ಸಿಎಸ್‌ಬಿ ಬ್ಯಾಂಕ್

ಸಿಎಸ್‌ಬಿ ಬ್ಯಾಂಕ್ ಲಿಮಿಟೆಡ್

ಪರ ಪುದರ್	ಕ್ಯಾಥೋಲಿಕ್ ಸಿರಿಯನ್ ಬ್ಯಾಂಕ್
Type	ಸಾರ್ವಜನಿಕ
Traded as	ಬಿಎಸ್ಇ: 542867 ಎನ್ಏಸ್ಇ: CSBBANK
ಕಾರ್ಖಾನೆ	Banking Financial services
ತಾಪನೆ	26 ನವೆಂಬರ್ 1920 (1920-11-26)
ಪ್ರಧಾನ ಕಛೇರಿ	Thrissur city, Kerala, India
ಉಪ್ಪುನ ಜಾಗೆಲು	654 branches (2022 -23)
ಮುಖ್ಯ ಜನೊಕುಲು	Pralay Mondal (MD & CEO)
ಉತ್ಪಾದನೆ	Consumer banking, Corporate banking, Mortgage loans, Private banking, Wealth management, Investment banking
ಆದಾಯ	₹34,500 crore (US$4.1 billion) (2021)
ಸುರುತ ಆದಾಯ	₹613 crore (US$73 million) (2021)
ಒಟ್ಟು ಆದಾಯ	₹2,273 crore (US$270 million) (2017)
ಒಟ್ಟು ಸೊತ್ತುಲು	₹47,836.27 crore (US$5.7 billion) (2025)
ಯಜಮಾನೆ(ಗುರ್ಕಾರೆ)ರ್	Fairfax Financial
ಬೇಲೆಗ್ ಉಪ್ಪುನ ಜನೊಕುಲು	4180 (2022)
Capital ratio	22%
ಜಾಲತಾನೊ	www.csb.bank.in

ಸಿಎಸ್‌ಬಿ ಬ್ಯಾಂಕ್ ಲಿಮಿಟೆಡ್ (ಪರ ಪುದರ್: ಕ್ಯಾಥೋಲಿಕ್ ಸಿರಿಯನ್ ಬ್ಯಾಂಕ್ ಲಿಮಿಟೆಡ್) ನಮ‌ ದೇಸೊದ ಖಾಸಗಿ ವಲಯದ ಪ್ರಮುಖ ಬ್ಯಾಂಕುಲೆಡ್ ಒಂಜಿ. ಇಂದೆತ ಮುಖ್ಯ ಕಚೇರಿ ಕೇರಳ ರಾಜ್ಯದ ತ್ರಿಶೂರ್‌ಡು ಉಂಡು. 1920ಡ್ ಸ್ಥಾಪನೆಯಾಯಿನ ಈ ಬ್ಯಾಂಕ್, ಕೇರಳದ ಬಾರಿ ಪಿರಾಕ್ದ ಖಾಸಗಿ ಬ್ಯಾಂಕುಲೆಡ್ ಒಂಜಾದುಂಡು. ದೇಸೊರ್ಮೆ ತನ್ನ ಶಾಖೆಲು, ಎಟಿಎಂಲು ಬೊಕ್ಕ ಡಿಜಿಟಲ್ ಬ್ಯಾಂಕಿಂಗ್ ಸೇವೆಲೆನ ಮೂಲಕ ಗಿರಾಕಿಲೆಗ್ ಬೇತೆ ಬೇತೆ ಬಗೆತ ಪಣವುದ ಸೇವೆಲೆನ್ ಒದಗಾವೊಂದುಂಡು. ಪ್ರಸ್ತುತ ಸಿಎಸ್‌ಬಿ ಬ್ಯಾಂಕ್, ದೇಸೊರ್ಮೆ ೮೬೨ ಶಾಖೆಲು ಬೊಕ್ಕ ೮೩೨ ಎಟಿಎಮ್‌ಲೆನ್ ಹೊಂದುಂಡು.

2019ಡ್ ಆರ್‌ಬಿಐ ಒಪ್ಪಿಗೆದ ಬೊಕ್ಕ, ಬ್ಯಾಂಕ್ ತನ್ನ ಪುದರ್ "ಕ್ಯಾಥೋಲಿಕ್ ಸಿರಿಯನ್ ಬ್ಯಾಂಕ್ ಲಿಮಿಟೆಡ್" ಪನ್ಪಿನೆನ್ "ಸಿಎಸ್‌ಬಿ ಬ್ಯಾಂಕ್ ಲಿಮಿಟೆಡ್" ಪಂದ್ ಬದಲಾವಣೆ ಮಲ್ತೊಂಡ್.

ಇತಿಹಾಸ

ಸ್ಥಾಪನೆ ಬೊಕ್ಕ ಸುರುತ ಬುಳೆಚ್ಚಿಲ್

ಸಿಎಸ್‌ಬಿ ಬ್ಯಾಂಕ್‌ನ್ 1920 ನವೆಂಬರ್ 26 ದಾನಿ "ದಿ ಕ್ಯಾಥೋಲಿಕ್ ಸಿರಿಯನ್ ಬ್ಯಾಂಕ್ ಲಿಮಿಟೆಡ್" ಪನ್ಪಿನ ಪುದರ್‌ಡ್ ಉಂಡುಮಲ್ತೆರ್. 1921 ಜನವರಿ 1 ದಾನಿ ಬ್ಯಾಂಕ್ ತನ್ನ ಕೆಲಸ ಕಾರ್ಯಲೆನ್ ಸುರು ಮಲ್ತ್ಂಡ್. ಸುರುಟ್ಟು ಕೇರಳದ ವ್ಯಾಪಾರಿಲು, ಬೆನ್ನಿ ಬೆನ್ಪಿನಕುಲು, ಬೊಕ್ಕ ಊರುದ ಜನಕುಲೆನ ಬ್ಯಾಂಕಿಂಗ್ ಅಗತ್ಯಲೆನ್ ಪೂರೈಸಾವರೆ ಈ ಬ್ಯಾಂಕ್ ಸುರು ಮಲ್ತ್‌ದಿತ್ತೆರ್. 1969ಡ್ ಈ ಬ್ಯಾಂಕ್‌ ಭಾರತೀಯ ರಿಸರ್ವ್ ಬ್ಯಾಂಕ್ ಕಾಯ್ದೆದ ಮೂಲಕ ರಡ್ಡನೇ ಅನುಸೂಚಿದ ಪಟ್ಟಿಗ್ ಸೇರ್ಪಡೆ ಆಂಡ್. ಇಂದೆಡ್ದ್ ಬ್ಯಾಂಕ್‌ಗ್ ಶೆಡ್ಯೂಲ್ಡ್ ಬ್ಯಾಂಕ್‌ದ ಸ್ಥಾನಮಾನ ತಿಕ್ಂಡ್. 1975ನೇ ಇಸವಿಡ್ 'ಎ ಕ್ಲಾಸ್ ಶೆಡ್ಯೂಲ್ಡ್ ಬ್ಯಾಂಕ್' ಸ್ಥಾನಮಾನ ಸಿಕ್ಕಿಂಡ್. ಅವೆಡ್ದ್ ಬೊಕ್ಕ ಬ್ಯಾಂಕ್, ವಿದೇಶಿ ವಿನಿಮಯ ವ್ಯವಹಾರಲೆನ್ ಕೂಡ ಸುರು ಮಲ್ತ್ಂಡ್.

ವಿಸ್ತರಣೆ

1972ಡ್ ಬ್ಯಾಂಕ್ ತನ್ನ ಸುರುತ ಕೇರಳದ ಪಿದಯಿದ ಶಾಖೆನ್ ಮುಂಬೈಡ್ ಸುರು ಮಲ್ತ್ಂಡ್. ಐಡ್ದ್ ಬೊಕ್ಕ ಕರ್ನಾಟಕ, ತಮಿಳುನಾಡು ಬೊಕ್ಕ ಬೇರೆ ರಾಜ್ಯೊಲೆಗ್ ತನ್ನ ಶಾಖೆಲೆನ್ ವಿಸ್ತರಣೆ ಮಲ್ತ್ಂಡ್. 1970ದ ದಶಕೊಡೇ ಈ ಬ್ಯಾಂಕ್ ಯಾಂತ್ರೀಕರಣ ಬೊಕ್ಕ ಕೋರ್ ಬ್ಯಾಂಕಿಂಗ್ ತಂತ್ರಜ್ಞಾನೊನ್ ಚಾಲ್ತಿಗ್ ಕೊನತಿತ್ಂಡ್.

ಪುದರ್ ಬದಲಾವಣೆ

2019ಡ್ ಬ್ಯಾಂಕ್ ತನ್ನ ಬ್ರ್ಯಾಂಡ್ ಗುರುತುನ್ ಪೊಸತ್ತ್ ಮಲ್ಪುನ ಉದ್ದೇಶೊಡು "ದ ಕ್ಯಾಥೋಲಿಕ್ ಸಿರಿಯನ್ ಬ್ಯಾಂಕ್ ಲಿಮಿಟೆಡ್" ಪನ್ಪಿನ ಪುದರ್ ದೆತ್ತ್‌ದ್ "ಸಿಎಸ್‌ಬಿ ಬ್ಯಾಂಕ್ ಲಿಮಿಟೆಡ್" ಅತ್‌ದ್ ಬದಲಾವಣೆ ಮಲ್ತ್ಂಡ್. ಈ ಬದಲಾವಣೆಗ್ ಭಾರತದ ಕೇಂದ್ರ ಬ್ಯಾಂಕ್ ಒಪ್ಪಿಗೆ ಕೊರಿಂಡ್.

ಸ್ವಾಧೀನಲು ಬೊಕ್ಕ ಹೂಡಿಕೆಲು

ಕಿನ್ಯ ಬ್ಯಾಂಕುಲೆನ ವಿಲೀನ

1960ದ ಪೊರ್ತುಡು ಸಿಎಸ್‌ಬಿ ಬ್ಯಾಂಕ್ ಕೇರಳದ ಆಜಿ ಕಿನ್ಯ ಬೊಕ್ಕ ಮಧ್ಯಮ ಗಾತ್ರದ ಬ್ಯಾಂಕುಲೆನ್ ತನ್ನ ಒಟ್ಟುಗು ಸೇರಾವೊಂಡ್. ಇಂದೆಡ್ದ್ ಬ್ಯಾಂಕ್‌ದ ವ್ಯಾಪ್ತಿ ಮಲ್ಲೆ ಆಂಡ್, ಅತ್ತಂದೆ ಠೇವಣಿ ಸಂಗ್ರಹ ಕೂಡ ಜಾಸ್ತಿ ಆಂಡ್.

ಫೇರ್‌ಫ್ಯಾಕ್ಸ್ ಹೂಡಿಕೆ

2016ಡ್ ಫೇರ್‌ಫಾಕ್ಸ್ ಇಂಡಿಯಾ ಹೋಲ್ಡಿಂಗ್ ಸಂಸ್ಥೆಗ್ ಈ ಬ್ಯಾಂಕ್‌ಡ್ 51% ದಾತ್ ಪಾಲುದಾರಿಕೆ ದೆತೊನಿಯೆರೆ ಭಾರತ ಸರ್ಕಾರ ಅನುಮತಿ ಕೊರ್ಂಡ್. 2018ನೇ ಇಸವಿಡ್ ಫೇರ್‌ಫಾಕ್ಸ್ ಸಂಸ್ಥೆದ ಅಂಗಸಂಸ್ಥೆ ಆಯಿನ 'FIH Mauritius Investments' ಮೂಲಕ ಸುಮಾರು ₹1,210 ಕೋಟಿ ದಾತ್ ಮೌಲ್ಯದ ಹೂಡಿಕೆ ಸಿಎಸ್‌ಬಿ ಬ್ಯಾಂಕ್‌ಗ್ ಬತ್ತ್ಂಡ್. ಈ ಹೂಡಿಕೆಡ್ದ್ ಬ್ಯಾಂಕ್‌ದ ಬಂಡವಾಳ ಎಚ್ಚ ಆಂಡ್ ಬೊಕ್ಕ ಡಿಜಿಟಲ್ ಬ್ಯಾಂಕಿಂಗ್ ವ್ಯವಸ್ಥೆನ್ ನನಲಾತ್ ಗಟ್ಟಿ ಮಲ್ಪೆರೆ ಬೆರಿಸಾಯ ಆಂಡ್.

ಷೇರು ಮಾರುಕಟ್ಟೆ ಪ್ರವೇಶ

ಸಿಎಸ್‌ಬಿ ಬ್ಯಾಂಕ್ ಭಾರತೀಯ ಷೇರು ಮಾರುಕಟ್ಟೆಗ್ ಪ್ರವೇಶ ಮಲ್ಪುನ ಸಲುವಾದ್, 2019ಡ್ ಆರಂಭಿಕ ಸಾರ್ವಜನಿಕ ಕೊಡುಗೆನ್ ಪ್ರಕಟ ಮಲ್ತ್ಂಡ್. ಈ ಕೊಡುಗೆದ ಮೂಲಕ ಬ್ಯಾಂಕ್ ₹೪೦೯.೦೬ ಕೋಟಿ ಪಣವುನು ಒಟ್ಟು ಮಲ್ತ್ಂಡ್. ಬ್ಯಾಂಕ್‌ದ ಷೇರುಲು ಡಿಸೆಂಬರ್ ೪, ೨೦೧೯ ದಾನಿ ಭಾರತೀಯ ಷೇರುಪೇಟೆಲೆಡ್ ಸೇರ್ಪಡೆ ಆಂಡ್.

ಗಿರಾಕಿಲೆಗ್ ಕೊರ್ಪುನ ಸೇವೆಲು

ಸಿಎಸ್‌ಬಿ ಬ್ಯಾಂಕ್ ಬೇತೆ ಬೇತೆ ರೀತಿದ ಬ್ಯಾಂಕಿಂಗ್ ಬೊಕ್ಕ ಹಣಕಾಸು ಸೇವೆಲೆನ್ ಒದಗಾವೊಂದುಂಡು:

ಚಿಲ್ಲರೆ ಬ್ಯಾಂಕಿಂಗ್

• ಉಳಿತಾಯ ಖಾತೆಲು
• ಚಾಲ್ತಿ ಖಾತೆಲು
• ವೈಯಕ್ತಿಕ ಸಾಲಲು
• ಗೃಹ ಸಾಲಲು
• ವಾಹನ ಸಾಲಲು
• ಚಿನ್ನದ ಸಾಲಲು

ಎಸ್‌ಎಂ‌ಇ ಬೊಕ್ಕ ವ್ಯವಹಾರ ಬ್ಯಾಂಕಿಂಗ್

• ಕಿನ್ಯ ಬೊಕ್ಕ ಮಧ್ಯಮ ಉದ್ಯಮಲೆಗ್ ಸಾಲ
• ಕಾರ್ಯನಿಧಿ ಸೌಲಭ್ಯಲು
• ವ್ಯಾಪಾರ ಹಣಕಾಸು ಸೇವೆಲು

ಕಾರ್ಪೊರೇಟ್ ಬ್ಯಾಂಕಿಂಗ್

• ಕಾರ್ಪೊರೇಟ್ ಸಾಲಲು
• ನಗದು ನಿರ್ವಹಣಾ ಸೇವೆಲು
• ಖಜಾನೆ ಸೇವೆಲು

ಡಿಜಿಟಲ್ ಬ್ಯಾಂಕಿಂಗ್

• ಇಂಟರ್ನೆಟ್ ಬ್ಯಾಂಕಿಂಗ್
• ಮೊಬೈಲ್ ಬ್ಯಾಂಕಿಂಗ್
• ಯುಪಿಐ ಪಾವತಿಲು
• ಡಿಜಿಟಲ್ ಠೇವಣಿ ಬೊಕ್ಕ ಹೂಡಿಕೆ ಸೇವೆಲು ಇತ್ಯಾದಿ.