ಶಿವಶ್ರೀ

ಶಿವಶ್ರೀ ಒರ್ತಿ ಪುಗರ್ತೆದ ಗಾಯಕಿ. ಚೆನ್ನೈ ಮೂಲದ ನಿವಾಸಿ ಆಯಿನ ಮೆರ್ ಮಾತ ಕಲಾ ಕ್ಷೇತ್ರೊಡು ಪುಗರ್ತೆ ಪಡೆತೆರ್. ಶಿವಶ್ರೀ ಕಲಾವಿದೆರೆನ ಕುಟುಂಬೊಡ್ದು ಬತ್ತಿನಾರ್. ಆರೆಗ್ ಎಲ್ಯ ಪ್ರಾಯೊಡೇ ಸಂಗೀತದ ಮಿತ್ತ್ ಭಾರಿ ಆಸಕ್ತಿ ಇತ್ತ್ಂಡ್. ಶಾಸ್ತ್ರೀಯ ಸಂಗೀತ, ಭರತನಾಟ್ಯೊನು ಆರ್ ಕಲ್ತ್‌ದೆರ್. ಶಿವಶ್ರೀ ಆರೆನ ಅಜ್ಜೆರ್ ಪುಗರ್ತೆದ ಸಂಗೀತಗಾರೆರಾದಿತ್ತೆರ್. ಶಿವಶ್ರೀ ಮೆರೆನ ಅಮ್ಮೆರ್ ಪುಗರ್ತೆದ ಮೃದಂಗ ವಾದಕೆ ವಿದ್ವಾನ್ ಸೀರ್ಕಾಜಿ ಜೆ. ಸ್ಕಂದಪ್ರಸಾದ್. ಶಿವಶ್ರೀ ಎ.ಎಸ್. ಮುರಳಿ ಬುಕ್ಕೊ ಆಚಾರ್ಯ ಚೂಡಾಮಣಿ ಮುಕುಲೆಡ ಸಂಗೀತ ಕಲ್ತ್‌ದೆರ್. ರೋಜಾ ಕಣ್ಣನ್ ಮೆರೆಡ್ದ್ ಭರತನಾಟ್ಯ ತರಬೇತಿ ಪಡೆತೆರ್.ಶಿವಶ್ರೀ ಬಯೋ-ಇಂಜಿನಿಯರಿಂಗ್ ಪದವೀಧರೆ ಆದುಲ್ಲೆರ್. ಮದ್ರಾಸ್ ವಿಶ್ವವಿದ್ಯಾಲಯೊಡು ಎಂ.ಎ ಭರತನಾಟ್ಯ ಬುಕ್ಕೊ ಮದ್ರಾಸ್ ಸಂಸ್ಕ್ರತ ಕಾಲೇಜ್‌ಡ್ ಸಂಸ್ಕೃತ ಡಿಪ್ಲೊಮೊ ಪಡೆತೆರ್.

ಸಾಧನೆ

ಶಿವಶ್ರೀ ಪ್ರಸ್ತುತ ಭರತನಾಟ್ಯಂ ಬುಕ್ಕೊ ಕರ್ನಾಟಕ ಸಂಗೀತೊಗಾದ್ ಆಹುತಿ ಪನ್ಪಿ ಇ-ಶಾಲೆನ್ ನಡಪಾವೊಂದುಲ್ಲೆರ್.ಉಂದು ಸಾಂಪ್ರದಾಯಿಕ ಮೌಲ್ಯೊಲೆನ್ ಒರಿಪಾವುನ ಇರಾದೆ ದೀವೊಂದುಂಡು.

ಮದಿಮೆ

ಬೆಂಗಳೂರು ದಕ್ಷಿಣ ಕ್ಷೇತ್ರೊದ ಬಿಜೆಪಿ ಸಂಸದೆ ತೇಜಸ್ವಿ ಸೂರ್ಯ ಬುಕ್ಕೊ ಪುಗರ್ತೆದ ಗಾಯಕಿ ಶಿವಶ್ರೀ ಸ್ಕಂದಪ್ರಸಾದ್ ಮುಕುಲೆನ ಮದಿಮೆ ಗುರುವಾರ ಕನಕಪುರ ರಸ್ತೆದ ಖಾಸಗಿ ರೆಸಾರ್ಟ್‌ಡ್​ನಡತ್ತ್ಂಡ್. ಕುಟುಂಬೊದಕ್ಲು ಬುಕ್ಕೊ ಬಂಧು ಇಷ್ಟೆರ್ ಇತ್ತ್‌ದ್ ಮದಿಮೆ ನಡತ್ತ್ಂಡ್. ಕರ್ನಾಟಕ ಬಿಜೆಪಿ ಅಧ್ಯಕ್ಷೆರಾಯಿನ ಬಿವೈ ವಿಜಯೇಂದ್ರೆರ್, ಕೇಂದ್ರ ಸಚಿವೆರಾಯಿನ ವಿ ಸೋಮಣ್ಣೆ ಅಂಚನೇ ಮಸ್ತ್ ಬಿಜೆಪಿ ಮುಖಂಡೆರ್ ಮದಿಮೆಗ್ ಬತ್ತ್‌ದ್ ಮದಿಮಾಯ ಮದಿಮ್ಮಾಲೆಗ್ ಎಡ್ಡೆಪ್ಪು ಬಯಕಿಯೆರ್.