ಶ್ರೀಗಂಧ

ವಿಕಿಪೀಡಿಯರ್ದ್
(ಶ್ರೀಗ೦ಧ ರ್ದ್ ಪಿರ ನಿರ್ದೇಸನೊದ)
ಶ್ರೀಗಂಧ
'ಶ್ರೀಗಂಧ' by Köhler
Santalum album
Scientific classification
Kingdom: plantae
Division: ಪೂ ಬುಡುಪುನ ದೈಯಿ
Class: ಮ್ಯಾಗ್ನೋಲಿಯೊಪ್ಸಿಡ
Order: ಸಂಟಾಲಲೆಸ್(Santalales)
Family: ಸಂಟಲಾಸಿಯೆ
Genus: 'ಸಂಟಲಮ್'
Species: ''S. album''
Binomial name
ಸಂಟಲಮ್ ಅಲ್ಬಮ್

ಶ್ರೀಗಂಧ ಒಂಜಿ ಮರ. ಇಂದೆನ್ ತುಳುವೆರ್ ಗಂದೊ, ಗಂದೊದ ಮರಂದ್ ಪನ್ಪೆರ್. ಇಂಗ್ಲಿಸ್ ಬಾಸೆಡ್ ಉಂದೆನ್ ಸ್ಯಾಂಡಲ್ವುಡ್ ಪನ್ಪೆರ್. ನೆತ್ತ ವೈಜ್ನಾನಿಕ ಪುದರ್ ಸಂಟಲಮ್.[೧] ಇನಿತ ದಿನೊಟು ಈ ಮರಕ್ ಮಸ್ತ್ ಬೆಲೆ ಉಂಡು. ನಮ್ಮ ಕರ್ನಾಟಕಮೈಸೂರ್ ಶ್ರೀಗಂಧಗು ಪುದರ್ ಪೋತುಂಡು.

ಮರತ ಇಸೇಸೊ[ಸಂಪೊಲಿಪುಲೆ]

ಈ ಮರತ ವಿಸೇಸೊ ಪಂಡ ಸುಮಧುರ ಕಮ್ಮೆನೆ. ಅಂಚಾದ್ ನೆಟ್ಟು ಸಾಬೂನು,ಎಣ್ಣೆ,ಸುಗಂಧ ದ್ರವ್ಯ (ಸೆಂಟ್),ಅಗರ್‌ಬತ್ತಿ ಮಲ್ಪುವೆರ್. ಶೀಗಂಧದ ಚೆಕ್ಕೆನ್ ಪಾಡ್‍ದ್ ಪುಗೆ ಕೊರ್ಂಡ ಪುರಿ ಬೊಕ್ಕ ಕೀಟೊಲು ಕಡಮೆ ಆಪುಂಡು. ಶ್ರೀಗಂಧದ ಎಣ್ಣೆದ ಕಾರ್ಖಾನೆ ಮೈಸೂರ್‌ಡ್, ಷಿವಮೊಗ್ಗಡ್ ಉಂಡು. ಶ್ರೀಗಂಧ ಚರ್ಮಗ್ ಕಾಂತಿ ಕೊರ್ಪುಂಡು.

ಮರ್ದ್[ಸಂಪೊಲಿಪುಲೆ]

ಮಸ್ತ್ ಶುದ್ಧರೂಪಡೆ ಇಪುನ ಶ್ರೀಗಂಧದ ಎಣೇನ್ ಆಯುರ್ವೇದದ ಚಿಕಿತ್ಸೆಗ್ ಅಂಚನೆ ಕೋಪನ್ ಕಮ್ಮಿ ಮಲ್ಪರೆ ಉಪಯೋಗ ಅವುಂಡು. ಶ್ರೀಗಂಧದ ಎಣ್ಣೆನ್ ಶರೀರೊದ ಉಲಯಿ ಬೊಕ್ಕ ಪಿದಯಿ ನಂಜಿ ನಿರೋಧಕವಾದ್ ಬಳಸುವೆರ್. ಶ್ರೀಗಂಧದ ಎಣ್ಣೆದ ಮುಖ್ಯ ಅಂಗವಾಯಿನ ಬೀಟಾ-ಸನಟಾಲ್ ನಂಜಿನ್ ಉಂಡು ಮಲ್ಪುನ ಸೂಕ್ಷ್ಮಜೀವಿಲೆನ್ ನಿರೋಧಕವಾದ್ ಬೇಲೆ ಮಲ್ಪುನ ಗುಣನ್ ಹೊಂದ್‍ದ್ ಉಂಡು. ಅವು ಅತ್ತಂದೆ ವಾಸನಾಚಿಕಿತ್ಸೆ ಪರಿಮಳದ ಸಾಬೂನುಲೆನ ತಯಾರಿಕೆಡ್ ಶ್ರೀಗಂಧನ್ ಉಪಯೋಗ ಮಲ್ಪುವೆರ್. ಶ್ರೀಗಂಧದ ಎಣ್ಣ್ ಗಳಸುನೆರ್ದ್ ಚರ್ಮದ ಪೊಲು೯ನು ಎಚ್ಚ ಮಲ್ಪುನ ಗುಣನ್ ಹೊಂದ್‍ದ್ ಉಂಡು.

ಉಪಯೋಗ[ಸಂಪೊಲಿಪುಲೆ]

ಉಂದೆತ್ತ ತಿರ್‌ಲ್ ಮೆತ್ತನೆ ಆದ್, ಕೂಲಿದ ಬಣ್ಣೊಡು ಉಪ್ಪುನೆರ್ದ್ ಕರಕುಶಲ ವಸ್ತುಲೆನ ತಯಾರಿಕೆಡ್ ಶ್ರೇಷ್ಠ ಮರ ಪಂಡ್‍ದ್ ಪರಿಗಣಿಸಾದ್ ಉಂಡು. ಉಂದೆತ್ತ ಎಣ್ಣೆ ಮಸ್ತ್ ಕ್ರಯ (ಬೆಲೆಬಾಳು)ದವು ಆದ್ ಉಂಡು. ಶ್ರೀಗಂಧದ ನೀರ್ ಪರ್ಂಡ ಆಯಾಸ ಬೊಕ್ಕ ಬಾಜೆಲ್ ಉಪ್ಪುಜಿ.[೨]

ಪರಿಮಳೊ[ಸಂಪೊಲಿಪುಲೆ]

ಶ್ರೀಗಂಧದ ಮರದ ತಿರ್ಲ್‌ದ ಎಣ್ಣೆ ಬಾರಿ ಪರಿಮಳ (ಸುವಾಸನೆ)ಇತ್ತ್‌ನ ದ್ರವ್ಯವಾದ್ ಉಂಡು. ಅತ್ತರುಲೆಡ್ ಎಲ್ಯ ಮಟ್ಟ್‌ದ ಶ್ರೀಗಂಧದ ತೈಲನ್ ಸೇರವುನೆರ್ದ್ (ಬೆರೆಸುವುದರಿಂದ) ಅತ್ತರ್‌ಡ್ ಉಪಯೋಗಿಸುನ ಒರಿನ ಸುವಾಸನಾ ದ್ರವ್ಯಲೆನ ಗುಣಲಾ ಎಚ್ಚ(ವೃದ್ಧಿ)ಯಾಪುಂಡು.

ಧಾರ್ಮಿಕ ಆಚರಣೆಲೆಡ್[ಸಂಪೊಲಿಪುಲೆ]

ಹಿಂದೂ ಧಾರ್ಮಿಕ ಆಚರಣೆಲೆಡ್ ಶ್ರೀಗಂಧನ್ ವ್ಯಾಪಕವಾದ್ ಬೇತೆ ಬೇತೆ ರೂಪೊಲೆಡ್ ಗಳಸುವೆರ್. ಅರೆತ್ತ್‌ದ್ (ತೇಯ್ದು) ಚಂದನವಾದ್, ಊದುಕಡ್ಡಿಲೆಡ್, ಚಂದನ ಮಿಶ್ರಿತ ನೀರ್‌ಡ್, ಮುಂಡೊಗು(ನೊಸಲಿಗೆ) ತಿಲಕವಾಗಿ ಪೂಜೆ ಪುನಸ್ಕಾರಲೆಡ್ ಗಳಸುವೆರ್. ದೇವರೆನ ಮೂರ್ತಿಲೆಗ್, ಶಿವಲಿಂಗಗ್ ಅಭಿಷೇಕ ಮಲ್ತಿ ಬೊಕ್ಕ ಚಂದನದ ಲೇಪನ್ ಮಲ್ಪುನವು ಸಂಪ್ರದಾಯ.

ಬೌದ್ಧಧರ್ಮಡು ಶ್ರೀಗಂಧ ಪದ್ಮ ಗುಂಪುಗು ಸೇರ್‌ನವು ಆದ್ ಇತ್ತ್‌ನೆರ್ದ್ ಬೋಧಿಸತ್ತ್ವ ಅಮಿತಾಭನು ಸೂಚಿಸವುಂಡು. ಶ್ರೀಗಂಧದ ಸುವಾಸನೆ ನರಮಾನ್ಯನ ಆಸೆ ಆಕಾಂಕ್ಷೆಲೆನ್ ಮಾರ್ಪಡ್ ಮಲ್ತ್‌ದ್ ಧ್ಯಾನನಿರತನಾದ್ ಉಪ್ಪುನಗ ಬುದ್ಧಿನ್ ಚುರುಕು ಮಲ್ಪುಂಡು ಪಂಡ್‍ದ್ ನಂಬುದೆರ್. ಬುದ್ಧಗ್ ಸಮರ್ಪಿಸವುನ ಗಂಧದ ಕಡ್ಡಿಲೆಡ್ ಶ್ರೀಗಂಧದ ಪಾತ್ರ ಪ್ರಮುಖವಾದ್ ಉಂಡು.

ಧಾರ್ಮಿಕ ಬೊಕ್ಕ ಬೇತೆ ಬೇತೆ ಸಮಾರಂಭಲೆಡ್ ಶ್ರೀಗಂಧ ಬೊಕ್ಕ ಅಗರ್ ಮರಕುಲೆರ್ದ್ ತಯಾರಾಯಿನ ಸುವಾಸನೆ(ಪರಿಮಳೊ) ಬೊಕ್ಕ ಧೂಪದ ವಸ್ತುಲೆನ ಬಳಕೆ ಜಪಾನ್ ಬೊಕ್ಕ ಚೀನಾಲೆಡ್ ಬಾರಿ ಜನಪ್ರಿಯವಾದ್ ಉಂಡು.

ಪಾರ್ಸಿ ಧರ್ಮೊಡು ಅಗ್ನಿನ್ ಕಾಯಿಪುನವು ಒಂಜಿ ಮುಖ್ಯ ಕಾಯಕ. ಶತಮಾನೊರ್ದು ಅಗ್ನಿನ್ ಕಾಯ್ದುಕೊಳ್ಳುವ ಪೂಜಾರಿಲು ಭಕ್ತರೆರ್ದ್ ಶ್ರೀಗಂಧದ ಕೊರಡು ಅತ್ತ್ಂಡ ಉನ್‍ಂಗಿನ ಗೆಲ್ಲ್‌ಲೆನ್ ಕಾಣಿಕೆಯಾದ್ ಸ್ವೀಕಾರ ಮಲ್ಪುವೆರ್. ಅಗ್ನಿನ್ ಜ್ವಲಂತವಾದ್ ದೀವುನೆಟ್ಟ್ ಉಂದೆತ್ವ ಬಳಕೆಯಾಪುಂಡು.

ಉಲ್ಲೇಕೊ[ಸಂಪೊಲಿಪುಲೆ]

ಗಂಧದ ಮರ- ಚಿತ್ರ ದರ್ಶಿನಿ[ಸಂಪೊಲಿಪುಲೆ]