ಸುಝೇನ್ ಮೇರಿ ಇಂಬರ್

Suzie Imber
Imber at her desk at Goddard Space Flight Center in 2011
ಪುಟ್ಟು	Suzanne Mary Imber ಮೇ 1983 (age ) Aylesbury, United Kingdom
ವಿದ್ಯೆ	Berkhamsted School
ಅಲ್ಮಾ ಮೀಟರ್	Imperial College London (BSc) University of Leicester (PhD)
ಪುಗರ್ತೆದ ಕ್ಷೇತ್ರೊ	Planetary science
ಪ್ರಸಸ್ತಿ	Rosalind Franklin Award (2021)
Scientific career
ಕಾರ್ಯ ಕ್ಷೇತ್ರೊ	Physics
ಸಂಸ್ಥೆ	University of Leicester Goddard Space Flight Center
ಪ್ರಬಂಧ	Auroral and Ionospheric Flow Measurements of Magnetopause Reconnection During Intervals of Northward Interplanetary Magnetic Field (2008)
ವಿವರಣಾತ್ಮಕ ಸಲಹೆಗಾರೆ	Steve Milan Mark Lester

ಸುಝೇನ್ ಮೇರಿ ಇಂಬರ್ ಮೇ ೧೯೮೩ಡ್ ಪುಟ್ಟುವೆರ್. ಲೀಸೆಸ್ಟರ್ ವಿಶ್ವವಿದ್ಯಾಲಯೊಡು ಬಾಹ್ಯಾಕಾಶ ಹವಾಮಾನೊಡು ವಿಶೇಷತೆ ಪಡೆಯಿನ ಒರ್ತಿ ಬ್ರಿಟಿಷ್ ಮೂಲದ ಗ್ರಹ ವಿಜ್ಞಾನಿ. ಆರ್ 2017 ಬಿಬಿಸಿ ಟು ಆಸ್ಟ್ರೊನಾಟ್ ಡೂ ಯು ಹ್ಯಾವ್ ವಾಟ್ ಇಟ್ ಟೇಕ್ಸ್ ಟೆಲಿವಿಷನ್ ಕಾರ್ಯಕ್ರಮೊಡ್ ಗೆಂದ್‌ದೆರ್.

ಕಲ್ಪಾಟಿಗೆ

ಇಂಬರ್ ಬಕಿಂಗ್ ಹ್ಯಾಮ್ ಶೈರ್ ನ ಐರ್ಲ್ಸ್ ಬರಿಟ್ ಪುಟ್ಟಿಯೆರ್. ಬುಕ್ಕೊ ಹರ್ಟ್ ಫೋರ್ಡು ಶೈರ್ ಡ್ ಉಪ್ಪುನ ಬರ್ಕ್ ಹ್ಯಾಮ್ ಸ್ಟೆ ಶಾಲೆಡ್ ಕಲ್ತೆರ್.೨೦೦೦ ಡ್ ಲ್ಯಾಕ್ರೋಸ್ ರಾಷ್ಟ್ರೀಯ ಚಾಂಪಿಯನ್‌ಶಿಪ್‌ ಗೆಂದುನವು ಅರೆನ ಶಾಲೆದ ದಿನಕ್ಲೆಡ್ ಒಂಜಿ ಪ್ರಮುಖ ಅಂಶ ಆದಿತ್ತ್oಡ್. ಆರ್ ಲಂಡನ್ ದ ಇಂಪೀರಿಯಲ್ ಕಾಲೇಜಿಡ್ ೪ ವರ್ಷದ ಭೌತಶಾಸ್ತ್ರಪದವಿನ್ ಅಧ್ಯಯನ ಮಲ್ತೆರ್. ಅಲ್ಪರ್ದ್ ಆರ್ ೨೦೦೫ಡ್ ಸುರುತ ದರ್ಜೆ ಗೌರವಗ್ಲೆದ ಒಟ್ಟಿಗೆ ಪದವಿ ಪಡೆಯೆರ್. ಬುಕ್ಕೊ ಲಂಡನ್ ವಿಶ್ವವಿದ್ಯಾನಿಲಯದ ಲ್ಯಾಕ್ರೋಸ್ ಗುಂಪುದ ನಾಯಕತ್ವ ವಹಿಸೊಂಡೆರ್. ಬುಕ್ಕೊ ಇಂಗ್ಲೆಂಡ್ ಅಂಡರ್ -೨೧ ನ್ ಗೊಬ್ಬೆರೆ ಪೋಯೆರ್. ಆರ್ ಇಂಪೀರಿಯಲ್‌ ಡ್ ಇತ್ತ್ ನ ಸಮಯಡ್ ನಾಸಾಡ್ ರಡ್ಡ್ ಇಂಟರ್ನ್‌ಶಿಪ್‌ಳೆನ್ ಒತ್ತೊಂಡೆರ್. ನಾಸಾ ಗೊಡ್ಡಾರ್ಡ್ ಬಾಹ್ಯಾಕಾಶ ಫ್ಲೈಟ್ ಸೆಂಟರ್‌ಡ್ ಹೆಲಿಯೊಫಿಸಿಕ್ಸ್ ವಿಭಾಗಡ್ ಸೇವೆ ಮಲ್ತೆರ್. ಉಂದು ಅರೆನ್ ಗ್ರಹ ವಿಜ್ಞಾನದ ಕಡೆಕ್ ಕೊನೊಂಡು. ಆರ್ ೨೦೦೮ ಡ್ ಲೀಸೆಸ್ಟರ್ ವಿಶ್ವ ವಿದ್ಯಾನಿಲಯಡ್ ನಾರ್ತ್‌ವರ್ಡ್ ಇಂಟರ್‌ಪ್ಲಾನೆಟರಿ ಮ್ಯಾಗ್ನೆಟಿಕ್ ಫೀಲ್ಡ್‌ದ ನಡುಟು ಮ್ಯಾಗ್ನೆಟೋಪಾಸ್ದ ಸಂಪರ್ಕೊಡು ಅರೋರಲ್ ಬುಕ್ಕೊ ಅಯಾನೋಸ್ಫಿರಿಕ್ ಫ್ಲೋ ಮಾಪನಗ್ಲೆದ ಬಗ್ಗೆ ಪಿಎಚ್‍ಡಿ ಪ್ರಬಂಧ‍ನ್ ಮುಗಿತೆರ್.

ಸಂಶೋಧನೆ ಬುಕ್ಕೊ ಸಾರ್ವಜನಿಕ ನಿಶ್ಚಯ

ಇಂಬರ್ 2008ಡ್ ನಾಸಾದ ಸಂಶೋಧನಾ ವಿಜ್ಞಾನಿಯಾದ್ ಮೇರಿಲ್ಯಾಂಡ್ ಡ್‌‌‌‍ದ ಗೊಡ್ಡಾರ್ಡ್ ಸ್ಪೇಸ್ ಫ್ಲೈಟ್ ಸೆಂಟರ್‌ಗ್ ಸೇರಿಯೆರ್. ಮುಲ್ಪ ಆರ್ ಬಾಹ್ಯಾಕಾಶ ಹವಾಮಾನೊನು ಅಧ್ಯಯನ ಮಲ್ತೆರ್. ಸೌರ ಗಾಳಿಡ್ದ್ ಬರ್ಪಿನ ಶಕ್ತಿ ಬುಕ್ಕೊ ವೇಗ ಭೂಮಿ ಬುಕ್ಕೊ ಬುಧ ಗ್ರಹೊದ ಪರಿಸರೊಲೆಗ್ ಎಂಚ ಪರಿಣಾಮ ಬೀರುಂಡು ಪನ್ಪಿನೆನ್ ಅರ್ಥ ಮಲ್ಪೆರೆ ಈ ಸಂಶೋಧನೆ ಸಹಾಯ ಮಲ್ತ್ಂಡ್. ನಾಸಾ ಬುಕ್ಕೊ ಇಎಸ್ಎ ಬಾಹ್ಯಾಕಾಶ ನೌಕೆಲೆಡ್ದ್ ಬತ್ತಿನ ಮಾಹಿತಿನ್ ನೆಲತ ಮಿತ್ತ್ ದ ಅನ್ವೇಷಣೆಲೆನೊಟ್ಟುಗು ಸೇರಾವೊಡು. ಅಲೆನ ಮೇಲ್ವಿಚಾರಕೆರ್ ಬುಕ್ಕೊ ಮಾರ್ಗದರ್ಶಕೆರ್ ಆಯಿನ ಪ್ರೊಫೆಸರ್ ಜಿಮ್ ಸ್ಲಾವಿನ್, ಜೋಕುಲು ಮೆಸೆಂಜರ್ ಮಿಷನ್ ಟು ಮರ್ಕ್ಯುರಿಡ್ ಇತ್ತ್‌ನಕುಲು.

೨೦೧೧ ಡ್ ಆರ್ ಪೋಸ್ಟ್‌ಡಾಕ್ಟರಲ್ ಸಂಶೋಧನಾ ಸಹವರ್ತಿಯಾದ್ಲೀಸೆಸ್ಟರ್ ವಿಶ್ವವಿದ್ಯಾಲಯಕ್ಕೆ ಪಿರ ಬತ್ತೆರ್. ೨೦೧೪ ಡ್ ಅರೆಗ್ ಲೆವರ್‌ಹುಲ್ಮ್ ಟ್ರಸ್ಟ್ ದಕುಲು ರಫ್ ವಿಂಡ್ಸ್ ಡು ಶೇಕ್ ದಿ ಮ್ಯಾಗ್ನೆಟೋಸ್ಪಿಯರ್ ಆಫ್ ಮರ್ಕ್ಯುರಿ ಪನ್ಪುನ ಫೆಲೋಶಿಪ್‌ನ್ ನೀ ಕೊರಿಯೆರ್. ಇಂಬರ್ ಆರ್ ಮಿಚಿಗನ್ ವಿಶ್ವವಿದ್ಯಾನಿಲಯಡ್ ಸಂದರ್ಶಕ ಪ್ರಾಧ್ಯಾಪಕಿ ಆದಿತ್ತೆರ್, ಬುಕ್ಕೊ ಬುಧತ ಕಾಂತಗೋಳನ್ ಅಧ್ಯಯನ ಮಲ್ಪುನ ಆರ್ನ ಕೆಲಸನ್ ಗುರುತಿಸಾದ್ ನಾಸಾದ ಮೆಸೆಂಜರ್ ಸೈನ್ಸ್ ಟೀಮ್‍‌ದ ಒರ್ತಿಯೆ ಪೊಸ ಸದಸ್ಯೆ ಆದಿತ್ತೆರ್. ಆರ್ ಮರ್ಕ್ಯುರಿ ಇಮೇಜಿಂಗ್ ಎಕ್ಸ್-ರೇ ಸ್ಪೆಕ್ಟ್ರೋಮೀಟರ್ (ಎಂಐಎಕ್ಸ್‌‍ಎಸ್) ಡ್ ಒಟ್ಟಿಗೆ-ತನಿಖಾಧಿಕಾರಿಯಾದಿತ್ತೆರ್. ಉಂದು ಲೀಸೆಸ್ಟರ್ ವಿಶ್ವವಿದ್ಯಾನಿಲಯಡ್ ಕೆತ್ತ್‌ನ ಬುಕ್ಕೊ ಕಟ್ಟ್‌ನ ಉಪಕರಣ ಆದಿತ್ತ್‌ದ್, ಪ್ರಸ್ತುತ ಯುರೋಪಿಯನ್ ಸ್ಪೇಸ್ ಏಜೆನ್ಸಿದ ಮರ್ಕ್ಯುರಿ ಮಿಷನ್, ಬೆಪಿಕೊಲಂಬೊಡ್ ೧೯ ಅಕ್ಟೋಬರ್ ೨೦೧೮ ತಾನಿ ಸುರು ಆಂಡ್. ಬುಧತ ರಚನೆ ಬುಕ್ಕೊ ವಿಕಸನತ ಬಗ್ಗೆ ಮುಖ್ಯ ಪ್ರಶ್ನೆಗ್ಲೆನ್ ಬಗೆಹರಿಸುನ ಆಲೋಚನೆನ್ ಹೊಂದ್‌ನ ಅಭೂತಪೂರ್ವ ವಿವರವಾದ್, ಬುಧತ ಮಿತ್ತ ಸಂಯೋಜನೆನ್ ನಿರ್ಧರಿಸಾಯೆರೆ ಈ ಉಪಕರಣನ್ ವಿನ್ಯಾಸಗೊಳಿಸಾದೆರ್. ಉಂದು ಬುಧ ಗ್ರಹತ ಎಕ್ಸ್-ರೇ ಅರೋರಾನ್ ಅಳಪುಂಡು. ಇಂಬರ್ ಅರೆನ ಸಂಶೋಧನಾ ತಂಡವ ಮರ್ಕ್ಯುರಿದ ಕಾಂತಗೋಳದ ಬಗೆತ ಅಧ್ಯಯನ ಮಲ್ಪುನಾಗ ಎಕ್ಸ್-ರೇ ಅರೋರಾ ವಿದ್ಯಮಾನನ್ ನಾಡ್‌ಪತ್ತಿಯೆರ್.

೨೦೧೭ ರಲ್ಲಿ ಡು ಯು ಹ್ಯಾವ್ ವಾಟ್ ಇಟ್ ಟೇಕ್ಸ್ ಪನ್ಪುನ ಕಾರ್ಯಕ್ರಮಗ್ ಬಿಬಿಸಿ ಟು ಆಸ್ಟ್ರೋನಟ್‍ಗ್ ಇಂಬರ್ ಅರೆನ್ ಆಯ್ಕೆ ಮಲ್ತೆರ್. ಅಯಿರ್ದ್ ಬುಕ್ಕೊ ಆರ್ ಸೆಂಟ್ರಿಫ್ಯೂಜ್‌‌ಡ್ ರಷ್ಯನ್ ಭಾಸೆನ್ ಪಾತೆರುನೆ, ಸಮುದ್ರದ ಉಲಾಯಿದ ತರಬೇತಿ ಸೌಲಭ್ಯಡ್ ಅರ್ಜಂಟ್‌ದ ಪ್ರಕ್ರಿಯೆಟ್ ಭಾಗವಹಿಸುನೆ ಬುಕ್ಕೊ ತನ್ನ ಸ್ವಂತ ನೆತ್ತೆರ್ನ್ ದೆಪ್ಪುನೆ ಇಂಚ ಮಾತಾ ಸೆರ್ದ್ ಸುಮಾರ್ ಸವಾಲ್‌ಲೆನ್ ಸಹಿಸೊಂಡೆರ್. ಆರ್ ಪಂಥೊಡು ಗೆಲ್ತೆರ್ ಬುಕ್ಕೊ ಯುರೋಪ್‍ದ ಸ್ಪೇಸ್ ಏಜೆನ್ಸಿಗ್ ಸೇರೆರೆ ಕ್ರಿಸ್ ಹ್ಯಾಡ್‌ಫೀಲ್ಡ್‌ರ್ದ್ ಶಿಫಾರಸ್ಸ್‌ನ್ ದೆತೊಂಡೆರ್. ಗೆಲ್ತಿ ಬುಕ್ಕೊ, ಇಂಬರ್ ತನ್ನ ಫ್ರೀ ಸಮಯಡ್ ಸಾರ್ವಜನಿಕ ನಿಶ್ಚಯದ ಕಾರ್ಯಕ್ರಮನ್ ಸುರು ಮಲ್ತೆರ್,ಇಡೀ ದೇಶದ ಸುಮಾರ್ ಶಾಲೆಗ್ಲೆಡ್ ೩೫,೦೦೦ ರ್ದ್‌ಲಾ ಜಾಸ್ತಿ ಶಾಲೆದ ಜೊಕ್ಲೆನೊಟ್ಟಿಗೆ ಗುಟ್ಟಾದ್ ಪಾತೆರ್ದೆರ್ ಬುಕ್ಕೊ ೧೨ ತಿಂಗೊಲುದ ನಡುಟು ೬೦ ರ್ದ್‍ಲಾ ಜಾಸ್ತಿ ಸಾರ್ವಜನಿಕ ಉಪನ್ಯಾಸಲೆನ್ ಕೊರ್ತೆರ್. ಯುವಜನಕುಲೆನ ಆಕಾಂಕ್ಷೆಗ್ಲೆನ್ ಜಾಸ್ತಿ ಮಲ್ಪುನ ಬುಕ್ಕೊ ಅಕುಲೆನ ಪ್ರಯಾಣ ಬುಕ್ಕೊ ಬಾಹ್ಯಾಕಾಶ ವಿಜ್ಞಾನಿಯಾದ್ ಅರೆನ ಸೇವಾಜೀವನದ ಉತ್ಸಾಹನ್ ಪಟ್ಟುನವು ಆರ್ನ ಆಲೋಚನೆ.

ವೈಯಕ್ತಿಕ ಜೀವನ

ಇಂಬೆರ್ ಒರಿ ಎತ್ತರದ ಪರ್ವತಾರೋಹಿ, ಅಲಾಸ್ಕಾ, ಹಿಮಾಲಯ ಬುಕ್ಕೊ ಆಂಡಿಸ್ ಡ್ ಶಿಖರೊಲೆನ್ ಏರ್ದ್ ಬೈದೆರ್. ಆರ್ 2014ಡ್ದ್ ಬ್ರಿಟಿಷ್ ಅನ್ವೇಷಕೆ ಮ್ಯಾಕ್ಸಿಮೊ ಕೌಶ್‌ನ ಒಟ್ಟುಗು ಬೇಲೆ ಮಲ್ತೊಂದುಲ್ಲೆರ್.

ಪ್ರಶಸ್ತಿಗಳು ಮತ್ತು ಗೌರವಗಳು

೨೦೧೯ಡ್, ಇಂಬರ್ ಲೌಗ್ಬರೋ ವಿಶ್ವವಿದ್ಯಾಲಯೊಡು ಕ್ಲಾಡಿಯಾ ಪಾರ್ಸನ್ಸ್ ಸ್ಮಾರಕ ಉಪನ್ಯಾಸೊನು ಕೊರ್ತೆರ್. ಅವ್ವೇ ವರ್ಷ, ಲೀಸೆಸ್ಟರ್ ವಿಶ್ವವಿದ್ಯಾಲಯದ ಪೊಸ-ಉಪಕುಲಪತಿ ಜಾಗೆಗ್ ಆರ್ ಆಯ್ಕೆ ಆಯೆರ್.

೨೦೨೧ಡ್ ರಾಯಲ್ ಸೊಸೈಟಿರ್ದ್ ಆರೆಗ್ ಗ್ರಹಗ್ಲೆದ ವಿಜ್ಞಾನ ಕ್ಷೇತ್ರದ ಸಾಧನೆಲು ಬುಕ್ಕೊ ಮಲ್ಲ ಮಲ್ಲ ಸಾಮರ್ಥ್ಯನ್ ಎಡ್ಡೆ ರೀತಿಡ್ ಪಡೆಯಿನೆಕ್ ಯೋಜನೆದ ಪ್ರಸ್ತಾಪ ಪನ್ಪುನ ವಿಷಯಗಾದ್ ರೊಸಾಲಿಂಡ್ ಫ್ರಾಂಕ್ಲಿನ್ ಪ್ರಶಸ್ತಿನ್ ಕೊರಿಯೆರ್.