ಸುಧಾರಾಣಿ

Sudharani

ಸುಧಾರಾಣಿ

ಸುಧಾರಾಣಿ (ಪುಟ್ಟು೧೪ ಆಗಸ್ಟ್ ೧೯೭೩), ಒರ್ತಿ ನಿನೆಮಾ ನಟಿ. ಅರೆನ ಸುರುತ ಪುದರ್ ಜಯಶ್ರೀ, ಮೆರ್ ನಟಿ, ಧ್ವನಿ ಕಲಾವಿದ ಬುಕ್ಕೊ ಮಾಜಿ ರೂಪದರ್ಶಿ. ಆರ್ ಸುರುಕು ಕನ್ನಡ ಸಿನೆಮಾಡ್ ಕೆಲಸ ಮಲ್ತೆರ್. ಅವೆತೊಟ್ಟುಗು ಕೆಲವು ತಮಿಳು, ತೆಲುಗು, ತುಳು ಬುಕ್ಕೊ ಮಲಯಾಳಂ ಚಲನಚಿತ್ರೊಲೆಡ್ ನಟನೆ ಮಲ್ತೆರ್.

ಸುರುತ ಜೀವನ

ಸುಧಾರಾಣಿ ಗೋಪಾಲಕೃಷ್ಣ ಬುಕ್ಕೊ ನಾಗಲಕ್ಷೀ ದಂಪತಿಲೆಗ್ ಮಗಳಾದ್ ಪುಟ್ಟಿಯೆರ್. ಐನ್‌ನೆ ವರ್ಸೊಡು ಅರೆನ ಅಪ್ಪೆ ಅರೆನ್ ನೃತ್ಯ ತರಗತಿಗ್ ಸೆರ್‍ಸಾವೆರ್. ಸುಧಾರಾಣಿ ಕುಚಿಪುಡಿ ಬುಕ್ಕೊ ಭರತ ನಾಟ್ಯ ಕಲಾವಿದೆ. ಸುಧಾರಾಣಿ ಅರೆನ ಮೂಜಿನೆ ವರ್ಸೊ ಪ್ರಾಯೊಡು ಸಹೋದರನೊಟ್ಟುಗು ಒಂಜಿ ಜಾಹಿರಾತ್‌ಡ್ ಸುರುಕು ನಟನೆ ಮಲ್ಪುವೆರ್. ಅವೆಡ್ದ್ ಬುಕ್ಕೊ ಅರೆಗ್ ಬಾಲ ನಟಿಯಾದ್ ನಟನೆ ಮಲ್ಪುನ ಅವಕಾಶ ಮಸ್ತ್ ತಿಕ್ಕುಂಡು.

ಸಿನೆಮೊ ವೃತ್ತಿಜೀವನ

ರಾಜ್‍ಕುಮಾರ್ ರವರು ಸುಧಾರಾಣಿ ಪ್ರತಿಭೆನ್ ಗುರುತಿಸಿ ಆನಂದ್ ಚಿತ್ರದ ನಾಯಕಿಯಾದ್ ಆಯ್ಕೆ ಮಲ್ಪುವೆರ್. ಆಸೆಗೊಬ್ಬ ಮೀಸೆಗೊಬ್ಬ, ಅಣ್ಣ ತಂಗಿ, ಮಿಡಿದ ಶ್ರುತಿ,ಇಂಚಿತ್ತಿ ಸಿನೆಮಾಡ್ ನಟನೆ ಮಲ್ತೆರ್.ಮೆರ್ ತಮಿಳು ಬಾಸೆನ್ ಸರಾಗವಾದ್ ಪಾತೆರುವೆರ್. ರಮೇಶ್ ಅರವಿಂದೆರೆನೊಟ್ಟುಗು ಪಂಚಮ ವೇದ, ಶ್ರೀಗ‍ಂಧ, ಅರಗಿಣಿ ಬುಕ್ಕೊ ಅನುರಾಗ ಸಂಗಮ ಸೇರ್ದ್ ಎಣ್ಮ ಸಿನೆಮೊಡು ನಟನೆ ಮಲ್ತೆರ್. ಮನ ಮೆಚ್ಚಿದಾ ಹುಡುಗಿ, ಸಮಾರಾ, ಆಸೆಗೊಬ್ಬಾ ಮೀಸೆಗೊಬ್ಬಾ, ಅನ್ನಾ ಟ್ಯಾಂಗಿ, ಬುಕ್ಕೊ ಮಿಡಿಡಾ ಶ್ರುತಿ ಇಂಚಿತ್ತಿ ಚಿತ್ರೊಡು ಪಾತ್ರ ಮಲ್ತೆರ್. ೧೯೮೯ ಡ್, ಅಣ್ಣಾಕಿಲಿ ಸೊನ್ನಾ ಕಥೈ ಸಿನೆಮೊದ ಮುಖಾಂತರ ತಮಿಳ್‌ಗ್ ಪಜ್ಜೆ ದೀಯೆರ್ ಬುಕ್ಕೊ ೩ ವರ್ಷ ಕರಿಬುಕ್ಕೊ ವಸಂತಕಲ ಪರವಾಯಿ ಸಿನೆಮೊಡು ನಟನೆ ಮಲ್ತೆರ್, ಅಂಚನೆ ನನಲ ೧೦ ತಮಿಳು ಸಿನೆಮೊಡು ನಟನೆ ಮಲ್ತೆರ್. ಮೆರ್ ತಮಿಳು ಬಾಸೆ ಭಾರಿ ಪೊರ್ಲು ಪಾತೆರುವೆರ್ .

ವೈಯಕ್ತಿಕ ಜೀವನ

ಸುಧಾರಾಣಿ ಯು.ಎಸ್.ಎ ಮೂಲದ ಅರಿವಳಿಕೆ ತಜ್ಞ ಡಾ. ಸಂಜಯ್‌‍ನೊಟ್ಟುಗು ಮದಿಮೆ ಆಪೆರ್. ೫ ವರ್ಷಗಳ ಕಾಲ ಯು ಎಸ್ ಎಡ್ ಇತ್ತ್‌ದ್ ಬುಕ್ಕೊ ವಿಚ್ಛೇದನ ಆಪುಂಡು. ಅವೆಡ್ದ್ ಬುಕ್ಕೊ ತನ್ನ ಸಂಬಂಧಿ ಗೋವರ್ಧನನೊಟ್ಟುಗು ಮದಿಮೆ ಆಪೆರ್. ಮೆರೆಗ್ ನಿಧಿ ಪನ್ಪಿ ಮಗಳ್ ಉಲ್ಲಲ್.

ಬಿರ್ದ್,ಸನ್ಮಾನ

ಪಂಚಮ ವೇದ ಬುಕ್ಕೊ ಮೈಸೂರು ಮಲ್ಲಿಗೆ ಸಿನೆಮೊಡು ಸುಧಾರಾಣಿ ರಡ್ಡ್ ಸರ್ತಿ ಅತ್ಯುತ್ತಮ ನಟಿ ಪನ್ಪಿನ ಕರ್ನಾಟಕ ರಾಜ್ಯ ಪ್ರಶಸ್ತಿನ್ ಪಡೆಪೆರ್..೨೦೦೦ಡ್ ಸ್ಪರ್ಶ ಚಲನಚಿತ್ರೊಗು ಅತ್ಯುತ್ತಮ ನಟಿ ಪಂದ್ ಫಿಲ್ಮ್ಫೇರ್ ಪ್ರಶಸ್ತಿ ಪಡೆಪೆರ್.

ವರ್ಷ	ಸಿನೆಮೊ	ಪ್ರಶಸ್ತಿ
೧೯೯೧	ಪಂಚಮ ವೇದ	ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ
೧೯೯೨	ಮೈಸೂರು ಮಲ್ಲಿಗೆ	ಫಿಲ್ಮ್ಫೇರ್ ಪ್ರಶಸ್ತಿ
೧೯೯೨	ಮೈಸೂರು ಮಲ್ಲಿಗೆ	ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ
೨೦೦೦	ಸ್ಪರ್ಶ	ಫಿಲ್ಮ್ಫೇರ್ ಪ್ರಶಸ್ತಿ
೨೦೧೫	ವಾಸ್ತು ಪ್ರಕಾರಾ	ಫಿಲ್ಮ್ಫೇರ್ ಪ್ರಶಸ್ತಿ

ಜೋಕುಲೆ ಪಾತ್ರ

ವರ್ಷ	ಸಿನೆಮೊ	ಪಾತ್ರ	ನಿರ್ದೇಶಕೆರ್
೧೯೭೮	ಕಿಲಾಡಿ ಕಿಟ್ಟ	ಗೀತಾ	ಕೆ. ಎಸ್. ಆರ್. ದಾಸ್
೧೯೮೦	ಕುಳ್ಳ-ಕುಳ್ಳಿ	-	ಎಚ್. ಆರ್. ಭಾರ್ಗವ
೧೯೮೧	ರಂಗನಾಯಕಿ	-	ಪುಟ್ಟಣ್ಣ ಕಣಗಾಲ್
೧೯೮೧	ಅನುಪಮ	-	ರೇಣುಕಾ ಶರ್ಮಾ
೧೯೮೧	ಭಾಗ್ಯವಂತ	-	ಬಿ. ಎಸ್. ರಂಗ
೧೯೮೨	ಬಾಡದ ಹೂ	-	ಕೆ.ವಿ. ಜಯರಾಮ್