ವಿ. ಸುನಿಲ್ ಕುಮಾರ್
ವಾಸುದೇವ ಸುನಿಲ್ ಕುಮಾರ್ | |
|---|---|
| ಕರ್ನಾಟಕದ ಸರಕಾರ ಕ್ಯಾಬಿನೆಟ್ ಸಚಿವೇರ್ | |
| In office 4 ಆಗಸ್ಟ್ 2021 | |
| ಇಂಧನ ಸಚಿವೇರ್ | 4 ಆಗಸ್ಟ್ 2021 |
| ಕನ್ನಡ ಬುಕ್ಕೊ ಸಂಸ್ಕೃತಿ ಇಲಾಖೆ ಸಚಿವೇರ್ | 4 ಆಗಸ್ಟ್ 2021 |
| ಕರ್ನಾಟಕ ವಿಧಾನಸಭೆ ಸದಸ್ಯೇರ್ | |
| In office 2013 | |
| Preceded by | ಎಚ್. ಗೋಪಾಲ ಭಂಡಾರಿ |
| ಕ್ಷೇತ್ರ | ಕಾರ್ಕಳ |
| In office 2004–2008 | |
| Preceded by | ಎಚ್. ಗೋಪಾಲ ಭಂಡಾರಿ |
| Succeeded by | ಎಚ್. ಗೋಪಾಲ ಭಂಡಾರಿ |
| ಕ್ಷೇತ್ರ | ಕಾರ್ಕಳ |
| ವೈಯಕ್ತಿಕ ವಿವರೊಲು | |
| ಪುಟ್ಟು | ವಾಸುದೇವ ಸುನಿಲ್ ಕುಮಾರ್ 15 August 1975 ಮೂಡಿಗೆರೆ |
| ಪಕ್ಷೊ | ಭಾರತೀಯ ಜನತಾ ಪಾರ್ಟಿ |
| ಸಂಗಾತಿ | ಪ್ರಿಯಾಂಕ |
| ಜೋಕುಲು | ಮೂವರು ಮಕ್ಕಳು |
ವಾಸುದೇವ್ ಸುನಿಲ್ ಕುಮಾರ್ ಇಂಬೆರ್ ಓರ್ವ ರಾಜಕಾರಿಣಿ. ಕರ್ನಾಟಕ ರಾಜ್ಯೊದ ಕಾರ್ಕಳ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ಆದಿಪ್ಪುನ ಮೇರ್, ಪ್ರಸ್ತುತ ರಾಜ್ಯದ ಕನ್ನಡ ಬುಕ್ಕೊ ಸಂಸ್ಕೃತಿ ಇಲಾಖೆ, ಇಂಧನ ಇಲಾಖೆದ ಸಚಿವೆರ್ ಲಾ ಆದುಲ್ಲೆರ್.[೧] ಮೇರ್ ಭಾರತೀಯ ಜನತಾ ಪಕ್ಷದ ಸದಸ್ಯೆರ್.[೨]
ಪುಟ್ಟು ಬುಕ್ಕೊ ಶಿಕ್ಷಣ
[ಸಂಪೊಲಿಪುಲೆ]ಎಂ ಕೆ ವಾಸುದೇವ್ ಬುಕ್ಕೊ ಕೆ ಪಿ ಪ್ರಮೋದ ದಂಪತಿನ ಮಗೆಯಾದ್ ಸುನಿಲ್ ಕುಮಾರ್, ಆಗಸ್ಟ್ ೧೫, ೧೯೭೫ ಡ್ ಪುಟ್ಟಿಯೆರ್. ಕಾರ್ಲದ ರಾಮಪ್ಪ ಹಿರಿಯ ಪ್ರಾಥಮಿಕ ಶಾಲೆ ಪುಲ್ಕೇರಿಡ್ ನಾಲ್ನೇ ಕ್ಲಾಸ್ ಮುಟ್ಟ ಕಲ್ತಿನ ಮೇರ್, ಬುಕ್ಕೊ ಬಸವನಹಳ್ಳಿ ಹಿರಿಯ ಪ್ರಾಥಮಿಕ ಶಾಲೆ ಮುಲ್ಪ ಏಲನೇ ಕ್ಲಾಸ್ ಮುಟ್ಟ ಶಿಕ್ಷಣ ದೆತ್ತೊನ್ಯೆರ್. ದುಂಬುಗು ಶಿವಮೊಗ್ಗ ಗ್ ಪೋಯಿನ ಮೇರ್, ಅಲ್ಪ, ಪ್ರೌಢ ಬುಕ್ಕೊ ಪದವಿ ಪೂರ್ವ ಶಿಕ್ಷಣನ್ ಕಲ್ತೆರ್. ಚಿಕ್ಕಮಗಳೂರುದ ಸರಕಾರಿ ಪ್ರಥಮ ದರ್ಜೆ ಕಾಲೇಜ್ ಡ್ ಕಲಾ ಪದವಿ ಪಡೆಯಿನ ಮೇರ್, ಸುರುಕ್ಕು ಪತ್ರಕರ್ತೇರಾದ್ ಬುಕ್ಕೊ ರಾಜಕೀಯ ಪ್ರವೇಶ ಮಲ್ತೆರ್.
ರಾಜಕೀಯ
[ಸಂಪೊಲಿಪುಲೆ]ಆರ್ಎಸ್ಎಸ್ ವಿದ್ಯಾರ್ಥಿ ವಿಭಾಗೊ, ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಡ್ ನಾಯಕೆರಾದ್ ರಾಜಕೀಯನ್ ಶುರು ಮಲ್ತಿನ ಮೇರ್, ಬುಕ್ಕೊ ಭಾರತೀಯ ಜನತಾ ಪಾರ್ಟಿ ಸೇರಿಯೆರ್.
- ೨೦೦೪: ಕರ್ನಾಟಕ ಶಾಸಕಾಂಗ ಚುನಾವಣೆಡ್ ಸುರುತ್ತಾ ಸರ್ತಿ ಮೆರ್ ಉಂತಿಯೆರ್. ಅಪಗದ ಶಾಸಕೆರ್ ಗೋಪಾಲ್ ಭಂಡಾರಿ ಮೆರ್ನ ಎದುರು ಉಂತಿನ ಮೇರ್, ೧೦,೦೦೦ ವೋಟ್ ಲೆಡ್ದ್ ಗೆಂದ್ದ್ ಶಾಸಕೆರಾಯಿರ್.
- ೨೦೦೮: ವಿಧಾನಸಭಾ ಚುನಾವಣೆಡ್ ಲಾ ಗೋಪಾಲ್ ಭಂಡಾರಿ ಮೆರೆನ ವಿರುದ್ಧ ಗೆಂದಿಯೆರ್
- ೨೦೧೨: ಉಡುಪಿ ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರ ಉಪಚುನಾವಣೆಡ್ ಕಾಂಗ್ರೆಸ್ ಪಕ್ಷೋದ ಜಯಪ್ರಕಾಶ್ ಹೆಗ್ಡೆ ಮೇರೆನ ಎದುರು ಸೋತಿಯೆರ್.
- ೨೦೧೩: ಕರ್ನಾಟಕ ವಿಧಾನಸಭಾ ಚುನಾವಣೆಡ್ ಗೆಂದ್ದ್ ಶಾಸಕೇರಾಯೇರ್.[೩]
- ೨೦೧೮: ಕುಡೋರ ಶಾಸಕೆರಾದ್ ಚುನಾಯಿತೆರಾಯೇರ್.
- ೨೦೧೯: ಕರ್ನಾಟಕ ರಾಜ್ಯ ಸರ್ಕಾರೊದ ಕನ್ನಡ, ಸಂಸ್ಕೃತಿ ಇಲಾಖೆ ಬುಕ್ಕೊ ಇಂಧನ ಖಾತೆದ ಸಚಿವೆರಾಯೆರ್.