ಸಿ ಎ ಭವಾನಿ ದೇವಿ
ಚಡಲವಾಡ ಆನಂದ ಭವಾನಿ ದೇವಿ (೨೭ ಆಗಸ್ಟ್ ೧೯೯೩)ಡ್ ಪುಟ್ಟಿನ ಒರಿ ಭಾರತೀಯ ಸೇಬರ್ ಫೆನ್ಸರ್. ೨೦೨೦ ಒಲಿಂಪಿಕ್ಸ್ ಡ್ ಒಲಿಂಪಿಕ್ಸ್ ಗ್ ಅರ್ಹತೆ ಪಡೆಯಿನ ಸುರುತ ಭಾರತೀಯ ಫೆನ್ಸರ್ ಆಯೆರ್.ಆರ್ ಕಾಮನ್ ವೆಲ್ತ್ ಚಾಂಪಿಯನ್ ಶಿಪ್ ಡ್ ಡಬಲ್ ಗೋಲ್ಡ್ ಮೆಡಲಿಸ್ಟ್ ಲಾ ಆಯೆರ್.ದೇವಿ 2023 ಆವೃತ್ತಿಡ್ ಕಂಚಿನ ಪದಕ ಗೆಂದಿನ ಮೂಲಕ ಏಷ್ಯಾ ಚಾಂಪಿಯನ್ ಶಿಪ್ ಡ್ ಪದಕ ಗೆಂದಿನ ಸುರುತ ಭಾರತೀಯ ಫೆನ್ಸರ್ ಆಯೆರ್.
ಸುರುತ ಜೀವನ
[ಸಂಪೊಲಿಪುಲೆ]ಭವಾನಿ ತಮಿಳುನಾಡುದ ಚೆನ್ನೈಡ್ ಪುಟ್ಟಿಯೆರ್. ಅರೆನ ಅಪ್ಪೆ ಆಂಧ್ರಪ್ರದೇಶದ ಪೂರ್ವ ಗೋದಾವರಿ ಜಿಲ್ಲೆದ ಸಮಾಲ್ಕೋಟ್ ಊರುದ ತೆಲುಗು ಕುಟುಂಬೊಗು ಸೇರ್ದಿನಕುಲು. ಅಕುಲು ಕಡೆಕ್ ಚೆನ್ನೈಗ್ ಬತ್ತೆರ್. ಅರೆನ ಕ್ರೀಡಾ ಜೀವನೊನು ೨೦೦೪ಡ್ ಸುರು ಮಲ್ತೆರ್. ಅರೆನ ಶಾಲೆನ್ ಮುರುಗಾ ಧನುಷ್ಕೋಡಿ ಬಾಲಕಿಯರ ಪ್ರೌಢಶಾಲೆ, ಚೆನ್ನೈಡ್ ಮಲ್ತೆರ್ ಬೊಕ್ಕ ಚೆನ್ನೈದ ಸೇಂಟ್ ಜೋಸೆಫ್ಸ್ ಕಾಲೇಜ್ ಆಫ್ ಎಂಜಿನಿಯರಿಂಗ್ ಗ್ ಪೋಯೆರ್ ಬೊಕ್ಕ ಸರ್ಕಾರೊಡ್ದ್ ವ್ಯವಹಾರೊನು ಮುಗಿಪಾಯೆರ್ ಕೇರಳದ ತಲಸ್ಸೆರಿ ಬ್ರೆನ್ನೆನ್ ಕಾಲೇಜುಡು.[೧] ೨೦೦೪ಡ್, ಆರ್ ಶಾಲೆದ ಮಟ್ಟೊಡು ಫೆನ್ಸಿಂಗ್ ಗ್ ಪರಿಚಯ ಆಯೆರ್. ೧೦ನೇ ತರಗತಿನ್ ಮುಗಿತ್ ಬೊಕ್ಕ ಆರ್ ಕೇರಳದ ಥಲಸೆರಿಡ್ ಎಸ್.ಎ.ಐ (ಸ್ಪೋರ್ಟ್ಸ್ ಅಥಾರಿಟಿ ಆಫ್ ಇಂಡಿಯಾ) ಸೆಂಟರ್ ಗ್ ಸೇರ್ದೆರ್. ೧೪ ವರ್ಸೊದ ಪ್ರಾಯೊಡು ಆರ್ ಟರ್ಕಿಡ್ ನಡತಿನ ಸುರುತ ಅಂತರರಾಷ್ಟ್ರೀಯ ಪಂದ್ಯಾವಳಿಡ್ ತೋಜಿದ್ ಬತ್ತೆರ್, ಅಲ್ಪ ಆರ್ ಮೂಜಿ ನಿಮಿಷೊಗು ತಡ ಆಯಿನೆಕ್ ಕಪ್ಪು ಕಾರ್ಡ್ ದೆತೊನುವೆರ್. ಫಿಲಿಪೈನ್ಸ್ ಡ್ ನಡತಿನ ೨೦೧೦ ಏಷ್ಯಾದ ಚಾಂಪಿಯನ್ ಶಿಪ್ ಡ್ ಆರ್ ಕಂಚಿದ ಪದಕೊನು ಗೆಂದಿಯೆರ್.[೨]
ಪಂದ್ಯಾವಳಿಲು ಬೊಕ್ಕ ಪದಕೊಲು
[ಸಂಪೊಲಿಪುಲೆ]ಮಲೇಷ್ಯಾಡ್ ನಡತಿನ ೨೦೦೯ ಕಾಮನ್ ವೆಲ್ತ್ ಚಾಂಪಿಯನ್ ಶಿಪ್ ಡ್ ಕಂಚಿನ ಪದಕೊಡ್ದ್ ಸುರು ಮಲ್ತ್ ದ್, ಭಾವಾನಿ ೨೦೧೦ ಇಂಟರ್ನ್ಯಾಷನಲ್ ಓಪನ್, ಥೈಲ್ಯಾಂಡ್ ಡ್ ಕಂಚಿನ ಪದಕೊಲೆನ್ ಗೆಂದಿಯೆರ್; ೨೦೧೦ ಕ್ಯಾಡೆಟ್ ಏಷ್ಯನ್ ಚಾಂಪಿಯನ್ಶಿಪ್, ಫಿಲಿಪೈನ್ಸ್; ೨೦೧೨ ಕಾಮನ್ ವೆಲ್ತ್ ಚಾಂಪಿಯನ್ಶಿಪ್, ಜೆರ್ಸಿ; ೨೦೧೫ ಅಂಡರ್-೨೩ ಏಷ್ಯನ್ ಚಾಂಪಿಯನ್ಶಿಪ್, ಉಲಾನ್ಬಾಟರ್, ಮಂಗೋಲಿಯಾ ಬೊಕ್ಕ ೨೦೧೫ ಫ್ಲೆಮಿಶ್ ಓಪನ್. ಫಿಲಿಪೈನ್ಸ್ ಡ್ 2014 ಡ್ 23 ವರ್ಸೊದ ಅಡಿಟ್ ಏಷ್ಯನ್ ಚಾಂಪಿಯನ್ ಶಿಪ್ ಡ್ ಆರ್ ಬೆಳ್ಳಿ ಪದಕ ಗೆಂದಿನ ಸುರುತ ಭಾರತೀಯೆ ಆಯೆರ್. 2014 ಡ್ ಏಷ್ಯಾದ ಚಾಂಪಿಯನ್ ಶಿಪ್ ಡ್ ಯಶಸ್ವಿ ಆಯಿ ಬೊಕ್ಕ ತಮಿಳುನಾಡುದ ಮುಖ್ಯಮಂತ್ರಿ ಜಯಲಲಿತಾ ಯುಎಸ್ ಡ್ ತರಬೇತಿಗ್ ಆರ್ಥಿಕ ಸಹಾಯವಾದ್ ಮೂಜಿ ಲಕ್ಷ ರೂಪಾಯಿ ಕೊರ್ದು ಗೌರವಿಸಯೆರ್. 2015 ಡ್ ಆರ್ 15 ವರ್ಸೊದ ಕ್ರೀಡಾಪಟುಲೆಡ್ ಒರಿಯೆ ಆಯೆರ್. ರಾಹುಲ್ ದ್ರಾವಿಡ್ ಅಥ್ಲೀಟ್ ಮೆಂಟರ್ಶಿಪ್ ಕಾರ್ಯಕ್ರಮೊಗು 'ಗೋ ಸ್ಪೋರ್ಟ್ಸ್ ಫೌಂಡೇಶನ್' ನ್ ಆಯ್ಕೆ ಮಲ್ತೆರ್. ಆರ್ 2 ಚಿನ್ನದ ಪದಕೊಲೆನ್ ಪಡೆಯೆರ್, 2012 ಕಾಮನ್ವೆಲ್ತ್ ಚಾಂಪಿಯನ್ಶಿಪ್, ಜರ್ಸಿಡ್ ಬೊಕ್ಕ 2014 ಟಸ್ಕನಿ ಕಪ್, ಇಟಲಿಡ್ ಒಂಜಿ. ರೆಕ್ಜಾವಿಕ್ ಡ್ ನಡತಿನ ವೈಕಿಂಗ್ ಕಪ್ ೨೦೧೬ ಐಸ್ಲ್ಯಾಂಡಿಕ್ ಇಂಟರ್ನ್ಯಾಷನಲ್ ಸೇಬರ್ ಟೂರ್ನಮೆಂಟ್ ಡ್ ಆರ್ ಐನ್ ನೇ ಸ್ಥಾನೊಡು ಉಲ್ಲೆರ್. ಬೆಲ್ಜಿಯಂ ದೇಶದ ಘೆಂಟ್ ಡ್ ನಡತಿನ 2019 ಟೌರ್ನೊಯಿ ಸ್ಯಾಟಲೈಟ್ ಫೆನ್ಸಿಂಗ್ ಸ್ಪರ್ಧೆಡ್ ಅಜೆರ್ಬೈಜಾನ್ ದೇಶದ ಬಷ್ತಾ ಅಣ್ಣಾಗ್ ಸೋತುದು ಮಹಿಳಾ ಸ್ಯಾಬರ್ ವೈಯಕ್ತಿಕ ವಿಭಾಗೊಡು ಬೊಳ್ಳಿ ಪದಕ ಗೆಂದಿಯೆರ್. ಕ್ಯಾನ್ಬೆರಾಡ್ ನಡತಿನ ಹಿರಿಯ ಕಾಮನ್ ವೆಲ್ತ್ ಫೆನ್ಸಿಂಗ್ ಚಾಂಪಿಯನ್ ಶಿಪ್ ಡ್ ಸೇಬರ್ ಸ್ಪರ್ಧೆಡ್ ಚಿನ್ನದ ಪದಕ ಗೆಂದಿನ ಸುರುತ ಭಾರತೀಯೆ ಆದ್ ಇತಿಹಾಸ ಮಲ್ತೆರ್. ಸೆಮಿಫೈನಲ್ಸ್ ಡ್ ಸ್ಕಾಟ್ಲೆಂಡ್ ಡ್ದ್ ಬತ್ತಿನ ಕ್ಯಾಟ್ರಿಯೊನಾ ಥಾಮ್ಸನ್ ನ್ ಸೋತುದು ಇಂಗ್ಲೆಂಡ್ ದ ಎಮಿಲಿ ರುವಾಕ್ಸ್ ನ್ ಸೋತೆರ್. ಆರ್ ಇಟಲಿಡ್ ಬೊಕ್ಕ ಕೇರಳದ ಥಲಸೆರಿಡ್ ಉಪ್ಪುನ ಭಾರತದ ಕ್ರೀಡಾ ಪ್ರಾಧಿಕಾರೊಡು ತರಬೇತಿ ಪಡೆಯೆರ್.೨೦೨೧ಡ್, ಆರ್ ಟೋಕಿಯೋ ಒಲಿಂಪಿಕ್ಸ್ ಡ್ ಪಾಲ್ ಪಡೆಯೆರ್.೨೦೨೧ನೇ ಇಸವಿಡ್ ಅರ್ಜುನ ಪ್ರಶಸ್ತಿ ಗೆಂದಿಯೆರ್.[೩]
ಉಲ್ಲೇಕೊಲು
[ಸಂಪೊಲಿಪುಲೆ]- ↑ Desk, India Today Web (2021-03-14). "Tokyo Olympics 2021: Bhavani Devi becomes first Indian fencer to qualify for the Games". India Today (in ಇಂಗ್ಲಿಷ್). Retrieved 2026-02-16.
{{cite web}}:|last=has generic name (help)https://www.indiatoday.in/sports/other-sports/story/tokyo-olympics-2021-bhavani-devi-first-indian-fencer-qualify-games-1779315-2021-03-14 - ↑ Menon, Anirudh (2021-03-14). "Bhavani Devi becomes first Indian fencer ever to qualify for Olympics". ESPN (in ಇಂಗ್ಲಿಷ್). Retrieved 2026-02-16.https://www.espn.in/olympics/fencing/story/_/id/31062439/bhavani-devi-becomes-first-indian-fencer-ever-qualify-olympics
- ↑ IOC. "Bhavani Devi Biography, Records, Medals and Age". Olympics.com (in ಇಂಗ್ಲಿಷ್). Retrieved 2026-02-16.https://www.olympics.com/en/athletes/bhavani-devi-chadalavada-anandha-sundh
ವರ್ಗ:ಸ್ತ್ರೀವಾದೊ ಬುಕ್ಕೊ ಜಾನಪದೊ 2026