ಶ್ರೀದೇವಿ (ನಟಿ)

ಶ್ರೀದೇವಿ
ಪುಟ್ಟು	ಶ್ರೀದೇವಿ ಅಯ್ಯಪ್ಪನ್ ಆಗಸ್ಟ್ ೧೩, ೧೯೬೩ ತಮಿಳುನಾಡಿನ ಶಿವಕಾಶಿ
ಸಾವು	ಫೆಬ್ರವರಿ ೨೪ , ೨೦೧೮
ಬೇಲೆ	ಚಲನಚಿತ್ರ ಅಭಿನೇತ್ರಿ
ವರ್ಸೊ ಬುಕ್ಕೊ ಚಟುವಟಿಕೆ	೧೯೬೭-೧೯೯೭, ೨೦೧೨- ೨೦೧೮
ಬುಡೆದಿ	ಬೋನಿ ಕಫೂರ್
ಬಾಲೆ	ಜಾಹ್ನವಿ ಕಪೂರ್ ಖುಷಿ ಕಪೂರ್

ಶ್ರೀದೇವಿ (ಆಗಸ್ಟ್ ೧೩, ೧೯೬೩ - ಫೆಬ್ರವರಿ ೨೪, ೨೦೧೮) ಭಾರತದ ಪಿಕ್ಚರ್ ದ ಪುದರ್ ಪೋಯಿನ ನಟಿಲೆಡ್ ಒರ್ತಿ. 90 ದಶಕೊಡು ಆರ್ ಒರ್ತಿ ಮಸ್ತ್ ಪುದರ್ದ ಬುಕ್ಕೊ ಜನಪ್ರಿಯ ನಟಿ ಆದಿತ್ತೆರ್. ಕನ್ನಡ ಸಿನೆಮಾ ಸೇರ್ದ್ ದಕ್ಷಿಣ ಭಾರತ ಬಾಸೆದ ಸಿನಿಮಾಲೆಡ್, ಅಂಚನೆ ಹಿಂದಿ ಸಿನಿಮಾಲೆಡ್ ನಟನೆ ಮಲ್ತೆರ್. ಆರ್ ಮಸ್ತ್ ಸಿನಿಮಾಲೆನ ನಿರ್ಮಾಪಕೆರ್ಲಾ ಆದಿತ್ತೆರ್. ಮೇರ್ ತೆಲುಗು, ಹಿಂದಿ, ತಮಿಳು, ಮಲಯಾಳಂ ಬುಕ್ಕೊ ಕನ್ನಡ ಚಿತ್ರೊಲೆಡ್ ಬೇಲೆ ಮಲ್ತೆರ್. ಅರೆನ್ ಭಾರತೀಯ ಸಿನಿಮಾದ "ಸುರುತ ಪೊಣ್ಣು ಸೂಪರ್ ಸ್ಟಾರ್" ಪಂಡ್ದ್ ಪರಿಗಣಿಸುವೆರ್. ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ, ನಂದಿ ಪ್ರಶಸ್ತಿ, ತಮಿಳುನಾಡು ರಾಜ್ಯ ಚಲನಚಿತ್ರ ಪ್ರಶಸ್ತಿ, ಕೇರಳ ರಾಜ್ಯ ಚಲನಚಿತ್ರ ಪ್ರಶಸ್ತಿ, ಫಿಲ್ಮ್ ಫೇರ್ ಪ್ರಶಸ್ತಿ, ಫಿಲ್ಮ್ ಫೇರ್ ಲೈಫ್ ಟೈಮ್ ಅಚಿವ್ಮೆಂಟ್ ಪ್ರಶಸ್ತಿ, ಮೂಜಿ ಸೌತ್ ಫಿಲ್ಮ್ ಫೇರ್ ಪ್ರಶಸ್ತಿಲೆನ್ ಪಡೆಯೆರ್.

ಬದ್ ಕ್

ಶ್ರೀದೇವಿ ಪುಟ್ಟಿನೆ ಆಗಸ್ಟ್ ೧೩, ೧೯೬೩. ಅಮ್ಮೆ ಅಯ್ಯಪ್ಪ ಅಪ್ಪೆ ರಾಜೇಶ್ವರಿ. ನಗರ ಶಿವಕಾಸಿ, ತಮಿಳುನಾಡು.

ಚಿತ್ರ ವೃತ್ತಿಜೀವನ

ಆರ್ ಕೇವಲ ನಾಲ್ ವರ್ಷ ಪ್ರಾಯೊಡು ಉಪ್ಪುನಗ ಆರ್ ಎಲ್ಯ ನಟಿಯಾದಿತ್ತೆರ್.೧೯೭೫ತ ಪೊರ್ತುಡು ಬಿಡುಗಡೆ ಆಯಿನ ಎಡ್ಡೆ ಹಿಂದಿ ಪಿಕ್ಚರ್ 'ಜೂಲಿ' ಡ್ ಬಾಲನಟಿ ಆದ್ ಅಭಿನಯ ಮಲ್ತ್ ದೇವೆರ್.‌ಕನ್ನಡ ಪಿಕ್ಚರ್ ಡ್ರಾ ಬಾಲನಟಿ ಆದ್, ಭಕ್ತ ಕುಂಬಾರ,ಬಾಲೆ ಭಾರತ, ಸಂಪೂರ್ಣ ರಾಮಾಯಣ, ಯಶೋಧಕೃಷ್ಣ, ಚಿತ್ರೊಲೆಡ್ಲಾ ನಟನೆ ಮಲ್ತ್ ನ ಅತ್ತಂದೆ ಹೆಣ್ಣು ಸಂಸಾರದ ಕಣ್ಣು ಪನ್ಪುನ ಪಿಕ್ಚರ್ ಡ್ ಲಾ ಹೀರೊಯಿನ್ ಮೆಗ್ದಿ ಆದ್ ನಟಿಸಾದೆರ್. ರಜನೀಕಾಂತ್, ಅಂಬರೀಷ್, ಅಕುಲು ಮಾತಾ ಇತ್ತ್ನ 'ಪ್ರಿಯಾ' ಪಿಕ್ಚರ್ ಡ್ರಾ ಹೀರೊಯಿನ್ ಆದ್‌ ಅಭಿನಯ ಮಲ್ತ್ ದೇರ್.

ಶ್ರೀದೇವಿ ನನೊಂಜಿ ಸರ್ತಿ ಮಸ್ತ್ ಪ್ರಸಿದ್ಧ ತಮಿಳು ಬುಕ್ಕೊ ತೆಲುಗು ಸಿನಿಮಾಲೆಡ್ ನಟನೆ ಮಲ್ತೆರ್ ಉದಾಹರಣೆಗೆ ಮೂಂಡ್ರು ಮುಡಿಚ್ಚು, ಪಡಿನಾರು ವಯದಿನಿಲೆ, ಸಿಗಪ್ಪು ರೋಜಕ್ಕಲ್, ಮಿಂಡುಂ ಕೊಕಿಲಾ, ಮೂನ್ರಾಮ್ ಪಿರಾಯಿ, ವರುಮೈನ್ ನಿರಾಮ್ ಶಿವಪ್ಪು, ಪ್ರೇಮಾಭಿಷೇಕಂ, ಆಖರಿ ಪೊರತಂ, ಜಗದೇಕ ವೀರುಡು ಅಥಿಲೋಕ ಸುಂದರಿ, ಕ್ಷಣಂ, ಇಂಚಿತ್ತಿನವುಲು ತನ್ನನ್ ತಾನ್ ಒಂಜಿ ಮಹತ್ವದ ಪ್ರತಿಭೆನ್ ಒದಗಿಸಯೆರ್.

ಹಿಂದಿ ಚಿತ್ರ ರಂಗೊಡು ಸೊಲ್ವ ಸಾವನ್, ಹಿಮ್ಮತ್ವಾಳ, ಮಾವಲಿ, ತೋಹಫಾ, ಮಾಸ್ಟರ್ಜಿ, ಕರ್ಮ, ಮಿಸ್ಟರ್ ಇಂಡಿಯಾ, ವಕ್ತ್ ಕಿ ಆವಾಜ್, ಚಾಂದ್ನಿ, ಸದ್ಮಾ, ನಗಿನಾ, ಚಾಲ್ ಬಾಜ್, ಲಮ್ಹೆ, ಖುದಾ ಗವಾಹ್, ಗುಮ್ರಾ, ಲಾಡ್ಲಾ, ಇಂಚಿತ್ತಿನ ಪುದರ್ ಪೋಯಿನ ಸಿನಿಮಾಲೆಡ್ ತನ್ನ ಪ್ರತಿಭೆ ಬುಕ್ಕೊ ಯಶಸ್ಸ್ ನ್ ತೂದು ಮೆಚ್ಚಿಯೆರ್. 1997ಡ್ ಅನುಭವಿ ನಿರ್ಮಾಪಕೆ ಬೋನಿ ಕಪೂರ್ ನ್ ಮದಿಮೆ ಆಯಿನ ಶ್ರೀದೇವಿ, ಸುಮಾರ್ ಪದಿನೈನ್ ವರ್ಸೊಡ್ದು ಬುಕ್ಕೊ 2012ಡ್ ಯಶಸ್ವಿ ಚಿತ್ರ 'ಇಂಗ್ಲಿಷ್ ವಿಂಗ್ಲಿಷ್'ಡ್ ತನ್ನ ಪೊರ್ಲುದ ಅಭಿನಯೊಡು ಮೋಡಿ ಮಲ್ತ್ ದ್ ತಾನ್ ಪ್ರತಿಭಾವಂತೆ ಪನ್ಪಿನೆನ್ ಒಂಜಿ ಸರ್ತಿ ಸಾಬೀತು ಮಲ್ತೆರ್.

ಹಾಸ್ಯ, ಸಂವೇದನೆ, ಭಾವನೆ, ಸಾಹಸ, ಪ್ರೀತಿ, ಪ್ರಣಯ, ನೃತ್ಯ - ಮಾತಾ ರೀತಿದ ಪಾತ್ರೊಲೆಡ್ ಶ್ರೀದೇವಿನಲೆಕ ಪ್ರೇಕ್ಷಕೆರ್ ಬುಕ್ಕೊ ವಿಮರ್ಶಕೆರ್ನ ಮೆಚ್ಚುಗೆನ್ ಪಡೆಯಿನ ಕೆಲವು ಪೊಣ್ಣು ಕಲಾವಿದೆರ್ ಉಲ್ಲೆರ್.

ಪ್ರಶಸ್ತಿ ಬುಕ್ಕೊ ಗೌರವೊಲು

ಶ್ರೀದೇವಿನ್ ಮಾಧ್ಯಮ ಪ್ರಕಟಣೆಲು ಫ್ಯಾಷನ್ ಐಕಾನ್ ಪಂಡ್ದ್ ಲೆಪ್ಪುವೆರ್. ಡ್ರೆಸ್ ಲೆಡ್ಅಲೆನ ರುಚಿ ವೈವಿಧ್ಯಮಯ ಆದಿತ್ತ್ಂಡ್ ಬುಕ್ಕೊ ಸ್ಟೈಲಿಶ್ ಕ್ಯಾಶುಯಲ್ ಡ್ದ್ ಮ್ಯಾಗ್ನಿಫಿಸೆಂಟ್ಲಿ ಎಲಿಗಂಟ್ ಮುಟ್ಟ ಇತ್ತ್ಂಡ್. ಆರ್ 2008ಡ್ ಫ್ಯಾಷನ್ ಮಾಡೆಲ್ ಆದ್ ಸುರು ಮಲ್ತೆರ್. ಲಕ್ಮೆ ಫ್ಯಾಷನ್ ವೀಕ್ ಡ್ ಡಿಸೈನರ್ ಪ್ರಿಯಾ ಬುಕ್ಕೊ ಚಿಂತನ್ ಗ್ ನಟಿ ಉಡುಪುಲೆನ್ ಮಾದರಿ ಮಲ್ತೆರ್. ದುಂಬುದ ವರ್ಷ, ಆರ್ ಎಚ್ ಡಿ ಐ ಎಲ್ ಇಂಡಿಯಾ ಕೌಚರ್ ವೀಕ್ ಡ್ ಆಭರಣ ಡಿಸೈನರ್ ಕ್ವೀನಿ ಧೋಡಿನ ಬೇಲೆನ್ ಪ್ರದರ್ಶಿಸಯೆರ್. ೨೦೧೦ಡ್ ಲಕ್ಮೆ ಫ್ಯಾಷನ್ ವೀಕ್ ಬುಕ್ಕೊ ೨೦೧೨ಡ್ ದೆಹಲಿ ಕೌಚರ್ ವೀಕ್ ಡ್ ಸಬ್ಯಸಾಚಿ ಮುಖರ್ಜಿ ವಿನ್ಯಾಸ ಮಲ್ತಿನ ಡ್ರೆಸ್ ಲೆನ್ ತೋಜಾದ್ ಮತ್ತೆ ಬೇಲೆ ಮಲ್ತೆರ್.

ಆರ್ ಕೆಲವು ಫ್ಯಾಷನ್ ನಿಯತಕಾಲಿಕೆಲೆನ ಮುಖಪುಟೊಡು ತೋಜಿದ್ ಬೈದೆರ್. ೨೦೦೭ಡ್, "ದಿ ಗಾಡೆಸ್ ರಿಟರ್ನ್ಸ್" ಪನ್ಪಿನ ಟ್ಯಾಗ್ ಲೈನ್ ಡ್ ಹೈ ಬ್ಲಿಟ್ಜ್ ದ ಕವರ್ ಡ್ ತೋಜಿದ್ ಬತ್ತೆರ್. ೨೦೧೧ಡ್, ಆರ್ ಮೇರಿ ಕ್ಲೇರ್ ದ ಮುಖಪುಟೊಡು ತೋಜಿದ್ ಬತ್ತೆರ್, ಬುಕ್ಕೊ ೨೦೧೨ಡ್, ಆರ್ ಎಲ್'ಆಫಿಸಿಯಲ್ ದ ಮುಖಪುಟೊಡು ತೋಜಿದ್ ಬತ್ತೆರ್. ೨೦೧೩ಡ್, ಶ್ರೀದೇವಿ ವೋಗ್ ಪತ್ರಿಕೆದ ಮುಖಪುಟೊಡು ತೋಜಿದ್ ಬತ್ತೆರ್, ಉಂದೆನ್ ಹಿಂದೂಸ್ತಾನ್ ಟೈಮ್ಸ್, ದಿ ಟೈಮ್ಸ್ ಆಫ್ ಇಂಡಿಯಾ, ಬುಕ್ಕೊ ಇಂಡಿಯಾ ಟುಡೇ ಪತ್ರಿಕೆಲೆಡ್ ಉಲ್ಲೇಖ ಮಲ್ತೆರ್.

ಶ್ರೀದೇವಿ 2015ಡ್ ಸಿರೊಕ್ ಫಿಲ್ಮ್ಫೇರ್ ಗ್ಲಾಮರ್ ಅಂಡ್ ಸ್ಟೈಲ್ ಅವಾರ್ಡ್ಸ್ ಡ್ 'ಅಲ್ಟಿಮೇಟ್ ದಿವಾ' ಪ್ರಶಸ್ತಿನ್ ಪಡೆಯೆರ್.

ಮರಣ

ಫೆಬ್ರವರಿ ೨೪, ೨೦೧೮ಡ್ ದುಬೈಡ್ ಒಂಜಿ ಹೋಟೆಲ್ದ ಕೋಣೆದ ಬಾತ್ ಟಬ್ ಡ್ ಮುರ್ಕುದು ತೀರ್ ಪೋಯೆರ್. ಮೋಹಿತ್ ಮರ್ವಾಹ್ ಪನ್ಪಿನ ಒರಿ ಸಂಬಂಧಿಕೆರ್ನ ಮದಿಮೆದ ಪೊರ್ತುಡು ಈ ಘಟನೆ ನಡತ್ಂಡ್. ಅಲೆನ ಕಂಡನಿ ಬೋನಿ ಕಪೂರ್ ಬುಕ್ಕೊ ಮಗೆ ಖುಶಿ ಅಲೆನೊಟ್ಟುಗು ಇತ್ತೆರ್.

ಗ್ಯಾಲರಿ

• 
  ಮಾಜಿ ರಾಷ್ಟ್ರಪತಿಗಳಾದ ಶ್ರೀ ಪ್ರಣಬ್ ಮುಖರ್ಜಿ ಶ್ರೀಮತಿ ಸಿ. ಶ್ರೀದೇವಿ ಕಪೂರ್ ಏಪ್ರಿಲ್ ೫, ೨೦೧೩ ತಾರೀಕ್ ಗ್ ನವದೆಹಲಿದ ರಾಷ್ಟ್ರಪತಿ ಭವನೊಡು ಪ್ರಸ್ತುತಿ ಮಲ್ತೊಂದುಲ್ಲೆರ್.

ಪ್ರಶಸ್ತಿ ಬುಕ್ಕೊ ಗೌರವೊಲು

ಸಿನಿಮಾ ರಂಗೊಡು ಖ್ಯಾತಿಗ್ ಸಾಕ್ಷಿಯಾತಿನ ಉತ್ತರ ಬುಕ್ಕೊ ದಕ್ಷಿಣ ಭಾರತೊಡು ಬೇತೆ ಬೇತೆ ವಿಭಾಗೊಲೆಡ್ ನೂದೆಡ್ದ್ ಜಾಸ್ತಿ ಪ್ರಶಸ್ತಿಲೆನ್ ಪಡೆಯಿನ ಶ್ರೀದೇವಿ ಈ ವರ್ಷ 'ಪದ್ಮಶ್ರೀ' ಪ್ರಶಸ್ತಿನ್ ಪಡೆಯೆರ್.

ಉಲ್ಲೇಕೊಲು

[[ವರ್ಗೊ:ಪರಿಶೀಲಿಸಂದಿನ ಅನುವಾದೊಲು ಇಪ್ಪುನ ಪುಟೊಕುಲು]]