ಶ್ರೀ ವಿಜಯಪುರಮ್

ಶ್ರೀ ವಿಜಯಪುರಮ್
ನಗರ
2004ನೆ ಹಿಂದೂ ಮಹಾಸಾಗರ ಬೂಕಂಪೊಗು ಒಂಜಿ ರಡ್ಡ್ ದಿನೊ ದುಂಬು ಡಿಸೆಂಬರ್ 2000ಡ್ ಪೋರ್ಟ್‌ಬ್ಲೇರ್‌ದ ಕೇಂದ್ರ.
Interactive map of ಶ್ರೀ ವಿಜಯಪುರಮ್
Coordinates: 11°40′06″N 92°44′16″E
ದೇಶ	India
ಕೇಂದ್ರಾಡಳಿತ ಪ್ರದೇಶ	ಅಂಡಮಾನ್ ಬೊಕ್ಕ ನಿಕೋಬಾರ್ ದ್ವೀಪೊಲು
ಜಿಲ್ಲೆ	ದಕ್ಷಿಣ ಅಂಡಮಾನ್
Population  (2011)
• Total	1,00,608
Time zone	UTC+5.30 (IST)

ಶ್ರೀ ವಿಜಯಪುರಂ (ದುಂಬುದ ಪುದರ್ ಪೋರ್ಟ್ ಬ್ಲೇರ್) ಭಾರತ ದೇಸೊದ ಕೇಂದ್ರಾಡಳಿತ ಪ್ರದೇಶವಾಯಿನ ಅಂಡಮಾನ್ ಬೊಕ್ಕ ನಿಕೋಬಾರ್ ದ್ವೀಪೊಲೆನ ರಾಜಧಾನಿ ಆದುಂಡು. ಉಂದು ದಕ್ಷಿಣ ಅಂಡಮಾನ್ ದ್ವೀಪೊಡು ಉಂಡು. ಉಂದು ಭಾರತದ ಭೂಭಾಗವಾಯಿನ ಚೆನ್ನೈಡ್ದ್ ಸುಮಾರ್ ೧,೧೯೦ ಕಿ.ಮೀ. ಬೊಕ್ಕ ಕೋಲ್ಕತ್ತಾಡ್ದ್ ೧,೨೫೫ ಕಿ.ಮೀ. ದೂರೊಡು ಉಂಡು. ಉಂದು ದಕ್ಷಿಣ ಅಂಡಮಾನ್ ಜಿಲ್ಲೆದ ಕೇಂದ್ರ ಕಚೇರಿಲಾ ಅಂದ್. ಬೊಕ್ಕ ಈ ಕೇಂದ್ರಾಡಳಿತ ಪ್ರದೇಶದ ಒಂಜೇ ಒಂಜಿ ಅಧಿಸೂಚಿತ ಪೇಟೆ ಪನ್ನಗ ಅವು ಶ್ರೀ ವಿಜಯಪುರಂ.

ಪ್ರದೇಸೊದ ವಿವರೊ

ಶ್ರೀ ವಿಜಯಪುರಂಡ್ ದ್ವೀಪದ ಒಂಜೇ ಮಲ್ಲ ವಿಮಾನ ನಿಲ್ದಾಣವಾಯಿನ ವೀರ್ ಸಾವರ್ಕರ್ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ ಬೊಕ್ಕ ಪೋರ್ಟ್ ಬ್ಲೇರ್ ಬಂದರು ಉಂಡು. ಅಂಡಮಾನ್ ನಿಕೋಬಾರ್ ದ್ವೀಪೊಲೆಗ್ ಕಡಲ ಮಾರ್ಗೊಡು ಬರೊಡಾಂಡ, ಈ ದಕ್ಕೆದ ಮೂಲಕನೇ ಬರೊಡು. ಶ್ರೀ ವಿಜಯಪುರಮ್‍ಡ್ ಭಾರತೀಯ ವಾಯುಪಡೆತ ವಾಯುನೆಲೆ ಐಎನ್‌ಎಸ್ ಉತ್ಕ್ರೋಶ್ ಬೊಕ್ಕ ನೌಕಾಪಡೆತ್ತ ನೌಕಾನೆಲೆ ಐಎನ್‌ಎಸ್ ಜಾರಾವಾ ಉಂಡು. ಉಂದು ಅತ್ತಂದೆ ಭಾರತೀಯ ಸಶಸ್ತ್ರ ಪಡೆತ ಒಂಜೇ ಒಂಜಿ ಏಕೀಕೃತ ಕಮಾಂಡ್-ಭೂ,ವಾಯು ಬುಕ್ಕ ನೌಕಾ ಸೇನೆ ಮೂಜೆಕ್ಲಾ ಒಟ್ಟಾದ್ ಒಂಜಿ ಕಮಾಂಡ್- ಆಯಿನ ಅಂಡಮಾನ್ ಬೊಕ್ಕ ನಿಕೋಬಾರ್ ಕಮಾಂಡ್‌ ಶ್ರೀ ವಿಜಯಪುರಮ್‍ಡ್ ಉಂಡು.

ಮೂಲನಿವಾಸಿಲು

ಈ ಪ್ರದೇಸೊದ ಮೂಲ ನಿವಾಸಿಲು ಅಂಡಮಾನೀಸ್ ಜನಕುಲು. ಮುಕುಲು ಪೇಲಿಯೋಲಿಥಿಕ್ (ಹಳೇ ಶಿಲಾಯುಗ) ಕಾಲೊಡ್ದಿಂಚಿ ಬೇತೆ ಜನಕುಲೆಡ್ದ್ ಪ್ರತ್ಯೇಕವಾದ್ ಇತ್ತೆರ್ ಪಂಡ್‍ದ್ ಅಂದಾಜು ಮಲ್ತ್‌ದೆರ್. 18ನೇ ಶತಮಾನದ ಕಡೆಕ್, ಬ್ರಿಟೀಷೆರ್ ಅಂಡಮಾನ್ ದ್ವೀಪೊಲೆನ್ ವಶ ಮಲ್ತೊಂದೆರ್. ಮುಲ್ಪ ನೌಕಾನೆಲೆ, ಬೊಕ್ಕ ಅಪರಾದಿಲೆನ್ ದೀವರ ಜೈಲುಲೆನ್ ಸ್ಥಾಪನೆ ಮಲ್ತೆರ್. ಅಯಿನ್ ರಡ್ಡ್ ವರ್ಷಡ್ದ್ ಬೊಕ್ಕ ಬುಡುದುಬುಡಿಯೆರ್. 22 ಫೆಬ್ರವರಿ 1858ಡ್, ಬ್ರಿಟೀಷೆರ್ ಪೋರ್ಟ್ ಬ್ಲೇರ್‌ಡ್ ಪಿರ ವಸಾಹತು ಸ್ಥಾಪನೆ ಮಲ್ತೆರ್, ಬೊಕ್ಕ ಪೋರ್ಟ್ ಬ್ಲೇರ್ ಕೈತಲ್‍ದ ರಾಸ್ ದ್ವೀಪೊಡು ಸಿಪಾಯಿ ದಂಗೆದ ಕೈದಿಲೆನ್ ದೀವರೆಗಾದ್ ಜೈಲ್‌ಲೆನ್ ಸ್ಥಾಪನೆ ಮಲ್ತೆರ್. 1872ಡ್, ಅಂಡಮಾನ್ ಬೊಕ್ಕ ನಿಕೋಬಾರ್ ದ್ವೀಪೊಲೆನ್ ಒಂಜೇ ಕಮಾಂಡ್‌ದ ಅಡಿಟ್ ಒಟ್ಟು ಮಲ್ತೆರ್ ಬೊಕ್ಕ ಪೋರ್ಟ್ ಬ್ಲೇರ್‌ಡ್ ಉಪ್ಪುನ ಚೀಫ್ ಕಮಿಷನರ್‌‌ ಮುಖಾಂತರ ಆಡಳಿತ ಮಲ್ತೊಂದಿತ್ತೆರ್. ಸೆಲ್ಯುಲಾರ್ ಜೈಲ್ ಕಟ್ಟುನ ಬೇಲೆ 1906ಡ್ ಮುಗಿಂಡ್. ರಡ್ಡನೇ ಮಹಾಯುದ್ಧದ ಪೊರ್ತುಡು, 23 ಮಾರ್ಚ್ 1942ಡ್ ಜಪಾನೀಯೆರ್ ಪೋರ್ಟ್ ಬ್ಲೇರ್‌ನ್ ವಶಪಡ್ಕೊಂಡೆರ್, ಬೊಕ್ಕ 7 ಅಕ್ಟೋಬರ್ 1945ಡ್ ಬ್ರಿಟೀಷೆರ್ ಅಯಿನ್ ಪಿರ ತನ್ಕುಲೆ ವಶಕ್ ದೆತೊಂದೆರ್. 1947ಡ್ ಭಾರತಗ್ ಸ್ವಾತಂತ್ರ್ಯ ತಿಕ್ಕಿ ಬೊಕ್ಕ, ಅಂಡಮಾನ್ ಬೊಕ್ಕ ನಿಕೋಬಾರ್ ದ್ವೀಪೊಲು ಭಾರತದ ಭಾಗ ಆಂಡ್, ಬೊಕ್ಕ ಪೋರ್ಟ್‌ಬ್ಲೇರ್‌ನ್ ರಾಜಧಾನಿಯಾದ್ ಮಲ್ತ್‌ದ್ ಕೇಂದ್ರಾಡಳಿತ ಪ್ರದೇಶ ಆಂಡ್.

ಈ ಪ್ರದೇಸೊಡು ವಸಾಹತು ಸ್ಥಾಪನೆ ಮಲ್ತಿನ ರಾಯಲ್ ಇಂಡಿಯನ್ ನೇವಿ(ನೌಕಾಪಡೆ)ದ ಅಧಿಕಾರಿ ಆಯಿನ ಆರ್ಚಿಬಾಲ್ಡ್ ಬ್ಲೇರ್‌‌- ಇಂಬ್ಯನ ಪುದರ್‌ನ್ ಈ ಪೇಟೆಗ್ ದೀತೆರ್. 13 ಸೆಪ್ಟೆಂಬರ್ 2024ಡ್, ಭಾರತ ಸರ್ಕಾರ ಈ ಪೇಟೆಗ್ ಅಧಿಕೃತವಾದ್ 'ಶ್ರೀ ವಿಜಯ ಪುರಂ' ಪಂಡ್‍ದ್ ಪುದರ್ ಬದಲ್ತ್ಂಡ್.