ಸಿರಿರಾಜ್ ಆಸ್ಪತ್ರೆ

ಸಿರಿರಾಜ್ ಆಸ್ಪತ್ರೆ ಥೈಲ್ಯಾಂಡ್ ದ ಬ್ಯಾಂಕಾಕ್ ಡ್ ಚಾವೊ ಫ್ರಾಯಾ ನದಿತ ಪಶ್ಚಿಮ ದಂಡೆಡ್, ಥಮ್ಮಾಸತ್ ವಿಶ್ವವಿದ್ಯಾಲಯದ ಥಾ ಫ್ರಾಚನ್ ಕ್ಯಾಂಪಸ್‌ದ ಎದುರುಡು ಉಪ್ಪುನ ಅತ್ಯಂತ ಪಿರಾಕ್‌ದ ಬುಕ್ಕೊ್ಕ ಮಲ್ಲ ಸಾರ್ವಜನಿಕ ಆಸ್ಪತ್ರೆ. ಉಂದು ಬ್ಯಾಂಕಾಕ್ ಡ್ ಮಹಿಡೋಲ್ ವಿಶ್ವವಿದ್ಯಾಲಯೊದ ವೈದ್ಯಕೀಯ ವಿಭಾಗೊದ ಸಿರಿರಾಜ್ ಆಸ್ಪತ್ರೆದ ಪ್ರಾಥಮಿಕ ಬೋಧನಾ ಆಸ್ಪತ್ರೆ.

ಸಿರಿರಾಜ್,ಆಸ್ಪತ್ರೆ,ಥೈಲಾಂಡ್

ವಿವರ

2,000 ಡ್ದ್ ಜಾಸ್ತಿ ಹಾಸಿಗೆಲೆನ ಸಾಮರ್ಥ್ಯೊಡು ಬುಕ್ಕೊ್ಕ ವರ್ಷೊಗು ಮೂಜಿ ಮಿಲಿಯನ್ ಡ್ದ್ ಜಾಸ್ತಿ ರೋಗಿಲು ಭೇಟಿ ಕೊರ್ಪಿನ ಸಿರಿರಾಜ್ ಆಗ್ನೇಯ ಏಷ್ಯಾದ ಮಲ್ಲ ಬುಕ್ಕೊ್ಕ ಬಿಜಿ ವೈದ್ಯಕೀಯ ಕೇಂದ್ರೊಲೆಡ್ ಒಂಜಿ. ವೈದ್ಯಕೀಯ ಶಾಲೆ ಪ್ರತಿ ವರ್ಷ ಸುಮಾರ್ 250 ವೈದ್ಯಕೀಯ ವಿದ್ಯಾರ್ಥಿಲೆನ್ ಬುಕ್ಕೊ್ಕ 100 ಡ್ದ್ ಜಾಸ್ತಿ ಸ್ನಾತಕೋತ್ತರ ನಿವಾಸ ತರಬೇತಿಗ್ ಸ್ವೀಕಾರ ಮಲ್ಪುಂಡು. ಸಿರಿರಾಜ್ ಪಂಡ ಥೈಲ್ಯಾಂಡ್ ದೇಶೊದ ಅತಿ ಮಲ್ಲ ಸಾರ್ವಜನಿಕ ಆಸ್ಪತ್ರೆ. ಥೈಲ್ಯಾಂಡ್ ದ ಮಾತಾ ಆಸ್ಪತ್ರೆಲೆಡ್ದ್ ಸಂಕೀರ್ಣ ಬುಕ್ಕೊ್ಕ ಅಪರೂಪದ ಕಾಯಿಲೆಲೆಗ್ ಈ ಆಸ್ಪತ್ರೆನ್ ಸಾಮಾನ್ಯವಾದ್ ಅಂತಿಮ ರೆಫರಲ್ ಕೇಂದ್ರೊಲೆಡ್ ಒಂಜಿ ಪಂಡ್ದ್ ಪರಿಗಣಿಸವೆರ್.

ವಿಷೇಶವಾಯಿನ ಆಸ್ಪತ್ರೆದ ಸಂಕೇತ

ಸಿರಿರಾಜ್ ಆಸ್ಪತ್ರೆದ ಲೋಗೋ ನಾಗನ್ "ศ" ("ಸೋರ್-ಸಲಾ" ಪಂಡ್ದ್ ಉಚ್ಚಾರ ಮಲ್ಪುಲೆ) ಆಕಾರೊಡು ಸುರುಳಿಯಾಕಾರೊಡು ದೀದ್ ಉಂಡು, ಉಂದು ನಾಗನ ಮಿತ್ತ್ ರಾಯಲ್ ಡಯಾಡೆಮ್ ಇಪ್ಪುನ ಆಸ್ಪತ್ರೆದ ಪುದರ್ ದ ಸುರುತ ಥಾಯ್ ವರ್ಣಮಾಲೆ.

ಇತಿಹಾಸ

ಜಗತ್ತ್ ಡ್ ಕಾಲರಾ ಕಾಯಿಲೆ ಸುರು ಆಯಿ ಬುಕ್ಕೊ್ಕ 1888ಡ್ ರಾಜೆ ಚುಲಾಲೊಂಗ್ಕಾರ್ನ್ ಈ ಆಸ್ಪತ್ರೆನ್ ಸ್ಥಾಪನೆ ಮಲ್ತೆರ್. ಆಸ್ಪತ್ರೆನ್ ತೆರೆಯೆರೆ ಒಂಜಿ ವರ್ಷ ದುಂಬೇ ಅರಸುನ 18 ತಿಂಗೊಲುದ ಮಗೆ ರಾಜಕುಮಾರ ಸಿರಿರಾಜ್ ಕಾಕುಧಭಂಡ್ ನ ಪುದರ್ ಡ್ ಉಂದು ಡೈಸೆಂಟರಿಡ್ದ್ ತೀರ್ ಪೋಯಿನವು. ರಡ್ಡ್ ವರ್ಸೊಡ್ದು ಬುಕ್ಕೊ್ಕ ೧೮೯೦ಡ್ ವೈದ್ಯಕೀಯ ಶಾಲೆನ್ ಸ್ಥಾಪನೆ ಮಲ್ತೆರ್.

ರಾಜಕುಮಾರ ದಿಪಂಗ್ಕೋರ್ನ್ ರಸ್ಮಿಜೋಟಿಲಾ ಮುಲ್ಪ ಪುಟ್ಟುವೆರ್ ಸಿರಿರಾಜ್ ಸೆಪ್ಟೆಂಬರ್ ೨೦೦೯ ಡ್ದ್ ಆಗಸ್ಟ್ ೨೦೧೩ ಮುಟ್ಟ ಥೈಲ್ಯಾಂಡ್ ದ ದಿವಂಗತ್ ರಾಜೆ ಭೂಮಿಬೊಲ್ ಅದುಲ್ಯಾಡೆಜ್ ನ ನಿವಾಸೊಡು ಇತ್ತೆರ್. ಉಸಿರಾಟದ ಕಾಯಿಲೆಗ್ ಚಿಕಿತ್ಸೆ ಕೊರ್ಪಿನ ನಿಟ್ಟಿಡ್ ಆಸ್ಪತ್ರೆಗ್ ಪ್ರವೇಶ ಮಲ್ತೆರ್. ಅಕ್ಟೋಬರ್ ೨೦೧೪ಡ್ ರಾಜೆ ಭೂಮಿಬೊಲ್ ಸಿರಿರಾಜ್ ಡ್ ಪಿತ್ತಕೋಶದ ಶಸ್ತ್ರಚಿಕಿತ್ಸೆ ಮಲ್ತೆರ್. ಅಲ್ಪ ಅಕ್ಟೋಬರ್ ೧೩, ೨೦೧೬ಡ್ ೮೮ ವರ್ಸೊದ ಪ್ರಾಯೊಡು ತೀರ್ ಪೋಯೆರ್.

ವಸ್ತು ಸಂಗ್ರಹಾಲಯ

ಸಿರಿರಾಜ್ ಬಿಮುಕ್ಸ್ಥಾನ ಮ್ಯೂಸಿಯಂ,

ಸಿರಿರಾಜ್ ಆಸ್ಪತ್ರೆಡ್ ಏಳ್ ವೈದ್ಯಕೀಯ ವಸ್ತುಸಂಗ್ರಹಾಲಯೊಲು ಉಂಡು. ಅವು ಸಿರಿರಾಜ್ ಬಿಮುಕ್ಸ್ಥಾನ ಮ್ಯೂಸಿಯಂ, ಎಲ್ಲಿಸ್ ಪ್ಯಾಥೊಲಾಜಿಕಲ್ ಮ್ಯೂಸಿಯಂ, ಕಾಂಗ್ಡನ್ಸ್ ಅನಾಟಮಿಕಲ್ ಮ್ಯೂಸಿಯಂ, ಸೊಂಗ್ಕ್ರಾನ್ ನಿಯೋಮ್ಸನ್ ಫೋರೆನ್ಸಿಕ್ ಮೆಡಿಸಿನ್ ಮ್ಯೂಸಿಯಂ, ಪರಾಸಿಟೊಲಾಜಿಕಲ್ ಮ್ಯೂಸಿಯಂ, ರಾಣಿ ಅಮ್ಮೆ ಸಿರಿಕಿಟ್ ನ ಗೌರವಾರ್ಥ ಟಚ್ ಮ್ಯೂಸಿಯಂ, ಬುಕ್ಕೊ್ಕ ಸೂದ್ ಸಾಂಗ್ವಿಚಿಯೆನ್ ಪ್ರಾಗೈತಿಹಾಸಿಕ ಮ್ಯೂಸಿಯಂ ಲ್ಯಾಬೊರೇಟರಿ. ಶಾಶ್ವತ ಪ್ರದರ್ಶನೊಲು ಅಂಗರಚನಾಶಾಸ್ತ್ರ, ರೋಗಶಾಸ್ತ್ರ, ಜನ್ಮಜಾತ ಅಸ್ವಸ್ಥತೆಲು, ವಿಷಶಾಸ್ತ್ರ, ಥಾಯ್ ಸಾಂಪ್ರದಾಯಿಕ ವೈದ್ಯಕೀಯ ತಂತ್ರೊಲು, ಬುಕ್ಕೊ್ಕ ನ್ಯಾಯಶಾಸ್ತ್ರೀಯ ರೋಗಶಾಸ್ತ್ರದ ವಿಭಾಗೊಲುಲ ಉಂಡು.

೨೦೦೮ಡ್, ಟೆಂಪರರಿ ಪ್ರದರ್ಶನೊಡು ಸಿರಿರಾಜ್ ಆಸ್ಪತ್ರೆದ ಪಾತ್ರೊನು ತೋಜಾದ್ ಕೊರ್ತೆರ್. ಇತ್ತೆದ ಮ್ಯೂಸಿಯಂ ಪಂಡ ಸಿರಿರಾಜ್ ಬಿಮುಕ್ಸ್ಥಾನ ಮ್ಯೂಸಿಯಂ, ಉಂದು 2013 ದ ಸುರುಟು ತೆರೆಯೊಂಡು. ಈ ಮ್ಯೂಸಿಯಂ ಸಿರಿರಾಜ್ ನ ಪೊಸತನೊಡು ತೆರೆಯಿನ ಖಾಸಗಿ ಉಪಕಂಪನಿ ಸಿರಿರಾಜ್ ಪಿಯಮಹಾರಾಜಕರುನ್ ಆಸ್ಪತ್ರೆದ ಬರಿಟ್, ಪಿರಾಕ್ದ ಬ್ಯಾಂಕಾಕ್ ನೋಯಿ ರೈಲ್ವೆ ನಿಲ್ದಾಣೊದ ನವೀಕರಣ ಆಯಿನ ವಿಂಟೇಜ್ ವಾಸ್ತುಶಿಲ್ಪೊಡು ಉಂಡು. ಈ ಮ್ಯೂಸಿಯಂ ಥೈಲ್ಯಾಂಡ್ ಡ್ ಸಾಂಪ್ರದಾಯಿಕ ವೈದ್ಯಕೀಯೊಡ್ದ್ ಆಧುನಿಕೊಗು ವೈದ್ಯಕೀಯ ಇತಿಹಾಸೊನು ಪ್ರದರ್ಶಿಸವುಂಡು, ಬುಕ್ಕೊ್ಕ ಮ್ಯೂಸಿಯಂ ಬುಕ್ಕೊ್ಕ ಆಸ್ಪತ್ರೆ ಇಪ್ಪುನ ಬ್ಯಾಂಕಾಕ್ ನೋಯಿ ಪ್ರದೇಶೊದ ಇತಿಹಾಸೊನು ಒಳಗೊಂಡಿತ್ತುಂಡು.