ಸಿಟಿ ಯುನಿಯನ್ ಬ್ಯಾಂಕ್
| ಸಾರ್ವಜನಿಕ | |
| Traded as | |
| ಕಾರ್ಖಾನೆ | ಬ್ಯಾಂಕಿಂಗ್, ಪಣವುದ ಸೇವೆಲು |
| ತಾಪನೆ | 1904 |
| ತಾಪನೆ ಮಲ್ತಿನಕುಲುs |
|
| ಪ್ರಧಾನ ಕಛೇರಿ | ಕುಂಭಕೋಣಮ್, ತಮಿಳುನಾಡು |
ಉಪ್ಪುನ ಜಾಗೆಲು | 1000 ಶಾಕೆಲು (2026)[1] |
ಮುಖ್ಯ ಜನೊಕುಲು |
|
| ಉತ್ಪಾದನೆ | ಆಸ್ತಿ ನಿರ್ವಹಣೆ, ಚಿಲ್ಲರೆ ಬ್ಯಾಂಕಿಂಗ್, ಕಾರ್ಪೋರೇಟ್ ಬ್ಯಾಂಕಿಂಗ್, ಜೀವವಿಮೆ, ಪರದೇಸೊದ ಕರೆನ್ಸಿ, ಹೂಡಿಕೆ ಬ್ಯಾಂಕಿಂಗ್, ಅಡಮಾನ ಸಾಲ |
| ಆದಾಯ |  6012.22 ಕೋಟಿ (2024)[1] |
 1516.73 ಕೋಟಿ (2024)[1] | |
| 1015.73 ಕೋಟಿ (2024)[1] | |
| ಒಟ್ಟು ಸೊತ್ತುಲು | 70825.86 ಕೋಟಿ (2024)[1] |
ಬೇಲೆಗ್ ಉಪ್ಪುನ ಜನೊಕುಲು | 7188 (2024) [1] |
| Capital ratio | 23.7% (2024)[1] |
| ಜಾಲತಾನೊ | https://www.cityunionbank.bank.in |
ಸಿಟಿ ಯೂನಿಯನ್ ಬ್ಯಾಂಕ್ ಲಿಮಿಟೆಡ್ ನಮ‌ದೇಸೊದ ಪ್ರಮುಖ ಖಾಸಗಿ ವಲಯದ ವಾಣಿಜ್ಯ ಬ್ಯಾಂಕುಲೆಡ್ ಒಂಜಿ. ಇಂದೆತ ಪ್ರಧಾನ ಕಚೇರಿ ತಮಿಳುನಾಡುದ ಕುಂಭಕೋಣಮ್‌ಡು ಉಂಡು. 1904ನೇ ಇಸವಿಡ್ "ದಿ ಕುಂಭಕೋಣಂ ಬ್ಯಾಂಕ್ ಲಿಮಿಟೆಡ್" ಪುದರ್ಡ್ ಸ್ಥಾಪನೆಯಾಯಿನ ಈ ಬ್ಯಾಂಕ್, ಭಾರತದ ಭಾರಿ ಪಿರಾಕ್ದ ಖಾಸಗಿ ಬ್ಯಾಂಕುಲೆಡ್ ಒಂಜಾದುಂಡು. ಈ ಬ್ಯಾಂಕ್ ಮುಖ್ಯವಾದ್ ಚಿಲ್ಲರೆ ಬ್ಯಾಂಕಿಂಗ್, ಕಾರ್ಪೊರೇಟ್ ಬ್ಯಾಂಕಿಂಗ್ ಬೊಕ್ಕ ಡಿಜಿಟಲ್ ಬ್ಯಾಂಕಿಂಗ್ ಸೇವೆಲೆನ್ ಕೊರ್ಪುಂಡು. ೨೦೨೫ನೇ ಇಸವಿದ ಕಡೆಟ್ ಸಿಯುಬಿಗ್ ದೇಸೊರ್ಮೆ ಒಟ್ಟು ೯೩೨ ಶಾಖೆಲು ಬೊಕ್ಕ ೧೫೦೦ಡ್ದು ಎಚ್ಚ ಎಟಿಮ್‌ಲು ಉಲ್ಲ.
ಇತಿಹಾಸ
[ಸಂಪೊಲಿಪುಲೆ]ಸಿಟಿ ಯೂನಿಯನ್ ಬ್ಯಾಂಕ್‌ನ್ 31 ಅಕ್ಟೋಬರ್ 1904 ದಾನಿ "ದಿ ಕುಂಭಕೋಣಂ ಬ್ಯಾಂಕ್ ಲಿಮಿಟೆಡ್" ಪುದರ್ಡ್ ಸ್ಥಾಪನೆ ಮಲ್ತೆರ್. ತಂಜಾವೂರು ಪ್ರಾಂತ್ಯದ ವ್ಯಾಪಾರಿಲು, ಜಮೀನ್ದಾರೆರ್ ಬೊಕ್ಕ ಉದ್ಯಮಿಲು ಸ್ಥಳೀಯ ವ್ಯಾಪಾರ ಬೊಕ್ಕ ಕೃಷಿ ಚಟುವಟಿಕೆಲೆಗ್ ಪಣವುದ ಸಹಾಯ ಮಲ್ಪುನ ಉದ್ದೇಶಡ್ದ್ ಈ ಬ್ಯಾಂಕ್‌ನ್ ಸುರು ಮಲ್ತೆರ್. ಸುರುತ ದಶಕೊಲೆಡ್ ಈ ಬ್ಯಾಂಕ್ ಮುಖ್ಯವಾದ್ ತಮಿಳುನಾಡುದ ಕಾವೇರಿ ತುದೆತ ತೀರ ಪ್ರಾಂತ್ಯಡು ಬೇಲೆ ಮಲ್ತೊಂದಿತ್ತ್ಂಡ್. 1930ಡ್ ಮನ್ನಾರ್‌ಗುಡಿ ಪುದರ್‌ದ ಊರುಡು ತನ್ನ ಸುರುತ ಶಾಖೆನ್ ಸುರು ಮಲ್ತ್ಂಡ್.[2]
ಅನುಸೂಚಿತ ಬ್ಯಾಂಕ್ ಸ್ಥಾನಮಾನ
[ಸಂಪೊಲಿಪುಲೆ]1945 ಮಾರ್ಚ್ 22 ತಾರೀಕ್‌ದಾನಿ ಭಾರತೀಯ ರಿಸರ್ವ್ ಬ್ಯಾಂಕ್ ಕಾಯ್ದೆದ ರಡ್ಡನೇ ಅನುಸೂಚಿಡ್ ಸೇರಿ ಬೊಕ್ಕ ಬ್ಯಾಂಕ್‌ಗ್ ಶೆಡ್ಯೂಲ್ಡ್ ಬ್ಯಾಂಕ್ ಸ್ಥಾನಮಾನ ತಿಕ್ಕಂಡ್. ಇಂದೆಡ್ದ್ ಬ್ಯಾಂಕ್‌ದ ವಿಶ್ವಾಸಾರ್ಹತೆ ಬೊಕ್ಕ ವ್ಯವಹಾರದ ವ್ಯಾಪ್ತಿ ಎಚ್ಚಾಂಡ್.
ಪುದರ್ ಬದಲಾವಣೆ
[ಸಂಪೊಲಿಪುಲೆ]1965ಡ್ ಸಿಟಿ ಫಾರ್ವರ್ಡ್ ಬ್ಯಾಂಕ್ ಬೊಕ್ಕ ಯೂನಿಯನ್ ಬ್ಯಾಂಕ್ (ಒಂಜಿ ಪರಾತ್ ಬ್ಯಾಂಕ್) ಪನ್ಪಿನ ರಡ್ಡ್ ಪ್ರಾದೇಶಿಕ ಬ್ಯಾಂಕುಲು ಈ ಕುಂಭಕೋಣಮ್ ಬ್ಯಾಂಕ್‌ಡ್ ವಿಲೀನವಾಯ. ಐಡ್ದ್ ಬೊಕ್ಕ ಬ್ಯಾಂಕ್‌ದ ಪುದರ್ "ದಿ ಕುಂಭಕೋಣಂ ಸಿಟಿ ಯೂನಿಯನ್ ಬ್ಯಾಂಕ್ ಲಿಮಿಟೆಡ್" ಇಂದ್ ಪುದರ್ ದೀಯೆರ್. 1987ಡ್ ಬ್ಯಾಂಕ್ ರಾಷ್ಟ್ರಮಟ್ಟೊಡು ಗುರ್ತಿಸಾವರಗಾದ್ "ಸಿಟಿ ಯೂನಿಯನ್ ಬ್ಯಾಂಕ್ ಲಿಮಿಟೆಡ್" ಪನ್ಪಿನ ಪುದರ್ನ್ ದೀಯೆರ್.
ಆಧುನೀಕರಣ
[ಸಂಪೊಲಿಪುಲೆ]1980ದ ದಶಕದ ಕಡೇಟ್ ಬ್ಯಾಂಕ್ ಕಂಪ್ಯೂಟರೀಕರಣ, ಕೋರ್ ಬ್ಯಾಂಕಿಂಗ್ ವ್ಯವಸ್ಥೆ, ಎಟಿಎಂ ಜಾಲ, ಇಂಟರ್ನೆಟ್ ಬ್ಯಾಂಕಿಂಗ್ ಬೊಕ್ಕ ಮೊಬೈಲ್ ಬ್ಯಾಂಕಿಂಗ್ ಸೇವೆಲೆನ್ ಜಾರಿ ಮಲ್ತ್ಂಡ್. 2000ನೇ ಇಸವಿಡ್ದ್ ಬೊಕ್ಕ ಡಿಜಿಟಲ್ ಬ್ಯಾಂಕಿಂಗ್ ಸುರು ಆಂಡ್.
ಸ್ವಾಧೀನ ಬೊಕ್ಕ ವಿಲೀನಲು
[ಸಂಪೊಲಿಪುಲೆ]ಕಾಮನ್‌ವೆಲ್ತ್ ಬ್ಯಾಂಕ್
[ಸಂಪೊಲಿಪುಲೆ]1957ಡ್ ಕಾಮನ್ ವೆಲ್ತ್ ಬ್ಯಾಂಕ್ ಲಿಮಿಟೆಡ್‌ದ ಆಸ್ತಿಲು ಬೊಕ್ಕ ಭಾಧ್ಯತೆಲೆನ್ ಸಿಟಿ ಯೂನಿಯನ್ ಬ್ಯಾಂಕ್ ದೆತೊಂಡ್. ಈ ವಿಲೀನಡ್ದ್ ಬ್ಯಾಂಕ್‌ಗ್ ಐನ್ ಎಚ್ಚ ಶಾಖೆಲು ಸೇರಿಯೊ.[3]
ಸಿಟಿ ಫಾರ್ವರ್ಡ್ ಬ್ಯಾಂಕ್ ಬೊಕ್ಕ ಯೂನಿಯನ್ ಬ್ಯಾಂಕ್
[ಸಂಪೊಲಿಪುಲೆ]1965ಡ್ ಸಿಟಿ ಫಾರ್ವರ್ಡ್ ಬ್ಯಾಂಕ್ ಬೊಕ್ಕ ಯೂನಿಯನ್ ಬ್ಯಾಂಕ್ ಒಟ್ಟಾಯೊ. ಈ ವಿಲೀನ ಬ್ಯಾಂಕ್‌ದ ಠೇವಣಿ ಆಧಾರ, ಗ್ರಾಹಕರೆನ ಸಂಖ್ಯೆ ಬೊಕ್ಕ ಶಾಖೆಲೆನ ಜಾಲನ್ ಮಸ್ತ್ ಮಲ್ಲ ಮಲ್ತ್ಂಡ್.[3]
ಸೇವೆಲು
[ಸಂಪೊಲಿಪುಲೆ]ಸಿಟಿ ಯೂನಿಯನ್ ಬ್ಯಾಂಕ್ ಬೇತೆ ಬೇತೆ ನಮೂನೆದ ಬ್ಯಾಂಕಿಂಗ್ ಸೇವೆಲೆನ್ ತನ್ನ ಗಿರಾಕಿಲೆಗ್ ಕೊರ್ಪುಂಡು.[4]
ಚಿಲ್ಲರೆ ಬ್ಯಾಂಕಿಂಗ್
[ಸಂಪೊಲಿಪುಲೆ]- ಉಳಿತಾಯ ಖಾತೆಲು
- ಚಾಲ್ತಿ ಖಾತೆಲು
- ಇಲ್ಲ್ ಕಟ್ಟರ ಸಾಲ
- ಗಾಡಿ ದೆತೊನಿಯರ ಸಾಲಲು
- ಸ್ವಂತದ ಬಳಕೆಗ್ ಸಾಲಲು (Personal Loans)
- ಬಂಗಾರದ ಸಾಲಲು (Gold Loans)
- ಠೇವಣಿ ಯೋಜನೆಲು (Deposit Schemes)
ಉದ್ಯಮೊಲೆಗ್ ಸಾಲ
[ಸಂಪೊಲಿಪುಲೆ]- ಎಲ್ಯ ಬೊಕ್ಕ ಮಧ್ಯಮ ಕೈಗಾರಿಕೆಲೆಗ್ ಸಾಲ
- ಯಂತ್ರೋಪಕರಣ ದೆತೊನಿಯೆರೆ ಸಾಲಲು
- ವ್ಯಾಪಾರ ಹಣಕಾಸು ಸೇವೆಲು
ಕಾರ್ಪೊರೇಟ್ ಬ್ಯಾಂಕಿಂಗ್
[ಸಂಪೊಲಿಪುಲೆ]- ಕಾರ್ಪೊರೇಟ್ ಸಾಲಲು
- ಯೋಜನಾ ಹಣಕಾಸು
- ನಗದು ನಿರ್ವಹಣಾ ಸೇವೆಲು
- ಟ್ರೆಷರಿ ಬೊಕ್ಕ ವಿದೇಶಿ ವಿನಿಮಯ ಸೇವೆಲು
ಉಲ್ಲೇಕೊಲು
[ಸಂಪೊಲಿಪುಲೆ]- 1 2 3 4 5 6 7 8 "Balance Sheet 31.03.2024". cityunionbank.com (28 October 2024).
- ↑ "70 companies with pre-1947 roots: 1904: Kumbakonam Bank Ltd". LiveMint. LiveMint.com. 24 August 2017. Retrieved 18 October 2020.
- 1 2 "The History of CUB The inspiring and successful voyage that goes on... Forever..." cityunionbank.bank.in. CUB. Retrieved 29 June 2026.
- ↑ "Annual Report 2024-25" (PDF). cityunionbank.bank.in. CUB. Retrieved 29 June 2026.