ಶ್ರುತಿ

ಶ್ರುತಿ
ಕರ್ನಾಟಕ ಮಹಿಳಾ ಅಭಿವೃದ್ಧಿ ನಿಗಮದ ಅಧ್ಯಕ್ಷೆರ್
In office ೨೦೦೮ – ೨೦೦೯ನೇ ಜೂನ್
Succeeded by	ಡಿ. ಎಸ್. ಅಶ್ವಥ್
ಕರ್ನಾಟಕ ರಾಜ್ಯ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮದ ಅಧ್ಯಕ್ಷೆರ್
In office ೨೦೨೦ನೇ ಜನವರಿ – ೨೦೨೧ನೇ ಜುಲೈ
ವೈಯಕ್ತಿಕ ವಿವರೊಲು
ಪುಟ್ಟು	ಗಿರಿಜಾ ಹಾಸನ ಜಿಲ್ಲೆ
ಪಕ್ಷೊ	ಭಾರತೀಯ ಜನತಾ ಪಕ್ಷ (೨೦೦೮-೧೩, ೨೦೧೪–ಇತ್ತೆ)
ಸಂಗಾತಿಲು	ಎಸ್. ಮಹೇಂದರ್ (ಮದ್ಮೆ-೧೯೯೮ ವಿಚ್ಛೇಧನ-೨೦೦೯) ಚಕ್ರವರ್ತಿ ಚಂದ್ರಚೂಡ್ (ಮದ್ಮೆ-೨೦೧೩ ವಿಚ್ಛೇಧನ-೨೦೧೪)
ಸಮ್ಮಂದಿಕೆರ್	ಶರಣ್ (ಮೆಗ್ಯೆ)
ಬೇಲೆ	ನಟಿ ರಾಜಕಾರಿಣಿ

ಶೃತಿ (ಸೆಪ್ಟೆಂಬರ್ ೧೮, ೧೯೭೫) ದಕ್ಷಿಣ ಭಾರತ ಚಿತ್ರರಂಗದ, ಅವೆಟ್‌ಲ ಕನ್ನಡ ಚಿತ್ರರಂಗದ ಪ್ರಧಾನ ಸಿನೆಮಾ ನಟಿನಕುಲೆಡ್ ಒರ್ತಿ. ಅರೆನ ಸುರುತ ಪುದರ್ ಪ್ರಿಯದರ್ಶಿನಿ(ಗಿರಿಜಾ ಕನ್ನಡ ಚಿತ್ರರಂಗೊಡು ಮಸ್ತ್ ಚಿತ್ರೊಲೆಡ್ ನಟನೆ ಮಲ್ತ್‌ದ್ ಕನ್ನಡ ಚಿತ್ರ ರಸಿಕೆರೆನ ಉಡಲ್‌ಡ್ ಮರಪಂದಿನಂಚನೆ ನೆಲೆ ಆಯಿನಕುಲೆಡ್ ಕನ್ನಡದ ಪ್ರತಿಭೆ, ಲಕ್ಷಣವಾಯಿನ ಪೊಣ್ಣು ಶ್ರುತಿಲ ಒರ್ತಿ. ಸುಮಾರು 120 ಚಿತ್ರೊಲೆಡ್ ನಟನೆ ಮಲ್ತ್‌ದ್ ಕನ್ನಡ ಚಿತ್ರರಂಗೊಡು ರಡ್ಡ್ ದಶಕೊಡ್ದುಲ ಜಾಸ್ತಿ ಕಾಲ ನೆಲೆ ಉಂತಿನಾರ್ ಶೃತಿ. ಕನ್ನಡ ಚಿತ್ರರಂಗದ ಸ್ಥಳೀಯ ಪ್ರತಿಭೆಲೆಡ್ ಪುಗರ್ತೆ ಪಡೆಯಿನಾರ್.

ಜೀವನ

ಶ್ರುತಿ ಪುಟ್ಟಿದಿನಿ ಸಪ್ಟೆಂಬರ್ ೧೮, ೧೯೭೭ಡ್ ಅರೆನವು ಒಂಜಿ ಕಲಾವಿದೆರೆನ ಕುಟುಂಬ.

ಚಿತ್ರ ಜೀವನ

ವೀರ ಸಿಂಧೂರ ಲಕ್ಷ್ಮಣ ಸಿನೆಮೊಡು ಒಂಜಿ ವರ್ಷದ ಬಾಲೆಯಾದಿಪ್ಪುನಗನೆ ಪರದೆದ ಮಿತ್ತ್ ಮೂಡ್‌ದ್ ಬತ್ತಿನ ಬಾಲೆ ಮೆರ್. ಕಲಾವಿದೆರೆನ ಕುಟುಂಬೊಡು ಬಳತ್ ಬತ್ತಿನ ಪೊಣ್ಣು ಪ್ರಿಯದರ್ಶಿನಿ ಕೆಲವೊಂಜಿ ಸಿನೆಮೊಡು ಕಿನ್ಯ ಕಿನ್ಯ ಒಂಜಿ ರಡ್ಡ್ ಪಾತ್ರ ಮಲ್ತಿ ಬುಕ್ಕೊ ೧೯೯೦ನೆ ಇಸವಿಡ್ ತೆರೆತ ಮಿತ್ತ್ ಬತ್ತಿನ ದ್ವಾರಕೀಶ್ ನಿರ್ಮಾಣದ ‘ಶ್ರುತಿ’ ಚಿತ್ರೊಡು ‘ಹಾಡೊಂದ ಹಾಡುವೆನು ಹೃದಯ ರಾಗದಲ್ಲಿ’ ಪನ್ಪಿ ಪದೊನು ಪನೊಂದು ನಟನೆ ಮಲ್ತಿನ ಆ ಸಿನೆಮೊದ ಯಶಸ್ಸಿದ ಮುಖಾಂತರ ಕನ್ನಡ ಚಿತ್ರರಂಗದ ನಟಿಲೆಡ್ ಒರ್ತಿ ಪ್ರಮುಖ ನಟಿ ಆಪೆರ್. ಆ ಚಿತ್ರೊದ ನಾಯಕಿಯಾದಿಪ್ಪುನಗ ಅರೆಗ್ ಪದಿನಾಲ್ ಪದಿನೈನ್ ವರ್ಷ ಪ್ರಾಯ.

ವೈವಾಹಿಕ ಜೀವನ

ಶೃತಿ ಸುರುಕು ನಿರ್ದೇಶಕ ಮಹೇಂದರ್ ಪನ್ಪಿನಾರೆನೊಟ್ಟುಗು ಮದಿಮೆ ಆಪೆರ್ ಅವೆಡ್ದ್ ಬುಕ್ಕೊ ವಿಚ್ಛೇದನ ಪಡೆದ್ ಶೃತಿ ಬುಕ್ಕೊ ಚಂದ್ರಚೂಡ್ ಪನ್ಪಿನಾರೆನೊಟ್ಟುಗು ಜೂನ್‌‌ಡ್ ಕರ್ನಾಟಕದ ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನೊಡು ಮದಿಮೆ ಆಪೆರ್

ಮಲ್ತಿನ ಸಾಧನೆ

ಈತ್ ಕಿನ್ಯ ಪ್ರಾಯೊಡೇ ಶ್ರುತಿ ನಟನೆ ಮಲ್ತಿನ ಸಿನೆಮೊಲೆನ ಸಂಖ್ಯೆ ೧೨೦ ಭಾರಿ ಮಾಮಲ್ಲ ಸಾಧನೆ.ಶ್ರುತಿ ಲಕ್ಷಣವಾದಿತ್ತ್‌ದ್ ಬೇತೆ ಬೇತೆ ಪಾತ್ರೊಲೆನ್ ಮಲ್ಪುನಂಚಿನ ಬಿರ್ಸೆದಿ.

ಬದ್ಕ್‌ದ ಬಗ್ಗೆ

ತನ್ನ ಬದ್ಕ್‌ಡ್ ಮಸ್ತ್ ಏರ್ತೆಜಪ್ಪೆಲ್ ಆನಗ ಶ್ರುತಿ ಪನ್ಪಿನ ಬಾಸೆ ಉಂದು. “ಯಾನ್ ಯಶಸ್ಸು ಬನ್ನಗ ರಾಯಿಜಿ, ಕಷ್ಟ ಬನ್ನಗ ಮೂಲೆ ಸೇರ್ದ್‌ಜಿ. ಕಷ್ಟ ಪನ್ಪಿನವು ಪ್ರತಿಯೊರಿಯನ ಬದ್ಕ್‌ಡ್ಲ ಉಪ್ಪುಂಡು. ಬದ್ಕ್‌ಡ್ ತನ್ನ ಕರ್ತ್ಯವ್ಯ ದಾನೆ ಉಂಡೊ ಅವೆತ ಬಗ್ಗೆ ಶ್ರದ್ಧಾಪೂರ್ವಕವಾದ್ ದುಂಬು ಪೋಪೆ”.