ವಿಕಿ
ವಿಕಿ ಪನ್ಪಿನವು ಒಂಜಿ ತಂತ್ರಜ್ಞಾನ ಆದುಂಡು, ಉಂದು ಬಳಕೆದಾರೆರೆಗ್ ತಿಕ್ಕುನ ಮಾಹಿತಿನ್ ಸೇರಾವರೆ ಬುಕ್ಕೊ ಅಯಿಟ್ ಬದಲಿ ಅತ್ತಂಡ ತಿದ್ದುಪಡಿ ಮಲ್ಪೆರೆ ಅವಕಾಶ ಕೊರ್ಪುಂಡು.
ಸಾಮಾನ್ಯವಾದ್ ಇಂಟರ್ನೆಟ್ಡ್ ಉಪ್ಪುನ ಪೇಜ್ಲೆಡ್ (ಜಾಲ ಪುಟ) ಉಪ್ಪುನ ಮಾಹಿತಿನ್ ಓದುನಕುಲು ಬದಲಿ ಮಲ್ಪೆರೆ ಆಪುಜಿ. ಆಂಡ ವಿಕಿ ತಂತ್ರಜ್ಞಾನದ ಮಿತ್ತ್ ಆಧಾರ ಆತಿನ ಪೇಜ್ಲೆಡ್ ಉಪ್ಪುನ ಮಾಹಿತಿನ್ ಓದುನಕುಲು ಬದಲಿ ಮಲ್ಪೊಲಿ.
ವಿಕಿಡ್ ಪುದರ್ ನೋಂದಣಿ ಮಲ್ಪುನೆಡ್ದ್ ಐನ್ ಎಡಿಟ್ ಮಲ್ಪುನೆ ಭಾರಿ ಸುಲಭ ಆಪುಂಡು, ಆಂಡ ಮಸ್ತ್ ಸರ್ತಿ ನೋಂದಣಿ ಮಲ್ಪುನೆ ಅಷ್ಟು ಅಗತ್ಯ ಇಜ್ಜಿ. ಉಂದು ಮಾತೆರ್ಲಾ ಒಟ್ಟಿಗೆ ಸೇರ್ದ್ ಬರೆಯೊಲಿ ಬುಕ್ಕೊ ಸಂಪರ್ಕ ಮಲ್ಪೆರೆ ಸುಲಭ ಮಲ್ತ್ ಕೊರ್ಪುಂಡು.
ವಿಕಿ ಪನ್ಪಿನವು ಒಂಜಿ ವೆಬ್ಸೈಟ್ ಕೆಲಸ ಮಲ್ಪೆರೆ ಸಹಾಯ ಮಲ್ಪುನ ಕಂಪ್ಯೂಟರ್ ಸಿಸ್ಟಮ್ ಆದುಂಡು. ವಿಕಿವಿಕಿ ವೆಬ್ನ್ ಸುರೂತ ಸರ್ತಿ ೧೯೯೫ ಟ್ (1995) ವಾರ್ಡ್ ಕನ್ನಿಂಗ್ಹ್ಯಾಮ್ ರೆಡ್ದ್ ತಯಾರ್ ಮಲ್ಪಾಯ್ತು. ಹವಾಯಿ ಭಾಷೆಡ್, ವಿಕಿ-ವಿಕಿ ಪಂಡ 'ಬೀಗ' ಅತ್ತಂಡ 'ಬೇಗ' ಪಂದ್ ಅರ್ಥ ಆಪುಂಡು.