ಸುನಿಧಿ ಚೌಹಾನ್

ಸುನಿಧಿ ಚೌಹಾನ್

ಸುನಿಧಿ ಚೌಹಾನ್

ಸುನಿಧಿ ದುಷ್ಯಂತ್ ಚೌಹಾಣ್ ಪುಟ್ಟಿನ ನಿಧಿ ಚೌಹಾಣ್, ೧೪ ಆಗಸ್ಟ್ ೧೯೮೩) ಒರಿ ಭಾರತೀಯ ಪ್ಲೇಬ್ಯಾಕ್ ಗಾಯಕೆ. ತನ್ನ ಧೈರ್ಯಶಾಲಿ ಗಾಯನ ಶ್ರೇಣಿಗ್ ಪುದರ್ ಪೋಯಿನ ಆರ್, ಕೆಲವು ಭಾರತೀಯ ಭಾಷೆಲೆಡ್ ಸಿನಿಮಾಲೆಗ್ ಪಾಡ್ದನೊಲೆನ್ ರೆಕಾರ್ಡ್ ಮಲ್ತೆರ್ ಬೊಕ್ಕ ಮೂಜಿ ಫಿಲ್ಮ್ಫೇರ್ ಪ್ರಶಸ್ತಿಲು ಬೊಕ್ಕ ಒಂಜಿ ಫಿಲ್ಮ್ಫೇರ್ ಪ್ರಶಸ್ತಿ ದಕ್ಷಿಣ ಸೇರ್ದ್ ಪ್ರಶಸ್ತಿಲೆನ್ ಪಡೆಯೆರ್. ದೆಹಲಿಡ್ ಪುಟ್ಟುನ ಆರ್ ೫ ವರ್ಸೊದ ಪ್ರಾಯೊಡು ಸ್ಥಳೀಯ ಕೂಟೊಲೆಡ್ ನಟನೆ ಮಲ್ಪೆರೆ ಸುರು ಮಲ್ತೆರ್ ಬೊಕ್ಕ ೧೩ ವರ್ಸೊದ ಪ್ರಾಯೊಡು ಶಾಸ್ತ್ರ (೧೯೯೬) ಚಿತ್ರೊಡ್ದ್ ತನ್ನ ವೃತ್ತಿಜೀವನೊಗು ಸುರು ಮಲ್ತೆರ್. ವರ್ಷೊಡು, ಮೇರಿ ಆವಾಜ್ ಸುನೋ ಪನ್ಪಿನ ಸುರುತ ಗಾಯನ ರಿಯಾಲಿಟಿ ಶೋನ್ ಗೆಂದಿಯೆರ್ ಬೊಕ್ಕ ಮಸ್ತ್ (೧೯೯೯) ಡ್ದ್ "ರುಕಿ ರುಕಿ ಸಿ ಜಿಂದಗಿ" ರೆಕಾರ್ಡ್ ಮಲ್ತ್ ದ್ ಪ್ರಾಮುಖ್ಯತೆಗ್ ಏರ್ಯೆರ್. ಉಂದು ಅರೆನ ಫಿಲ್ಮ್ಫೇರ್ ಆರ್ ಡಿ ಬರ್ಮನ್ ಪ್ರಶಸ್ತಿನ್ ಪೊಸ ಸಂಗೀತ ಪ್ರತಿಭೆಗ್ ಗೆಂದಿನವು ಬೊಕ್ಕ ಅತ್ಯುತ್ತಮ ಮಹಿಳಾ ಪ್ಲೇಬ್ಯಾಕ್ ಗಾಯಕಿಗ್ ನಾಮನಿರ್ದೇಶನ ಆಯಿನವು. ಒರಿ ಗಾಯಕಿಯಾದ್ ಅರೆನ ಬಹುಮುಖಿತ್ವೊಗು ಅರೆಗ್ ಪುದರ್ ಪೋತುಂಡು.

ಸುರುತ ಜೀವನ

ಸುನಿಧಿ ಚೌಹಾನ್ 1983 ಆಗಸ್ಟ್ 14 ತಾರೀಕ್ ಗ್ ಭಾರತದ ನ್ಯೂ ದೆಹಲಿಡ್ ರಾಜಪುತ್ ಕುಟುಂಬೊಡು ಪುಟ್ಟುವೆರ್. ಅರೆನ ಅಪ್ಪೆ ದುಷ್ಯಂತ್ ಕುಮಾರ್ ಚೌಹಾನ್, ಉತ್ತರ ಪ್ರದೇಶೊದ ಬುಲಂದ್ಶಹರ್ ಡ್ದ್ ಬತ್ತಿನಕುಲು, ಶ್ರೀರಾಮ್ ಭಾರತೀಯ ಕಲಾ ಕೇಂದ್ರೊಡು ರಂಗಭೂಮಿದ ವ್ಯಕ್ತಿತ್ವೊಡು ಉಲ್ಲೆರ್. ಅಲೆನ ಅಮ್ಮೆರ್, ಒರಿ ಗೃಹಿಣಿ, ಚೌಹಾನ್ ನ್ ಸಂಗೀತೊಡು ವೃತ್ತಿಜೀವನ ಮಲ್ಪೆರೆ ಪ್ರಭಾವಿತ ಮಲ್ತೆರ್. ಅಲೆಗ್ ಒರಿ ಎಲ್ಯ ಅಕ್ಕಲಾ ಉಲ್ಲೆರ್.[೫] ನಾಲ್ ವರ್ಸೊದ ಪ್ರಾಯೊಡು, ಚೌಹಾನ್ ಸ್ಪರ್ಧೆಲೆಡ್ ಬೊಕ್ಕ ಸ್ಥಳೀಯ ಕೂಟೊಲೆಡ್ ಪ್ರದರ್ಶನ ಕೊರ್ರೆ ಸುರು ಮಲ್ತೆರ್.

ಆರ್ ಗ್ರೀನ್ ವೇ ಮೊಡರ್ನ್ ಸ್ಕೂಲ್ ಡ್ದ್ ಅಧ್ಯಯನ ಮಲ್ತೆರ್ ಬೊಕ್ಕ ದೆಹಲಿದ ದಿಲ್ಶಾದ್ ಗಾರ್ಡನ್ ಡ್ ಅರೆನ ಕುಟುಂಬದ ಸದಸ್ಯೆರೆನೊಟ್ಟುಗು ಉಪ್ಪುವೆರ್. ಸಂಗೀತ ಉದ್ಯಮೊಡು ವೃತ್ತಿಜೀವನೊನು ಮಲ್ಪೆರೆ ಶಾಲೆ ಮುಗಿನ ಬುಕ್ಕೊನೆ ಅಲೆನ ಅಧ್ಯಯನೊನು ಬುಡ್ಪಾಯೆರ್.ಆಲೆನ್ ಚೌಹಾನ್ ನ್ ಕಲ್ಯಾಂಜಿ ವರ್ಜಿ ಶಾ ಬೊಕ್ಕ ಆನಂದಜಿ ವರ್ಜಿ ಶಾ ಗ್ ಪರಿಚಯ ಮಲ್ತೆರ್. ಭೇಟಿಯಾನಗ, ಕಲ್ಯಾಂಜಿ ಅಲೆನ ಪುದರ್ ನ್ ನಿಧಿಡ್ದ್ ಸುನಿಧಿ ಪಂಡ್ದ್ ಬದಲಾವಣೆ ಮಲ್ತೆರ್ .ಅಲೆಗ್ 11 ವರ್ಷ ಆನಗ, ಅಲೆನ ಅಪ್ಪೆ ಕೆಲಸ ಬುಡ್ದು ಅಲೆನ್ ಮುಂಬೈಗ್ ಲೆತೊಂದು ಬತ್ತೆರ್. ಸುರುಟು, ನಗರೊಗು ಜೀವನೊನು ಸರಿ ಮಲ್ಪೆರೆ ಕುಟುಂಬೊಗು ಆರ್ಥಿಕ ತೊಂದರೆ ಆಂಡ್. ಅಯಿಡ್ದ್ ಬೊಕ್ಕ ಕೆಲವು ವರ್ಷೊಗು ಕಲ್ಯಾಂಜಿನ ಅಕಾಡೆಮಿಡ್ ಬೇಲೆ ಮಲ್ತೆರ್ ಬೊಕ್ಕ ಅರೆನ "ಲಿಟ್ಲ್ ವಂಡರ್ಸ್" ತಂಡೊಡು ಪ್ರಮುಖ ಗಾಯಕಿ ಆಯೆರ್. ಅಪಗ ಅರೆಗ್ ಮಸ್ತ್ ಶೋಲೆನ್ ಒಫರ್ ಮಲ್ತೆರ್, ಆಂಡಲಾ ಅಲೆನ ಅಪ್ಪೆ ಅಲೆನ್ ಸಿನಿಮಾಲೆಗ್ ಪಾಡುನ ಒತ್ತಾಯ ಮಲ್ತೆರ್.

ಸ್ವರ

ಚೌಹಾನ್ ಗ್ ಎಚ್ಚಿನ ಆಕ್ಟೇವ್ ಸ್ವರ ವ್ಯಾಪ್ತಿ ಉಂಡು, ಬೊಕ್ಕ ತಿರ್ತ್ ದ ಆಕ್ಟೇವ್ ಲೆನ್ ತಲುಪುನ ಸಾಮರ್ಥ್ಯ ಉಂಡು ಬೊಕ್ಕ ಪರಿವರ್ತನೆದೊಟ್ಟುಗು ಸ್ವರೊಲೆನ್ ಬುಡ್ಪಾವುಂಡು.

ಸಂಗೀತ ಶೈಲಿ

ಚೌಹಾನ್ ನ ಸಂಗೀತೊಡು ಪಾಪ್, ಹಿಪ್ ಹಾಪ್ ಬೊಕ್ಕ ಆರ್ ಅಂಡ್ ಬಿ ದ ಅಂಶೊಲು ಉಂಡು.ಸಂಗೀತ ಸಂಯೋಜಕೆರ್ ಸಂದೀಪ್ ಚೌಟಾ ಗಾಯಕೆರೆನ ಬಗ್ಗೆ ಪಾತೆರುನಗ ಪನ್ಪೆರ್ "ಆರ್ ಒರಿ ಅದ್ಭುತ ಗಾಯಕಿ ಒಂಜಿ ವ್ಯಾಪಕ ಶ್ರೇಣಿ ಬೊಕ್ಕ ಒಂಜಿ ವೈಯಕ್ತಿಕ ಶೈಲಿಡ್. ಆರ್ ಏರೆನ್ಲಾ ನಕಲು ಮಲ್ಪುಜೆರ್. ಆರ್ ದಾದ ಮಲ್ತೊಂದುಲ್ಲೆರ್ ಪನ್ಪಿನೆನ್ ತೆರಿಯೊಂದಿತ್ತೆರ್ ಬೊಕ್ಕ ಆರ್ ಪೂರ್ತಿ ನಿಯಂತ್ರಣೊಡು ಉಲ್ಲೆರ್. ಆರ್ ಒರಿ ಗಾಯಕಿ ಮಾತ್ರ ಅತ್ತ್, ಆರ್ ಒರಿ ಸಂಗೀತಗಾರ್ತಿಲಾ ಆದುಲ್ಲೆರ್".

ವೈಯಕ್ತಿಕ ಜೀವನ

೨೦೦೨ಡ್, ೧೮ ವರ್ಸೊದ ಪ್ರಾಯೊಡು, ಚೌಹಾನ್ ನಿರ್ದೇಶಕೆರ್ ಬೊಕ್ಕ ನೃತ್ಯ ಸಂಯೋಜಕೆರ್ ಬಾಬಿ ಖಾನ್ (ನೃತ್ಯ ಸಂಯೋಜಕೆರ್ ಬೊಕ್ಕ ನಿರ್ದೇಶಕೆರ್ ಅಹ್ಮದ್ ಖಾನ್ ನ ಮೆಗ್ಯೆ) ನ್ ಮದಿಮೆ ಆಯೆರ್, ಪೆಹ್ಲಾ ನಾಶಾ ಪನ್ಪಿನ ಸಂಗೀತ ವೀಡಿಯೊಡು ಬೇಲೆ ಮಲ್ತೆರ್. ನನೊಂಜಿ ಸರ್ತಿ, ಚೌಹಾನ್ ಮೇರಿ ಆವಾಜ್ ಸುನೋನ್ ಗೆಂದಿನ ದಿನೊಕುಲೆಡ್ದ್ ಬೊಕ್ಕ ಆರ್ ಸ್ನೇಹಿತೆರ್ ಆಯಿನ ಸಂಗೀತ ಸಂಯೋಜಕೆರ್ ಹಿತೇಶ್ ಸೋನಿಕ್ ನೊಟ್ಟುಗು ಒಂಜಿ ಪ್ರಣಯ ಸಂಬಂಧೊನು ಸುರು ಮಲ್ತೆರ್. ರಡ್ಡ್ ವರ್ಸೊಡ್ದ್ ಜಾಸ್ತಿ ಕಾಲ ಡೇಟಿಂಗ್ ಮಲ್ತಿನ ಬುಕ್ಕೊ, ಅಕುಲು ೨೪ ಏಪ್ರಿಲ್ ೨೦೧೨ಡ್ ಗೋವಾಡ್ ಒಂಜಿ ಕಡಿಮೆ ಮಟ್ಟೊದ ಮದಿಮೆದ ಸಮಾರಂಭೊಡು ಮದಿಮೆ ಆಯೆರ್ ಬೊಕ್ಕ ಮುಂಬೈಡ್ ಒಂಜಿ ಮಲ್ಲ ಸ್ವಾಗತೊನು ಮಲ್ತೆರ್, ಉಂದೆಟ್ ಮಸ್ತ್ ಪ್ರಮುಖ ಬಾಲಿವುಡ್ ಸೆಲೆಬ್ರಿಟಿಲು ಪಾಲ್ ಪಡೆಯೆರ್. ಜನವರಿ ೧, ೨೦೧೮ಡ್, ಚೌಹಾನ್ ಒರಿ ಆಣ್ ಬಾಲೆನ್ ಪೆದ್ದುವೆರ್, ಅರೆಗ್ ತೆಗ್ ಪಂಡ್ದ್ ಪುದರ್ ದೀಯೆರ್.

ಪ್ರಶಸ್ತಿಲು ಬೊಕ್ಕ ಸಾಧನೆಲು

ತನ್ನ ವೃತ್ತಿಜೀವನೊಡು, ಚೌಹಾನ್ ಗ್ ಕೆಲವು ಗೌರವೊಲು ಬೊಕ್ಕ ಪ್ರಶಸ್ತಿಲು ಉಂಡು, ಅವುಲು ಮೂಜಿ ಫಿಲ್ಮ್ಫೇರ್ ಪ್ರಶಸ್ತಿಲು ಉಂಡು: ರಡ್ಡ್ "ಅತ್ಯುತ್ತಮ ಮಹಿಳಾ ಪ್ಲೇಬ್ಯಾಕ್" ಗ್ ಬೊಕ್ಕ ಒಂಜಿ ಆರ್ ಡಿ ಬರ್ಮನ್ ಪ್ರಶಸ್ತಿ ಪೊಸ ಸಂಗೀತ ಪ್ರತಿಭೆಗ್. ಥಾಮ್ಸೊ ಐಐಟಿ ರೂರ್ಕೀ ೨೦೨೪, ರೆಂಡೆಜ್ವಸ್ ಐಐಟಿ ದೆಹಲಿ ಫೆಸ್ಟ್ ೨೦೨೨ ಬೊಕ್ಕ ಕೆಐಐಟಿ ಸಿಲ್ವರ್ ಜುಬಿಲಿ ಕಾರ್ನಿವಲ್ ೨೦೨೩ ಸೇರ್ದ್ ಕಾಲೇಜ್ ಉತ್ಸವೊಲೆಡ್ ಲಾ ಆರ್ ಮಸ್ತ್ ಸರ್ತಿ ಪ್ರದರ್ಶನ ಕೊರ್ತೆರ್.