ಶೋಭಾನ

ಶೋಭನಾ
ಪುಟ್ಟು	ಮಾರ್ಚ್ ೨೧, ೧೯೬೬ ತಿರುವನಂತಪುರಂ, ಕೇರಳ
ಬೇಲೆ	ಭರತನಾಟ್ಯ ಮತ್ತು ಚಲನಚಿತ್ರ ಕಲಾವಿದೆ

ಶೋಭನಾ ( ಪುಟ್ಟು ಮಾರ್ಚ್ ೨೧, ೧೯೬೬ ) ಭಾರತೀಯ ಸಿನಿಮಾ ಬೊಕ್ಕ ನಲಿಕೆದ ಕ್ಷೇತ್ರೊಡು ಪ್ರಮುಖ ಪುದರ್ ಪಡೆಯಿನಾರ್.

ಚಿತ್ರರಂಗೊಡು

'ಮಾಯ ರಾವಣ'ಡ್ ರಾಮಾಯಣದ ಕತೆನ್ ಜೀವಂತ ಮಲ್ತಿನ ಶೋಭನಾ ಇತ್ತೆ ತನ್ನ 'ಕೃಷ್ಣ' ರೂಪಕದ ಮೂಲಕ ಕಲಾಲೋಕೊಡು ಕೃಷ್ಣ ದೇವೆರೆನ ಮೋಡಿ ಮಲ್ಪುನ ಬದ್‌ಕ್‌ನ್ ಚಿತ್ರಣ ಮಲ್ತೊಂದುಲ್ಲೆರ್.ಎನ್ಪ ಸೊನ್ಪೆತ ದಶಕೊಡು ಬ್ಬರಿ ಬೇಡಿಕೆದ ನಟಿ.ವಿಷ್ಣುವರ್ಧನ್ ಸೌಂದರ್ಯೆರ್ ಅದ್ಭುತವಾದ್ ನಟನೆ ಮಲ್ತ್ದ್ ಗೆಂದಿಯೆರ್ ಪನ್ಪಿನ 'ಆಪ್ತಮಿತ್ರ' ಸಿನಿಮಾ ನಮಕ್ ಮಾತೆರೆಗ್ಲಾ ಗೊತ್ತುಂಡು. ಈ ಸಿನಿಮಾದ ಮೂಲ 1994ನೇ ಇಸವಿಡ್ ಫಾಜಿಲ್ ನಿರ್ದೇಶನ ಮಲ್ತಿನ ಮಲಯಾಳಂ ಭಾಷೆದ 'ಮಣಿಚಿತ್ರತ್ತಲ್'.ಈ ಸಿನಿಮಾದ ನಾಯಕಿಯಾದ್ ತೋಜಿದ್ ಬತ್ತಿನ ಶೋಭನಾ ಅರೆನ ನಲಿಕೆ ಬೊಕ್ಕ ಅಭಿನಯದ ಕೌಶಲ್ಯೊಡು ಇಡೀ ಸಿನಿಮಾ ರಂಗೊನು ಅಚ್ಚರಿ ಮಲ್ತೆರ್. ಆ ಅಭಿನಯೊಗು ಆರ್ ತನ್ನ ಸುರುತ ರಾಷ್ಟ್ರೀಯ ಪ್ರಶಸ್ತಿನ್ ಪಡೆಯೆರ್. ಅತ್ತಂದೆ, 2003ನೇ ಇಸವಿಡ್ ನಟಿ ರೇವತಿ ನಿರ್ದೇಶನ ಮಲ್ತಿನ 'ಮಿತ್ರ ಮೈ ಫ್ರೆಂಡ್' ಸಿನಿಮಾಡ್ ಶೋಭಾನಾ ರಡ್ಡನೇ ರಾಷ್ಟ್ರೀಯ ಪ್ರಶಸ್ತಿನ್ ಪಡೆಯೆರ್. ಅತ್ತಂದೆ, ಆರ್ ಕೆಲವು ರಾಜ್ಯ ಪ್ರಶಸ್ತಿಲೆನ್ ಬೊಕ್ಕ ಫಿಲ್ಮ್ ಫೇರ್ ಪ್ರಶಸ್ತಿಲೆನ್ ಲಾ ಪಡೆಯೆರ್. ಮೇರ್ ವಿಷ್ಣುವರ್ಧನ್‌ನೊಟ್ಟುಗು ಕನ್ನಡ ಭಾಷೆಡ್ ನಟನೆ ಮಲ್ತಿನ ‘ಶಿವಶಂಕರ್’ ಸಿನಿಮಾಲಾ ನೆಂಪುಗು ಬರ್ಪುಂಡು.

ನಲಿಕೆದ ಕ್ಷೇತ್ರೊಡು|

ಶೋಭನಾ ಇನಿ ಅಂತರಾಷ್ಟ್ರೀಯ ಮಟ್ಟೊಡು ಪುಗರ್ತೆ ಪಡೆಯಿನ ನರ್ತಕಿ. ಭಾರತೀಯ ನಲಿಕೆದ ಕಲೆಟ್ ಪುಗರ್ತೆ ಪಡೆಯಿನ ಟ್ರಾವಂಕೂರು ತಂಗಡಿ ಲಲಿತಾ, ಪದ್ಮಿನಿ, ರಾಗಿಣಿ ಮೊಕ್ಲೆನ ಸಂಬಂಧಿ. ಪ್ರಸಿದ್ಧ ಭರತನಾಟ್ಯ ಕಲಾವಿದೆ ಚಿತ್ರಾ ವಿಶ್ವೇಶ್ವರನ ಶಿಷ್ಯೆ ಆಯಿನ ಶೋಭನಾ ಉಸ್ತಾದ್ ಜಾಕೀರ್ ಹುಸೇನ್, ವಿಕ್ಕು ವಿನಾಯಕ ರಾಮ್, ಸೋನಲ್ ಮನ್ ಸಿಂಗ್ ಬೊಕ್ಕ ಪದ್ಮ ಸುಬ್ರಮಣ್ಯಂ ನಕುಲೆನೊಟ್ಟುಗು ಪ್ರಸಿದ್ಧ ಕಾರ್ಯಕ್ರಮೊಲೆಡ್ ಪಾಲ್ ಪಡೆಯೆರ್. ಈ ಮಾತಾ ಸೆಲೆಬ್ರಿಟಿಲೆನೊಟ್ಟುಗು ಇತ್ತ್ಂಡಲಾ, ಶೋಭಾನಾ ತನ್ನ ಸ್ವಂತ ಮೂಲಭೂತತೆನ್ ಬುಲೆಪಾದ್, ತನ್ನ ಸ್ವಂತ ಪ್ರತ್ಯೇಕ ಕಾರ್ಯಕ್ರಮೊಲೆನ್ ಕೊರ್ದು, ತನ್ನ ಸ್ವಂತ ನಲಿಕೆದ ರೂಪೊಲೆನ್ ಅಭಿವೃದ್ಧಿ ಮಲ್ತೊಂದುಲ್ಲೆರ್.

ಕಲಾತ್ಮಕ ಕೊಡುಗೆ

ಶೋಭಾನೆ 1994ನೇ ಇಸವಿಡ್ 'ಕಲಾರ್ಪಣ' ಪನ್ಪಿ ನಲಿಕೆದ ಶಾಲೆನ್ ಸುರು ಮಲ್ತೆರ್.ಸಾಮಾನ್ಯವಾದ್ ಇಂಚಿತ್ತಿನ ಪುದರ್ ಪೋಯಿನ ನಲಿಕೆದ ಶಾಲೆದ ವಿದ್ಯಾರ್ಥಿಲು ಮಾತಾ ಶ್ರೀಮಂತ ಕುಟುಮದಕುಲು ಪನ್ಪಿನ ಕಲ್ಪನೆ ನಮಕ್ ಉಂಡು. ಆಂಡ ಈ ಶಾಲೆಡ್ ರಚನೆ ಆಯಿನ ಹೆಚ್ಚಿನ ವಿದ್ಯಾರ್ಥಿಲು ಬಡ ಕುಟುಂಬೊದಕುಲು. ಶೋಭನಾ ಅಲ್ಪದ ವಿದ್ಯಾರ್ಥಿಲೆನ್ ಲೆತೊಂದು ಜಗತ್ತ್ ದ ಮೂಲೆಡ್ ನಲಿಕೆ ಮಲ್ತೊಂದುಲ್ಲೆರ್. ಪ್ರತಿಭಾವಂತ ಕಲಾವಿದೆರೆನ್ ಲೈಮ್ ಲೈಟ್ ಗ್ ತೂಪಿನವು, ಅನನುಕೂಲೊಡುಪ್ಪುನ ಕಲಾವಿದೆರೆಗ್ ಸಹಾಯ ಮಲ್ಪುನವು ಬೊಕ್ಕ ಪರಿಸರ ರಕ್ಷಣೆನ್ ಪ್ರೋತ್ಸಾಹಿಸವುನವು ಅರೆನ ಶಾಲೆದ ಮುಖ್ಯ ಗಮನೊಲು. ಮುಲ್ಪ ಕಲ್ಪುನ ಕಲಾವಿದೆರೆಗ್ ಕೇಂದ್ರ ಸರಕಾರದ ಪ್ರತಿಭೆ ಪೋಷಣೆದ ಕಾರ್ಯಕ್ರಮದ ಸಹಾಯ, ಬೇತೆ ಬೇತೆ ಸಂಘಟನೆಲೆನ ಪ್ರೋತ್ಸಾಹ, ಎಡ್ಡೆ ಕಲಾತ್ಮಕ ಪ್ರತಿಭೆನ್ ಪಿದಯಿ ಕನಪಿನ ಪ್ರಶಸ್ತಿಲೆನ್ ಪಡೆದ್ ಬೈದೆರ್ ಪನ್ಪಿನವು ಒಂಜಿ ಮಹತ್ವೊದ ಸಂಗತಿ. ‘ಕಲಾರ್ಪಣ’ದ ಶಾಖೆಲು ಭಾರತೊಡು ಮಾತ್ರ ಅತ್ತ್ ಮಧ್ಯಪ್ರಾಚ್ಯೊದ ಮಸ್ಕತ್‌ದಂಚಿನ ಊರುಡುಲಾ ಉಂಡು.

ಮಾಯರಾವನ

ಶೋಭಾನನ 'ಮಾಯ ರಾವಣ' ಜಾಗತಿಕ ಬೊಕ್ಕ ಭಾರತೀಯ ಸಂಗೀತದ ವಿಶಿಷ್ಟ ಮಿಶ್ರಣೊಡು ಒಂಜಿ ದೃಶ್ಯ ಮಹಾಕಾವ್ಯ. ಉಂದು ಭಾರತೊಡು ಮಾತ್ರ ಅತ್ತ್ ಜಗತ್ತ್ ದ ನೂದೆಡ್ದ್ ಜಾಸ್ತಿ ಪ್ರದರ್ಶನೊಲೆನ್ ತೂದುಂಡು. ಸಂಗೀತ ಬೊಕ್ಕ ನಲಿಕೆದ ಮೂಲಕ ವ್ಯಕ್ತವಾದ್ ಉಪ್ಪುನ ಈ ಭವ್ಯತೆಡ್ ಶೋಭನಾ ಸ್ವತಃ ರಾವಣನ ಪಾತ್ರೊನ್ ಮಲ್ಪುವೆರ್. ನಸೀರುದ್ದೀನ್ ಶಾ, ಜಾಕಿ ಶ್ರಾಫ್, ಮಿಲಿಂದ್ ಸೋಮನ್, ಸುಹಾಸಿನಿ, ರೇವತಿ, ರೋಹಿಣಿ, ತಬು, ಸಮೀರ್ ಸೋನಿ ಬೊಕ್ಕ ಮೋಹನ್ಲಾಲ್ ನಂಚಿನ ಪುದರ್ ಪೋಯಿನ ಕಲಾವಿದೆರ್ ಈ ಕತೆತ ಇಂಗ್ಲಿಷ್ ನಿರೂಪಣೆಗ್ ಅಕ್ಲೆನ ಸ್ವರೊನು ಕೊರ್ತೆರ್.

'ಮಾಯಾ ರಾವಣ' ಚಿತ್ರದ ಸೃಷ್ಟಿದ ಪಿರವುದ ಹಿನ್ನೆಲೆನ್ ವಿವರಿಸೊಂದು ಶೋಭಾನಾ ಪನ್ಪೆರ್, "ಎನ್ನ ಬಾಲ್ಯೊಡು ರಾಮಾಯಣದ ಬಗ್ಗೆ ಎಂಕ್ ಮಸ್ತ್ ಕುತೂಹಲ ಇತ್ತ್ಂಡ್. ರಾಮನೆಡ್ದ್ ರಾವಣನ ಪಾತ್ರಲಾ ಎಂಕ್ ಇಷ್ಟ ಆಂಡ್. ರಾಮಾಯಣದ ಒಂಜಿ ಭಾಗೊನು ನಲಿಕೆದ ಮೂಲಕ ಎಂಚ ತೋಜಾವೊಲಿ ಪನ್ಪಿನ ಕಲ್ಪನೆಡ್ದ್ 'ಮಾಯಾ ರಾವಣ' ಬತ್ತ್ಂಡ್. ಚಿತ್ರರಂಗದ ಮಸ್ತ್ ಸ್ನೇಹಿತೆರ್ ಈ ಕಲ್ಪನೆಡ್ ಎಂಕ್ ಬೆಂಬಲ ಕೊರ್ತೆರ್."

'ಮಾಯ ರಾವಣ'ಡ್ ರಾಮಾಯಣದ ಕತೆನ್ ಜೀವಂತ ಮಲ್ತಿನ ಶೋಭನಾ ಇತ್ತೆ ತನ್ನ 'ಕೃಷ್ಣ' ರೂಪಕದ ಮೂಲಕ ಕಲಾಲೋಕೊಡು ಕೃಷ್ಣ ದೇವೆರೆನ ಮೋಡಿ ಮಲ್ಪುನ ಬದ್‌ಕ್‌ನ್ ಚಿತ್ರಣ ಮಲ್ತೊಂದುಲ್ಲೆರ್.

ಸಿನಿಮಾ ಬೊಕ್ಕ ನಲಿಕೆ ರಡ್ಡ್ ಕಣ್ಣ್

ಸಿನಿಮಾಡ್ ಚಾನ್ಸ್ ಇಜ್ಜಂದೆ ಡಾನ್ಸ್ ಮಲ್ಪೆರೆ ಬತ್ತಿನಲೆಕ ಅತ್ತ್. ಆರ್ ನಟನೆ ಮಲ್ತಿನ ಸಿನಿಮಾಲೆನ ಸಂಖ್ಯೆ ಸುಮಾರ್ 150. ಒಂಜಿ ಕಾಲೊಡು "ಸಿನಿಮಾ ಉದ್ಯಮ" ಬೊಕ್ಕ "ಸಿನಿಮಾ" ಎನ್ನ ರಡ್ಡ್ ಕಣ್ಣ್ ಆದಿತ್ತ್ಂಡ್. ಇತ್ತೆ, ಅಕುಲು ಪನ್ಪೆರ್, ಚಿತ್ರರಂಗ ಒಂತೆ ಕಮ್ಮಿ ಆತ್ಂಡ್ ಬೊಕ್ಕ ನಲಿಕೆಗ್ ಒಂತೆ ಜಾಸ್ತಿ ಸಮಯ ಉಂಡು.

ಈ ಪ್ರತಿಭಾವಂತ ವ್ಯಕ್ತಿಲು 2006ಡ್ ಪದ್ಮಶ್ರೀ ಪ್ರಶಸ್ತಿ ಸೇರ್ದ್ ಅಸಂಖ್ಯಾತ ಪ್ರಶಸ್ತಿಲೆನ್ ಬೊಕ್ಕ ಗೌರವೊಲೆನ್ ಪಡೆಯೆರ್. |}