ವಿಶ್ವ ಅಪ್ಪೆ ಬಾಸೆ ದಿನೊ

ಅಂತರಾಷ್ಟ್ರೀಯ ಅಪ್ಪೆಬಾಸೆ ದಿನಾಚರಣೆ
ಶಹೀದ್ ಮಿನಾರ್, ಢಾಕಾ (ಶಹಿದ್ ಸ್ಮಾರಕ) 21 ಫೆಬ್ರವರಿ 1952 ಬಂಗಾಳಿ ಬಾಸೆದ ಚಳುವಳಿ ಪ್ರದರ್ಶನೊನು ನೆಂಪು ಮಲ್ಪುಂಡು.
ಪುದರ್	ಅಂತರಾಷ್ಟ್ರೀಯ ಅಪ್ಪೆಬಾಸೆ ದಿನಾಚರಣೆ (IMLD)
ಆಚರಣೆ	ವಿಶ್ವಸಂಸ್ತೆ
ದಾರ್ಮಿಕ ಬಣ್ಣೊ	ಕಪ್ಪು
ಬಗೆ	ಅಂತರಾಷ್ಟ್ರೀಯ
ಮಹತ್ವೊ	ಮಾತ ಬಾಸೆಲೆನ ಸಂರಕ್ಷಣೆ ಬುಕ್ಕೊ ರಕ್ಷಣೆಗ್ ಉತ್ತೇಜನ ಕೊರ್ಪುಂಡು
ತಾರೀಕ್	21 ಫೆಬ್ರವರಿ
ಆವರ್ತನೊ	ವರ್ಸೊ
ಸುರುತ ಸರ್ತಿ	21 ಫೆಬ್ರವರಿ 1952 (1952-೦೨-21) 21 ಫೆಬ್ರವರಿ 1972 (Officially) 21 ಫೆಬ್ರವರಿ 2000 (ಅಂತರಾಷ್ಟ್ರೀಯ ಮಟ್ಟೊಡು)

ಅಂತರಾಷ್ಟ್ರೀಯ ಅಪ್ಪೆಬಾಸೆ ದಿನಾಚರಣೆ ಸ್ಮಾರಕ, ಆಶ್ಫೀಲ್ಡ್ ಪಾರ್ಕ್, ಸಿಡ್ನಿ, ಆಸ್ಟ್ರೇಲಿಯಾ. ಅನಾವರಣೊ ಸಮಾರಂಬೊ, 19-ಫೆಬ್ರವರಿ-2006

ಅಂತಾರಾಷ್ಟ್ರೀಯ ಅಪ್ಪೆ ಬಾಸೆ ದಿನಾಚರಣೆ ವಿಶ್ವದಾದ್ಯಂತೊ ಫೆಬ್ರವರಿ 21 ತಾರೀಕ್‌ದಾನಿ ಆಚರಣೆ ನಡಪುಂಡು. ಬಹುಭಾಷಿಕತೆ ಬುಕ್ಕೊ ಬಹುಸಂಸ್ಕೃತಿನ್ ಪ್ರತಿಬಿಂಬಿಸವುನ, ಬುಲೆಪಾವುನ ಬುಕ್ಕೊ ಸಂರಕ್ಷಣೆ ಮಲ್ಪುನ ನಿಟ್ಟ್‌ಡ್ ಉಂದು ಆಚರಣೆ ಆಪುಂಡು. ಇಂದೆನ್ ಸುರುಕು ಯುನೆಸ್ಕೋ 1999ಡ್ ಗೋಸಣೆ ಮಲ್ತ್ಂಡ್. ಇಂದೆತ ಅನುಸರಣೆ ಆದ್, ವಿಶ್ವಸಂಸ್ತೆ 2008ನ್ ಅಂತರಾಷ್ಟ್ರೀಯ ಬಾಸೆಲೆನ ವರ್ಸೊ ಪಂಡ್ದ್ ಗೋಸಣೆ ಮಲ್ತ್ಂಡ್. ಅಂತರರಾಷ್ಟ್ರೀಯ ಅಪ್ಪೆಬಾಸೆ ದಿನೊನು 2000ಡ್ದ್ ವರ್ಸೊಗು ಒಂಜಿ ಸರ್ತಿ ಆಚರಣೆ ಮಲ್ತೊಂದುಲ್ಲೆರ್. ಉಂದು 1952ಡ್ ಇತ್ತೆದ ಬಾಂಗ್ಲಾದೇಸೊಡು ಅದಿಕ್ರತ ಬಾಸೆ ಆದ್ ಮಾನ್ಯತೆ ಕೊರ್ಪುನ ನಿಟ್ಟಿಡ್ ವಿದ್ಯಾರ್ತಿಲು ಸೈತಿನ ದಿನೊನು ನೆಂಪು ಮಲ್ಪುಂಡು.

ಅಂತರಾಷ್ಟ್ರೀಯ ಅಪ್ಪೆಬಾಸೆ ದಿನಾಚರಣೆದ ಹಿನ್ನೆಲೆ

• 1947ಡ್ ಭಾರತಡ್ದ್ ಪಾಕಿಸ್ತಾನೊ ವಿಬಜನೆ ಆನಗ ಅಲ್ಪ ಮೂಡಾಯಿ ಪಾಕಿಸ್ತಾನೊ, ಪಡ್ಡೋಯಿ ಪಾಕಿಸ್ತಾನೊ ಪನ್ಪುನ ರಡ್ಡ್ ಬೂ ಬಾಗೊ ರಚನೆಯಾಂಡ್. ಮೂಡಾಯಿ ಪಾಕಿಸ್ತಾನೊ ಪಂಡ ಇನಿತ್ತ ಬಾಂಗ್ಲಾದೇಸೊ, ಪಡ್ಡೋಯಿ ಪಾಕಿಸ್ತಾನೊ ಪಂಡ ಇತ್ತೆ ಇಪ್ಪುನ ಪಾಕಿಸ್ತಾನೊ. ಮೂಡಾಯಿ ಪಾಕಿಸ್ತಾನೊದ ಅಪ್ಪೆಬಾಸೆ ಬಂಗಾಳಿ ಆದಿತ್ತ್ಂಡ್. ಪಡ್ಡೋಯಿ ಪಾಕಿಸ್ತಾನೊದ ಅಪ್ಪೆಬಾಸೆ ಉರ್ದು ಆದಿತ್ತ್ಂಡ್. 1948ಡ್ ಪಡ್ಡೋಯಿ ಪಾಕಿಸ್ತಾನೊ ಅಪ್ಪೆ ಬಾಸೆ ಉರ್ದುನು ರಾಷ್ಟ್ರಭಾಷೆ ಪಂಡ್‍ದ್ ಗೋಸಣೆ ಮಲ್ತ್ಂಡ್.
• ಇಂದೆಡ್ದ್ ಮೂಡಾಯಿ ಪಾಕಿಸ್ತಾನೊದ ಬಂಗಾಳಿ ಬಾಸೆನ್ ಪಾತೆರೊಂದಿತ್ತ್‌ನಕ್ಲೆಗ್ ದಿಂಜ ಅಸಮದಾನೊ ಆಂಡ್. ಉರ್ದುನು ರಾಷ್ಟ್ರಭಾಷೆ ಮಲ್ತ್‌ನೆನ್ ವಿರೋದಿಸದ್ ಪ್ರತಿಬಟನೆ ಮಲ್ತೆರ್. ಅಪಗ ಪಾಕ್ ಮೆಕ್ಲೆನ ಪ್ರತಿಬಟನೆನ್ ಉಂತಾಯರ ಪ್ರಯತ್ನೊ ಮಲ್ತ್ಂಡ್. ಪಾಕ್ ಸರ್ಕಾರೊದ ನಿಸೇದೊನು ಮೀರ್ದ್ 21-02-1952 ದಾನಿ ಢಾಕಾ ವಿಶ್ವವಿದ್ಯಾನಿಲಯೊದ ಜೋಕುಲು ಬೀದಿಗ್ ಜತ್ತ್‌ದ್ ಪೊರಂಬಾಟೊ ಮಲ್ಪಿಯರ ಸುರು ಮಲ್ತೆರ್.
• ಪ್ರತಿಬಟನೆ ಜೋರಾನಗ, ಪಾಕ್ ಸರ್ಕಾರೊದ ಆದೇಸೊದಂಚ ಪೋಲಿಸೆರ ಪ್ರತಿಬಟನಾಕಾರೆರೆ ಮಿತ್ತ್ ಗುಂಡು ರಾಪಾನಗ ಢಾಕಾ ವಿಶ್ವವಿದ್ಯಾನಿಲಯೊದ ಕೆಲವು ಜೋಕ್ಲು ಸೈತೆರ್. ಬಾಂಗ್ಲಾದೇಸೊದ ಅಪ್ಪೆ ಬಾಸೆ ಬಂಗಾಳಿನ್ ಆಡಳಿತ ಬಾಸೆಯಅದ್ ಮಲ್ಪೊಡುಂದು ಜೀವ ಪೋಯಿನ ಜೋಕ್ಲೆನ ನೆಂಪುಗಾದ್ ಈ ದಿನೊನು ವಿಶ್ವಸಂಸ್ತೆದ ಯುನೆಸ್ಕೊ ವಿಶ್ವ ಅಪ್ಪೆಬಾಸೆ ದಿನೊ ಆದ್ ಆಚರಿಸವುನಂಚ ಗೋಸನೆ ಮಲ್ತ್ಂಡ್.

ಬುಕ್ಕೊದ ಗಟನೆಲು

ಕೆನಡಾಡ್ ಐಎಂಎಲ್ಡಿನ್ ನೆಂಪು - 1952:ಬಂಗಾಳಿ ಬಾಸೆದ ಪೊರ್ಂಬಾಟೊ

ಢಾಕಾ ವಿಶ್ವವಿದ್ಯಾಲಯೊದ ಕೆಲವು ಜೋಕ್ಲೆನ ನಿತ್ಯೊದ ಪೊರುಂಬಾಟೊದ ಪರಿಣಾಮವಾದ್, ಪಾಕಿಸ್ತಾನೊ 29-02-1956ಡ್ ಬಂಗಾಳಿನ್ ಅದಿಕ್ರತ ಬಾಸೆ ಆದ್ ಗೋಸಣೆ ಮಲ್ತ್ಂಡ್. ಬಾಂಗ್ಲಾದೇಸೊಡು ಫೆಬ್ರವರಿ 21 ತಾರೀಕ್‌ಗ್ 'ಶಹೀದ್ ದಿನ' (ಹುತಾತ್ಮೆರೆನ ಸ್ಮಾರಕ) ನ್ ಪೂತಮಾಲೆ ದೀಡ್ದ್ ಆಚರಣೆ ಮಲ್ಪುವೆರ್. ಅಂತಾರಾಷ್ಟ್ರೀಯ ಅಪ್ಪೆಬಾಸೆ ದಿನಾಚರಣೆ ಜಗತ್ತ್‌ದ ಮಸ್ತ್ ಕಡೆಟ್ ಆಚರಣೆ ಆವೊಂದುಂಡು.

ಇಂಗ್ಲಿಸ್ ಪ್ರಬಾವೊ

ಜಾಗತೀಕರಣ ಸ್ತಳೀಯೊ ಬಾಸೆಲೆನ ಮಿತ್ತ್ ನೇರವಾದ್ ಪರಿಣಾಮೊ ಬೀರೊಂದುಂಡು. ಇಂಗ್ಲಿಸ್ ಬಾಸೆದ ಪ್ರಬಾವo ರಡ್ಡ್ ರೀತಿಡ್ ನಡತೊಂದುಂಡು.

• ವಿಜ್ಞಾನ/ತಂತ್ರಜ್ಞಾನೊ ಗೇನೊದ ನೆಲೆ ಮಸ್ತ್ ಇಂಗ್ಲಿಸ್‌ಡ್ ಸಂಗ್ರಹ ಆತ್ಂಡ್. ಪೊಸ ಸಂಶೋದನಾ ಪ್ರಬಂದೊಲು ಇಂಗ್ಲಿಸ್‌ಡ್ ಪ್ರಕಟ ಆವೊಂದುಂಡು. ಅಂಚಾದ್, ವ್ರತ್ತಿಪರ ಶಿಕ್ಷಣ ಮಸ್ತ್ ಇಂಗ್ಲಿಸ್‌ಡ್ ನಡಪುಂಡು. ಉದ್ಯೋಗೊಗು ಇಂಗ್ಲಿಸ್ ಗೇನೊ ಬೋಡು ಪನ್ಪುನ ಪರಿಕಲ್ಪನೆ ಬತ್ತ್ಂಡ್. ಅಂಚಾದ್, ಜನೊಕ್ಲು ಇಂಗ್ಲಿಸ್ ಕಲ್ಪಿಯರ ಉಮೇದ್‌ಡ್ ಉಲ್ಲೆರ್.
• ಇಂಗ್ಲಿಸ್‌ಡ್ದ್ ನೇರವಾದ್ ಅನುವಾದೊ ಮಲ್ಪುನಗಲಾ, ಸ್ತಳೀಯ ಬಾಸೆಲ್ ಹಾಲಾವೊಂದುಂಡು. ಸ್ತಳೀಯ ಬಾಸೆಡ್ ಸೊಬಾವೊಡು ಪನೊಲಿ ಪನ್ಪುನೆನ್ ನಿಜಾವಾದ್ ಇಂಗ್ಲಿಸ್ ಅನುವಾದೊದ ಮೂಲಕ ಕ್ರತಕವಾದ್ ವ್ಯಕ್ತಪಡಿಸವುನ ಅಬ್ಬೆಸೊ ಸುರು ಆತ್ಂಡ್

ಚಿತ್ರೊಲು

• 
  ಹಹಿತಾಮರ ಸ್ಮಾರಕ ಹಿನ್ನೆಲೆ
• 
  ಕಲ್ಕತ್ತಾ ವಿಶ್ವವಿದ್ಯಾಲಯ ಅಲಿಪೂರ್ ಕ್ಯಾಂಪಸ್‌ಡ್ 2018ಡ್ ಅಂತಾರಾಷ್ಟ್ರೀಯ ಅಪ್ಪೆಬಾಸೆ ದಿನಾಚರಣೆ
• 
  2017 ಅಂತರಾಷ್ಟ್ರೀಯ ಅಪ್ಪೆ ಬಾಸೆ ದಿನಾಚರಣೆ ಬೆಂಗಳೂರು
• 
  2015 ಇಸ್ಲಾಮಾಬಾದ್‌ಡ್ ಅಪ್ಪೆಬಾಸೆ ದಿನೊ, ಪಂಜಾಬ್‌ದ (ಎಚ್ಚಾದ್ ಪಾಕಿಸ್ತಾನೀಯೆರೆನ ಅಪ್ಪೆಬಾಸೆ) ಪಾಕಿಸ್ತಾನೊದ ಅದಿಕೃತ ಬಾಸೆ ಆವೊಡು ಪಂಡ್‌ದ್ ಪ್ರದರ್ಶಕೆರ್ ಒತ್ತಾಯೊ ಮಲ್ತೆರ್
• 
  ಎಕುಶೆ ಬುಕ್ ಫೇರ್ ಆಲ್ಬರ್ಟಾ, ಕೆನಡ

ಪಿದಯಿದ ಕೊಂಡಿ

• ಅಂತಾರಾಷ್ಟ್ರೀಯ ಅಪ್ಪೆ ಬಾಸೆ ದಿನಾಚರಣೆ 2015 ರ ಪೋಸ್ಟರ್