ಶೀಮಾ ಕೆರ್ಮಾನಿ

Sheema Kermani
ಟೆಂಪ್ಲೇಟ್:Nastaliq
Kermani performing at the Sufi Conference in Sindh
ಪುಟ್ಟು	(1951-01-16) 16 January 1951 Rawalpindi, Punjab, Pakistan
ಬೇಲೆ	ಶಾಸ್ತ್ರೀಯ ನರ್ತಕಿ ಸಾಮಾಜಿಕ ಕಾರ್ಯಕರ್ತೆ ರಂಗಭೂಮಿ ನಿರ್ದೇಶಕಿ ನಟಿ

ಶೀಮಾ ಕೆರ್ಮಾನಿ ( ಉರ್ದು) : شیما کرمانی ; ಜನನ ೧೬ ಜನವರಿ ೧೯೫೧) ಒರ್ತಿ ಪಾಕಿಸ್ತಾನಿ ನರ್ತಕಿ ಬುಕ್ಕೊ ಸಾಮಾಜಿಕ ಕಾರ್ಯಕರ್ತೆ. ತೆಹ್ರಿಕ್-ಎ-ನಿಸ್ವಾನ್ ಕಲ್ಚರಲ್ ಆಕ್ಷನ್ ಗ್ರೂಪ್ (ಪೊಂಜೊಲೆನ ಚಳುವಳಿ) ದ ಸ್ಥಾಪಕಿ. ಮೇರ್ ಒರ್ತಿ ಉಸಾರ್ದ ಭರತನಾಟ್ಯ ನರ್ತಕಿಲಾ ಅಂದ್. ಪಾಕಿಸ್ತಾನದ ಕರಾಚಿಡ್ದ್ ಬತ್ತಿನ ಒರ್ತಿ ಪುದರ್ ಪೋಯಿನ ಶಾಸ್ತ್ರೀಯ ನರ್ತಕಿ, ನೃತ್ಯ ಸಂಯೋಜಕಿ, ನೃತ್ಯ ಶಿಕ್ಷಕಿ, ರಂಗಭೂಮಿ ಅಭ್ಯಾಸಿ, ಕಲಾವಿದೆ, ನಿರ್ದೇಶಕಿ, ನಿರ್ಮಾಪಕಿ ಬುಕ್ಕೊ ಟಿವಿ ನಟಿ. ಅಕುಲು ಸಂಸ್ಕೃತಿ, ಪೊಣ್ಣುಲೆನ ಹಕ್ಕುಲು, ಬುಕ್ಕೊ ಶಾಂತಿದ ವಿಷಯೊಲೆನ್ ವಕೀಲತ್ವ ಮಲ್ಪುವೆರ್.

೧೯೭೮ಡ್ದ್ ಪಾಕಿಸ್ತಾನೊಡು ಸಂಸ್ಕೃತಿ ಬುಕ್ಕೊ ನಾಟಕೀಯ ಪ್ರದರ್ಶನೊಲೆನ್ ಬುಲೆಪಾವುನ ನಿಟ್ಟಿಡ್ ಅರೆನ ಪ್ರವರ್ತಕ ಕೊಡುಗೆ ಅಂತರರಾಷ್ಟ್ರೀಯ ಮಟ್ಟೊಡು ಮೆಚ್ಚುಗೆಗ್ ಕಾರಣವಾತ್ಂಡ್.

ಸುರುತ ಜೀವನ ಬುಕ್ಕೊ ಶಿಕ್ಷಣ

ಕೆರ್ಮನಿ ಜನವರಿ ೧೬, ೧೯೫೧ಡ್ ರಾವಲ್ಪಿಂಡಿಡ್ ಒಂಜಿ ಮಿಲಿಟರಿ ಕುಟುಂಬೊಡು ಪುಟ್ಟುವೆರ್. ಕೆರ್ಮಾನಿನ ಅಮ್ಮೆ ಪಾಕಿಸ್ತಾನ ಸೈನ್ಯೊಡ್ದ್ ನಿವೃತ್ತ ಬ್ರಿಗೇಡಿಯರ್ ಬುಕ್ಕೊ ಕರಾಚಿ ಎಲೆಕ್ಟ್ರಿಕ್ ಸಪ್ಲೈ ಕಾರ್ಪೊರೇಷನ್ ದ ಅಧ್ಯಕ್ಷೆರ್ ಆದಿತ್ತೆರ್. ಅಲೆನ ಅಮ್ಮೆರ್ ಬೇಲೆ ಮಲ್ಪುನ ಕಾನ್ವೆಂಟ್ ಶಾಲೆಲೆಡ್ ಅಲೆನ್ ಶಿಕ್ಷಣ ಪಡೆಯೆರ್.

ಕೆಲಸ

ಲಾಹೋರ್ ಡ್ ನಡತಿನ ಫೈಜ್ ಅಮನ್ ಮೇಳೊಡು ಆರ್ ಅಸ್ಮಾ ಜಹಾಂಗೀರ್ ಗ್ ಶ್ರದ್ಧಾಂಜಲಿ ಅರ್ಪಣೆ ಮಲ್ತೆರ್. ಒರಿ ಒರಿನ್ ಪ್ರೀತಿ ಮಲ್ತ್ದ್ ಬುಕ್ಕೊ ಒರ್ತಿ ರಿನ ಮಿತ್ತ್ ಪ್ರೀತಿದ ಸಂದೇಶೊನು ಪಾಡ್ದ್ ಶಾಂತಿ, ಸೌಹಾರ್ದತೆ ಬುಕ್ಕೊ ಸಮಾನತೆನ್ ತೂಕೊನೊಲಿ ಪಂಡ್ದ್ ಆರ್ ಪಂಡೆರ್.

[ ಉಲ್ಲೇಖ ಬೋಡು ]

ಆರ್ ರಾವಲ್ಪಿಂಡಿಡ್ ಉಪ್ಪುನ ಪ್ರೆಸೆಂಟೇಶನ್ ಕಾನ್ವೆಂಟ್ ಡ್ದ್ ಸುರುತ ಶಿಕ್ಷಣ ಪಡೆಯೆರ್. ಕರಾಚಿಡ್ ಜೀಸಸ್ ಅಂಡ್ ಮೇರಿ ಕಾನ್ವೆಂಟ್ ಡ್ದ್ ಒ-ಲೆವೆಲ್ಸ್ ಮಲ್ತ್ ದ್ ಬುಕ್ಕೊ, ಕರಾಚಿ ಗ್ರಾಮರ್ ಸ್ಕೂಲ್ ಡ್ದ್ ಎ-ಲೆವೆಲ್ಸ್ ನ್ ಮುಗಿತ್ ದ್ ಲಂಡನ್ ಡ್ ಕ್ರಾಯ್ಡನ್ ಕಾಲೇಜ್ ಆಫ್ ಆರ್ಟ್ ಗ್ ಫೈನ್ ಆರ್ಟ್ಸ್ ನ್ ಅಧ್ಯಯನ ಮಲ್ಪೆರೆ ಪೋಯೆರ್. ಲಾಹೋರ್ ದ ಪಂಜಾಬ್ ವಿಶ್ವವಿದ್ಯಾಲಯೊಡ್ದ್ ಕಲಾ ಸ್ನಾತಕೋತ್ತರ ಪದವಿನ್ ಬುಕ್ಕೊ ಕರಾಚಿ ವಿಶ್ವವಿದ್ಯಾಲಯೊಡ್ದ್ ಇತಿಹಾಸೊಡು ಸ್ನಾತಕೋತ್ತರ ಬುಕ್ಕೊ ಎಂ. ಫಿಲ್ ಪದವಿನ್ ಪಡೆಯೆರ್, ಬುಕ್ಕೊ ಇತ್ತೆ

ಕೆರ್ಮಣಿ 1960 ದಶಕದ ಮಧ್ಯೊಡು ಭರತನಾಟ್ಯ ಕಲ್ಪೆರೆ ಸುರು ಮಲ್ತೆರ್. ಅರೆನ ಸುರುತ ಏಕವ್ಯಕ್ತಿ ಪ್ರದರ್ಶನ ೧೯೮೪ಡ್ ಪಾಕಿಸ್ತಾನೊಡು ನಡತ್ಂಡ್. ೧೯೮೮ಡ್, ಆರ್ ಐಸಿಸಿಆರ್ (ಇಂಡಿಯನ್ ಕೌನ್ಸಿಲ್ ಆಫ್ ಕಲ್ಚರಲ್ ರಿಲೇಶನ್ಸ್) ವಿದ್ಯಾರ್ಥಿವೇತನೊಡು ಭಾರತೊಗು ಪೋದು ಲೀಲಾ ಸ್ಯಾಮ್ಸನ್ ನ ಒಟ್ಟುಗು ಭರತನಾಟ್ಯ, ರಾಮ್ ಮೋಹನ್ ನ ಒಟ್ಟುಗು ಕಥಕ್, ಬುಕ್ಕೊ ಗುರು ಮಾಯಧರ್ ರಾವ್ತ್ ಬುಕ್ಕೊ ಆಲೋಕ್ ಪನ್ನಿಕರ್ ನ ಒಟ್ಟುಗು ಒಡಿಸ್ಸಿನ್ ಅಧ್ಯಯನ ಮಲ್ತೆರ್. ರಂಗ ನಿರ್ದೇಶಕೆರ್ ಪ್ರಸನ್ನ ರಾಮಸ್ವಾಮಿನ ಮಾರ್ಗದರ್ಶನೊಡು ಕರಾಚಿಡ್ ರಂಗಭೂಮಿದ ಕಾರ್ಯಾಗಾರೊಲೆನ್ ನಡಪಾವೆರ್ ಬುಕ್ಕೊ ಕರಾಚಿಡ್ ತೆಹ್ರಿಕ್-ಎ-ನಿಸ್ವಾನ್ ಪನ್ಪಿನ ಸಾಂಸ್ಕೃತಿಕ ಸಂಘಟನೆದ ಮುಖ್ಯಸ್ಥೆರಾದ್ ಉಲ್ಲೆರ್.

ಪಾಕಿಸ್ತಾನದ ಸಮಾಜೊಡು ಪೊಣ್ಣುಲು ಸಮಾಜೊಡು ಸಮಾನತೆನ್ ಗಳಸೆರೆ ಸಾಧ್ಯ ಇಜ್ಜಿ ಪನ್ಪಿನೆನ್ ಅರ್ಥ ಮಲ್ತೊಂದು, 'ತೆಹ್ರಿಕ್-ಎ-ನಿಜ್ವಾನ್' (ಮಹಿಳಾ ಚಳುವಳಿ) ಪನ್ಪಿನ ಒಂಜಿ ಚಳುವಳಿನ್ ಸುರು ಮಲ್ತೆರ್ ಬುಕ್ಕೊ ಅಕ್ಲೆನ ಹಕ್ಕುಲು, ಆರೋಗ್ಯದ ಸಮಸ್ಯೆಲು, ಶಿಕ್ಷಣ ಬುಕ್ಕೊ ಸಮಾನತೆಗಾದ್ ತನ್ನ ಸ್ವರೊನು ಎತ್ತುವೆರ್.

೨೦೧೭ ದ ಪ್ರದರ್ಶನೊಲು

ಫೆಬ್ರವರಿ ೧೯, ೨೦೧೭ಡ್, ಅನಾಗರಿಕ ಆತ್ಮಹತ್ಯೆ ದಾಳಿದ ನಂತರ ಸೆಹ್ವಾನ್ ಡ್ ಲಾಲ್ ಶಾಹಬಾಜ್ ಕಲಂದರ್ ದೇವಸ್ಥಾನೊಡು ಕೆರ್ಮಾನಿ ತೋಜಿದ್ ಬತ್ತ್ದ್ ಧಮಾಲ್ (ಸೂಫಿ ನಲಿಕೆದ ರೂಪ) ಮಲ್ತೆರ್. ಅಕುಲು ಒಂಜಿ ಭಾವೋದ್ರಿಕ್ತ ಪ್ರದರ್ಶನ ಕೊರ್ದು ಸಂಗೀತ ಬುಕ್ಕೊ ನಲಿಕೆನ್ ಏರ್ಲಾ ತಡೆಯೆರೆ ಸಾಧ್ಯ ಇಜ್ಜಿ ಪಂದ್ ಮಾಧ್ಯಮೊಲೆಗ್ ಪನ್ಪೆರ್.

ಅಲೆಗ್ 8 ವರ್ಷ ಆನಗ, ಕೆರ್ಮಾನಿ ಪಿಯಾನೋ ಬುಕ್ಕೊ ಪಾಶ್ಚಾತ್ಯ ಶಾಸ್ತ್ರೀಯ ಸಂಗೀತ ಕಲ್ಪೆರೆ ಸುರು ಮಲ್ತೆರ್. ೧೩ ವರ್ಷ ಪ್ರಾಯರ್ದ್ ಮೇರ್ ಶ್ರೀ ಘನ್ಶ್ಯಾಂ ದಂಪತಿಲೆಡ ಶಾಸ್ತ್ರೀಯ ಭಾರತೀಯ ನಲಿಕೆನ್ ಕಲ್ಪೆರೆ ಸುರು ಮಲ್ತೆರ್. ಘನ್ಶ್ಯಾಮ್ (ಕರಾಚಿಡ್ ನಲಿಕೆ ಬುಕ್ಕೊ ಸಂಗೀತದ ಕೇಂದ್ರೊನು ಸ್ಥಾಪನೆ ಮಲ್ತಿನ ಕಲ್ಕತ್ತಾದ ಒಂಜಿ ಜೋಡಿ). ನನೊಂಜಿ ಸರ್ತಿ ಆರ್ ತನ್ನ ಸಂಸ್ಥೆಗ್ ಒರ್ತಿ ಸಿಬ್ಬಂದಿ ಬುಕ್ಕೊ ಒರ್ತಿ ಪ್ರದರ್ಶನ ತಂಡೊದ ಸದಸ್ಯೆ ಆದ್ ಸೇರ್ದೆರ್. ಜನರಲ್ ಜಿಯಾ-ಉಲ್-ಹಕ್ ನ ಸೈನ್ಯ ಕಾನೂನುದ ವರ್ಷೊಲೆಡ್ ಪಾಕಿಸ್ತಾನೊಡು ಕೆರ್ಮಾನಿ ಒರ್ತಿಯೇ ನರ್ತಕಿ ಆದಿತ್ತೆರ್, ಅಪಗ ನಲಿಕೆನ್ ನಿಷೇಧ ಮಲ್ತೆರ್ ಬುಕ್ಕೊ ರಾಜ್ಯ ಬುಕ್ಕೊ ಪಾದ್ರಿಲು ಮಸ್ತ್ ಇಷ್ಟ ಪಡಂದಿನ ಚಟುವಟಿಕೆ ಪಂಡ್ದ್ ತೂಯೆರ್.

೨೦೨೨ ಪ್ರದರ್ಶನ

ಫೆಬ್ರವರಿ ೨೦೨೨ಡ್, ಆರ್ <i id="mwYw">ಕೋಕ್ ಸ್ಟುಡಿಯೋ</i> ದ ಸೀಸನ್ ೧೪ ದ ಭಾಗವಾದ್ "ಪಸುರಿ" ಪನ್ಪಿನ ಪಾಡ್ದನೊದ ಸಂಗೀತ ವೀಡಿಯೊಡು ತೋಜಿದ್ ಬತ್ತೆರ್. ಈ ವಿಶೇಷ ಪ್ರದರ್ಶನೊನು ದಿ ಪ್ರಿಂಟ್ ಬುಕ್ಕೊ <i id="mwdQ">ದಿ ಇಂಡಿಯನ್ ಎಕ್ಸ್ ಪ್ರೆಸ್</i> ಸೇರ್ದ್ ಪ್ರಮುಖ ಭಾರತೀಯ ಮುದ್ರಣ ಮಾಧ್ಯಮೊಲು ಕವರ್ ಮಲ್ತೆರ್.

ಗೌರವೊಲು ಬುಕ್ಕೊ ಪ್ರಶಸ್ತಿಲು

ಟೆಲಿವಿಷನ್ ಸರಣಿ

ವರ್ಷ	ಪುದರ್	ಸ್ವಭಾವ	ನೆಟ್ವರ್ಕ್
೧೯೯೫	ಚಂದ್ರೆ ಬುಕ್ಕೊ ಭೂಮಿ	ಅಮೀರ್-ಉಲ್-ನಿಸಾ	ಎಸ್ ಟಿ ಎನ್
೧೯೯೭	ಮಾರ್ವಿ	ರೋಶನಿ ಪತ್ರಿಕೆದ ಸಂಪಾದಕೆರ್ ಎಂ.	ಪಿಟಿವಿ