ಸುಖೋಥಾಯ್ ಐತಿಹಾಸಿಕ ಉದ್ಯಾನವನ

ಸುಖೋಥಾಯ್ ಐತಿಹಾಸಿಕ ಉದ್ಯಾನವನ

ಸುಖೋಥಾಯ್ ಐತಿಹಾಸಿಕ ಉದ್ಯಾನವನ ಅಕ್ಷರಶಃ 'ಖುಶಿತ್ತ ಬೊಲ್ಪುಂದ್' ಅರ್ಥಕೊರ್ಪುಂಡು. 13ನೆ ಬುಕ್ಕೊ್ಕ 14ನೆ ಶತಮಾನೊಡು ಸುಖೋಥಾಯ್ ರಾಜ್ಯೊದ ರಾಜಧಾನಿ, ಉತ್ತರ ಮಧ್ಯ ಥೈಲ್ಯಾಂಡ್ ಆದಿತ್ತ್ಂಡ್. ಉಂದು ಸುಖೋತಾಯಿ ಪ್ರಾಂತ್ಯದ ರಾಜಧಾನಿ ಸುಖೋತಾಯಿ ಥಾನಿ ನಗರದ ಸಮೀಪೊಡು ಉಂಡು.ನಗರದ ಭಿತ್ತಿಲು ಸುಮಾರ್ ೨ ಕಿ.ಮೀ (೧.೨ ಮೈ) ಪೂರ್ವ-ಪಶ್ಚಿಮ ೧.೬ ಕಿ.ಮೀ (೦.೯೯ ಮೈ) ಉತ್ತರ-ದಕ್ಷಿಣ ದೂರೊಡು ಒಂಜಿ ಆಯತೊನು ರೂಪಿಸವುಂಡು. ೭೦ ಕಿ.ಮೀ.೨ (೨೭ ಚದರ ಮೈಲಿ) ಜಾಗೆಡ್ ೧೯೩ ಅವಶೇಷೊಲು ಉಂಡು. ಪ್ರತಿಯೊಂಜಿ ಗೋಡೆದ ನಡುಟು ಒಂಜಿ ದ್ವಾರ ಉಂಡು. ಉಳಯಿ ರಾಜಮನೆತನೊದ ಅವಶೇಷೊಲು ಬುಕ್ಕೊ್ಕ ಇರ್ವತ್ತಾಜಿ ದೇವಸ್ಥಾನೊಲು ಉಂಡು, ಅವುಲು ಮಲ್ಲ ದೇವಸ್ಥಾನ ವಾಟ್ ಮಹಾಥಾಟ್ ಉಂಡು. ಈ ಉದ್ಯಾನವನೊನು ಥೈಲ್ಯಾಂಡ್ ದ ಲಲಿತಕಲಾ ಇಲಾಖೆ ಯುನೆಸ್ಕೋದ ಸಹಾಯೊಡು ನಡಪಾವೊಂದುಂಡು, ಉಂದೆನ್ ವಿಶ್ವ ಪರಂಪರೆದ ತಾಣ ಪಂಡ್ದ್ ಘೋಷಣೆ ಮಲ್ತ್ಂಡ್. ಪ್ರತಿ ವರ್ಷ, ಉದ್ಯಾನವನೊಗು ಸಾವಿರಾರು ಸಂದರ್ಶಕೆರ್ ಸ್ವಾಗತ ಮಲ್ಪುವೆರ್.

ಉದ್ಯಾನವನದ ಉಳಯಿ

ರಾಜ ರಾಮಖಂಹೇಂಗ್ ಸ್ಮಾರಕ ವಾಟ್ ಮಹಾಥಾತ್ ರಾಮ್ಖಂಹೇಂಗ್ ರಾಷ್ಟ್ರೀಯ ಮ್ಯೂಸಿಯಂ ವಾಟ್ ಟ್ರಾಫಾಂಗ್ ನ್ಗೊಯೆನ್ ವಾಟ್ ಶ್ರೀ ಸವಾಯಿ (ವಾಟ್ ಶ್ರೀ ಸ್ವಾಯ) ವಾಟ್ ಟ್ರಾಫಾಂಗ್ ಥಾಂಗ್ ವಾತ್ ಶ್ರೀ ಶ್ರೀ (ವಾತ್ ಸ ಸಿ) ವಾಟ್ ಚನ ಸೊಂಗ್ಖರಾಂ ವಾಟ್ ಟ್ರಾಕುವಾನ್ ಸಾನ್ ತಾ ಫಾ ಡೇಂಗ್ (ತಾ ಫಾ ಡೇಂಗ್ ಪುಣ್ಯಕ್ಷೇತ್ರ) ವಾಟ್ ಫ್ರಾ ಫೈ ಲುವಾಂಗ್ ತುರಿಯಂಗ್ ಕಿಲ್ನ್ಸ್ ವಾಟ್ ಸಂಖವಾತ್ (ವಾಟ್ ಸಂಘವಾಸ) ವಾಟ್ ಸಿ ಚುಮ್ ವಾಟ್ ಚಾಂಗ್ ಲೋಮ್ ವಾಟ್ ಥ್ರಾಫಾಂಗ್ ಥಾಂಗ್ ಲಾಂಗ್ ವಾಟ್ ಚೆಡಿ ಸುಂಗ್ . ವಾಟ್ ಕೊನ್ ಲಾಂಗ್ ವಾಟ್ ಟನ್ ಚಾನ್ . ವಾಟ್ ಚೆತುಫೊನ್ ವಾಟ್ ಚೆಡಿ ಸಿ ಹಾಂಗ್ ವತ್ ಸಿ ಫಿಚಿತ್ ಕಿರತಿ ಕನ್ಲಯರಾಮ (ಶ್ರೀ ವಿಚಿತ್ರಕೀರ್ತಿಕಾನ್ಲ್ಯಾರಾಮ) ವಾಟ್ ವಿಹಾನ್ ಥಾಂಗ್, ವಾಟ್ ಅಶೋಕರಾಂ ವಾಟ್ ಮಮ್ ಲಂಕಾ ವಾಟ್ ಸಫನ್ ಹಿನ್ ವಾಟ್ ಅರನ್ಯಿಕ್ (ವಾಟ್ ಅರಣಿಕಾ) ವಾಟ್ ಚಾಂಗ್ ರೊಪ್ ವಾಟ್ ಚೆಡಿ ನ್ಗಮ್ ವಾಟ್ ಥಾಮ್ ಹಿಪ್ ವಾಟ್ ಮಂಕನ್ ವಾಟ್ ಫ್ರಾ ಯುಯೆನ್ ವಾಟ್ ಪಾ ಮಾಮುವಾಂಗ್ ವಾಟ್ ಥುಕ್ ಫ್ರಾ ರುವಾಂಗ್ ಅಣೆಕಟ್ಟ್

ವಾಟ್ ಮಹಾಟಾಟ್

ವಾಟ್ ಮಹಾಟಾಟ್ ಬುದ್ದ ದೇವಲಯ

ಸುಖೋತಾಯಿ ಐತಿಹಾಸಿಕ ಉದ್ಯಾನವನೊಡು ವಾಟ್ ಮಹಾಥಾಟ್ ಅತ್ತ್ಂಡ ಮಹಾಥಾಟ್ ದೇವಸ್ಥಾನ ಪ್ರಮುಖ ಬುಕ್ಕೊ್ಕ ಪ್ರಭಾವಶಾಲಿ ದೇವಸ್ಥಾನ. ಈ ದೇವಸ್ಥಾನದ ಪುದರ್ 'ಮಲ್ಲ ಅವಶೇಷದ ದೇವಸ್ಥಾನ' ಪಂಡ್ದ್ ಅನುವಾದ ಆಪುಂಡು. ಈ ದೇವಸ್ಥಾನೊನು ಶ್ರೀ ಇಂದ್ರಾದಿತ್ಯೆರ್ 1292 ಬುಕ್ಕೊ್ಕ 1347 ನಡುಟು ಸುಖೋತಾಯಿ ರಾಜ್ಯೊದ ನಗರೊದ ಪ್ರಮುಖ ದೇವಸ್ಥಾನೊ ಆದ್ ಸ್ಥಾಪನೆ ಮಲ್ತೆರ್. ಈ ವಿನ್ಯಾಸೊ ಒಂಜಿ ಮಂಡಲೊನ್ ಆಧಾರವಾದ್ ಉಂಡು, ಉಂದು ಬ್ರಹ್ಮಾಂಡೊನು ಪ್ರತಿನಿಧಿಸವುಂಡು, ಒಂಜಿ ಪ್ರಮುಖ ಸ್ತೂಪೊನು 1345ಡ್ ಬುದ್ಧನ ಅವಶೇಷೊಲೆನ್ ದೀಯೆರೆ ನಿರ್ಮಾಣ ಮಲ್ತೆರ್, ಎಂಟು ದಿಕ್ಕುಲೆಡ್ ಎಲ್ಯ ಸ್ತೂಪೊಲೆಡ್ ಸುತ್ತುವರಿದ್ ಉಂಡು. ಮುಖ್ಯ ಸ್ತೂಪೊಗು ಕಮಲದ ಮೊಗ್ಗುದ ಆಕಾರ ಉಂಡು, ಉಂದು ಸುಖೋತಾಯಿ ವಾಸ್ತುಶಿಲ್ಪ ಕಲೆತ ಲಕ್ಷಣ. ಬೌದ್ಧ ಶಿಷ್ಯೆರೆನ ಕೈನ್ ಒಟ್ಟು ಮಲ್ತ್ ದ್ ನಮನ ಮಲ್ಪುನ 168 ಸ್ಟಕೊಡು ಶಿಲ್ಪೊಲೆನ್ ಅಯಿತ ನೆಲತ ಮಿತ್ತ್ ಅಲಂಕರಿಸವೊಂಡುಂಡು. ಎಂಟು ಎಲ್ಯ ಸ್ತೂಪೊಲು, ಅವುಲು ಮೂಲೆಡ್ ನಾಲ್ ಸ್ತೂಪೊಲು ಮೊನ್ ಹರಿಪುಂಚೈ - ಲನ್ನಾ ಶೈಲಿಡ್ ಉಪ್ಪುಂಡು ಬುಕ್ಕೊ್ಕ ನಡುಟು ಉಪ್ಪುನ ನಾಲ್ ಸ್ತೂಪೊಲು ಖಮೇರ್ ಪ್ರಭಾವೊನು ತೋಜಾವುಂಡು. ಮುಖ್ಯ ಸ್ತೂಪೊದ ಎರಡೂ ಬರಿಟ್ ಫ್ರಾ ಅತ್ತಾರೊಟ್ ಪನ್ಪಿನ ರಡ್ಡ್ ಒಂಜಿ ಒಂಜಿ ಮೀಟರ್ ಎತ್ತರೊದ (30 ಅಡಿ) ನಿಲೆಯಾತಿನ ಬುದ್ಧನ ಮೂರ್ತಿಲು ಉಂಡು. ಈ ದೇವಸ್ಥಾನೊಡು ಒಂಜಿ ಸಭೆತ ಸಭಾಂಗಣ (ವಿಹಾರ), ಮಂಡಪ, ಅಭಿಷೇಕ ಸಭಾಂಗಣ, ಬುಕ್ಕೊ್ಕ 200 ಅಧೀನ ಸ್ತೂಪೊಲುಲಾ ಉಂಡು.

ರಾಜ ರಾಮ್ಖಮ್ಹಾಂಗ್ ರಾಷ್ಟ್ರೀಯ ವಸ್ತುಸಂಗ್ರಹಾಲಯ

ರಾಮ್ಖಮ್ಹೇಂಗ್ ರಾಷ್ಟ್ರೀಯ ವಸ್ತುಸಂಗ್ರಹಾಲಯ ಸುಖೋಥಾಯ್ ಐತಿಹಾಸಿಕ ಉದ್ಯಾನವನೊಡು ಥೈಲ್ಯಾಂಡ್ ರಾಷ್ಟ್ರೀಯ ವಸ್ತುಸಂಗ್ರಹಾಲಯೊದ ಒಂಜಿ ಶಾಖೆ. ಉಂದೆನ್ 1964ಡ್ ಥೈಲ್ಯಾಂಡ್ ದೇಶದ ಅರಸು ಭೂಮಿಬೊಲ್ ಅದುಲ್ಯಡೆಜ್ ಬುಕ್ಕೊ್ಕ ರಾಣಿ ಸಿರಿಕಿತ್ ಸುರು ಮಲ್ತೆರ್. ರಚ್ಚಥಾನಿ ದೇವಸ್ಥಾನದ ಮಠಾಧೀಶರಾದ ಫ್ರಾ ರಟ್ಚಪ್ರಸಿತ್ತಿಖುನ್ ರವರಿಂದ 2,000 ಡ್ದ್ ಜಾಸ್ತಿ ಕಲಾಕೃತಿಲೆನ್ ದಾನ ಮಲ್ತೆರ್. ಸ್ಥಳೀಯೆರ್ಲಾ ಮಸ್ತ್ ಐತಿಹಾಸಿಕ ವಸ್ತುಲೆನ್ ದಾನ ಮಲ್ತ್ ದ್ ಸಂಗ್ರಹೊಗು ಕೊಡುಗೆ ಕೊರ್ತೆರ್. ಮುಖ್ಯ ಮ್ಯೂಸಿಯಂ ಕಟ್ಟಡೊಡು ಪ್ರದರ್ಶನೊಡು ಉಪ್ಪುನ ಬಹುತೇಕ ವಸ್ತುಲು ಸುಖೋತಾಯಿಡ್ದ್ ಬರ್ಪುಂಡು, ಕೆಲವು ವಸ್ತುಲು ಸಿ ಸಚ್ಚನಲೈ, ಕಂಫಾಂಗ್ ಫೆಟ್, ಫಿಚಿಟ್ ಬುಕ್ಕೊ್ಕ ಫೆಟ್ಚಾಬುನ್ ಡ್ ತೋಜಿದ್ ಬತ್ತ್ಂಡ್. ವಾಟ್ ಫ್ರಾ ಫೈ ಲುವಾಂಗ್ ಬುಕ್ಕೊ್ಕ ವಾಟ್ ಮಹಾಥಾಟ್ ಡ್ದ್ ಬುದ್ಧನ ಚಿತ್ರೊಲು ಬುಕ್ಕೊ್ಕ ಹಿಂದೂ ದೇವೆರೆನ ಶಿಲ್ಪೊಲು, ಸುಖೋಥಾಯಿ ಪೂರ್ವ ಕಾಲೊದ ಶಿಲ್ಪೊಲು (ಸುಮಾರ್ 13ನೆ ಶತಮಾನ), 14ನೆ ಬುಕ್ಕೊ್ಕ 15ನೆ ಶತಮಾನೊದ ಸುಖೋಥಾಯ್ ಕಲಾಕೃತಿಲು, ಸುಮಾರ್ 135118ಡ್ದ್ 1488 ಮುಟ್ಟದ ಆರಂಭಿಕ ಅಯುತ್ತಾಯ ಕಲಾಕೃತಿಲು, ಯುವಾನ್ ಡ್ದ್ ಪಿಂಗಾಣಿ, ಬುಕ್ಕೊ್ಕ ಯುವಾನ್ ಕ್ವಿಂಗ್ ರಾಜವಂಶೊಲು, ಉಂದು ಸುಖೋತಾಯಿ ಬುಕ್ಕೊ್ಕ ಸಿ ಸಚನಲಾಯಿಡ್ ನಡತಿನ ಉತ್ಖನನೊಲೆಡ್ ತೋಜಿದ್ ಬತ್ತ್ಂಡ್.

ವಾಟ್ ಟ್ರಾಫಾಂಗ್ ಥಾಂಗ್

ವಾಟ್ ಟ್ರಾಫಾಂಗ್ ಥಾಂಗ್ ಪಂಡ ಗೋಲ್ಡನ್ ಲೇಕ್ ಮಠ ಪನ್ಪಿನ ಅರ್ಥ. ಈ ದೇವಸ್ಥಾನ ಸುಖೋತಾಯಿ ಪೂರ್ವ ಕೋಟೆ ಬುಕ್ಕೊ್ಕ ಪೂರ್ವ ನಗರದ ದ್ವಾರ, "ಕಂಫಾಯೆಂಗ್-ಹಾಕ್" ದ್ವಾರದ ಬರಿಟ್ ಉಂಡು. ದೇವಸ್ಥಾನ ಸ್ವತಃ ಒಂಜಿ ಕೆರೆತ ದ್ವೀಪೊಡು ಉಂಡು ಬುಕ್ಕೊ್ಕ ಮುಖ್ಯ ರಸ್ತೆಡ್ದ್ ಪಾದಚಾರಿ ಸೇತುವೆಡ್ದ್ ಪೋವೊಲಿ. ಸುಖೋತಾಯಿ ಶೈಲಿಡ್ ಒಂಜಿ ಸಾಮಾನ್ಯ ಮುಖ್ಯ ಸ್ತೂಪ ಉಂಡು ಬುಕ್ಕೊ್ಕ ಮುಖ್ಯ ಸ್ತೂಪದ ಸುತ್ತಲ ಎಂಟು ಎಲ್ಯ ಸ್ತೂಪೊಲು ಉಂಡು. ಸುಖೋತಾಯಿದ ಒರಿ ಗವರ್ನರ್ 1917ಡ್ ಒಂಜಿ ಸರಳ ಆರ್ಡಿನೇಶನ್ ಹಾಲ್ ನ್ ಸ್ಥಾಪನೆ ಮಲ್ತೆರ್. ಈ ದೇವಸ್ಥಾನೊದ ಅತ್ಯಂತ ಪ್ರಮುಖ ಕಲಾಕೃತಿ ಪಂಡ ಬುದ್ಧನ ಪಾದೊದ ಗುರುತು, ಉಂದು ಸ್ತೂಪದ ಬರಿಟ್ ಒಂಜಿ ಆಧುನಿಕ ಮಂಡಪೊಡು ಉಂಡು. ಲಿಥಾಯಿ 1359ಡ್ ಕಪ್ಪು ಬೂದು ಬಣ್ಣದ ಕಲ್ಲ್ ಡ್ದ್ ಪಾದದ ಗುರುತುನ್ ಮಲ್ತೆರ್. ವಾಟ್ ಟ್ರಾಫಾಂಗ್ ಥಾಂಗ್ ಐತಿಹಾಸಿಕ ಉದ್ಯಾನವನೊದ ಒಂಜೇ ದೇವಸ್ಥಾನ, ಉಂದೆಟ್ ಸನ್ಯಾಸಿಲೆನ ಒಂಜಿ ಸಕ್ರಿಯ ಸಮುದಾಯ ಉಂಡು.