ಲಿವಾಡಿಯಾ ಅರಮನೆ

ಲಿವಾಡಿಯಾ ಅರಮನೆ
Ливадийский дворец
ಲಿವಾಡಿಯಾ ಅರಮನೆಯ ಮುಖಮಂಟಪ
General information
Type	ಅರಮನೆ
Architectural style	ನವ-ನವೋದಯ
Location	ಲಿವಾಡಿಯಾ, ಕ್ರಿಮಿಯಾ
Coordinates	44°28′04″N 34°08′36″E
Completed	1911
Technical details
Material	ಬಿಳಿ ಕ್ರಿಮಿಯನ್ ಸುಣ್ಣದ ಕಲ್ಲು
Design and construction
Architect	ನಿಕೊಲಾಯ್ ಕ್ರಾಸ್ನೋವ್
Other information
Number of rooms	116
Website
ಲಿವಾಡಿಯಾ ಅರಮನೆಯ ಅಧಿಕೃತ ಜಾಲತಾಣ

ಲಿವಾಡಿಯಾ ಅರಮನೆದ ಒಂಜಿ ಇಟಾಲಿಯನ್ ಅಂಗಳ

ಚಾಪೆಲ್

ಲಿವಾಡಿಯಾ ಅರಮನೆ ಕಡೆತ ರಷ್ಯಾದ ತ್ಸಾರ್, ನಿಕೋಲಸ್ II, ಬೊಕ್ಕ ಅರೆನ ಕುಟುಂಬದ ಲಿವಾಡಿಯಾ, ಕ್ರೈಮ್ ಡ್ ಇತ್ತಿನ ಒಂಜಿ ಬೇಸಿಗೆದ ಪಿರವುದ ಜಾಗೆ. ಯಾಲ್ಟಾ ಸಮ್ಮೇಳನ 1945ಡ್ ಅಲ್ಪ ನಡತ್ಂಡ್, ಅಪಗ ಅರಮನೆಡ್ ಫ್ರಾಂಕ್ಲಿನ್ ಡೆಲಾನೊ ರೂಸ್ವೆಲ್ಟ್ ಬೊಕ್ಕ ಅಮೆರಿಕದ ನಿಯೋಗದ ಇತರ ಸದಸ್ಯೆರೆನ ಅಪಾರ್ಟ್ಮೆಂಟ್ ಲು ಇತ್ತ್ಂಡ್ – ಸೋವಿಯೆತ್ ನಿಯೋಗ ಯುಸುಪೊವ್ ಅರಮನೆ (ಕ್ರೈಮಿಯಾ) ಡ್ ಇತ್ತ್ಂಡ್, ಬೊಕ್ಕ ಬ್ರಿಟಿಷೆರ್ ಯುಸುಪೊವ್ ಅರಮನೆ (ಕ್ರೈಮಿಯಾ) ಡ್ ಇತ್ತೆರ್, ಬೊಕ್ಕ ಬ್ರಿಟಿಷೆರ್ ಒಂಟೊವ್| ಅರಮನೆಡ್ ಸುಮಾರ್ ಎಡ್ಮ ಕಿಲೋಮೀಟರ್ ದೂರೊಡು ಉಂಡು. ಈ ಅರಮನೆಡ್ ಒಂಜಿ ಮ್ಯೂಸಿಯಂ ಉಂಡು, ಬೊಕ್ಕ ಕೆಲವೊಂಜಿ ಸರ್ತಿ ಅಂತರಾಷ್ಟ್ರೀಯ ಶೃಂಗಸಭೆಲೆಗ್ ಉಂದು ಉಪಯೋಗ ಆಪುಂಡು.

ಇತಿಹಾಸ

ದುಂಬು ಲ್ಯಾಂಬ್ರೊಸ್ ಕ್ಯಾಟ್ಸೊನಿಸ್ ಗ್ ಮಂಜೂರು ಆಯಿನ ಬೊಕ್ಕ ಪೊಟೊಕಿ ಕುಟುಂಬದ ಸ್ವಾಧೀನ ಆಯಿನ ಲಿವಾಡಿಯಾ ಎಸ್ಟೇಟ್ 1860 ದಶಕೊಡು ರಷ್ಯಾದ ಸಾಮ್ರಾಜ್ಯಶಾಹಿ ಕುಟುಂಬದ ಬೇಸಿಗೆ ನಿವಾಸ ಆಂಡ್, ಅಪಗ ವಾಸ್ತುಶಿಲ್ಪಿ ಇಪ್ಪೊಲಿಟೊ ಮೊನಿಘೆಟ್ಟಿ ಒಂಜಿ ಮಲ್ಲ ಅರಮನೆ, ಒಂಜಿ ಎಲ್ಯ ಅರಮನೆ, ಬೊಕ್ಕ ಒಂಜಿ ಎಲ್ಯ ಚರ್ಚ್ ನ್ ನಿರ್ಮಾಣ ಮಲ್ತೆರ್. ಈ ನಿವಾಸೊಗು ರಷ್ಯಾದ ಅಲೆಕ್ಸಾಂಡರ್ II ಆದಗ ಅದಗ ಬರೊಂದು ಉಪ್ಪುವೆರ್, ಆಂಡ ಅರೆನ ಉತ್ತರಾಧಿಕಾರಿ ರಷ್ಯಾದ ಅಲೆಕ್ಸಾಂಡರ್ III ಜೀವನ ಮಲ್ತೊಂದಿತ್ತೆರ್, ಬೊಕ್ಕ ಎಲ್ಯ ಅರಮನೆಡ್ ತೀರ್ ಪೋಯೆರ್. ಅರೆನ ಮಗೆ ನಿಕೋಲಸ್ II ಮಲ್ಲ ಅರಮನೆನ್ ಕೆತ್ತುದು ಮಲ್ಲ ರಚನೆನ್ ಮಲ್ಪೆರೆ ನಿರ್ಧರಿಸಯೆರ್. ಎಲ್ಯ ಮಲಿಜ್ (ಚಿಕ್ಕ) ಅರಮನೆನ್ ಅರೆನ ಅಪ್ಪೆನ ಸಾವುದ ಜಾಗೆ ಆದ್ ಸಂರಕ್ಷಣೆ ಮಲ್ತೆರ್, ಆಂಡ ನನೊಂಜಿ ವಿಶ್ವ ಯುದ್ಧೊಡು ಅವು ಪೂರಾ ನಾಶ ಆಂಡ್.

ಸುಮಾರ್ ೧೯೦೯ಡ್, ​​ನಿಕೋಲಾಯ್ ಕ್ರಾಸ್ನೋವ್ (ವಾಸ್ತುಶಿಲ್ಪಿ), ಯಾಲ್ಟಾ ದ ಅತ್ಯಂತ ಫ್ಯಾಶನ್ ವಾಸ್ತುಶಿಲ್ಪಿ, ಕೊರೆಜ್ ಡ್ ಗ್ರ್ಯಾಂಡ್ ಡ್ಯೂಕಲ್ ನಿವಾಸೊಲೆಗ್ ಜವಾಬ್ದಾರರಾಯಿನ, ಒಂಜಿ ಪೊಸ ಸಾಮ್ರಾಜ್ಯಶಾಹಿ ಅರಮನೆದ ಯೋಜನೆಲೆನ್ ತಯಾರ್ ಮಲ್ಪೆರೆ ನಿಯೋಜಿಸಯೆರ್. ತ್ಸಾರ್ ನ ಡೈರಿ ಸೂಚಿಸವುಂಡು ಈ ವಿನ್ಯಾಸೊನು ಇಂಪೀರಿಯಲ್ ಫ್ಯಾಮಿಲಿಡ್ ಮಸ್ತ್ ಚರ್ಚೆ ಮಲ್ತೆರ್; ಅರಮನೆದ ನಾಲ್ ಮುಖಭಾಗೊಲು ಬೇತೆ ಬೇತೆ ಆವೊಡು ಪಂದ್ ನಿರ್ಧರಿಸಯೆರ್. ತಿಂಗೊಲು ನಿರ್ಮಾಣ ಆಯಿ ಬೊಕ್ಕ, ಪೊಸ ಅರಮನೆನ್ ೧೧ ಸೆಪ್ಟೆಂಬರ್ ೧೯೧೧ಡ್ ಉದ್ಘಾಟನೆ ಮಲ್ತೆರ್. ನವೆಂಬರ್ ಡ್ ರಷ್ಯಾದ ಗ್ರ್ಯಾಂಡ್ ಡಚೆಸ್ ಒಲ್ಗಾ ನಿಕೋಲೇವ್ನಾ ಲಿವಾಡಿಯಾಡ್ ತನ್ನ ೧೬ನೇ ಪುಟ್ಟು ಪರ್ಬೊನು ಆಚರಣೆ ಮಲ್ತೆರ್.

೧೯೧೭ಡ್ ಫೆಬ್ರವರಿ ಕ್ರಾಂತಿದ ಬೊಕ್ಕ, ನಿಕೋಲಸ್ ನ ಅಮ್ಮೆರ್, ಡೋವೇಜರ್ ಸಾಮ್ರಾಜ್ಞಿ ಮಾರಿಯಾ ಫಿಯೋಡೊರೊವ್ನಾ (ಡೆನ್ಮಾರ್ಕ್ ದ ಡಾಗ್ಮಾರ್), ಸಾಮ್ರಾಜ್ಯಶಾಹಿ ಕುಟುಂಬದ ಕೆಲವು ಸದಸ್ಯೆರೆನೊಟ್ಟುಗು ಲಿವಾಡಿಯಾಗ್ ಪಲಾಯನ ಮಲ್ತೆರ್. ಅಕುಲು ಕಡೆಕ್ ಬ್ರಿಟಿಷ್ ನೌಕೆ ಎಚ್ ಎಂಎಸ್ ಮಾರ್ಲ್ಬೊರೊ (೧೯೧೨) ಡ್ದ್ ರಕ್ಷಣೆ ಮಲ್ತೆರ್, ಉಂದೆನ್ ಡೋವೇಜರ್ ಸಾಮ್ರಾಜ್ಞಿನ ಸೋದರ ಮಗೆ, ರಾಜೆ ಜಾರ್ಜ್ ವಿ ಕಡಪುಡುವೆರ್.

೧೯೧೭ ರ ರಷ್ಯಾದ ಕ್ರಾಂತಿದ ನಂತರ, ಅರಮನೆನ್ ರಾಷ್ಟ್ರೀಕರಣ ಮಲ್ತೆರ್ ಬೊಕ್ಕ, ಆರ್ ಎಸ್ ಎಫ್ ಎಸ್ ಆರ್ ದ ಪಿಪಲ್ಸ್ ಕಮಿಷರ್ ಲೆನ ಕೌನ್ಸಿಲ್ ನ ಆದೇಶದ ಪ್ರಕಾರ “ಕಾರ್ಮಿಕೆರೆನ ಚಿಕಿತ್ಸೆಗಾದ್ ಕ್ರಿಮಿಯಾನ್ ಬಳಕೆ ಮಲ್ಪುನ ಬಗ್ಗೆ” ಲೆನಿನ್ ಡಿಸೆಂಬರ್ ೨೧೯೧೯ ಡ್ ಸಹಿ ಪಾಡ್ದ್ ಇತ್ತೆರ್ ,ಕೆಲಸಗಾರೆರೆಗಾತ್ರ ಒಂಜಿ ಸ್ಯಾನಿಟೋರಿಯಂ ಆದ್ ಪರಿವರ್ತಿಸಾಯೆರ್. ೧೯೨೫ ಡ್ದ್ ೧೯೩೧ ಮುಟ್ಟ ಉಂದು ಪೀಪಲ್ಸ್ ಕಮಿಷನರಿಟ್ ಆಫ್ ಹೆಲ್ತ್ ದ ಪೀಸೆಂಟ್ ಸ್ಯಾನಿಟೋರಿಯಂ ಆದ್ ಕಾರ್ಯನಿರ್ವಹಿಸೊಂದಿತ್ತ್ಂಡ್, ಕ್ಷಯರೋಗ ವಿರೋಧಿ ಬೊಕ್ಕ ಸಾಮಾನ್ಯ ಚಿಕಿತ್ಸಕ ಚಿಕಿತ್ಸೆಡ್ ವಿಶೇಷತೆನ್ ಪಡೆಯೊಂದಿತ್ತ್ಂಡ್. ೧೯೩೧ ಬೊಕ್ಕ ೧೯೪೧ ನಡುಟು ಉಂದು ಒಂಜಿ ಹವಾಮಾನ-ಚಿಕಿತ್ಸೆದ ಸಂಯೋಜನೆ ಬೊಕ್ಕ ಆರೋಗ್ಯ-ವಿಶ್ರಾಂತಿ ಸಂಕೀರ್ಣೊದ ರೂಪೊಡು ಕಾರ್ಯನಿರ್ವಹಿಸೊಂದಿತ್ತ್ಂಡ್. ಯುದ್ಧಕಾಲೊದ ಆಕ್ರಮಣ ಬೊಕ್ಕ ಹಾನಿ ಆಯಿ ಬೊಕ್ಕ, ಅರಮನೆನ್ ಪುನಃಸ್ಥಾಪನೆ ಮಲ್ತೆರ್ ಬೊಕ್ಕ ಅಯಿತ ಸ್ಯಾನಿಟೋರಿಯಂ ಪಾತ್ರೊನು ಪುನರಾರಂಭ ಮಲ್ತೆರ್. ಕಟ್ಟಡೊದ ಕೆಲವು ಭಾಗೊಲೆನ್ 1974ಡ್ ಸಾರ್ವಜನಿಕೆರೆಗ್ ಕುಡ ತೂವರೆ ಬುಡಿಯೆರ್, ಬೊಕ್ಕ ಇತ್ತೆ ಉಂದು ಒಂಜಿ ಮ್ಯೂಸಿಯಂ ಆದ್ ಕಾರ್ಯನಿರ್ವಹಿಸೊಂದುಂಡು. ಕೆಲವು ಆಧುನಿಕ ವಾದೊಲೆಗ್ ವಿರುದ್ಧವಾದ್, ಅರಮನೆನ್ ಏಪಲಾ ಒಂಜಿ ಮನೋವೈದ್ಯಕೀಯ ಆಸ್ಪತ್ರೆ ಆದ್ ಬಳಕೆ ಮಲ್ತೆರ್ ಪನ್ಪಿನೆಕ್ ದಾಖಲೆ ಸಾಕ್ಷಿ ಇಜ್ಜಿ.

ರಡ್ಡನೆ ವಿಶ್ವ ಯುದ್ಧೊದ ಸಮಯೊಡು, ಜರ್ಮನ್ ಕ್ರೈಮಿಯನ್ ಅಭಿಯಾನ (೧೯೪೧-೧೯೪೨) ನ್ ಯಶಸ್ವಿಯಾದ್ ಮುಗಿಪಾವುನ ಒಂಜಿ ಸಮಾರಂಭ, ಸೆವಾಸ್ಟೊಪೋಲ್ ದ ಮುತ್ತಿಗೆ (೧೯೪೧-೧೯೪೨) ೧೧ನೇ ಸೈನ್ಯ (ವರ್ಮಾ/| ಜನರಲ್ ಎರಿಚ್ ವಾನ್ ಮ್ಯಾನ್ಸ್ಟೈನ್, ಬೊಕ್ಕ ಮ್ಯಾನ್ಸ್ಟೈನ್ ನ ಜನರಲ್ಫೆಲ್ಡ್ಮಾರ್ಷಲ್ ಸ್ಥಾನೊಗು ಬಡ್ತಿ ಮನ್ಪುನ ಕಾರ್ಯಕ್ರಮೊ, ಜುಲೈ ೬, ೧೯೪೨ಡ್ ಲಿವಾಡಿಯಾ ಅರಮನೆದ ಉದ್ಯಾನೊಡು ನಡತ್ಂಡ್. ಸೈನಿಕೆರ್, ಅಧಿಕಾರಿಲು ಭಾಗವಹಿಸಾಯೆರ್. ಜರ್ಮನ್ "ರಿಟ್ಟರ್ಕ್ರೂಜ್" (ನೈಟ್ಸ್ ಕ್ರಾಸ್) ಬೊಕ್ಕ "ಡಾಯ್ಚೆಸ್ ಕ್ರೂಜ್ ಇನ್ ಗೋಲ್ಡ್" (ಜರ್ಮನ್ ಕ್ರಾಸ್ ಇನ್ ಗೋಲ್ಡ್) ಪ್ರಶಸ್ತಿನ್ ಅಲ್ಪ ಪಡೆಯೆರ್.

ಆ ಅರಮನೆ ಒಂಜಿ ಐತಿಹಾಸಿಕ ವಸ್ತುಸಂಗ್ರಹಾಲಯ ಆಂಡ್. ಐತಿಹಾಸಿಕ ಪೀಠೋಪಕರಣೊಲೆಡ್ ಬಹುಪಾಲು ಕಳೆವೊಂದು ಪೋತುಂಡು. ಆಗಸ್ಟ್ ೨೦೦೭ಡ್ ಈ ಅರಮನೆನ್ ಸೆವೆನ್ ವಂಡರ್ಸ್ ಆಫ್ ಉಕ್ರೇನ್ ಯೋಜನೆಡ್ ಆಧುನಿಕ ಇತಿಹಾಸದ ಮೈಲುಗಲ್ಲು ಪಂಡ್ದ್ ಗುರುತಿಸಾಯೆರ್. ಉಕ್ರೇನಿಯನ್ ಪಾಪ್ ಗಾಯಕಿ ಸೋಫಿಯಾ ರೊಟಾರು, ರಷ್ಯಾ, ಉಕ್ರೇನ್ ಬೊಕ್ಕ ಮೊಲ್ಡೊವಾ ದೇಶೊಲೆನ ಅಧ್ಯಕ್ಷೆರೆನ ಒಟ್ಟುಗು ಅರಮನೆಡ್ ತನ್ನ 60ನೇ ಪುಟ್ಟು ಪರ್ಬೊನು ಆಚರಣೆ ಮಲ್ತೆರ್ - ಯಾಲ್ಟಾ ಸಮ್ಮೇಳನ ಡ್ದ್ ಬೊಕ್ಕ ಇಂಚಿನ ರಡ್ಡನೆ ಸಭೆ - 2008ಡ್ ಲಿವಾಡಿಯಾ ಅರಮನೆದ ಜೀರ್ಣೋದ್ಧಾರೊಗು ನಿಧಿಲಾ ಕೊರ್ತೆರ್.

ಅರಮನೆಡ್ ಅಸಂಖ್ಯಾತ ಶೈಕ್ಷಣಿಕ ಸಮ್ಮೇಳನೊಲು ನಡತ್ಂಡ್. ಅರಮನೆದ ಸಿಬ್ಬಂದಿಲು ಅಕ್ಲೆನ ಸಂಶೋಧನೆನ್ ಸಕ್ರಿಯವಾದ್ ಪ್ರಕಟಿಸಾವೆರ್. ತೂವರೆ ಬತ್ತಿನಂಚಿನ ಜನಕುಲು ೧೯೪೫ ದ ಘಟನೆಲೆಡ್ ಸೈತಿನಕುಲೆನ ಬಗ್ಗೆ ವಿಶೇಷವಾದ್ ಆಸಕ್ತಿ ತೋಜಾವೆರ್. ಜಾರ್ ಅಲೆಕ್ಸಾಂಡರ್ III ನ ಸಮಾಧಿದ 123ನೇ ವಾರ್ಷಿಕೋತ್ಸವೊಡು, 2017 ನವೆಂಬರ್ 18 ತಾರೀಕ್ ಗ್, ರಷ್ಯಾದ ಅಧ್ಯಕ್ಷೆ ವ್ಲಾಡಿಮಿರ್ ಪುಟಿನ್ ಲಿವಾಡಿಯಾ ಅರಮನೆದ ಮೈದಾನೊಡು ಅಲೆಕ್ಸಾಂಡರ್ III ಗ್ ಒಂಜಿ ಸ್ಮಾರಕೊನು ಸಮರ್ಪಣೆ ಮಲ್ತೆರ್.

ವಾಸ್ತುಶಿಲ್ಪ

ಲಿವಾಡಿಯಾ ಅರಮನೆನ್ ನವ-ನವೋದಯ ಶೈಲಿಡ್ ಬಿಳುಪುದ ಕ್ರಿಮಿಯನ್ ಸುಣ್ಣದ ಕಲ್ಲ್ ಡ್ದ್ ನಿರ್ಮಾಣ ಮಲ್ತೆರ್. ಈ ಕಟ್ಟಡೊಡು ಕ್ಯಾರಾರಾ ಅಮೃತಶಿಲೆದ ಕಮಾನುದ ಮುಖಮಂಟಪ, ಒಂಜಿ ವಿಶಾಲವಾದ್ ಅರೇಬಿಕ್ ಪ್ಯಾಟಿಯೊ, ಒಂಜಿ ಇಟಾಲಿಯನ್ ಪ್ಯಾಟಿಯೊ, ಒಂಜಿ ಫ್ಲೋರೆಂಟೈನ್ ಗೋಪುರ, ಅಲಂಕೃತ ಬ್ರಾಮಂಟೆ ಸ್ಕ್ಯೂ ಕಿಟಕಿಲು, ಒಂಜಿ "ಬಾಲ್ಕನಿ-ಬೆಲ್ವೆಡೆರೆ", ಬೊಕ್ಕ ಜಾಸ್ಪರ್ ಹೂದಾನಿಲೆನೊಟ್ಟುಗು ಬಹು ಕೊಲ್ಲಿಲು ಉಂಡು. ಒಂಜಿ ಗ್ಯಾಲರಿ ಅರಮನೆನ್ 1866ಡ್ ಮೊನಿಘೆಟ್ಟಿ ನಿರ್ಮಾಣ ಮಲ್ತಿನ ಒಂಜಿ ನವ-ಬೈಜಾಂಟೈನ್ ಚರ್ಚ್ ದ ಎಕ್ಸಾಲ್ಟೇಶನ್ ಆಫ್ ದ ಕ್ರಾಸ್ ಗ್ ಸಂಪರ್ಕ ಮಲ್ಪುಂಡು.

ಈ ಅರಮನೆಡ್ 116 ಕೊಠಡಿಲು ಉಂಡು, ಒಳಾಂಗಣೊಲು ಬೇತೆ ಬೇತೆ ಶೈಲಿಡ್ ಸಜ್ಜು ಆತ್ಂಡ್. ಒಂಜಿ ಪೊಂಪಿಯನ್ ವೆಸ್ಟಿಬ್ಯೂಲ್, ಒಂಜಿ ಇಂಗ್ಲಿಷ್ ಬಿಲಿಯರ್ಡ್-ರೂಮ್, ಒಂಜಿ ಬರೊಕ್ ರಿವೈವಲ್ ಆರ್ಕಿಟೆಕ್ಚರ್/ನಿಯೋ-ಬರೊಕ್ ಡೈನಿಂಗ್ ರೂಮ್, ಬೊಕ್ಕ ಒಂಜಿ ಫ್ರಾನ್ಸಿಸ್-ಹೊನೊರೆ-ಜಾರ್ಜೆಸ್ ಜಾಕೋಬ್-ಡೆಸ್ಮಾಲ್ಟರ್/ಜಾಕೊಬ್-ಶೈಲಿ ಮೇಪಲ್ ಮರತ ಅಧ್ಯಯನ ಉಂಡು, ಉಂದು ನಿಕೋಲಸ್ II ನ ವಿಶೇಷ ಮೆಚ್ಚುಗೆನ್ ಪುಟ್ಟಾದುಂಡು.

ಚಿತ್ರೊಪುಟೊಲು

• 
  ರಷ್ಯಾದ ಅಲೆಕ್ಸಾಂಡರ್ III ಅರೆನ ಬೊಡೆದಿನೊಟ್ಟುಗು, ೧೮೯೫
• 
  ಫೆಬ್ರವರಿ ೧೯೪೫ಡ್ ಯಾಲ್ಟಾ ಸಮ್ಮೇಳನ

ಉಂದೆನುಲಾ ತೂಲೆ

• ಜಾರ್ನ ಮಾರ್ಗ, ಅರಮನೆದ ಸಂಕೀರ್ಣೊದ ಮಿತ್ತ್ ಪೋಪುಂಡು
• ದುಲ್ಬೆರ್, ಅದೇ ವಾಸ್ತುಶಿಲ್ಪಿ ವಿನ್ಯಾಸಗೊಳಿಸಾಯಿನ ಸಮೀಪದ ಅರಮನೆ
• ಯುಸುಪೊವ್ ಅರಮನೆ (ಕ್ರೈಮಿಯಾ), ಬೇತೆ ಒಂಜಿ ಸಮೀಪದ ಅರಮನೆ
• ವೊರೊಂಟ್ಸೊವ್ ಅರಮನೆ (ಅಲುಪ್ಕಾ), ನೆರೆಕರೆತ ಅಲೂಪ್ಕಾಡ್

ಬಾಹ್ಯ ಕೊಂಡಿಲು

• Livadia Palace photo album (in English)
• Livadia Palace (Yalta)
• History and architecture (in Russian)
• History and views of the palace (in Russian)
• Photo (1024x768)
• Conference devoted to Yalta-45