ಲೇಶನ್ ದೈತ್ಯ ಬುದ್ಧ

ಲೇಶನ್ ದೈತ್ಯ ಬುದ್ಧ

ಲೇಶನ್ ದೈತ್ಯ ಬುದ್ದ

ಲೆಶನ್ ದೈತ್ಯ ಬುದ್ಧ ಪಂಡ 71 ಮೀಟರ್ (233 ಅಡಿ) ಎತ್ತರದ ಕಲ್ಲ್ ದ ಪ್ರತಿಮೆ, ಉಂದೆನ್ 713 ಬೊಕ್ಕ 803 ದ ನಡುಟು ನಿರ್ಮಾಣ ಮಲ್ತೆರ್. ಚೀನಾದ ಸಿಚುವಾನ್ ಪ್ರಾಂತ್ಯದ ದಕ್ಷಿಣ ಭಾಗೊಡು ಮಿನ್ ನದಿ ಬೊಕ್ಕ ದಾಡು ನದಿ ಸಂಗಮೊಡು, ಲೆಶಾನ್ ನಗರೊದ ಸಮೀಪೊಡು ಉಪ್ಪುನ ಕ್ರೆಟೇಷಿಯಸ್ ಕೆಂಪು ಹಾಸಿಗೆದ ಮರಳುಕಲ್ಲುಲೆನ ಬಂಡೆದ ಮುಖೊಡ್ದ್ ಉಂದು ಕೆತ್ತೆದ್ ಉಂಡು. ಕಲ್ಲ್ ದ ಶಿಲ್ಪ ಎಮೆಯಿ ಪರ್ವತೊಗು ಎದುರು ಉಂಡು, ನದಿಲು ಅಯಿತ ಪಾದದ ತಿರ್ತ್ ಬರ್ಪುಂಡು. ಉಂದು ಜಗತ್ತ್ ದ ಅತಿ ಮಲ್ಲ ಬೊಕ್ಕ ಎತ್ತರದ ಕಲ್ಲ್ ದ ಬುದ್ಧನ ಪ್ರತಿಮೆ ಬೊಕ್ಕ ಉಂದು ಜಗತ್ತ್ ದ ಅತಿ ಎತ್ತರದ ಪೂರ್ವ-ಆಧುನಿಕ ಪ್ರತಿಮೆ. ಉಂದು ವುಯೋ ದೇವಸ್ಥಾನೊಡ್ದ್ 4 ಕಿಲೋಮೀಟರ್ (2.5 ಮೈಲ್) ದೂರೊಡು ಉಂಡು. ಲೆಶಾನ್ ಜೈಂಟ್ ಬುದ್ಧ ದೃಶ್ಯ ಪ್ರದೇಶ ಸೇರ್ದ್ ಮೌಂಟ್ ಎಮೆಯಿ ದೃಶ್ಯ ಪ್ರದೇಶೊನು ೧೯೯೬ಡ್ದ್ ಯುನೆಸ್ಕೋದ ವಿಶ್ವ ಪರಂಪರೆದ ತಾಣೊ ಆದ್ ಪಟ್ಟಿ ಮಲ್ತೆರ್.

ಭೂ ಪ್ರದೇಶ

ಲೆಶಾನ್ ಜೈಂಟ್ ಬುದ್ಧ ಲಿಂಗ್ಯುನ್ ಪರ್ವತದ ಕ್ವಿಫೆಂಗ್ ಶಿಖರೊಡು ಉಂಡು. ಕ್ವಿಫೆಂಗ್ ಶಿಖರ ಮಿನ್ಜಿಯಾಂಗ್ ನದಿ, ಕ್ವಿಂಗ್ಯಿ ನದಿ ಬೊಕ್ಕ ದಾಡು ನದಿಲೆನ ಜಂಕ್ಷನ್ ಡ್ ಉಂಡು. ಲೆಶಾನ್ ಜೈಂಟ್ ಬುದ್ಧೆ ಬುಡ್ದು, ಡಾನ್ಕ್ಸಿಯಾ ಲ್ಯಾಂಡ್ ಫಾರ್ಮ್ ಡ್ ಬಂಡೆದ ಸಮಾಧಿಲು ಬೊಕ್ಕ ಬಂಡೆದ ನಿವಾಸೊಲೆನಂಚಿನ ಮಸ್ತ್ ಇತಿಹಾಸ ಬೊಕ್ಕ ಸಾಂಸ್ಕೃತಿಕ ಅರ್ಥೊಲು ಉಂಡು. ಲೆಶಾನ್ ಜೈಂಟ್ ಬುದ್ಧ ದೃಶ್ಯ ಪ್ರದೇಶೊಡು ಮಹಾವೊ ಕ್ಲಿಫ್ ಸಮಾಧಿಲೆನ್ ಹಾನ್ ರಾಜವಂಶೊಡು ನಿರ್ಮಾಣ ಮಲ್ತೆರ್, ಉಂದು ಪ್ರಾಚೀನ ನಿವಾಸಿಲೆನ ಜೀವನ ಅಭ್ಯಾಸೊಲೆನ್ ಸೂಚಿಸವುಂಡು

ಆಯಾಮೊಲು

ಲೇಶನ್ ಬುದ್ಧ ಪ್ರತಿಮೆದ ತರೆತ್ತ ಭಾಗ

೭೧ ಮೀಟರ್ (೨೩೩ ಅಡಿ) ಎತ್ತರೊಡು ಉಪ್ಪುನ ಈ ಪ್ರತಿಮೆಡ್ ಒಂಜಿ ಕುಲ್ಲುನ ಬುದ್ಧೆರ್ ತನ್ನ ಕೈನ್ ಮಂಡೆದ ಮಿತ್ತ್ ದೀದ್ ತೋಜಾವೆರ್. ಅಯನ ಭುಜೊಲು 28 ಮೀಟರ್ (92 ಅಡಿ) ಅಗಲ ಉಂಡು ಬೊಕ್ಕ ಅಯನ ಎಲ್ಯ ಉಗುರು ಒಂಜಿ ಕುಲ್ಲುನ ವ್ಯಕ್ತಿಗ್ ಸುಲಭವಾದ್ ಸರಿ ಆಯೆರೆ ಸಾಕಷ್ಟ್ ಮಲ್ಲ ಉಂಡು. "ಪರ್ವತ ಬುದ್ಧ ಬುದ್ಧೆ ಪರ್ವತ" ಪನ್ಪಿನ ಒಂಜಿ ಸ್ಥಳೀಯ ಪಾತೆರ ಉಂಡು. ಲೆಶಾನ್ ದೈತ್ಯ ಬುದ್ಧೆ ಉಪ್ಪುನ ಪರ್ವತ ಶ್ರೇಣಿ ನದಿಡ್ದ್ ತೂನಗ ನಿದ್ರೆಡ್ ಉಪ್ಪುನ ಬುದ್ಧನ ಆಕಾರೊಡು ಉಪ್ಪುಂಡು ಪನ್ಪಿನೆಡ್ದಾವರ ಉಂದು ಭಾಗಶಃ ಆಪುಂಡು, ಲೆಶಾನ್ ದೈತ್ಯ ಬುದ್ಧೆ ಅಯಿತ ಹೃದಯ ಆದ್ ಉಪ್ಪುಂಡು. ಲಿಂಗ್ ಯುನ್ ಪರ್ವತೊಡು ಕೆತ್ತೆದ ಈ ೭೧ ಮೀಟರ್ (೨೩೩ ಅಡಿ) ಪ್ರತಿಮೆ ಜಗತ್ತ್ ದ ಮಲ್ಲ ಬೊಕ್ಕ ಎತ್ತರೊದ ಕಲ್ಲ್ ದ ಬುದ್ಧ ಪ್ರತಿಮೆ ಲೆಶನ್ ಜೈಂಟ್ ಬುದ್ಧನ ಕೂದಲ್ 1,021 ಸುರುಳಿಯಾಕಾರದ ಸುರುಳಿಲೆನ್ ಅರೆನ ತಲೆಟ್ ನೆಲೆ ಮಲ್ತ್ ದ್ 14.7 ಮೀಟರ್ (48 ಅಡಿ) ಎತ್ತರ ಬೊಕ್ಕ 10 ಮೀಟರ್ (33 ಅಡಿ) ಅಗಲೊಡು ಉಪ್ಪುಂಡು.ಅರೆಗ್ 5.6-ಮೀಟರ್ (18-ಅಡಿ) ಉದ್ದದ ಹುಬ್ಬುಲು, 8.3 ಮೀಟರ್ (27-ಅಡಿ) ಉದ್ದದ ಬೆರಳುಲು, 24 ಮೀಟರ್ (79-ಅಡಿ) ಅಗಲದ ಭುಜೊಲು, ಬೊಕ್ಕ 5.6-ಮೀಟರ್ (18-ಅಡಿ) ಉದ್ದದ ಮೂಂಕು ಉಂಡು. ಅರೆನ ಬಾಯಿ ಬೊಕ್ಕ ಅರೆನ ಪ್ರತಿಯೊಂಜಿ ಕಣ್ಣ್ ಗ್ 3.3 ಮೀಟರ್ (11 ಅಡಿ) ಅಗಲ ಉಂಡು. ಸುಮಾರ್ 8.5 ಮೀಟರ್ (28 ಅಡಿ) ಅಗಲೊಡು ಉಪ್ಪುನ ಅರೆನ ಸ್ಟೆಪ್ ಸುಮಾರ್ ನೂದು ಜನೊಕ್ಲೆನ್ ಪತ್ಯೆರೆ ಸಾಧ್ಯ ಆಪುಂಡು ಬೊಕ್ಕ ಅರೆನ ಎಲ್ಯ ಉಗುರು ಒಂಜಿ ಕುಲ್ಲುನ ವ್ಯಕ್ತಿಗ್ ಸರಿ ಆಪುಂಡು. ಈ ಪ್ರತಿಮೆ ಪತ್ತ್ ಮಹಡಿ ಎತ್ತರೊಡು ಉಂಡು, ಬುದ್ಧೆರ್ ನೇರವಾದ್ ನಿಲೆಯಾಂಡ ಸ್ವಾತಂತ್ರ್ಯದ ಪ್ರತಿಮೆದ ಗಾತ್ರೊಗು ಹೋಲಿಕೆ ಮಲ್ಪೊಲಿ. ಬುದ್ಧನ ಶರೀರೊನು ಸಮ್ಮಿತಿ ಭಂಗಿಡ್ ದೀದ್ ಅರೆನ ವಿವಿಧ ಶರೀರದ ಅಂಗೊಲೆನ ಪ್ರಮಾಣೊನು ಒಂಜಿ ಮೂರ್ತಿದ ಬುದ್ಧಾರೂಪದ ಅಗತ್ಯೊಲೆಗ್ ಅನುಗುಣವಾದ್ ಪ್ರಮಾಣೊಡು ದೀಪೆರ್. ಉಂದೆಕ್ ಒಂಜಿ ಶಾಂತ ರೂಪ ಉಂಡು, ಉಂದು ಟಾಂಗ್ ರಾಜವಂಶದ ಪ್ರತಿಮೆಲೆನ ಶೈಲಿಗ್ ಅನುಗುಣವಾದುಂಡು.

ಒಳಚರಂಡಿ ವ್ಯವಸ್ಥೆ

ಬುದ್ಧನ ತರೆತ ಪಿರವು ಬೊಕ್ಕ ಅರೆನ ರಡ್ಡ್ ಕಿನ್ನಿಲೆನ ನಡುಟು, ಲೆಶನ್ ದೈತ್ಯ ಬುದ್ಧೆರ್ ಮೂರ್ತಿನ್ ಸವೆತೊಡ್ದ್ ರಕ್ಷಣೆ ಮಲ್ಪೆರೆ ಒಂಜಿ ಅನನ್ಯ ಬೊಕ್ಕ ಸುಧಾರಿತ ಒಳಚರಂಡಿ ವ್ಯವಸ್ಥೆನ್ ಮಲ್ತೆರ್. ಬುದ್ಧನ ಕೂದಲ್, ಕುತ್ತಿಗೆ, ಎದೆ, ಬೊಕ್ಕ ಕಿನ್ನಿ ಬೊಕ್ಕ ಎದೆತ ಪಿರವುದ ರಂದ್ರೊಲೆಡ್ ಕೆಲವು ಗುಪ್ತ ಗಟ್ಟರ್ ಬೊಕ್ಕ ಚಾನಲ್ ಲು ಉಂಡು. ಈ ಸಂಕೀರ್ಣ ವಾಸ್ತುಶಿಲ್ಪ ವ್ಯವಸ್ಥೆ ಕಳೆದ್ 1,200 ವರ್ಸೊಡ್ದಿಂಚಿ ಪ್ರತಿಮೆನ್ ಸವೆತ ಆವಂದಿಲೆಕ ತಡೆಯೊಂದುಂಡು.

ವರ್ಗ:ತುಳು ಸ್ಪ್ರಿಂಗ್ ಮಂತ್ ಎಡಿಟ್-ಅಥಾನ್