ವಿ. ಎಸ್. ಆಚಾರ್ಯ

ವೇದವ್ಯಾಸ ಶ್ರೀನಿವಾಸ ಆಚಾರ್ಯ (೬ ಜುಲೈ ೧೯೪೦ – ೧೪ ಫೆಬ್ರವರಿ ೨೦೧೨) ಕರ್ನಾಟಕದ ಭಾರತೀಯ ಜನತಾ ಪಾರ್ಟಿದ ಒರಿ ಹಿರಿಯ ಮುಖಂಡರಾದಿತ್ತೆರ್. ಮೇರ್ ಕರ್ನಾಟಕ ಸರ್ಕಾರೊಡು ಉನ್ನತ ಶಿಕ್ಷಣ ಸಚಿವರಾದಿತ್ತೆರ್. ಕ್ಯಾಬಿನೆಟ್ ಮಂತ್ರಿಲಾ ಆದಿತ್ತೆರ್.

ಪುಟ್ಟು ಬುಕ್ಕ ಕಲ್ಪಟಿಗೆ

ಅಚಾರ್ಯೆರ್‌ನ ಅಮ್ಮೆರ್ ವಿದ್ವಾನ್ ಕಟ್ಟೆ ಶ್ರೀನಿವಾಸ ಆಚಾರ್ಯೆರ್, ಸಂಸ್ಕೃತ ವಿದ್ವಾಂಸೆರ್ ಬೊಕ್ಕ ಪಂಡಿತೆ ಆದಿತ್ತೆರ್. ಅಪ್ಪೆ ಶ್ರೀಮತಿ ಕೃಷ್ಣವೇಣಿ ಅಮ್ಮ. ಇಲ್ಲಡ್ ಸಂಸ್ಕಾರ ಬೊಕ್ಕ ವಿದ್ವತ್ತ್‌ದ ವಾತಾವರಣ ಇತ್ತ್ಂಡ್. ಆಚಾರ್ಯೆರ್ ತನ್ನ ಎಲ್ಯ ಪ್ರಾಯೊದ ಶಿಕ್ಷಣೊನು ಉಡುಪಿದ ಕಡಿಯಾಳಿ ಶಾಲೆಯಲ್ಲಿ ಮುಗಿತ್ತೆರ್. ಎಲ್ಯ ಪ್ರಾಯೊಡೆ ಆರ್ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಕಾರ್ಯಕರ್ತರಾದ್ ಸಮಾಜ ಸೇವೆಡ್ ತೊಡಗಿಸವೊಂಡಿತ್ತೆರ್.

ಮಣಿಪಾಲದ ಪ್ರಸಿದ್ಧ ಕಸ್ತೂರಿಬಾ ಮೆಡಿಕಲ್ ಕಾಲೇಜ್‌ಡ್ದ್ 1965ರಲ್ಲಿ ಎಂ.ಬಿ.ಬಿ.ಎಸ್ ಪದವಿನ್ ಮುಗಿತ್ತೆರ್. ಪದವಿ ಮುಗಿದ್ ಬೊಕ್ಕ ಉಡುಪಿಡ್ ವೈದ್ಯೆರಾದ್ ವೃತ್ತಿ ಬದುಕುನು ಶುರು ಮಲ್ತೆರ್.

ವೈಯಕ್ತಿಕ ಬದ್ಕ್

ಡಾ. ವಿ. ಎಸ್. ಆಚಾರ್ಯೆರ್ ಸಮಾಜ ಸೇವಕಿಯಾದಿತ್ತಿನ ಡಾ. ಶಾಂತಾ ಆಚಾರ್ಯ ಅರೆನ್ ಮದುಮೆ ಆಯೆರ್. ಈ ದಂಪತಿಲೆಗ್ ಒಟ್ಟು ಬದುಕುಡು ಐನ್ ಜನ ಜೋಕುಲು—ನಾಲ್ ಆಣ್ ಜೋಕುಲು ಬೊಕ್ಕ ಒರಿ ಮಗಲ್.

ರಾಜಕೀಯ ಬದ್ಕ್

ಡಾ. ವಿ. ಎಸ್. ಆಚಾರ್ಯೆರ್ ತನ ಎಲ್ಯ ಪ್ರಾಯೊಡ್ದೇ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಕಾರ್ಯಕರ್ತರಾದಿತ್ತೆರ್. ಭಾರತೀಯ ಜನಸಂಘದ ಮೂಲಕ ಆರೆನ ರಾಜಕೀಯ ಬದ್ಕ್ ಸುರು ಆಂಡ್.

ನಗರಸಭೆತ್ತ ಅಧ್ಯಕ್ಸೆರಾದ್

ಆಚಾರ್ಯೆರ್ ಸುರುಕು ಮುನಿಸಿಪಲ್ ಕೌನ್ಸಿಲರ್ ಆದ್ ಆಯ್ಕೆಯಾಯೆರ್. ಆಯಿಡ್ದ್ ಬುಕ್ಕ, 1968ರಲ್ಲಿ ಕೇವಲ 28ನೇ ಎಲ್ಯ ಪ್ರಾಯೊಡೇ ಉಡುಪಿ ನಗರಸಭೆದ ಅಧ್ಯಕ್ಷೆರಾದ್ ಇತಿಹಾಸ ಬರೆದಿತ್ತೆರ್. ಉಡುಪಿ ನಗರಸಭೆಡ್ ಜನಸಂಘ ಗೆಂದಿನ ಉಂದುವೇ ದಕ್ಷಿಣ ಭಾರತದ ಒಂಜಿ ನಗರಸಭೆಡ್ ಪಕ್ಷದ ಸುರುತ ಚಾರಿತ್ರಿಕ ಜಯ ಆದಿತ್ತ್ಂಡ್. ಈ ಜಯನೇ ಬುಕ್ಕದ ದಿನೊಕುಲುಡು ಕರ್ನಾಟಕ ಬೊಕ್ಕ ಇಡೀ ದಕ್ಷಿಣ ಭಾರತೊಡು ಬಿಜೆಪಿ ಆಡಳಿತ ಬರಿಯರೆ ಒಂಜಿ ಗಟ್ಟಿ ಅಡಿಪಾಯ ಪಾಡ್ಂಡ್ ಪಂದ್ ಹಿರಿಯ ನಾಯಕೆ ಎಲ್. ಕೆ. ಅದ್ವಾನಿ ಪಂಡಿತ್ತೆರ್. ಆರ್ 8 ವರ್ಷ ಉಡುಪಿ ನಗರಸಭೆದ ಅಧ್ಯಕ್ಷರಾದಿತ್ತೆರ್. ಆರ್ನ ಅಧ್ಯಕ್ಷಾವಧಿಡ್, 1968ರಲ್ಲಿ 'ತಲೆಯ ಮೇಲೆ ಮಲ ಹೊರುವ' ಅನಿಷ್ಟ ಪದ್ಧತಿನ್ ದೇಸೊಡು ಸುರುತ ಸರ್ತಿ ಸಂಪೂರ್ಣವಾದ್ ನಿಷೇಧ ಮಲ್ತಿನ ಕೀರ್ತಿ ಉಡುಪಿ ನಗರ ಸಭೆಗ್ ತಿಕ್ಂಡ್. ಉಡುಪಿ ನಗರದ ಜನಕುಲೆಗ್ ಇತ್ತೆ ಲಾ ನೀರ್ ಕೊರ್ಪುನ ಸ್ವರ್ಣ ನದಿ ನೀರು ಸರಬರಾಜು ಯೋಜನೆ, ಭೂಗತ ಚರಂಡಿ ವ್ಯವಸ್ಥೆ ಬೊಕ್ಕ ರಸ್ತೆಲೆನ ಅಗಲೀಕರಣ ಉಂದು ಪೂರಾ ಆರ್ನ ಕಾಲೊಡು ಆಯಿನ ಮಲ್ಲ ಸಾಧನೆಲು.

ತುರ್ತು ಪರಿಸ್ಥಿತಿ ಬೊಕ್ಕ ಶಾಸನಸಭೆದ ಪಯಣ

1975-77ದ ತುರ್ತು ಪರಿಸ್ಥಿತಿದ ಕಾಲೊಡು ಆಚಾರ್ಯೆರ್ 19 ತಿಂಗಳು ಜೈಲು ವಾಸ ಅನುಭವಿಸದಿತ್ತೆರ್. ಜೈಲುಡ್ದ್ ಬಿಡುಗಡೆಯಾದ್ ಬತ್ತಿ ಬುಕ್ಕ 1977 ಬೊಕ್ಕ 1980ರ ಲೋಕಸಭಾ ಚುನಾವಣೆಡ್ ಉಡುಪಿಡ್ದ್ ಉಂತುದು ಸೋತೆರ್. ಆಂಡ, 1983ತ್ತ ವಿಧಾನಸಭಾ ಚುನಾವಣೆಡ್ ಉಡುಪಿ ಕ್ಷೇತ್ರಡ್ದ್ ಶಾಸಕೆರಾದ್ ಆಯ್ಕೆಯಾದ್, ವಿಧಾನಸಭೆಡ್ ಬಿಜೆಪಿ ಶಾಸಕಾಂಗ ಪಕ್ಷದ ನಾಯಕೆರಾಯೆರ್. 1996ಡ್ದ್ ಆರ್ ತೀರ್ ಪೋಪುನ ಮುಟ್ಟ ಕರ್ನಾಟಕ ವಿಧಾನ ಪರಿಷತ್ ಸದಸ್ಯರಾದ್ ಸೇವೆ ಸ್ಂದಾಯೆರ್.

ಮಂತ್ರಿಮಂಡಲ

ಬಿಜೆಪಿ-ಜೆಡಿಎಸ್ ಮೈತ್ರಿ ಸರ್ಕಾರೊಡು ಆಚಾರ್ಯೆರ್ ವೈದ್ಯಕೀಯ ಶಿಕ್ಷಣ ಬೊಕ್ಕ ಪಶುಸಂಗೋಪನಾ ಸಚಿವರಾದಿತ್ತೆರ್. 2008ಡ್ ಕರ್ನಾಟಕೊಡು ಬಿಜೆಪಿ ಸುರುತ ಸರ್ತಿ ಅಧಿಕಾರೊಗ್ ಬನ್ನಗ ಯಡಿಯೂರಪ್ಪನವರ ಸರ್ಕಾರೊಡು ಆರ್ ಗೃಹ ಸಚಿವರಾದ್ ನೇಮಕ ಆಯೆರ್. ವಿಧಾನ ಪರಿಷತ್ತುದ ಸಭಾನಾಯಕೆರಾದ್ ಸೇವೆಸಂದಾಯೆರ್. ಗೃಹ ಸಚಿವರಾದ್ ಆರ್ ಪೊಲೀಸ್ ಇಲಾಖೆನ್ ಆಧುನೀಕರಣ ಮಲ್ಪುನೆಡ್ ಮಲ್ಲ ಪಾತ್ರ ವಹಿಸದಿತ್ತೆರ್. ಆಯಿಡ್ದ್ ಬುಕ್ಕ 2010ರಲ್ಲಿ ಉನ್ನತ ಶಿಕ್ಷಣ ಸಚಿವರಾದ್ ಲಾ ಕೆಲಸ ಮಲ್ತೆರ್.