ವೈಶಾಲಿ ರಮೇಶ್ ಬಾಬು

ವೈಶಾಲಿ ರಮೇಶ್ ಬಾಬು ಪರಿಚಯ

ವೈಶಾಲಿ ರಮೇಶ್ ಬಾಬು (ಪುಟ್ಟು ೨೧ ಜೂನ್ ೨೦೦೧) ಒರಿ ಭಾರತೀಯ ಚೆಸ್ ಗ್ರ್ಯಾಂಡ್ ಮಾಸ್ಟರ್. 2023 ಮಹಿಳಾ ಗ್ರ್ಯಾಂಡ್ ಸ್ವಿಸ್ ಟೂರ್ನಮೆಂಟ್ ಡ್ 2024 ಮಹಿಳಾ ಅಭ್ಯರ್ಥಿ ಟೂರ್ನಿಗ್ ಅರ್ಹತೆ ಪಡೆಯಿನ ಆರ್ ಗೆಂದಿನಾರ್. ಆರ್ 2024 ಮಹಿಳಾ ವಿಶ್ವ ಬ್ಲಿಟ್ಜ್ ಚೆಸ್ ಚಾಂಪಿಯನ್ ಶಿಪ್ ಡ್ ಕಂಚಿದ ಪದಕ ಗೆಂದಿಯೆರ್. ಆರ್ ಚೆಸ್ ಗ್ರ್ಯಾಂಡ್ ಮಾಸ್ಟರ್ ಪ್ರಗ್ಗ್ನಾನಂದನ ಮಲ್ಲ ಅಕ್ಕ.

ವೈಯಕ್ತಿಕ ಜೀವನ

ವೈಶಾಲಿ ಜೂನ್ ೨೧, ೨೦೦೧ಡ್ ಚೆನ್ನೈಡ್, ತಮಿಳುನಾಡ್ ಡ್ ಪುಟ್ಟುವೆರ್. ಅರೆನ ಅಪ್ಪೆ ರಮೇಶ್ ಬಾಬು ಟಿಎನ್ಎಸ್ಸಿ ಬ್ಯಾಂಕ್ ಡ್ ಶಾಖೆದ ವ್ಯವಸ್ಥಾಪಕೆರಾದ್ ಬೇಲೆ ಮಲ್ಪುವೆರ್. ಆರೆನ ಅಪ್ಪೆ ನಾಗಲಕ್ಷ್ಮಿ ಒರಿ ಗೃಹಿಣಿ. ಅರೆನ ಎಲ್ಯ ಮೆಗ್ಯೆ ಆರ್ ಪ್ರಗ್ಗ್ನಾನಂಧೆರ್ ಲಾ ಒರಿ ಚೆಸ್ ಗ್ರ್ಯಾಂಡ್ ಮಾಸ್ಟರ್.

ವೃತ್ತಿಜೀವನ

ವೈಶಾಲಿ 2012ಡ್ 12 ವರ್ಸೊಡ್ದ್ ಕೆಳಗ್ ಉಪ್ಪುನ ಪೊಣ್ಣುಲೆನ ವಿಶ್ವ ಯುವ ಚೆಸ್ ಚಾಂಪಿಯನ್ ಶಿಪ್ ಬುಕ್ಕೊ 2015ಡ್ 14 ವರ್ಸೊಡ್ದ್ ಕೆಳಗ್ ಉಪ್ಪುನ ಪೊಣ್ಣುಲೆನ ವಿಶ್ವ ಯುವ ಚೆಸ್ ಚಾಂಪಿಯನ್ ಶಿಪ್ ನ್ ಗೆಂದಿಯೆರ್. ೨೦೧೩ಡ್, ೧೨ ವರ್ಸೊದ ಪ್ರಾಯೊಡು, ವೈಶಾಲಿನ ತಾಯ್ನಾಡ್ ಚೆನ್ನೈಡ್ ನಡತಿನ ವಿಶ್ವ ಚೆಸ್ ಚಾಂಪಿಯನ್ ಶಿಪ್ ೨೦೧೩ ಗ್ ಒಂಜಿ ಅನುಕರಣೆ ಪಂದ್ಯೊಡು ಭವಿಷ್ಯದ ವಿಶ್ವ ಚೆಸ್ ಚಾಂಪಿಯನ್ ಮ್ಯಾಗ್ನಸ್ ಕಾರ್ಲ್ಸೆನ್ ನ್ ಸೋತೆರ್.೨೦೧೬ಡ್, ಆರ್ ಮಹಿಳಾ ಅಂತರಾಷ್ಟ್ರೀಯ ಮಾಸ್ಟರ್ (ಡಬ್ಲ್ಯುಐಎಂ) ಪದವಿನ್ ಗಳಸುವೆರ್. ಅಕ್ಟೋಬರ್ ೨೦೧೬ಡ್ ವಿಶ್ವ ಮಹಿಳಾ ಚೆಸ್ ಶ್ರೇಯಾಂಕೊಡು ಭಾರತದ ರಡ್ಡನೆ ಸ್ಥಾನೊಡು ಬುಕ್ಕೊ ವಿಶ್ವ ಅಂಡರ್-೧೬ ಶ್ರೇಣಿಡ್ ಪನ್ನೆರಡನೆ ಸ್ಥಾನೊಡು ಇತ್ತಿನ ಆಟಗಾರ್ತಿ ಆದಿತ್ತೆರ್. ಆ ಕಾಲೊಡು, ಅಲೆಗ್ 2300 ದ ಎಲೋ ರೇಟಿಂಗ್ ಇತ್ತ್ಂಡ್, ಒಂಜಿ ಚೆಸ್ ರೇಟಿಂಗ್.

ಸಾಧನೆದ ಹೆಜ್ಜೆ

ರಿಗಾ ಟೆಕ್ನಿಕಲ್ ಯೂನಿವರ್ಸಿಟಿ ಓಪನ್ ಚೆಸ್ ಟೂರ್ನಿಡ್ ೧೨ ಆಗಸ್ಟ್ ೨೦೧೮ಡ್ ಲಾಟ್ವಿಯಾದ ರಿಗಾಡ್ ನಡತಿನ ರಿಗಾ ಟೆಕ್ನಿಕಲ್ ಯೂನಿವರ್ಸಿಟಿ ಓಪನ್ ಚೆಸ್ ಟೂರ್ನಮೆಂಟ್ ಡ್ ಮಹಿಳಾ ಗ್ರ್ಯಾಂಡ್ ಮಾಸ್ಟರ್ (ಡಬ್ಲ್ಯುಜಿಎಂ) ಶ್ರೇಣಿಗ್ ಏರುನ ಸಾಕಷ್ಟು ಅಂಕೊಲೆನ್ ಗಳಸೊಂದಿತ್ತಿನ ಆರ್ ಈ ಶ್ರೇಣಿನ್ ಸಾಧಿಸಯೆರ್. ಆನ್ ಲೈನ್ ಒಲಿಂಪಿಯಾಡ್ 2020ಡ್ ಚಿನ್ನದ ಪದಕ ಗೆಂದಿನ ಭಾರತೀಯ ತಂಡೊದ ಭಾಗವಾದ್ ವೈಶಾಲಿ ಇತ್ತೆರ್. ಈ ಸ್ಪರ್ಧೆಡ್ ಭಾರತ 2020ಡ್ ಸುರುತ ಪದಕ ಗೆಂದಿನವು. ಆರ್ 2021ಡ್ ಅಂತರರಾಷ್ಟ್ರೀಯ ಮಾಸ್ಟರ್ (ಐಎಂಎಂ) ಶ್ರೇಣಿನ್ ಪಡೆಯೆರ್. 2022ಡ್, ವೈಶಾಲಿ 8ನೇ ಫಿಶರ್ ಮೆಮೊರಿಯಲ್ ಟೂರ್ನಿದ ಪ್ರಶಸ್ತಿನ್ ಗೆಂದಿಯೆರ್. ಮುಲ್ಪ ಆರ್ ತನ್ನ ರಡ್ಡನೆ ಗ್ರ್ಯಾಂಡ್ ಮಾಸ್ಟರ್ ಅರ್ಹತೆನ್ ಸಾಧಿಸಯೆರ್, 7.0/9 ಸ್ಕೋರ್ ಮಲ್ತೆರ್. ವೈಶಾಲಿನ್ ಫಿಡೆ ಮಹಿಳಾ ಸ್ಪೀಡ್ ಚೆಸ್ ಚಾಂಪಿಯನ್ ಶಿಪ್ ೨೦೨೨ಡ್ ಪಾಲ್ ಪಡೆಯೆರೆ ಆಹ್ವಾನಿಸಯೆರ್. ಅಲ್ಪ ಆರ್ ಮಹಿಳಾ ವಿಶ್ವ ಬ್ಲಿಟ್ಜ್ ಚೆಸ್ ಚಾಂಪಿಯನ್ ಬಿಬಿಸರಾ ಅಸ್ಸೌಬಾಯೆವಾನ್ ೧೬ನೇ ಸುತ್ತುಡು ಸೋತೆರ್.ಆರ್ ಕ್ವಾರ್ಟರ್ ಫೈನಲ್ಸ್ ಡ್ ಭಾರತೀಯ ಹರಿಕಾ ದ್ರೋಣವಲ್ಲಿನ್ ಸೋತೆರ್. ವೈಶಾಲಿ ಜುಲೈ-ಆಗಸ್ಟ್ ೨೦೨೨ಡ್ ಚೆನ್ನೈದ ಮಮಲ್ಲಪುರೊಡು ನಡತಿನ ೪೪ನೇ ಚೆಸ್ ಒಲಿಂಪಿಯಾಡ್ ಡ್ ಮಹಿಳಾ ವಿಭಾಗೊಡು ಬೋರ್ಡ್ ೩ಡ್ ಆಟ ಆಡೊಂದಿತ್ತೆರ್. ಈ ಪಂದ್ಯಾವಳಿಡ್ ಭಾರತದ ಮಹಿಳಾ ತಂಡ ಕಂಚಿದ ಪದಕ ಗೆಂದಿದೆ. ಮುಲ್ಪ, ವೈಶಾಲಿ 3ನೇ ಬೋರ್ಡ್ ಗ್ ಒಂಜಿ ವೈಯಕ್ತಿಕ ಕಂಚಿದ ಪದಕೊನುಲಾ ಗೆಂದಿಯೆರ್. ವೈಶಾಲಿ ಟಾಟಾ ಸ್ಟೀಲ್ ಚಾಲೆಂಜರ್ಸ್ ೨೦೨೩ ಟೂರ್ನಿಡ್ ಆಡೊಂದಿತ್ತೆರ್. ಮುಲ್ಪ ಆರ್ 4.5/14 ಸ್ಕೋರ್ ಮಲ್ತೆರ್. ಮುಲ್ಪ ಆರ್ 2600 ಡ್ದ್ ಮಿತ್ತ್ ಉಪ್ಪುನ ರಡ್ಡ್ ಜಿಎಂಲೆನ್ ಸೋತೆರ್, ಲೂಯಿಸ್ ಪಾಲೊ ಸುಪಿ ಬುಕ್ಕೊ ಜೆರ್ಗಸ್ ಪೆಚಾಕ್. ಈ ಪಂದ್ಯಾವಳಿಡ್ ಒಟ್ಟಾರೆ ಶ್ರೇಯಾಂಕೊಡು ವೈಶಾಲಿ ಪನ್ನೆರಡನೆ ಸ್ಥಾನೊಡು ಉಲ್ಲೆರ್. .

ಕತಾರ್ ಮಾಸ್ಟರ್ಸ್ ಓಪನ್ ೨೦೨೩ಡ್ ವೈಶಾಲಿ ೫/೯ ಸ್ಕೋರ್ ಮಲ್ತೆರ್. ಈ ಪಂದ್ಯಾವಳಿಡ್ ಅರೆನ ಪ್ರದರ್ಶನೊನ್ ಆಧಾರ ಮಲ್ತ್ದ್ ಅರೆನ ಅಂತಿಮ ಜಿಎಂ ಮಾನದಂಡೊನು 2609 ಶ್ರೇಣಿಡ್ ಸಾಧಿಸಯೆರ್.[20] ಅರೆನ ಸಹವರ್ತಿ ಭಾರತೀಯ ದಿವ್ಯ ದೇಶಮುಖ್ ಡ್ದ್ ಎಡ್ಡೆ ಟೈಬ್ರೇಕ್ ಸ್ಕೋರ್ ನ್ ಪಡೆಯಿನೆಕ್ ಅರೆನ ಅಗ್ರ ಮಹಿಳಾ ಸ್ಪರ್ಧಿ ಪ್ರಶಸ್ತಿನ್ ಗೆಂದಿಯೆರ್.

ವೈಶಾಲಿ ಐಲ್ ಆಫ್ ಮ್ಯಾನ್ ಡ್ ನಡತಿನ FIDE ಮಹಿಳಾ ಗ್ರ್ಯಾಂಡ್ ಸ್ವಿಸ್ 2023 ಪಂದ್ಯಾವಳಿಡ್ ಒಂಜಿ ಪಂದ್ಯೊನುಲಾ ಸೋತುದು 8.5/11 ಅಂಕೊಲೆನ್ ಗಳಸಂದೆ ಗೆಂದಿಯೆರ್. ಈ ಗೆಲುವು ಕೆನಡಾದ ಟೊರೊಂಟೊಡ್ 2024 ಮಹಿಳಾ ಅಭ್ಯರ್ಥಿಲೆನ ಪಂದ್ಯಾವಳಿಡ್ ಸ್ಪರ್ಧೆ ಮಲ್ಪೆರೆ ಅರ್ಹತೆ ಕೊರ್ತುಂಡು. ಆರ್ ಬುಕ್ಕೊ ಅರೆನ ಎಲ್ಯ ಮೆಗ್ಯೆ ಪ್ರಗ್ಗ್ನಾನಂಧೆರ್ ಅಕ್ಲೆನ ವಿಭಾಗೊಡು ಸ್ಪರ್ಧೆಗ್ ಅರ್ಹತೆ ಪಡೆಯಿನ ಸುರುತ ಸೋದರ ಜೋಡಿ ಆಯೆರ್.

ಡಿಸೆಂಬರ್ ಡ್ ಸ್ಪೇನ್ ಡ್ ನಡತಿನ IV ಎಲ್ ಲೋಬ್ರೆಗಾಟ್ ಓಪನ್ ಟೂರ್ನಿ 2023 ಡ್, ವೈಶಾಲಿ 2500 ಎಲೋ ರೇಟಿಂಗ್ ಮಿತಿನ್ ದಾಂಟೊಂದು ಗ್ರ್ಯಾಂಡ್ ಮಾಸ್ಟರ್ ಶ್ರೇಣಿಗ್ ಬೋಡಾಪಿನ ಮಾತಾ ಅಗತ್ಯೊಲೆನ್ ಪೂರೈಸಯೆರ್. ಆರ್ ಭಾರತೊಡ್ದ್ ಮೂಜಿನೆ ಪೊಣ್ಣು ಬುಕ್ಕೊ 84ನೇ ವ್ಯಕ್ತಿ ಆಯೆರ್.

ಜನವರಿ ೨೧, ೨೦೨೪ಡ್, ಚೆಸ್ ಫೆಡರೇಶನ್ ಆಫ್ ಇಂಡಿಯಾ ವೈಶಾಲಿನ ಪರವಾದ್ ಗ್ರ್ಯಾಂಡ್ ಮಾಸ್ಟರ್ ಬಿರುದುಗು ಫಿಡೆ ಅರ್ಹತಾ ಸಮಿತಿಗ್ ಅರ್ಜಿನ್ ಸಲ್ಲಿಸಯೆರ್, ಉಂದು ಫಿಡೆ ಗ್ರ್ಯಾಂಡ್ ಮಾಸ್ಟರ್ ಶ್ರೇಣಿನ್ ನಿರ್ವಹಿಸವುಂಡು.

ಜನವರಿ ೨೨, ೨೦೨೫ ಡ್ದ್, ಅರೆನ ಶ್ರೇಣಿ ೨೪೭೬ ಆದುಂಡು.

ಪ್ರಶಸ್ತಿ

ಅರ್ಜುನ ಪ್ರಶಸ್ತಿ ೨೦೨೪

ಉಲ್ಲೇಕೊಲು

https://www.google.com/search?q=vaishali+rameshbabu+in+kannada&client=firefox-b-d&sca_esv=797b4a86cdb03d2c&sxsrf=AHTn8zqSgZ9r-nQvjZ8uZlgJiX1B-w3O_A%3A1742716829696&ei=nb_fZ7iiKoy7seMP7-jwQQ&ved=0ahUKEwj45M-M3p-MAxWMXWwGHW80PAgQ4dUDCBA&oq=vaishali+rameshbabu+in+kannada&gs_lp=Egxnd3Mtd2l6LXNlcnAiHnZhaXNoYWxpIHJhbWVzaGJhYnUgaW4ga2FubmFkYTIFECEYoAEyBRAhGKABMgUQIRigAUiWPFCoC1i7JHABeAGQAQCYAdYBoAHUDKoBBTAuOS4yuAEMyAEA-AEBmAIMoAKzDcICChAAGLADGNYEGEfCAg4QABiwAxjkAhjWBNgBAcICExAuGIAEGLADGEMYyAMYigXYAQHCAgUQABiABMICChAAGIAEGBQYhwLCAgYQABgWGB7CAgsQABiABBiRAhiKBcICCxAAGIAEGIYDGIoFwgIIEAAYgAQYogTCAgcQIRigARgKmAMAiAYBkAYPugYGCAEQARgJkgcFMS45LjKgB94_sgcFMC45LjK4B6cN&sclient=gws-wiz-serp https://www.google.com/search?q=vaishali+rameshbabu+in+kannada&client=firefox-b-d&sca_esv=797b4a86cdb03d2c&sxsrf=AHTn8zqSgZ9r-nQvjZ8uZlgJiX1B-w3O_A%3A1742716829696&ei=nb_fZ7iiKoy7seMP7-jwQQ&ved=0ahUKEwj45M-M3p-MAxWMXWwGHW80PAgQ4dUDCBA&oq=vaishali+rameshbabu+in+kannada&gs_lp=Egxnd3Mtd2l6LXNlcnAiHnZhaXNoYWxpIHJhbWVzaGJhYnUgaW4ga2FubmFkYTIFECEYoAEyBRAhGKABMgUQIRigAUiWPFCoC1i7JHABeAGQAQCYAdYBoAHUDKoBBTAuOS4yuAEMyAEA-AEBmAIMoAKzDcICChAAGLADGNYEGEfCAg4QABiwAxjkAhjWBNgBAcICExAuGIAEGLADGEMYyAMYigXYAQHCAgUQABiABMICChAAGIAEGBQYhwLCAgYQABgWGB7CAgsQABiABBiRAhiKBcICCxAAGIAEGIYDGIoFwgIIEAAYgAQYogTCAgcQIRigARgKmAMAiAYBkAYPugYGCAEQARgJkgcFMS45LjKgB94_sgcFMC45LjK4B6cN&sclient=gws-wiz-serp