ಲೊಂಬಾರ್ಡ್ ಸ್ಮಾರಕ ಮಿಶನ್ ಆಸ್ಪತ್ರೆ ಉಡುಪಿ
ಲೋಂಬಾರ್ಡ್ ಸ್ಮಾರಕ ಮಿಷನ್ ಆಸ್ಪತ್ರೆ( Lombard Melomorial Mission Hospital,) ಒಡಿಪುದ ಚಿಟ್ಪಾಡಿಡ್ ಇಪ್ಪುನ ಒಂಜಿ ಆಸ್ಪತ್ರೆ. ಇಂದೆನ್ ಸ್ವಿಟ್ಝರ್ಲ್ಯಾಂಡ್ ದೇಸೊದ ಕ್ರೈಸ್ತ ಸನ್ಯಾಸಿನಿ ಆಯಿನ ಇವಾ ಲೊಂಬಾರ್ಡ್ ಪನ್ಪಿನಾರ್ ಕಟ್ಟಾಯೆರ್. ಡಾ. ಈವಾ ಲೊಂಬಾರ್ಡ್ ಪಂಡ್ಂಡ ವಿದೇಶಿ ಪೊಂಜೊವೆನ ಪುದರ್. ಆರ್ ಉಡುಪಿಡ್ ಒಂಜಿ ಆಸ್ತ್ರತ್ರೆನ್ ೧೯೨೩ಟ್ಟ್ ಸ್ಥಾಪನೆ ಮಲ್ತೆರ್. ಆರ್ ಈ ಆಸ್ಪತ್ರೆನ್ ಸ್ಥಾಪನೆ ಮಲ್ತಿನೆಕ್ಕಾದ್ ಅರೆನ ಪುದರ್ ಡ್ ಈ ಆಸ್ಪತ್ರೆ ಇತ್ತೆಲಾ ನಡತೊಂದುಂಡು[೧].
ಆಸ್ಪತ್ರೆ ಉಪ್ಪು ಜಾಗೆ
[ಸಂಪೊಲಿಪುಲೆ]ಉಡುಪಿಡುಪ್ಪು ಕ್ರಿಶ್ಚಿಯನ್ ಹೈಸ್ಕೂಲು ಕಡತಿ ಬುಕ್ಕೊ ಈ ಮಿಶನ್ ಆಸ್ಪತ್ರೆ ತಿಕ್ಕುಂಡು. ಈ ಆಸ್ಪತ್ರೆ ಬಾಸೆಲ್ ಮಿಶನ್ ಸಂಸ್ಥೆದಕಲೆಡ್ದ್ ೧೯೨೩ಟ್ಟ್ ಸ್ಥಾಪನೆ ಆತ್ಂಡ್. ಕರಿನ ನೂದು ವರ್ಷೊಡ್ದಿಂಚಿ ಈ ಆಸ್ಪತ್ರೆ ನಡತೊಂದುಂಡು.
ಆಸ್ಪತ್ರೆ ಸ್ಥಾಪನೆದ ಉದ್ದೇಶ
[ಸಂಪೊಲಿಪುಲೆ]ತುಳುನಾಡ್ ಡ್ ಬ್ರಿಟಿಷೆರ್ ಬರೊಡ್ದುಂಬು ಒವ್ವೇ ಆಸ್ಪತ್ರೆಲು ಇತ್ತ್ ಜ. ಬ್ರಿಟಿಷೆರ್ ತನ್ಕುಲೆ ಸೈನಿಕೆರೆಗ್, ಬುಕ್ಕೊ ಅಕಲ್ನ ಜನೊಕ್ಲೆಗ್ ಪಂಡ್ದ್ ಸ್ಥಾಪನೆ ಮಲ್ತಿ ಆಸ್ಪತ್ರೆಲು ಬುಕ್ಕೊ ಜನ ಸಮಾನ್ಯೆರೆಗ್ಲಾ ಈ ಆಸ್ಪತ್ರೆದ ಸೇವೆ ಒದಗ್ ದ್ ಬತ್ತ್ಂಡ್. ಕುಡ್ಲಡ್ ವೆನ್ಲಾಕ್ ಅಸ್ಪತ್ರೆ ಬುಕ್ಕೊ ಪೊಜೊವುಲೆಗಾದ್ ಲೇಡಿಗೋಷನ್ ಆಸ್ಪತ್ರೆ ಪ್ರಾರಂಭ ಆಯಿ ಬುಕ್ಕೊ ಉಡುಪಿ ಬುಕ್ಕೊ ಜಿಲ್ಲೆದ ಕೆಲವು ಕಡೆಟ್ಟ್ ಸರಕಾರಿ ಆಸ್ಪತ್ರೆಲು ಪ್ರಾರಂಭ ಆಂಡ್. ೧೯೦೦ ಮುಟ್ಟಲಾ ಮುಲ್ಪ ಆಸ್ಪತ್ರೆಲು ಇತ್ತ್ಂಡಲಾ ಉಡುಪಿಡ್ ರಡ್ಡ್ ಅಂಜೋವು ವೈದ್ಯೆರ್ ನಕುಲು ಮಾತ್ರ ಇತ್ತೆರ್. ಪೊಂಜೊವುಲೆ ಪೆದ್ಪಾವುನ ವಿಭಾಗೊಲೆಡ್ ಪೊಂಜೋವು ವೈದ್ಯೆರ್ ಏರ್ಲಾ ಇತ್ತ್ ಜೆರ್. ಒಂಜಿ ವೇಳ ಪೊಂಜೋವು ಡಾಕ್ಟ್ರೇ ಬೊಡಾಂಡ ದೂರದ ಕುಡ್ಲಗೇ ಪೋವೊಡಿತ್ತ್ಂಡ್, ಸಾದಿ, ಸಂಕ ಇಜ್ಜಾಂದೆ ಪೋವರೆ ಜನೊಕ್ಲೆಗ್ ಸಾದ್ಯನೇ ಇಜ್ಜಿ. ಅವುಲಾ ಬಂಗದಕಲೆಗ್ ಅವು ಸಾದ್ಯನೇ ಇತ್ತ್ ಜಿ. ೧೮೫೪ ಡ್ದಿಂಚಿ ಕ್ರೈಸ್ತ ಸಭೆ, ಶಾಲೆಲೆನ್ ಸ್ಥಾಪನೆ ಮಲ್ತಿನ ಬಾಸೆಲ್ ಮಿಶನ್ ಸಂಸ್ಥೆದಕುಲು ಉಡುಪಿದ ಹಳ್ಳಿಹಳ್ಳಿಲೆಡ್ ಶಾಲೆಲೆನ್ ಪ್ರಾರಂಭ ಮಲ್ತೆರ್. ಈ ಸೇವೆ ನಡತೊಂದುಪ್ಪುನಗ ಅಲ್ಪ ಬೇಲೆ ಮಲ್ತೊಂದಿತ್ತಿ ಐಗುಳುನಕುಲು ಜಿಲ್ಲೆಡಿತ್ತಿ ಸಾಂಕ್ರಾಮಿ ರೋಗ, ಪೊಂಜೋವುಲೆ ಬುಕ್ಕೊ ಜೋಕುಲೆ ಸೀಕ್ ಲೆಗ್ ಕಷ್ಟ ಬರೊಂದಿತ್ತಿನೆನ್ ತೂದು ಮಿಶನ್ ಸಂಸ್ಥೆಗ್ ಅಪಗಪಗ ವರದಿಲೆನ್ ಮಲ್ತೊಂದಿತ್ತೆರ್. ಬಾಸೆಲ್ಮಿ ಶನ್ ಸಂಸ್ಥೆ ಶಿಕ್ಷಣ,ಮುದ್ರಣ, ಕೈಗಾರಿಕೆ, ನೇಯಿಗೆ, ಕೃಷಿ ಇಂಚಿತ್ತಿ ಸೇವೆಲೆನ್ ಪ್ರಾರಂಭ ಮಲ್ತ್ ದೆರ್ಡಲಾ ಈ ಕ್ಷೇತ್ರೊಡು ಈ ಬೇಲೆ ನಡತ್ ಜಿ. ತುಳುನಾಡ್ ಡ್ ಬಳಕೆಡಿತ್ತಿ ಹಳ್ಗಳಿ ಮರ್ದುಲು ಅತ್ತಂದೆ ಬೇತೆ ಸೌಕರ್ಯ ಮುಲ್ಪ ಇತ್ತ್ ಜಿ. ಶಾಲೆಡಿತ್ತಿ ಐಗುಲುನಕುಲು ಟಿಶ್ಯೂ, ಬುಕ್ಕೊ ಹೊಮಿಯೋಪತಿ ಮರ್ದ್ ಲೆನ್ ಮಾತ್ರ ಕೊರೊಂದಿತ್ತೆರ್. ಅಂಚಾದ್ ಉಡುಪಿಡ್ ಪೊಂಜೋವುಲೆಗ್ ಒಂಜಿ ಆಸ್ಪತ್ರೆ ಪ್ರಾರಂಭ ಮಲ್ಪಡು ಪಂಡ್ದ್ ಈ ವ್ಯವಸ್ಥೆ ಆದ್ ೧೮೨೩ಡ್ದ್ ಡಾ. ಈವಾ ಲಂಬಾರ್ಡ್ ಮುತಾಲಿಕೆಡ್ ತುಳುನಾಡ್ ಡ್ ಪೊಂಜೋವುಲೆ ಬುಕ್ಕೊ ಜೋಕುಲೆ ಆಸ್ಪತ್ರೆ ಸುರುಟ್ಟು ೧೯೨೩ಟ್ಟ್ ಪ್ರಾರಂಭ ಆಂಡ್.
ಕರಿನ ವರ್ಸೊಲೆಡ್ ಈ ಆಸ್ಪತ್ರೆನ್ ನಡಪಾವೆರೆ ಮುತಾಲಿಕೆ ವಹಿಸೊಂಡಿನಕುಲು
[ಸಂಪೊಲಿಪುಲೆ]- ೧೯೨೩-೧೯೫೪ ಡಾ ಈವಾ ಲೊಂಬಾರ್ಡ್
- ೧೯೫೪-೧೯೭೦ ಡಾ. ಕುಂಜಾಲಿಯಾ ಎ. ಸಾಲಿನ್ಸ್
- ೧೯೭೦-೧೯೭೮ ಡಾ. ಪ್ರೇಮ ಎ. ಕುಂದರ್ ಗಿ
- ೧೯೭೮-೧೯೯೪ ಡಾ. ಈವಾ ಡಿ. ಬೆಲ್
- ೧೯೯೪-೨೦೦೩ ಡಾ. ಆಶೋಕ್ ರೋನಡ್
- ೨೦೦೩-೨೦೦೬ ಡಾ. ಪ್ರದೀಪ್ ಜಾನ್ (ಪ್ರಭಾರ)
- ೨೦೦೮-೨೦೦೯ ಡಾ. ಸುರೇಶ್ ಲಂಕೇಶ್ವರ್ (ಪ್ರಭಾರ)
- ೨೦೦೯-೨೦೧೪. ಡಾ. ರತೀಷ್ ಜಾನ್ ಸನ್
- ೨೦೧೪ ಡ್ದ್ ಡಾ. ಸುಶಿಲ್ ಜತ್ತನ್ನ
ಉಲ್ಲೇಕ
[ಸಂಪೊಲಿಪುಲೆ]- ↑ "About". lombardhospital.in. Lombard Memorial Hospital. Retrieved 25 January 2024.[permanent dead link]