ಶಶಿ ದೇಶಪಾಂಡೆ
ಶಶಿ ದೇಶಪಾಂಡೆ (ಪುಟ್ಟು ೧೯೩೮) ಒರಿ ಭಾರತೀಯ ಕಾದಂಬರಿಕಾರೆ. ಆರ್ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಬೊಕ್ಕ ಪದ್ಮಶ್ರೀ ಪ್ರಶಸ್ತಿನ್ ಕ್ರಮೊಟ್ಟು 1990 ಬೊಕ್ಕ 2009ಡ್ ಪಡೆಯೆರ್.
ಜೀವನ ಚರಿತ್ರೆ
[ಸಂಪೊಲಿಪುಲೆ]ಆರ್ 19 ಆಗಸ್ಟ್ 1938ಡ್ ಕರ್ನಾಟಕದ ಧಾರವಾಡೊಡು ಕನ್ನಡ ನಾಟಕಕಾರೆ ಬೊಕ್ಕ ಬರವುದ ಅಡ್ಯ ರಂಗಾಚಾರ್ಯ ಬೊಕ್ಕ ಶಾರದಾ ಅಡ್ಯನ ರಡ್ಡನೆ ಮಗೆ ಆದ್ ಪುಟ್ಟುವೆರ್. [೧] [೨] ಮೇರ್ ಬೊಂಬಾಯಿಡ್ (ಇತ್ತೆದ ಮುಂಬೈ) ಬೊಕ್ಕ ಬೆಂಗಳೂರುಡ್ ಶಿಕ್ಷಣ ಪಡೆಯೆರ್. ದೇಶಪಾಂಡೆ ಅರ್ಥಶಾಸ್ತ್ರ ಬೊಕ್ಕ ಕಾನೂನುಡ್ ಪದವಿ ಪಡೆಯೆರ್. ಮುಂಬೈಡ್ ವಿದ್ಯಾಭವನೊಡು ಪತ್ರಿಕೋದ್ಯಮ ಕಲ್ಪಾದ್ ‘ಆನ್ಲೂಕರ್’ ಪತ್ರಿಕೆಡ್ ಪತ್ರಕರ್ತೆರಾದ್ ಒಂತೆ ಒಂತೆ ಬೇಲೆ ಮಲ್ತೆರ್.
೧೯೭೮ಡ್ ಅರೆನ ಸುರುತ ಕತೆತ ಸಂಗ್ರಹೊನು ಪ್ರಕಟ ಮಲ್ತೆರ್, ಬೊಕ್ಕ ಅರೆನ ಸುರುತ ಕಾದಂಬರಿ 'ದಿ ಡಾರ್ಕ್ ಹೋಲ್ಡ್ಸ್ ನೋ ಟೆರರ್ ' ನ್ ೧೯೮೦ಡ್ ಪ್ರಕಟ ಮಲ್ತೆರ್. ೧೯೯೦ಡ್ ದಾಟ್ ಲಾಂಗ್ ಸೈಲೆನ್ಸ್ ಪನ್ಪಿನ ಕಾದಂಬರಿಗ್ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿನ್ ಬೊಕ್ಕ ೨೦೦೯ಡ್ ಪದ್ಮಶ್ರೀ ಪ್ರಶಸ್ತಿನ್ [೩] ೨೦೧೪. [೪]
ದೇಶಪಾಂಡೆ ನಾಲ್ ಜೋಕುಲೆನ ಪುಸ್ತಕೊಲೆನ್, ಒಂಜಿ ಸಂಖ್ಯೆದ ಸಣ್ಣ ಕತೆಕುಲೆನ್, ಹದಿಮೂಜಿ ಕಾದಂಬರಿಲೆನ್, ಬೊಕ್ಕ ರೈಟಿಂಗ್ ಫ್ರಮ್ ದ ಮಾರ್ಜಿನ್ ಅಂಡ್ ಅದರ್ ಎಸ್ಸೆಸ್ ಪನ್ಪಿನ ಒಂಜಿ ಪ್ರಬಂದ ಸಂಗ್ರಹೊನು ಬರೆತೆರ್.
೦೧೫ ಡಿಸೆಂಬರ್ ೯ ತಾರೀಕ್ ದಾನಿ ಸಾಹಿತ್ಯ ಅಕಾಡೆಮಿದ ಸಾಮಾನ್ಯ ಸಭೆತ ಸ್ಥಾನೊಡ್ದ್ ರಾಜೀನಾಮೆ ಕೊರ್ದು ಸಾಹಿತ್ಯ ಅಕಾಡೆಮಿದ ಪ್ರಶಸ್ತಿನ್ ವಾಪಸ್ ಕೊರ್ತೆರ್. ಇಂಚ ಮಲ್ಪುನಗ, ಎಂ. ಎಂ. ಕಲ್ಬುರ್ಗಿನ ಕೊಲೆದ ಬಗ್ಗೆ ಅಕಾಡೆಮಿದ ಗ್ರಹಿಕೆದ ನಿಷ್ಕ್ರಿಯತೆ ಬೊಕ್ಕ ಮೌನದ ವಿರುದ್ಧ ಬೇತೆ ಬರವುದಕುಲೆನ ವಿಶಾಲವಾದ್ ಪ್ರತಿಭಟನೆಗ್ ಸೇರ್ದೆರ್.[೫]
ಡಿಸೆಂಬರ್ ೬, ೨೦೧೮ಡ್, ಗೋವಾ ಕಲಾ ಬೊಕ್ಕ ಸಾಹಿತ್ಯ ಉತ್ಸವೊದ (ಜಿಎಎಲ್ಎಫ್) ಒಂಜಿ ಒಂಜಿ ಆವೃತ್ತಿದ ಉದ್ಘಾಟನಾ ಭಾಷಣೊಡು, ದೇಶಪಾಂಡೆ ಭಾರತೀಯೆರೆನ್ ಒಂಜಿ ಹಿಂದೂ ರಾಷ್ಟ್ರೊನು ಬಯಕೆ ಮಲ್ಪುನ ಪರಿಣಾಮೊಲೆನ್ ಯೋಚನೆ ಮಲ್ಪೊಡು ಪಂದ್ ಒತ್ತಾಯ ಮಲ್ತೆರ್, ಬೊಕ್ಕ ಭಾರತ-ಪಾಕಿಸ್ತಾನ ವಿಭಜನೆಡ್ದ್ ನಡತಿನ ಹಿಂಸೆ ಬೊಕ್ಕ ನರಮೇಧದ ಬಗ್ಗೆ ಉಪಸ್ಥಿತೆರೆಗ್ ನೆಂಪು ಮಲ್ತೆರ್. [೬]
ಆಯ್ಕೆ ಮಲ್ತಿನ ಗ್ರಂಥಸೂಚಿ
[ಸಂಪೊಲಿಪುಲೆ]- ಕಮ್ ಅಪ್ ಅಂಡ್ ಬಿ ಡೆಡ್ (೧೯೮೩) ಆ ಲಾಂಗ್ ಸೈಲೆನ್ಸ್, ಪೆಂಗ್ವಿನ್ (ಪೇಪರ್ ಬ್ಯಾಕ್ ೧೯೮೯), ಎ ಮ್ಯಾಟರ್ ಆಫ್ ಟೈಮ್, ದಿ ಫೆಮಿನಿಸ್ಟ್ ಪ್ರೆಸ್ ಅಟ್ ಸಿಯುಎನ್ವೈ (೧೯೯೬), ದಿ ಬೈಂಡಿಂಗ್ ವೈನ್, ದಿ ಫೆಮಿನಿಸ್ಟ್ ಪ್ರೆಸ್ ಅಟ್ ಸಿಯುಎನ್ವೈ (೨೦೦೨), ಮೂವಿಂಗ್ ಆನ್, ಪೆಂಗ್ವಿನ್ ಬುಕ್ಸ್ ಇಂಡಿಯಾ (೨೦೦೪), ಶ್ಯಾಡೋ ಪ್ಲೇ, ಅಲೆಫ್ (೨೦೧೩), ಸ್ಟ್ರೇಂಜರ್ಸ್ ಟು ಅವರ್ಸೆಲ್ಫ್ಸ್, ಹಾರ್ಪರ್ ಕಾಲಿನ್ಸ್ (೨೦೧೫),
- ಜೋಕುಲೆನ ಪುಸ್ತಕೊಲು
- ಒಂಜಿ ಬೇಸಿಗೆದ ಸಾಹಸ
- ಗುಪ್ತ ನಿಧಿ
- ಒಂಜೇ ಸಾಕ್ಷಿ
- ನಾರಾಯಣಪುರದ ಘಟನೆ
ಆತ್ಮಚರಿತ್ರೆ
[ಸಂಪೊಲಿಪುಲೆ]- ಎಂಕ್ ಕೇನ್ಲೆ [೭]
ಸಂಗ್ರಹ ಮಲ್ತಿನ ಪ್ರಬಂಧೊಲು
[ಸಂಪೊಲಿಪುಲೆ]- ರೈಟಿಂಗ್ ಫ್ರಮ್ ದ ಮಾರ್ಜಿನ್ & ಅದರ್ ಎಸ್ಸೆಸ್, ಪೆಂಗ್ವಿನ್ (೨೦೦೩),
- ಸಬ್ವರ್ಷನ್ಸ್: ಜೀವನ ಬೊಕ್ಕ ಸಾಹಿತ್ಯದ ಬಗ್ಗೆ ಪ್ರಬಂಧೊಲು, ಸಂದರ್ಭ (೨೦೨೧),
ಉಲ್ಲೇಖೊಲು
[ಸಂಪೊಲಿಪುಲೆ]
- ↑ "Sharada Adya Rangacharya dead". Times of India. Retrieved 7 January 2002.
- ↑ T. M. J. Indra Mohan (2004). Shashi Deshpande: A Critical Spectrum. Atlantic Publishers & Dist. p. 191. ISBN 978-8126903092.
- ↑ "Untitled Page".
- ↑ "Here's the shortlist". The Hindu. 5 October 2014. Retrieved 24 December 2014.
- ↑ Raman, Anuradha (9 October 2015). "After Sashi Deshpande steps down, Akademi explains its silence". The Hindu. Retrieved 20 December 2018.
- ↑ "Hope idea of Hindutva is rejected in upcoming polls: Author who returned Sahitya Award". The Goan Everyday. 7 Dec 2018. Retrieved 10 Dec 2018.
- ↑ Datta, Sudipta (2019-01-12). "'Listen to Me' review: A place of her own". The Hindu (in Indian English). ISSN 0971-751X. Retrieved 2020-01-08.