ಚಾಂಗ್ಜೆನ್ ದ ಮಾಜಿ ಪ್ರಧಾನಿ ಝೌ ದಾಡೆಂಗ್ ನ ಇಲ್ಲಗ್ ಮಾರಾಟ ಆಯೆರ್, ಬೊಕ್ಕ ಅರೆನ ರಬ್ನೆ ಬೊಡೆದಿ ಆದ್ ಮದಿಮೆ ಆಯೆರ್. ಲಿಯು ರುಶಿ ಬೊಕ್ಕ ಝೌ ದಾಡೆಂಗ್ ನಡುಟು ಇತ್ತಿನ ಸಂಬಂಧ ಅಜ್ಜೆರ್ ಬೊಕ್ಕ ಪುಳ್ಳಿನ ನಡುಟು ಉಪ್ಪುನ ಸಂಬಂಧೊದಲೆಕನೆ ಇತ್ತ್ಂಡ್; ಝೌ ದಾಡೆಂಗ್ ಅಲೆನ್ ತೂವೊಂದಿತ್ತೆರ್, ಆಂಡ ಅಲೆಗ್ ಕಬಿತೆ ಬೊಕ್ಕ ಪಾಡ್ದನೊಲೆನ್ ಕಲ್ಪಾವೊಂದಿತ್ತೆರ್. ಉಂದು ಬಾಕಿದ ಬೊಡೆದಿನಕುಲೆಗ್ ಬೊಕ್ಕ ಉಪಪತ್ನಿಲೆನ ನಡುಟು ಬೌದ್ಧಿಕ ಕುತೂಹಲೊನು ಬುಲೆಪಾಂಡ್. ಝೌ ದಾಡೆಂಗ್ ಸೈತಿನ ಬುಕ್ಕೊ, 14 ವರ್ಷದ ಲಿಯು ರುಶಿನ್ ಝೌ ಕುಟುಂಬೊಡ್ದ್ ಪಿದಯಿ ಪಾಡಿಯೆರ್. ಝೌ ಕುಟುಂಬೊನು ಬುಡ್ದು ಪೋಯಿನ ಲಿಯು ರುಶಿ, ಒರ್ತಿ ಕೋರ್ಟೆಸನ್ ಆಯೆರೆ ಆಯ್ಕೆ ಮಲ್ತೆರ್.

೧೬೩೨ಡ್, ಲಿಯು ರುಶಿ ಸಾಂಗ್ಜಿಯಾಂಗ್ ಗ್ ಬತ್ತ್ದ್ ಯಿಂಗ್ಲಿಯನ್ (影怜) ಪನ್ಪಿನ ಪುದರ್ ನ್ ದೆತೊನುವೆರ್, ಉಂದು ಕಷ್ಟದ ಸಮಯೊಡು ದಯೆ ಅತ್ತಂಡ ಸ್ವ-ತ್ಯಾಗೊನು ಸೂಚಿಸವುಂಡು. ಸೊಂಗ್ಜಿಯಾಂಗ್ ಡ್, ಫುಶೆ, ಜಿಶ್ಹೆ, ಬೊಕ್ಕ ಡಾಂಗ್ಲಿನ್ ಪಕ್ಷೊಲೆನ ಸದಸ್ಯೆರೆನೊಟ್ಟುಗು ಆರ್ ಸಂವಹನ ಮಲ್ತೆರ್. ಆರ್ ಕನ್ಫ್ಯೂಷಿಯನ್ ಡ್ರೆಸ್ ಬೊಕ್ಕ ಆನುಲೆನ ಡ್ರೆಸ್ ನ್ ಪಾಡ್ದ್, ಸಾಹಿತ್ಯೆರೆನ್ ತೂದು, ದೇಶದ ಸಾಮಾನ್ಯ ಪರಿಸ್ಥಿತಿನ್ ಚರ್ಚೆ ಮಲ್ತೆರ್, ಬೊಕ್ಕ ಮಸ್ತ್ ಕಬಿತೆಲೆನ್ ಪಾಡ್ದೆರ್. ಆನುಲು ಜೋಸ್ತಿಲೆ ನೊಟ್ಟುಗು ಸ್ನೇಹ ಮಲ್ಪುನಗ, ಆರ್ ಅಕುಲೆನ್ ತಾನ್ "ಅಣ್ಣೆ" ಪಂಡ್ದ್ ಲೆಪ್ಪೆರೆ ಬಯಕುವೆರ್. ಜಿಯಾಂಗ್ಸು, ಝೆಜಿಯಾಂಗ್ ಬೊಕ್ಕ ಜಿನ್ಲಿಂಗ್ ನಡುಟು ನೌಕೆಡ್ ಪ್ರಯಾಣ ಮಲ್ತೆರ್.

ಲಿಯು ರುಶಿ ಬಾರಿ ಪುದರ್ ಪೋಯಿನ ಕಾಲಿಗ್ರಾಫರ್ ಬೊಕ್ಕ ಚಿತ್ರಕಾರೆ ಚೆನ್ ಜಿರುನ 75ನೇ ಪುಟ್ಟು ಪರ್ಬೊದ ಸಮಯೊಡು ಪ್ರದರ್ಶನ ಮಲ್ತೆರ್. ಝೌ ರಾಜವಂಶದ ಅಧಿಕಾರಿಲು ಝೌ ರಾಜವಂಶದ ಚಕ್ರವರ್ತಿಗ್ ಪ್ರಾರ್ಥನೆ ಮಲ್ತಿನ "ಕವಿತೆ·ಕ್ಸಿಯಾವೊವಾಯ·ಟಿಯಾನ್ಬಾವೊ" ಪನ್ಪಿನ ಪಾಡ್ದನೊನು ಆರ್ ಪಾಡ್ದೆರ್, ನಲಿತೆರ್, ಬೊಕ್ಕ ಪ್ರದರ್ಶನ ಮಲ್ತೆರ್. ಲಿಯು ರುಶಿನ ಮೃದುವಾದ್ ಪಾಡುನ ಸ್ವರ ಪುಟ್ಟು ಪರ್ಬದ ಬಾಲೆಗ್ ಸಮಾಧಾನ ಬೊಕ್ಕ ಸಂತೋಷೊನು ಕೊರ್ತುಂಡು, ಬೊಕ್ಕ ಅತಿಥಿಲೆಗ್ ಸಂತೋಷೊನು ಕೊರ್ತುಂಡು.

ಚಿತ್ರೊಲೆನ ಪಟ್ಟಿ

• ನರಮಾನಿಯನ ಚಿತ್ರೊಲು, ಆಲ್ಬಮ್ ಇರೆಕುಲು, ಶಾಯಿ ಬೊಕ್ಕ ಕಾಗದೊಡು ಬಣ್ಣೊಡು ಉಪ್ಪುನ ಭೂದೃಶ್ಯೊಲು. ಫ್ರೀರ್ ಗ್ಯಾಲರಿ ಆಫ್ ಆರ್ಟ್, ವಾಷಿಂಗ್ಟನ್, ಡಿ.ಸಿ.
• ಮೂನ್ ಡೈಕ್ ಡ್ ಮಿಸ್ಟಿ ಟ್ರೀಸ್, ೧೬೪೩, ಹ್ಯಾಂಡ್ಸ್ಕ್ರೋಲ್, ಇಂಕ್ ಬೊಕ್ಕ ಬಣ್ಣ ಕಾಗದೊಡು. ಅರಮನೆ ಮ್ಯೂಸಿಯಂ, ಬೀಜಿಂಗ್.
• ಲಿಯು ರುಶಿನ ಬೇತೆ ಚಿತ್ರೊಲೆಡ್:
• ಸ್ಮೋಕ್ ಅಂಡ್ ರೇನ್ ಮೌಂಟನ್ ವಿಲೇಜ್ (煙雨山村)
• ಮಿಡ್-ಸ್ಪ್ರಿಂಗ್ ಗಾರ್ಡನ್ ಪ್ಲೇ (早春園戲)
• ದೂರ, ಪರಿಮಳ ಬೊಕ್ಕ ಪ್ರಕಾಶಮಾನತೆ (香遠益清)