ಶಿಖಾ ಟಂಡನ್
ಭಾರತದ ಪುಗರ್ತೆ ಪಡೆಯಿನ ಮೀಂದುನಾರ್. ಶಿಖಾ ತಂಡನ್ ಬೆಂಗಳೂರು, ಕನಾ೯ಟಕದಾರ್. ಜನವರಿ ೨೦, ೧೯೮೫ಡ್ ಪುಟ್ಟುನ ಆರ್ ಎಲ್ಯ ಪ್ರಾಯೊಡು ಕ್ರೀಡಾ ಜೀವನೊನು ಸುರು ಮಲ್ತೆರ್. ಅರೆನ ಕ್ರೀಡಾ ಜೀವನೊಡು 146 ರಾಷ್ಟ್ರೀಯ ಪದಕೊಲೆನ್ ಬೊಕ್ಕ ಅಂತರರಾಷ್ಟ್ರೀಯ ಸ್ಪರ್ಧೆಲೆಡ್ 36 ಪದಕೊಲೆನ್ ಗೆಂದಿಯೆರ್, ಅಯಿಟ್ ಐನ್ ಬಂಗಾರ್ದ ಪದಕೊಲುಲಾ ಉಂಡು. ಆರ್ ಇತ್ತೆ ಯುಎಸ್ಎಡಿಎ ವಿಜ್ಞಾನ ತಂಡೊದ ಸದಸ್ಯೆ ಆದ್ ಉಲ್ಲೆರ್, ಯುಎಸ್ಎಡಿಎದ ಮುಖ್ಯ ಸಂಪನ್ಮೂಲೊಲು ಬೊಕ್ಕ ವರದಿ ಮಲ್ಪುನ ದಿನ ನಿತ್ಯೊದ ಯೋಜನೆಲೆನ್ ಅಭಿವೃದ್ಧಿ ಮಲ್ಪೆರೆ ಬೊಕ್ಕ ಜಾರಿ ಮಲ್ಪೆರೆ ಸಹಾಯ ಮಲ್ಪುವೆರ್.
ಕ್ರೀಡಾ ಜೀವನ
[ಸಂಪೊಲಿಪುಲೆ]ಟಂಡನ್ 13 ವರ್ಷ ಪ್ರಾಯೊಡು ರಾಜ್ಯ ಮಟ್ಟದ ಕ್ರೀಡೆಗ್ ಆಯ್ಕೆ ಆಯೆರ್, ಕಂಚಿದ ಪದಕೊಲೆನ್ ಗೆಂದಿಯೆರ್. ಟಂಡನ್ 13 ವರ್ಸೊದ ಪ್ರಾಯೊಡು ಏಷ್ಯಾದ ಕ್ರೀಡಾಕೂಟೊಡು ಬೊಕ್ಕ 16 ವರ್ಸೊದ ಪ್ರಾಯೊಡು ತನ್ನ ಸುರುತ ವಿಶ್ವ ಚಾಂಪಿಯನ್ ಶಿಪ್ ಡ್ ಸ್ಪರ್ಧೆ ಮಲ್ತೆರ್
ಟಂಡನ್ 2001ಡ್ 28ನೇ ಜೂನಿಯರ್ ನ್ಯಾಷನಲ್ ಅಕ್ವಾಟಿಕ್ ಚಾಂಪಿಯನ್ ಶಿಪ್ ಡ್ 200 ಮೀಟರ್ ವೈಯಕ್ತಿಕ ಮೆಡ್ಲಿಡ್ ಒಂಜಿ ಪದಕೊನು ಗೆಂದ್ದ್, ಒಂಜಿ ಪೊಸ ದಾಖಲೆನ್ ಮಲ್ತೆರ್. ಬುಸಾನ್ ಡ್ ನಡತಿನ ೨೦೦೨ ಏಷ್ಯನ್ ಗೇಮ್ಸ್ ಡ್ ಟಂಡನ್ ೧೦೦ ಮೀಟರ್ ಫ್ರೀಸ್ಟೈಲ್ ಡ್ ೮ನೇ ಸ್ಥಾನೊನು ಪಡೆಯೆರ್.
೨೦೦೩ಡ್ ನಡತಿನ ೫೭ನೇ ಸೀನಿಯರ್ ನ್ಯಾಷನಲ್ ಅಕ್ವಾಟಿಕ್ ಚಾಂಪಿಯನ್ ಶಿಪ್ ಡ್, ಟಂಡನ್ ೨೬.೬೧ ಸೆಕೆಂಡ್ ದ ಸಮಯೊಡು ಭಾರತದ ಪೊಂಜೊಲೆನ ೫೦ ಫ್ರೀಸ್ಟೈಲ್ ದಾಖಲೆನ್ ಪೊಲಿತೆರ್. ಈ ಸ್ಪರ್ಧೆಡ್ ಐನ್ ಬಂಗಾರ್ದ ಪದಕೊಲೆನ್ ಗೆಂದಿಯೆರ್ ಬೊಕ್ಕ ಸತತ ಮೂಜಿನೆ ವರ್ಸೊಗು ಬಾರೀ ಪುಗರ್ತೆದ ಮೀಂದುನಾರ್[permanent dead link] ಪಂಡ್ದ್ ಘೋಷಣೆ ಆಯೆರ್. ೨೦೦೪ ಅಥೆನ್ಸ್ ಒಲಿಂಪಿಕ್ಸ್ ಡ್, ಟಂಡನ್ ೫೦ ಮೀಟರ್ ಬೊಕ್ಕ ೧೦೦ ಮೀಟರ್ ಪ್ರತ್ಯೇಕವಾದ್ ಒಲಿಂಪಿಕ್ ಸ್ಪರ್ಧೆಗ್ ಅರ್ಹತೆ ಪಡೆಯಿನ ಸುರುತ ಭಾರತದ ಮೀಂದುನಾರ್ ಆಯೆರ್.
೨೦೦೫ಡ್, ಏಳ್ ರಾಷ್ಟ್ರೀಯ ದಾಖಲೆಲೆನ್ ಮಲ್ತಿನ ಕಾರಣೊಗು ಶಿಖಾಗ್ ಅರ್ಜುನ ಪ್ರಶಸ್ತಿನ್ ಕೊರ್ತೆರ್. ೨೦೦೬ಡ್, ಮೆಲ್ಬೋರ್ನ್ ಕಾಮನ್ವೆಲ್ತ್ ಗೇಮ್ಸ್ ಡ್ ೫೦ ಮೀಟರ್ ಬೆನ್ನಿ ಸ್ಟ್ರೋಕ್ ಬೊಕ್ಕ ೫೦ ಮೀಟರ್ ಫ್ರೀಸ್ಟೈಲ್ ಡ್ ಟಂಡನ್ ಸೆಮಿಫೈನಲ್ ಗ್ ಮುಟ್ಟಿಯೆರ್. ಅವೇ ವರ್ಷ, ಬ್ಯಾಂಕಾಕ್ ಡ್ ನಡತಿನ ಇಂಡೋರ್ ಏಷ್ಯನ್ ಏಜ್ ಗ್ರೂಪ್ ಸ್ವಿಮ್ಮಿಂಗ್ ಚಾಂಪಿಯನ್ ಶಿಪ್ ಡ್ ಕಂಚಿನ ಪದಕ ಗೆಂದಿನ ಶಾರ್ಟ್-ಕೋರ್ಸ್ ಸ್ಪರ್ಧೆಡ್ ಅಂತರಾಷ್ಟ್ರೀಯ ಪದಕ ಗೆಂದಿನ ಸುರುತ ಭಾರತೀಯ ಪೊಂಜೊವು ಪನ್ಪಿನ ಪುಗರ್ತೆ ಆಯೆರ್.
2009ಡ್ ಕೇಸ್ ವೆಸ್ಟರ್ನ್ ರಿಸರ್ವ್ ವಿಶ್ವವಿದ್ಯಾಲಯೊಡ್ದ್ ಜೀವಶಾಸ್ತ್ರ ಬೊಕ್ಕ ಜೀವತಂತ್ರಜ್ಞಾನೊಡು ಡ್ಯುಯಲ್ ಮಾಸ್ಟರ್ಸ್ ಪದವಿನ್ ಮುಗಿತ್ ದ್ USADA ಗ್ ಅರ್ಜಿ ಸಲ್ಲಿಸಾಯಿನ ಬೊಕ್ಕ ನೇಮಕ ಆಯಿನ ಸುರುತ ಭಾರತೀಯೆ ಆಯೆರ್
ವೈಯಕ್ತಿಕ ಜೀವನ
[ಸಂಪೊಲಿಪುಲೆ]ಟಂಡನ್ ಗ್ ಒರಿ ಎಲ್ಯ ಮೆಗ್ಯೆ ಶೋಭಿತ್ ಉಲ್ಲೆರ್, ಆರ್ ಉಬ್ಬಸೊಡು ಬಳಲೊಂದಿತ್ತೆರ್. ಒರಿ ಡಾಕ್ಟರ್ನ ಸಲಹೆಡ್, ಅರೆನ ಅಪ್ಪೆ ಅರೆನ ಶ್ವಾಸಕೋಶದ ಸಾಮರ್ಥ್ಯನ್ ಸುಧಾರಿಸವುನ ನಿಟ್ಟಿಡ್ ಮೀಂದುನ ಪಾಠೊಗು ಲೆತೊಂದು ಪೋಯೆರ್, ಬೊಕ್ಕ ಟಂಡನ್ಲಾ ಮೀಂದುನೆನ್ ಸುರು ಮಲ್ತೆರ್. ಜೆನ್ನಿ ಥಾಂಪ್ಸನ್ ಬೊಕ್ಕ ಇಂಗೆ ಡಿ ಬ್ರೂಯ್ನ್ ಅರೆನ ಮಾದರಿಲು.[೧]
ಕಲ್ಪಾಟಿಗೆ
[ಸಂಪೊಲಿಪುಲೆ]ಶಿಖಾ ಟಂಡನ್ ಬೆಂಗಳೂರುದ ಜೈನ ವಿಶ್ವವಿದ್ಯಾಲಯೊದ ಶ್ರೀ ಭಗವಾನ್ ಮಹಾವೀರ ಜೈನ ಕಾಲೇಜಿಡ್ ಅಧ್ಯಯನ ಮಲ್ತೆರ್. ಬೊಕ್ಕ ಬೆಂಗಳೂರು ವಿ.ವಿ. ಒಹಿಯೋದ ಕೇಸ್ ವೆಸ್ಟರ್ನ್ ರಿಸರ್ವ್ ವಿಶ್ವವಿದ್ಯಾಲಯೊಡ್ದ್ ಜೀವಶಾಸ್ತ್ರ ಬೊಕ್ಕ ಜೀವತಂತ್ರಜ್ಞಾನೊಡು ರಡ್ಡ್ ಸ್ನಾತಕೋತ್ತರ ಪದವಿನ್ ಮುಗಿತ್ದೆರ್. ಆರ್ ಇತ್ತೆ ಯುಎಸ್ ಆಂಟಿ-ಡೋಪಿಂಗ್ ಏಜೆನ್ಸಿ, ಕೊಲೊರಾಡೊ ಸ್ಪ್ರಿಂಗ್ಸ್, ಯುಎಸ್ಎಡ್ ವಿಜ್ಞಾನ ಕಾರ್ಯಕ್ರಮದ ಮುಖ್ಯಸ್ಥೆರಾದ್ ಬೇಲೆ ಮಲ್ತೊಂದುಲ್ಲೆರ್.
ಪ್ರಶಸ್ತಿಲು
[ಸಂಪೊಲಿಪುಲೆ]- ೨೦೦೫ - ಅರ್ಜುನ ಪ್ರಶಸ್ತಿ
ಉಲ್ಲೇಖೊಲು
[ಸಂಪೊಲಿಪುಲೆ]- ↑ Brijnath, Rohit (30 November 1996). "Indian sportspersons have a hard road to glory". India Today. Retrieved 20 April 2021.