ಶೀತಲಾ

 

ಶೀತಲಾ ಪಂಡ ಉತ್ತರ ಭಾರತೊಡು ಮುಖ್ಯವಾದ್ ಆರಾಧನೆ ಮಲ್ಪುನ ಒಂಜಿ ಹಿಂದೂ ದೇವತೆ . ಶೀತಾಲ ಪುದರ್‌ದ ಅರ್ಥ ತಂಪು. ಆರೆನ್ ಪಾರ್ವತಿ ದೇವಿನ ಅವತಾರ ಪಂಡ್ದ್ ಪರಿಗಣಿಸವೆರ್ . ಕಜ್ಜಿ, ಗಂಟ್ ಬೇನೆ, ಸಿಡುಬು ರೋಗ ಬೊಕ್ಕ ಬೇತೆ ಕಾಯಿಲೆಲೆನ್ ಗುಣ ಮಲ್ಪುವೆರ್‌ ಪನ್ಪಿನ ನಂಬಿಕೆ ಉಂಡು. ಚೈತ್ರ ಮಾಸೊಡು ಹೋಳಿರ್ದ್‌ಬೊಕ್ಕದ ಮಂಗಳವಾರೊಲೆಡ್ , ಸಪ್ತಮಿ ಬೊಕ್ಕ ಅಷ್ಟಮಿಡ್ (ಹಿಂದೂ ಮಾಸೊದ ಏಳ್ನೇ ಬೊಕ್ಕ ಎನ್ಮನೇ ದಿನ) ಶೀತಾಲೊನು ವಿಶೇಷವಾದ್ ಆರಾಧನೆ ಮಲ್ಪುವೆರ್. ಹಿಂದೂ ಮಾಸದ ಏಳನೇ ಬೊಕ್ಕ ಎಣ್ಮೆದಾನಿ ನಡಪುನ ಶೀತಾಲದ ಆಚರಣೆಲೆನ್ ಕ್ರಮಾಂಕೊಡು ಶೀತಾಲ ಸಪ್ತಮಿ ಬೊಕ್ಕ ಶೀತಾಲ ಅಷ್ಟಮಿ ಪನ್ಪೆರ್.

ಕಟ್ಟ್ ಕತೆ

ಬಾಲೆಲೆನ್ ಸಿಡುಬು ಬೊಕ್ಕ ಬೇತೆ ಬಾಲ್ಯದ ಕಾಯಿಲೆಡ್ದ್ ರಕ್ಷಣೆ ಮಲ್ಪುನ ಅಪ್ಪೆ ಆದ್ ದೇವಿನ್ ಕೆತ್ತದೆರ್. ಪೊಣ್ಣುಲೆಗ್ ಎಡ್ಡೆ ಕಂಡನಿ ತಿಕ್ಕೆರೆ ಬೊಕ್ಕ ಆರೋಗ್ಯವಯಿನ ಜೋಕುಲೆನ್ ಗರ್ಭಪಡೆಯೆರೆ ಸಹಾಯ ಮಲ್ಪುನ ಫಲವತ್ತತೆದ ದೇವತೆ ಆದ್ ಲಾ ಅರೆನ್ ಸೇವೆ ಮಲ್ಪುವೆರ್. ಅರೆನ ಶುಭ ಉಪಸ್ಥಿತಿ ಕುಟುಂಬದ ಸುಖೊನು ಖಚಿತ ಮಲ್ಪುಂಡು ಬೊಕ್ಕ ಭಕ್ತೆರೆನ ಜೀವನೊನು ರಕ್ಷಣೆ ಮಲ್ಪುಂಡು ಪನ್ಪಿನ ನಂಬಿಕೆ ಉಂಡು. ಅನುಕೂಲಕರ ಬರ್ಸ ಕನಯೆರೆ ಬೊಕ್ಕ ಬರಗಾಲ, ಬರಗಾಲ, ಬೊಕ್ಕ ಕೈಕಂಜಿಲೆ ಕಾಯಿಲೆಲೆನ್ ತಡೆಯೆರೆಲಾ ಶೀತಾಲನ ಆರಾಧನೆ ಮಲ್ಪುವೆರ್.

ವಾರಣಾಸಿದ ಕಾಶಿಖಂಡ ವಿಭಾಗೊಡ್ದ್ ಸ್ಕಂದ ಪುರಾಣೊದ ಕೆಲವು 16ನೇ ಶತಮಾನೊದ ಪ್ರತಿಲು ಸಿಡುಬು ಬೊಕ್ಕ ಸಿಡುಬು ಗುಳ್ಳೆಲೆನಂಚಿನ ಕಾಯಿಲೆಲೆಗ್ ಗುಣ ಮಲ್ಪುನ ಬಗ್ಗೆ ವರ್ಣನೆ ಮಲ್ಪುಂಡು:  ಸಿಡುಬು ಬೊಕ್ಕ ಗುಳ್ಳೆಗ್ಲೆನ್‌ ಗುಣ ಮಲ್ಪಾವುನ ಸಲುವಾದ್ ಬೊಕ್ಕ ಜೋಕ್ಲೆನ ಆರೋಗ್ಯದ ನಿಟ್ಟಿಡ್ ಒಂಜಿ ಭಕ್ತೆ ಮೈಸೂರು ಬೇಳೆ ಕಾಳುಲೆನ್ ದೆತೊಂದುಪೊಡಿ ಮಲ್ಪುವೆ.ಅಪಗ ಶೀಲಾ ಶಕ್ತಿರ್ದಾದ್ ಜೋಕುಲುಸೀಕ್ ರ್ದ್ ಗುಣ ಇಂಟೆಲ್. ಶೀತಾಲಾದ ಬಗ್ಗೆ ಸುರುತ ಬಂಗಾಳಿ ಕಾವ್ಯೊನು 1690ಡ್ ಸಪ್ತಗ್ರಾಮೊಡು ರಚನೆ ಮಲ್ತೆರ್. ಪಶ್ಚಿಮ ಬಂಗಾಳೊದ ಮಿಡ್ನಾಪೂರ್ ಡ್ದ್ 18ನೇ ಶತಮಾನೊದ ರಚನೆಲು ಶೀತಾಲಾನ ಧಾರ್ಮಿಕ ಆರಾಧನೆಡ್ ಮಹತ್ವೊನು ಜಾಸ್ತಿ ಮಲ್ಪುನ ಕೊಡುಗೆ ಕೊರ್ತೆರ್. ಈ ಕಾಲೊಡು ಮರಾಠಾ ಸಾಮ್ರಾಜ್ಯ ಬೊಕ್ಕ ಬ್ರಿಟಿಷ್ ಈಸ್ಟ್ ಇಂಡಿಯಾ ಕಂಪೆನಿದ ನಡುಟು ನಡತಿನ ಕಲಹೊಲು ಬರಗಾಲೊಗು ಕಾರಣವಾದ್ ಸಿಡುಬು ರೋಗೊಡ್ದ್ ಸಾವುದ ಸಂಖ್ಯೆ ಪ್ರಮಾಣ ಏರ್ರ್ಡ್.

ಪುದರ್ ಬೊಕ್ಕ ರೂಪಾಂತರೊಲು

ಸಂಸ್ಕೃತೊಡು 'ಶಿತಲ' (शीतला ಶೀಥಲಾ ) ಪನ್ಪಿನ ಪುದರ್ ದ ಅಕ್ಷರಶಃ ಅರ್ಥ 'ತಂಪು ಮಲ್ಪುನಾರ್' ಪನ್ಪಿನ ಅರ್ಥ ಉಂಡು. ಹಿಂದೂ ಧರ್ಮೊಡು ಆರಾಧನೆ ಮಲ್ಪುನ ಈ ದೇವತೆ, ಜ್ವರೊಟು ಬಳಲೊಂದಿತ್ತಿನಕ್ಲೆಗ್ ತಂಪು ಪರಿಹಾರೊನು ಒದಗಾವುನ ದೈವಿಕ ಆಶೀರ್ವಾದೊನು ಪ್ರತಿನಿಧಿಸವುಂಡು, ಉಂದೆನ್ ದೇವಿನ 'ಶಿತಾಲ' ಪನ್ಪಿನ ಬಿರುದು ಸೂಚಿಸವುಂಡು. ಶಿತಾಲ್ ದೇವಿನ್ ಭಾರತೀಯ ಉಪಖಂಡೊಡು ಬೇತೆ ಬೇತೆ ಪುದರ್ ಡ್ ಆರಾಧನೆ ಮಲ್ಪುವೆರ್. ಭಕ್ತೆರ್ ಗೌರವಾನ್ವಿತ ಅಪ್ಪೆ ವ್ಯಕ್ತಿಲೆಗ್ ಮೀಸಲಾತಿನ ಗೌರವ ಪ್ರತ್ಯಯೊಲೆನ್ ಬಳಸದ್ ಶಿತಾಲ್ ನ್ ಉಲ್ಲೇಖ ಮಲ್ಪುವೆರ್. ಉದಾಹರಣೆಗೆ, ಶೀತಲ- ಮಾ ( ಹಿಂದಿ : शीतला-मा) : ಸಾರ್ವಜನಿಕ ), ಶೀತಾಳ - ಅಪ್ಪೆ (ಸಂಸ್ಕೃತ: ಆರೋಗ್ಯ ), ಮತ್ತು ಶೀತಾಲ- ಅಮ್ಮ ( ಕನ್ನಡ: : ಅಮ್ಮ ಅಮ್ಮ ). ಶೀತಾಲನ್ ಹಿಂದೂಲು, ಬೌದ್ಧೆರ್ ಬೊಕ್ಕ ಬುಡಕಟ್ಟ್ ಸಮುದಾಯೊಲು ಆರಾಧನೆ ಮಲ್ಪುವೆರ್. ತಾಂತ್ರಿಕ ಬೊಕ್ಕ ಪುರಾಣಿ ಸಾಹಿತ್ಯೊಡು ಆರೆನ ಉಲ್ಲೇಖ ಉಂಡು. ಬಂಗಾಳಿ ಕವಿ ಮಾಣಿಕ್ರಾಮ್ ಗಂಗೋಪಾಧ್ಯಾಯೆರ್ನ ೧೭ನೆ ಶತಮಾನೊದ ಶೀತಾಲ-ಮಂಗಲ-ಕಬ್ಯಾಸ್ ('ಶುಭ ಕಬಿತೆ') ಇಂಚಿನ ಸ್ಥಳೀಯ ಗ್ರಂಥೊಲೆಡ್ ಅರೆನ ವ್ಯಾಖ್ಯಾನೊಲು ಅರೆನ ಆರಾಧನೆನ್ ಮಸ್ತ್ ಜನಪ್ರಿಯ ಮಲ್ತೆರ್.

ಶೀತಲಾ ದೇವಿನ ಪೂಜೆ ಉತ್ತರ ಭಾರತದ ಪ್ರದೇಶೊಲೆಡ್ ವಿಶೇಷವಾದ್ ಜಾಟವ್ಸ್‌ಡ್ ಬಾರಿ ಜನಪ್ರಿಯವಾದುಂಡು. ಅವುಲು ಅರೆನ್ ಸಾಂಪ್ರದಾಯಿಕವಾದ್ ಶಿವನ ದೈವಿಕ ಬುಡೆದಿ ಪಾರ್ವತಿನ ಒಂಜಿ ಅಂಶ ಪಂದು ಗುರುತಿಸಬೆರ್. ಆರ್ಲಾ ಬೇವುದ ಮರಟ್ ಉಪ್ಪುವೆರ್‌ಪಂದ್ ಪನ್ಪೆರ್ . ಅರೆಗ್ ವಿಶೇಷ ದೇವಸ್ಥಾನಲು ಬೊಕ್ಕ ಎಲ್ಯ ಗುಡಿಕುಲು ಉಂಡು. ಮುಜಫರ್ ನಗರದಂಚಿನ ಕೆಲವು ಜಾಗೆಲೆಡ್, ಆರೆನ್ ಉಜಲಿ ಮಾತಾ ಅತಂಡಾ ಪ್ರಕಾಶಮಾನವಾಯಿನ ಅಪ್ಪೆ ಪಂದ್ ಪೂಜಿಸಾಬೆರ್. ಬಾಕಿ ದೇವಸ್ಥಾನಲು ಸಿಕಂದರಪುರಡ್ ನೆಲೆ ಆತ್ಂಡ್; ಬಿಜ್ನೋರ್, ರೇವಾಲಾ, ಡೆಹ್ರಾ ಡನ್ ಬೊಕ್ಕ ಜಲೋನ್‌ ಡ್. ಈ ದೇವತೆಲೆನ್ ಚಾಮರೆರ್ ಸುಮಾರ್ ಶತಮಾನರ್ದ್ ಪೂಜಿಸಾಬೆರ್‌ಪನ್ಪುನ ದಾಖಲೆ ಉಂಡು. 'ಅಪ್ಪೆ' ಪಂದ್ ಲೆಪ್ಪುನ ಒಟ್ಟುಗು , ಶೀತಲಾ ದೇವಿನ್ ಠಾಕುರಾಣಿ, ಜಗರಾಣಿ (ಜಗತ್ತಿನ ರಾಣಿ), ಕರುಣಾಮಯಿ (ಕರುಣೆಡ್ ದಿಂಜಿನಾರ್), ಮಂಗಳಾ (ಶುಭಕರ), ಭಗವತಿ (ದೇವತೆ), ದಯಾಮಯಿ (ಕರುಣಾಳು, ಕೃಪೆ ಬೊಕ್ಕ ದಯೆ ಇತ್ತ್ ನಾರ್) ಇಂಚು ಬೇತೆ ಬೇತೆ ಗೌರವದ ಪುದರ್ದ ಬಿರುದುಗ್ಲೆಡ್ ಪೂಜಿಸಾಬೆರ್. ಹರಿಯಾಣದ ಗುರಗಾಂವ್‌ಡ್, ಶೀತಲಾನ್ ಕೃಪಿ ( ದ್ರೋಣನ ಬುಡೆದಿ) ಪಂದು ಪರಿಗಣಿಸಾಬೆರ್ ಬೊಕ್ಕ ಗುರಗಾಂವ್‌ನ ಶೀತಲಾ ಮಾತಾ ಮಂದಿರಡ್ ಪೂಜೆ ಮಲ್ಪುವೆರ್. ದಕ್ಷಿಣ ಭಾರತದ, ಶೀತಲಾ ದೇವಿನ ಸ್ಥಾನನ್ ತಮಿಳು ಜನಕುಲು ವ್ಯಾಪಕವಾದ್ ಪೂಜಿಸಾವುನ ದೇವತೆಯಾದ್ ಮಾರಿಯಮ್ಮನ್ ಪಡೆವೊಂದೆರ್.

ಶೀತಲ ಪೂಜೆ |

ಹಿಂದೂ ಚಂದ್ರ ಪಂಚಾಂಗದ ಪತ್ತೊಂಜಿನೇ ಮಾಸದ ಫಾಲ್ಗುಣದ ಎಣ್ಮನೇ ದಿನ ಸೀತಾಲಷ್ಟಮಿದಾನಿ ಮುಖ್ಯವಾದ್ ಪೊಣ್ಣುಲು ಶೀತಾಲನ್ ಆರಾಧನೆ ಮಲ್ಪುವೆರ್. ರಘುನಂದನ್ ಪನ್ಪೆರ್ ಉಂದು ಸಾಮಾನ್ಯವಾದ್ ಫೆಬ್ರವರಿ ನಡುಟು ಬೊಕ್ಕ ಮಾರ್ಚ್ ಅಂತ್ಯೊದ ನಡುಟು ಬರ್ಪುಂಡು. ದಾಯೆ ಪಂಡ ಸಿಡುಬುಡ್ದ್ ಸಾವುಲು ಸಂಭವಿಸುಂಡು, ಶುಷ್ಕ ರಾತ್ರೆಲೆಡ್ ನಡಪುಂಡು. ಸೀತಾರಾಧನೆಗ್ ಮಸ್ತ್ ಆರತಿ ಬೊಕ್ಕ ಸ್ತೋತ್ರೊಲು ಉಂಡು. ಅವುಲು ಕೆಲವು ಪಂಡ ಶ್ರೀ ಶೀತಾಲಾ ಮಾತಾ ಚಾಳಿಸಾ, ಶೀತಾಲಾ ಮಾ ಕೀ ಆರತಿ, ಶ್ರೀ ಶೀತಾಲಾ ಮಾತಾ ಅಷ್ಟಕ.

ಸಾಮಾನ್ಯ ನಂಬಿಕೆದ ಪ್ರಕಾರ, ಮಸ್ತ್ ಕುಟುಮೊಲು ಅಷ್ಟೆಮಿ/ಸಪ್ತಮಿಡ್ ಅಕ್ಲೆನ ಸ್ಟೌವ್ ನ್ ಬೆಚ್ಚ ಮಲ್ಪುಜೆರ್, ಬೊಕ್ಕ ಮಾತಾ ಭಕ್ತೆರ್ ಪ್ರಸಾದ ರೂಪೊಡು ತಂಪು ಆಹಾರೊನು (ದುಂಬುದ ರಾತ್ರೆ ಬೇಯಿಪಾದ್) ಸಂತೋಷೊಡು ತಿನ್ಪೆರ್. ವಸಂತ ಋತು ಮುಗಿದ್ ಬೇಸ ಸಮೀಪೊಗು ಬನ್ನಗ ತಂಪು ಆಹಾರೊನು ತಪ್ಪಾವೊಡು ಪನ್ಪಿನವು ಉಂದೆತ ಪಿರವುದ ಐಡಿಯಾ.

ಸೀತಾಳ ದೇವಿನ ಆರಾಧನೆ |

ಐಕಾನೊಗ್ರಫಿ ಬೊಕ್ಕ ಚಿಹ್ನೆಲು

ಶೀತಾಲಾ ಚಿತ್ರ ||

ಸಾಂಪ್ರದಾಯಿಕ ಚಿತ್ರಣೊಲು

ಶೀತಾಲಾನ್ ಸಾಂಪ್ರದಾಯಿಕವಾದ್ ಒಂಜಿ ಕನ್ಯೆ ಆದ್ ಒಂಜಿ ಬಾರ್ಪನೆನ್ ನ್ ಪತೊಂದು, ಒಂಜಿ ಕತ್ತೆನ್ ಸವಾರಿ ಮಲ್ತ್ ದ್, ಒಂಜಿ ಎಲ್ಯ ಮೈಪುನ್ ಪತೊಂದು ಬೊಕ್ಕ ರೊಗೊನು ಗುಣ ಮಲ್ಪುನ ಅಮರತ್ವದ ನೀರ್ ದ ಪಾತ್ರೆನ್ ಪತೊಂದು ಇತ್ತಿನ ಚಿತ್ರೀಕರಣ ಮಲ್ತೆರ್. ಆದಿವಾಸಿ ಬೊಕ್ಕ ಬಹುಜನ ಸಮುದಾಯೊಲು ನಿರ್ಮಾಣ ಮಲ್ತಿನ ಎಲ್ಯ ಗ್ರಾಮೀಣ ದೇವಸ್ಥಾನೊಲೆಡ್, ಶೀತಾಲಾನ್ ಸರಳವಾದ್ ಚಿತ್ರೀಕರಣ ಮಲ್ತಿನ ಮೋನೆದ ಲಕ್ಷಣೊಲೆನ್ ಬೊಕ್ಕ ಭಕ್ತೆರ್ ದಾನ ಮಲ್ತಿನ ಅಲಂಕಾರಿಕ ಅಲಂಕಾರೊಲೆನ್ ಮೃದುವಾದ್ ಕಲ್ಲ್ ದ ಫಲಕೊಲೆಡ್ ತೋಜಾವೊಲಿ. ಗಮನಾರ್ಹವಾದ್, ಶೀತಾಲಾನ ಪ್ರಾರ್ಥನೆಡ್ ಬೇವುದ ಇರೆಕ್ಲೆನ ಉಲ್ಲೇಖೊಲು ಸರ್ವತ್ರ ಉಂಡು ಬೊಕ್ಕ ಅವು ಅರೆನ ಐಕಾನೊಗ್ರಫಿಡ್ ಲಾ ಉಂಡು . ಅಜಾದಿರಕ್ತಾ ಇಂಡಿಕಾನ್ ಔಷಧೀಯ ಸಸ್ಯೊ ಆದ್ ಬಳಕೆ ಮಲ್ಪುನ ಕಲ್ಪನೆನ್ ಈ ಜಾಗೆಡ್ ತೂವೊಲಿ. ಇಂಚಿತ್ತಿನ ಮಿತ್ತ್, ಬೇವುದ ಇರೆನ್ ಸುಶ್ರುತ ಸಂಹಿತಾಡ್ ಮಸ್ತ್ ಉಲ್ಲೇಖ ಮಲ್ತ್ದೆ ರ್, ಅಲ್ಪ ಉಂದು ಒಂಜಿ ಪರಿಣಾಮಕಾರಿ ಜ್ವರ ವಾಸಿ ಮಲ್ಪುನ ಬೊಕ್ಕ ಕೆಲವು ಉರಿಯೂತದ ಚರ್ಮದ ಕಾಯಿಲೆಲೆಗ್ ಒಂಜಿ ಮರ್ದ್ ಪಂಡ್ದ್ ಪಟ್ಟಿ ಮಲ್ತ್ ದೆರ್.

ಶೀತಾಲ ಪಂಡ ಕಾತ್ಯಾಯಿನಿ ದೇವಿನ ಒಂಜಿ ರೂಪ. ಜ್ವರೊಟು ಬಳಲೊಂದಿಪ್ಪುನ ರೋಗಿಲೆಗ್ ಆರ್ ತಂಪುನ್ ಒದಗಾವೆರ್. ದೇವಿ ಮಹಾತ್ಮೆದ ಪ್ರಕಾರ ಜ್ವರಾಸುರ ರಕ್ಕಸೆ ಮಾತ ಬಾಲೆಲೆಗ್ ಬ್ಯಾಕ್ಟೀರಿಯದ ಜ್ವರ ಕೊರ್ನಗ ಶೀತಾಳ ರೂಪೊಡ್ ಕಾತ್ಯಾಯನಿ ದೇವಿ ಬತ್ತ್ದ್ ಜ್ವರ ಉಂಡು ಮಲ್ಪುನ ಬ್ಯಾಕ್ಟೀರಿಯನ್ ನಿವಾರಣೆ ಮಲ್ತ್ ದ್ ದುಷ್ಟ ಜ್ವರಾಸುರನ್ ಕೆರ್ದ್ ಬಾಲೆಲೆನ ನೆತ್ತೆರ್ನ್ ಶುದ್ಧ ಮಲ್ತೆರ್. ಉತ್ತರ ಭಾರತದ ಐಕಾನೊಗ್ರಫಿಡ್ ಜ್ವರಾಸುರನ್ ಶೀತಾಲನ ಶಾಶ್ವತ ಸೇವಕೆ ಪಂಡ್ದ್ ತೋಜಾವೆರ್.

ಕೆಲವೊಂಜಿ ದಿಕ್ಕ್ ಡ್ ಅರೆನ್ ಎನ್ಮ ಕೈಕುಲು ಉಪ್ಪುನಂಚ ತೋಜಾವೆರ್. ಒಂಜಿ ತ್ರಿಶೂಲ, ಒಂಜಿ ಮೈಪು, ಒಂಜಿ ಚಕ್ರ, ಒಂಜಿ ಪಾತ್ರೆ ಬೊಕ್ಕ ಗುಣ ಮಲ್ಪುನ ನೀರ್, ಬೇವುದ ಗೆಲ್ಲುಲು, ಒಂಜಿ ಶಂಖ, ಬೊಕ್ಕ ಒಂಜಿ ಶಂಖೊನು ಪತೊಂದು ಉಪ್ಪುನ ಚಿತ್ರಣ ಉಂಡು. ಅಲ್ ಒಂಜಿ ಕತ್ತೆದ ಮಿತ್ತ್ ಕುಲ್ಲುದುಲ್ಲೆರ್. ಈ ಚಿತ್ರಣ ಅಲೆನ್ ರಕ್ಷಣೆ, ಎಡ್ಡೆ ಅದೃಷ್ಟ, ಆರೋಗ್ಯ ಬೊಕ್ಕ ಶಕ್ತಿದ ದೇವತೆ ಪಂಡ್ದ್ ಸ್ಥಾಪಿಸವುಂಡು.

ಸಿಡುಬುದ ನಿರ್ಮೂಲನೆ

ಐತಿಹಾಸಿಕವಾದ್ ತೂನಗ ಸಿಡುಬು ರೋಗದ ಮಿತ್ತ್ ನಂಬಿಕೆ ಇಜ್ಜಂದಿನಕ್ಲೆಗ್ ಸಿಡುಬು ರೋಗ ಬರ್ಪುಂಡು ಪನ್ಪಿನ ನಂಬಿಕೆ ಇತ್ತ್ಂಡ್. ಕಾಯಿಲೆಡ್ದ್ ಗುಣ ಆಯಿನಕುಲೆಗ್ ಸಿಡುಬು ಲಸಿಕೆನ್ ಕೊರ್ಪುನ ವಿಶ್ವ ಆರೋಗ್ಯ ಸಂಸ್ಥೆದ ಪ್ರಯತ್ನೊಲು ಸುರುಟು ಪ್ರತಿರೋಧೊಗು ಗುರಿಯಾಂಡ್ ದಾಯೆ ಪಂಡ ಮೂಲ ನಿವಾಸಿಲು ಈ ಲಸಿಕೆನ್ ಪಾಶ್ಚಾತ್ಯ ವಿಜ್ಞಾನೊದ ಹಿಂದೂ ಧಾರ್ಮಿಕ ಆದೇಶೊಲೆನ್ ತಪ್ಪಾವುನ ಪ್ರಯತ್ನ ಪಂಡ್ದ್ ತೂಯೆರ್. ಈ ಗ್ರಹಿಕೆನ್ ಎದುರಿಸರೆ, ಅಂತರರಾಷ್ಟ್ರೀಯ ಸಿಡುಬು ರೋಗ ನಿರ್ಮೂಲನೆ ಕಾರ್ಯಕ್ರಮ (ಎಸ್ಇಪಿ) ಲಸಿಕೆ ಸೂಜಿಡ್ ಸಿಡುಬುನ್ ಚಿತ್ರಿಸವುನ ಪೋಸ್ಟರ್ ಲೆನ್ ತಯಾರ್ ಮಲ್ತ್ಂಡ್, ಲಸಿಕೆನ್ ಸಿಡುಬುದ ಶಕ್ತಿಡ್ದ್ ಬತ್ತಿನ ರೋಗ ನಿರೋಧಕ ಶಕ್ತಿನ್ ಸೂಚಿಸವುಂಡು ಪಂಡ್ದ್ ಅರ್ಥ ಮಲ್ಪರೆ.

ಬೌದ್ಧ ಧರ್ಮ

ಬೌದ್ಧ ದಂತಕಥೆಲೆಡ್, ಜ್ವರಾಸುರೆ ಬೊಕ್ಕ ಸೀತಾಳನ್ ಕೆಲವೊಂಜಿ ಸರ್ತಿ ಬೌದ್ಧ ಧರ್ಮದ ರೋಗ ದೇವತೆ ಪರಣಸಬರಿನ ಸಹಚರೆರ್ ಪಂಡ್ದ್ ತೋಜಾವೆರ್.

ಭಾರತದ ಶೀತಲ ದೇವಸ್ಥಾನೊಳು |

ಶೀತಾಲ ಮಕರ ಧಾಮ (ತಿಲೋಚನ್ ಮಹಾದೇವ, ಜೌನ್ಪುರ)

ಪಶ್ಚಿಮ ಬಂಗಾಳದ ಕೋಲ್ಕತ್ತಾದ ಬಿಧನ ಶ್ರೇಣಿಯ ಶೀತಾಲ ದೇವಸ್ಥಾನದ ಒಳಾಂಗಣ.

ಕೆಲವು ಗಮನಾರ್ಹ ದೇವಸ್ಥಾನೊಲು:

• ಶೀತಲಾ ಮಾತಾ ಮಂದಿರ, ಮಂದ್, ಜಿಲ್ಲೆ. – ಮಾಂಡ್ಲಾ, ಮಧ್ಯ ಪ್ರದೇಶ
• ಶೀತಲಾ ಮಾತಾ ಜನ್ಮಸ್ಥಳ, ಮಗ್ರಾ, ಬಿಹಾರ ಷರೀಫ್, ನಳಂದಾ, ಬಿಹಾರ
• ಶೀತಲಾ ಮಾತಾ ಮಂದಿರ, ಮೆಹಂದಿ ಗಂಜ್, ಲಕ್ನೋ, ಉತ್ತರ ಪ್ರದೇಶ
• ಶೀತಲಾ ಮಾತಾ ಮಂದಿರ, ಪಿತಾಮಹೇಶ್ವರ ಕುಂಡ್, ಗಯಾ, ಬಿಹಾರ
• ಶೀತಲಾ ಮಾತಾ ಮಂದಿರ, ಮೈನ್‌ಪುರಿ, ಉತ್ತರ ಪ್ರದೇಶ
• ರೆಜಿದಿ ಖೇಜ್ಡಿ ಮಂದಿರ, (ಕಜ್ರಾ, ಸೂರಜ್‌ಗಢ್ ಹತ್ತಿರ, ಜುಂಜುನು ಜಿಲ್ಲೆ) ರಾಜಸ್ಥಾನ
• ಶೀತಲಾ ಮಾತಾ ಮಂದಿರ, ಮೀರತ್, ಉತ್ತರ ಪ್ರದೇಶ
• ಶೀತಲಾ ಚೌಕಿಯಾ ಧಾಮ್ ಶೀತಲಾ ಮಾತಾ ಮಂದಿರ, ಜೌನ್‌ಪುರ್
• ಶೀತಲಾ ಮಾತಾ ಮಂದಿರ ಗುರಗಾಂವ್
• ಶೀತಲಾ ಮಾತಾ ದೇವಸ್ಥಾನ, ಖಂಡಾ, ಸೋನಿಪತ್
• ಮಾ ಶೀತಲಾ ಚೌಕಿಯಾ ಧಾಮ್, ಜೌನ್ಪುರ್
• ಶ್ರೀ ಶೀತಲ ಮಾತಾ ಮಂದಿರ, ಅದಲಪುರ, ಮಿರ್ಜಾಪುರ, ಉತ್ತರ ಪ್ರದೇಶ
• ಶಿತಲಾ ಮಾತಾ ಮಂದಿರ, ಜಾಲೋರ್, ರಾಜಸ್ಥಾನ
• ಶೀತಲಾ ಮಾತಾ ದೇವಾಲಯ, ರೀಂಗಸ್, ರಾಜಸ್ಥಾನ
• ಶೀತಲಾ ಮಾತಾ ಮಂದಿರ, ಗರಿಯಾ, ಕೋಲ್ಕತ್ತಾ
• ಶೀತಲಾ ಮಾತಾ ಮಂದಿರ, ಉನಾ, ಹಿಮಾಚಲ ಪ್ರದೇಶ
• ಶೀತಲಾ ಮಾತಾ ಮಂದಿರ, ಪಾಲಂಪುರ್, ಹಿಮಾಚಲ ಪ್ರದೇಶ
• ಹರುಲೋಂಗ್‌ಫರ್ ಶೀತಲಬರಿ, ಲುಮ್ಡಿಂಗ್, ನಾಗಾನ್, ಅಸ್ಸಾಂ
• ಶೀತಲಾ ಮಾತಾ ಮಂದಿರ, ಜೋಧಪುರ, ರಾಜಸ್ಥಾನ
• ಶೀತಲಾ ಮಾತಾ ಮಂದಿರ, ನಾಗೌರ್, ರಾಜಸ್ಥಾನ
• ಶೀತಲಾ ಮಾತಾ ಮಂದಿರ, ಕೌಶಂಭಿ, ಉತ್ತರ ಪ್ರದೇಶ
• ಶೀತಲಾ ಮಾತಾ ಮಂದಿರ, ನಿಜಾಂಬದ್, ಅಜಂಗಢ, ಉತ್ತರ ಪ್ರದೇಶ
• ಶೀತಲಾ ಮಾತಾ ಮಂದಿರ, ಬಾರ್ಮರ್, ರಾಜಸ್ಥಾನ
• ಶೀತಲಾ ಮಾತಾ ಮಂದಿರ, ಬಿದ್ಲಾನ್, ಸೋನಿಪತ್
• ಶೀತಲಾ ಮಾತಾ ಮಂದಿರ, ಫರೂಕಾಬಾದ್
• ಶೀತಲಾ ದೇವಿ ದೇವಸ್ಥಾನ, ಗುರ್ಗಾಂವ್
• ಶೀತಲಾ ಮಾ ದೇವಸ್ಥಾನ, ಸಮ್ತಾ
• ಶೀತಲಾ ಮಾತಾ ಮಂದಿರ ಆಂಜನಿಯ, ಮಂಡಲ ೪೮೧೯೯೮
• ಶಿತಲಾ ದೇವಿ ಮಂದಿರ, ಮಾಹಿಮ್, ಮುಂಬೈ
• ಶೀತಲಾ ಮಂದಿರ, ಜಮ್ಶೆಡ್‌ಪುರ, ಜಾರ್ಖಂಡ್
• ಶಿತಲಾ ದೇವಿ ಮಂದಿರ, ಚೆಂಬೂರ್, ಮುಂಬೈ
• ಶೀತಲಾ ದೇವಿ ಮಂದಿರ, ಬರಾದ್, ಮಹಾರಾಷ್ಟ್ರ.
• ಶೀತಲಾ ದೇವಿ ಮಂದಿರ, ರಾಣಿಬಾಗ್, ನೈನಿತಾಲ್, ಉತ್ತರಾಖಂಡ

ಅಂಚನೆ ತೂಲೆ

• ಲಕ್ಷ್ಮೀ
• ವಿಷ್ಣು
• ಅಶ್ವಿನಿ ಕುಮಾರ್ |
• ಸೀತಾ
• ಧನ್ವಂತರಿ