ಸಪ್ಪಾಯ-ಸಪ್ಸತಾನ

ಸಪ್ಪಾಯ-ಸಪ್ಸತಾನ

ಸಪ್ಪಯ-ಸಪಸತಾನ್ ಪಂಡ ಥೈಲ್ಯಾಂಡ್ ಸರ್ಕಾರದ ದ್ವಿಸದನ ಶಾಸಕಾಂಗ ಶಾಖೆ ಆಯಿನ ಥೈಲ್ಯಾಂಡ್ ದೇಶದ ರಾಷ್ಟ್ರೀಯ ಸಭೆತ ಮೂಜಿನೆ ಬುಕ್ಕೊ್ಕ ಇತ್ತೆದ ಸಭೆತ ಜಾಗೆ. ಉಂದು ಬ್ಯಾಂಕಾಕ್ ಡ್ ದುಸಿಟ್ ಜಿಲ್ಲೆದ ಕಿಯಾಕ್ಕಾಯಿ ನೆರೆಹೊರೆತ ಚಾವೊ ಫ್ರಾಯಾ ನದಿತ ಪೂರ್ವ ತೀರೊಡು ಉಂಡು. 424,000 m2 ಜಾಗ ಉಪ್ಪುನ ಜಗತ್ತ್ ದ ಅತಿ ಮಲ್ಲ ಪಾರ್ಲಿಮೆಂಟ್ ಕಟ್ಟಡ ಉಂದು.

ಪುದರ್ ದ ಅರ್ಥ

ಗೆಂದಿನ ಡಿಸೈನ್‌ದ ಬಿರುದು ಸಪ್ಪಯ ಸಫ ಸಾತನ್. ಅಯಿನ್ ಸಲ್ಲಿಸಾಯಿನ ವಾಸ್ತುಶಿಲ್ಪಿಲು ಪನ್ಪೆರ್ ಬೌದ್ಧ ಧರ್ಮದ ಸಪ್ಪಾಯ ಪನ್ಪಿನ ಪದ "ಧರ್ಮೊಡು ಆರಾಮದಾಯಕ" ಪನ್ಪಿನ ಅರ್ಥ, ಬುಕ್ಕೊ್ಕ ಈ ಶೀರ್ಷಿಕೆದ ಅರ್ಥ "ಒಳ್ಳೆಯ ಕೆಲಸ ಅತ್ತಂಡ ಎಡ್ಡೆ ಕರ್ಮ ಮಲ್ಪುನ ಜಾಗೆ" ಪನ್ಪಿನ ಅರ್ಥ ಉಂಡು. ಸಪ್ಪಾಯ-ಸಪಸತಾನ ಪಂಡ ಸಪ್ಪಯ ಅತ್ತಂಡ ಸಪ್ಪಾಯದ ಏಳ್ ಪನ್ಪಿನ ಶಬ್ದೊದ ಸಂಯೋಜನೆ, ಅರ್ಥ "ಆರಾಮದಾಯಕ", "ಅನುಕೂಲಕರ ಪರಿಸ್ಥಿತಿಲು", "ಸಹಾಯಕ", ಬುಕ್ಕೊ್ಕ "ಸರಿಯಾಯಿನ ಕೆಲಸ";ಬುಕ್ಕೊ್ಕ ಸಪಸತಾನ ಪನ್ಪಿನ ಶಬ್ದ, ಅರ್ಥ "ಶಾಂತಿಯುತೆರೆನ ಸಭೆ".

ಕಟ್ಟಡ ರಚನೆ

ಸಪ್ಪಾಯ-ಸಪ್ಸತಾನ

ಕಟ್ಟಡದ ವಿನ್ಯಾಸ ಒಂಜಿ ಕ್ಲಾಸಿಕ್ ಥಾಯ್ ಬೌದ್ಧ ಕತೆ, ಟ್ರೈ ಭುಮ್ ಫ್ರಾ ರುವಾಂಗ್ ಡ್ದ್ ಸ್ಫೂರ್ತಿ ಪಡೆಯಿನವು, ಬುಕ್ಕೊ್ಕ "ಥಾಯ್ನೆಸ್" ಬುಕ್ಕೊ್ಕ ನೈತಿಕತೆದ ಅಧಿಕಾರಿಲೆಗ್ ನೆಂಪು ಮಲ್ಪುನಂಚಿನ ಒಂಜಿ ದೇವಸ್ಥಾನದಲೆಕ ತೋಜಾದ್, ಉಂದು ನಿಜವಾದ್ ಲಾ ಒಂಜಿ ಸಪ್ಪಾಯ ಸಪಸತಾನ್, "ಶಾಂತಿಯುತ ಸಂಸತ್" ಆಂಡ್.ಸಪ್ಪಾಯ-ಸಪಸತಾನೊನು ತೀರಪೋಲ್ ನಿಯೋಮ್ ನ ನೇತೃತ್ವೊಡು ಒಂಜಿ ತಂಡೊಡು ವಿನ್ಯಾಸ ಮಲ್ತೆರ್, ಅಕುಲು ಕಟ್ಟಡೊದ ವಿನ್ಯಾಸ ಸ್ಪರ್ಧೆಡ್ ಗೆಂದಿನಕುಲು. ಸುಮಾರ್ 23 ಬಿಲಿಯನ್ ಬಾತ್ ದ ಬಜೆಟ್ ಡ್ 424,000 m2 [4,600,000 ಚದರ ಅಡಿ] ಡ್ದ್ ಜಾಸ್ತಿ ನೆಲತ ಜಾಗೊನು ಒದಗಾಯೆರೆ ನಿರ್ಮಾಣ ಆಯಿನ ಉಂದು 5,000 ಡ್ದ್ ಜಾಸ್ತಿ ಜನೊಕ್ಲೆಗ್ ಬುಕ್ಕೊ್ಕ 2,000 ಕಾರ್ ಲೆಗ್ ಪಾರ್ಕಿಂಗ್ ಗ್ ಸೌಲಭ್ಯೊನು ಕೊರ್ಪುಂಡು. ಕಟ್ಟಡದ ಮಧ್ಯೊಡು ಥಾಯ್ ಪಗೋಡಾ, ಪ್ರತಿನಿಧಿ ಸಭಾಂಗಣೊಗು ಸೂರಿಯನ್ ಹಾಲ್ (ಸೂರ್ಯನ ಸಭಾಂಗಣ), ಥೈಲ್ಯಾಂಡ್ ಸೆನೆಟ್ ಗ್ ಚಂತ್ರ ಸಭಾಂಗಣ (ಚಂದ್ರನ ಸಭಾಂಗಣ), ಬುಕ್ಕೊ್ಕ "ಥೈಲ್ಯಾಂಡ್ ದ ಡಿಎನ್ಎನ್" ಪ್ರತಿನಿಧಿಸವುನ 5,018 ತೇಗ ಮರಕುಲೆನ ಬಳಕೆ ಉಂದೆತ ಪ್ರಮುಖ ಲಕ್ಷಣೊಲು. ಉಂದೆಟ್ ಮ್ಯೂಸಿಯಂಲು, ಒಂಜಿ ಕನ್ವೆನ್ಶನ್ ಸೆಂಟರ್, ಒಂಜಿ ಸೆಮಿನಾರ್ ರೂಮ್, ಒಂಜಿ ಬ್ಯಾಂಕ್ವೆಟ್ ಹಾಲ್, ಬುಕ್ಕೊ್ಕ ಕಚೇರಿಲುಲಾ ಉಂಡು. ಈ ವಿನ್ಯಾಸೊನು "ಧಾರ್ಮಿಕ ವಾಸ್ತುಶಿಲ್ಪ" ಪಂಡ್ದ್ ಟೀಕೆ ಮಲ್ತೆರ್, "ಬೌದ್ಧ ಬುಕ್ಕೊ್ಕ ಹಿಂದೂ ಬ್ರಹ್ಮಾಂಡಶಾಸ್ತ್ರದ ಅಂಶೊಲೆನ್ ಒಟ್ಟು ಸೇರಾದ್ ಕಟ್ಟ್ದೆರ್.

ಶಾಸಕಾಂಗೊಡು ನಡೆತಿನ ಸಭೆ

ಸಪ್ಪಾಯ-ಸಪ್ಸತಾನ ದುಸಿಟ್ ಜಿಲ್ಲೆದ ಥಾನೊನ್ ನಖೋನ್ ಚೈ ಸಿ ಉಪಜಿಲ್ಲೆದ ಕಿಯಾಕ್ಕಾಯಿ ನೆರೆಹೊರೆತ ಚಾವೊ ಫ್ರಾಯಾ ನದಿತ ತೀರೊಡು ಉಂಡು, ಉಂದು 300,000 m2 ಜಮಿನ್ ನ್ ಆಕ್ರಮಣ ಮಲ್ತ್ ದ್ ಉಂಡು. ದುಂಬುದ ಸಂಸತ್ ಕಟ್ಟಡದ ಜಾಗೆನ್ ಅಯಿತ ಮಾಲೀಕೆರ್, ರಾಯಲ್ ಹೌಸ್ಹೋಲ್ಡ್ ಬ್ಯೂರೋಗ್, 2018 ದ ಕೊನೊಟು ವಾಪಸ್ ಕೊರ್ತೆರ್. ಪೊಸ ಕಟ್ಟಡದ ನಿರ್ಮಾಣ ನಾಲ್ ವರ್ಷೊಗು ತಡ ಆತ್ಂಡ್. ಯೋಜನೆದ ಬಜೆಟ್ 14 ಬಿಲಿಯನ್ ಬಾತ್ ಡ್ದ್ 23 ಬಿಲಿಯನ್ ಬಾಹ್ ಗ್ ಏರ್ದ್ಂಡ್. ಡೆಡ್ಲೈನ್ ​​ನ್ ತಪ್ಪಾದ್ ಡೆವಲಪರ್ ಗ್ ಪಾರ್ಲಿಮೆಂಟ್ ದಾಲ ದಂಡ ವಿಧಿಸಂದಿನವು. ಪಿರಾಕ್ದ ಪಾರ್ಲಿಮೆಂಟ್ ಕಟ್ಟಡ ಉಪ್ಪುನ ಜಮಿನ್ ನ್ ದುಂಬೇ ಕ್ರೌನ್ ಪ್ರಾಪರ್ಟಿ ಬ್ಯೂರೋಗ್ ವಾಪಸ್ ಕೊರ್ದುಪ್ಪುನೆರ್ದಾತ್ರ, ಪಾರ್ಲಿಮೆಂಟ್ ಮೇ ೨೦೧೯ಡ್ದ್ ಟೆಲಿಕಾಂ ಸಂಸ್ಥೆ ಟಿಒಟಿಡ್ದ್ ಬಾಡಿಗೆಗ್ ದೆತೊನುನ ಒಂಜಿ ಸಭಾಂಗಣೊಡು ಮೇ ೨೦೧೯ಡ್ದ್ ತಿಂಗೊಲುಗು ೧೧ ಮಿಲಿಯನ್ ಬಾತ್ ದ ಬೆಲೆಡ್ ಸಭೆ ಮಲ್ತ್ಂಡ್. ಆಗಸ್ಟ್ ೨೦೧೯ಡ್ದ್, ಪಾರ್ಲಿಮೆಂಟ್ ಇತ್ತೆ ಸಪ್ಪಾಯ-ಸಪಸತಾನ್ ಡ್ ಸಭೆ ಮಲ್ಪುಂಡು, ಆಂಡಲಾ ಕಟ್ಟಡೊದ ಕೆಲವು ಭಾಗೊಲು ಮುಗಿಯಂದಿನವು. ಕಟ್ಟಡೊನು ಮಹತ್ವದ ವಿಳಂಬೊದ ನಂತರ ೧ ಮೇ ೨೦೨೧ ಗ್ ಅಧಿಕೃತವಾದ್ ತೆರೆಯೆರ್.