ವಂದನಾ ರೈ ಕಾರ್ಕಳ
==ಪರಿಚಯ==
[ಸಂಪೊಲಿಪುಲೆ]ಉಡುಪಿ ಜಿಲ್ಲೆದ ಕಾರ್ಕಳ ತಾಲೂಕುದ ನಲ್ಲೂರ್ ಗ್ರಾಮೊದ ಭಾರೀ ಉಶಾರ್ದ ಪೊಂಜೋವು ವಂದನಾ ರೈ ಕಾರ್ಕಳ. ಕಾರ್ಕಳದ ಜೇಸಿಸ್ ಆಂಗ್ಲ ಮಾಧ್ಯಮ ಶಾಲೆದ ಪೂರ್ವ ಪ್ರಾಥಮಿಕ ಶಿಕ್ಷಕಿ. ಎಲ್ ಕೆಜಿ, ಯುಕೆಜಿ ಜೋಕುಳೆಗ್ ಪಾಠ ಮಲ್ಪೆರ್. ಮದಿಮೆ ಆದ್ ರಡ್ಡ್ ಜೋಕುಲು ಆಯಿನೆಡ್ದ್ ಬುಕ್ಕೊ, ನಾಲ್ ವರ್ಸೊ ಕರಿದ್ ಶಿಕ್ಷಕ ವೃತ್ತಿಗ್ ಪಾದಾರ್ಪಣೆ ಮಲ್ತೆರ್. ಅವಿಭಕ್ತ ಕೂಡು ಕುಟುಂಬೊಡ್ದು ಬತ್ತಿನಾರ್. ಕಾರ್ಕಳದ ಗ್ರಾಮೀಣ ಭಾಗೊಡು ಬುಳಯಿನಾರ್. ಪದೊ, ನಾಟ್ಯ, ಏಕಪಾತ್ರಾಭಿನಯ, ಯಕ್ಷಗಾನ ಚಟುವಟಿಕೆಡ್ ಮೇರ್ಗ್ ಇತ್ತಿನ ಆಸಕ್ತಿ ಕೋವಿಡ್ ಲಾಕ್ಡೌನ್ ಸಮಯೊಡು ಎಡ್ಡೆ ಸಹಾಯ ಆಂಡ್.
==ಪಾಠ ಕಲ್ಪುನ ರೀತಿ==
[ಸಂಪೊಲಿಪುಲೆ]ವಂದನಾ ರೈ ಕಾರ್ಕಳ ಜೋಕುಳೆಗ್ ಪಾಠ ಕಲ್ಪುನ ರೀತಿಯೇ ವೆತ್ಯಾಸ. ಎಲ್ಯ ಜೋಕುಲೆಗ್ ಎಲ್ಯ ಗೊಬ್ಬುಲೆನೊಟ್ಟುಗು ಪಾಠ ಕಲ್ಪೆರ್. ಗೊಬ್ಬು ಮಾತ್ರ ಅತ್ತಾಂದೆ ಪದೊ,ಕತೆ,ಎದುರುಕತೆ,ಸಂಭಾಷಣೆ ಇಂಚ ಬೇತೆ ರೀತಿಡ್ ಕಲ್ಪುವೆರ್.ಉಂದು ಜೋಕುಲೆನ ಮನಸ್ಗ್ ಬೇಕ ಅರ್ಥ ಆಪುಂಡು.ಜೋಕುಲೆಗ್ ಅಕ್ಲೆನ ಪ್ರಾಯೊದ ಜೋಕುಲಾದ್,ಮಲ್ಲಕ್ಲೆಗ್ಲಾ ಬೋಡ್ಯಿನ ರೀತಿಡ್ ವಿಷಯ ಅರ್ಥೈಸುವೆರ್.ಮೇರ್ ಸಂಗೀತ ಆವಡ್, ನೃತ್ಯ ಆವಡ್ ಶಾಸ್ತ್ರೀಯವಾದ್ ಕಲ್ತಿಜ್ಯೆರ್. ಜಾಲತಾಣೊದ ಮಾಹಿತಿಲಾ ಐತ ಜ್ಞಾನೊಲ ಇಜ್ಯಾಂಡ್. ೨೦೨೦ಡು ದೇಶ ಅನ್ಲಾಕ್ ಆಯಿನೆಡ್ದ್ ಬುಕ್ಕೊ ಎಲ್ಯ ಜೋಕುಲೆಗ್ ಆನ್ ಲೈನ್ಡ್ ಪಾಠ ಮಲ್ಪುನ ಅನಿವಾರ್ಯತೆ ಒದಗ್ದ್ ಬತ್ತ್ಂಡ್. ಅಪಗ ಆರೆಗ್ ಎಲ್ಲಿಡ್ ಕಲ್ತಿನ ವಿದ್ಯೆಲು ಉಪಯೋಗೊಗು ಬತ್ತ್ಂಡ್. ಅಭಿನಯ, ನೃತ್ಯ, ಅಗತ್ಯ ಬೋಡಾಯಿನ ಪ್ರಾಪರ್ಟಿನ್ ಗಳಸೊಂದು ಜೋಕುಲೆಗ್ ಆಕರ್ಷಕ ವಿಡಿಯೋ ಮಲ್ತ್ದ್ ಪಾಠ ಮಲ್ತೆರ್.“ಅ..ಆ..ಇ...ಈ...ಕನ್ನಡದ ಅಕ್ಷರ ಮಾಲೆ” ಪದ್ಯೊನು ಪಂಡ್ದ್ ಕನ್ನಡ ವರ್ಣಾಕ್ಷರಗಳ ಪಾಠ, ಈಟಿ, ಏಣಿ, ಈಶ.. ಪದಕ್ಲೆಗ್ ಪೂರಕವಾಯಿನ ಚಿತ್ರ ಬುಕ್ಕೊ ಸಾಮನ್ ನ್ ಎದುರುಗ್ ದೀಡ್ದ್ ವಿಡಿಯೋ ಮಲ್ತ್ ನೆ, ನಟನೆ, ಪದೊ ಪಣ್ತಿನವು,ನಲಿತ್ತ್ನವು ಜೋಕುಳೆಗ್ ಮಸ್ತ್ ಖುಷಿ ಆಂಡ್.ಮಗ್ಗಿ,ತರಕಾರಿ ಐತ ಬಗೆಟ್ ಮಲ್ತಿನ ವಿಡಿಯೋ ವೈರಲ್ ಆಂಡ್. ಆರೇ ಐಕ್ಕ್ ರಾಗ ಪಾಡ್ದ್ ವಿಡಿಯೋ ಮಲ್ತೆರ್.ಒಂಜಿ ವಿಡಿಯೋಗು ಮೆಗ್ಯೆನ ಮಗಳೆನ್ ಒಟ್ಟುಗು ಸೇರ್ಸಾದ್ ಪದ್ಯೊ ಪನ್ಪಿನೈಕ್ಕ್ ಒಂಜಿ ದಿನೊಟ್ಟು ಒಂಜಿ ಮಿಲಿಯನ್ ವ್ಯೂ ಆತ್ಂಡ್.
== ಉಲ್ಲೇಕೊಲು ==
[ಸಂಪೊಲಿಪುಲೆ]https://tuluadda.com/vandana-rai-makes-learning-fun-for-children/