ಸುಭದ್ರಾ ಕುಮಾರಿ ಚೌಹಾಣ್

ಸುಭದ್ರಾ ಕುಮಾರಿ ಚೌಹಾಣ್
ಸುಭದ್ರಾ ಕುಮಾರಿ ಚೌಹಾಣ್
ಪುಟ್ಟಿನ ಊರು	(1904-08-16)16 ಆಗಸ್ಟ್ 1904 ಪ್ರಯಾಗ್ ರಾಜ್
ಸೈತಿನ ದಿನೊ	15 February 1948(1948-02-15) (aged 43) ಸಿಯೋನಿ
ದಂಪತಿ	ಠಾಕೂರ್ ಲಕ್ಷ್ಮಣ್ ಸಿಂಗ್ ಚೌಹಾಣ್
ಬೇಲೆ	ಕವಯಿತ್ರಿ
ಬಾಸೆ	ಹಿಂದಿ
ದೇಸೊ	ಭಾರತೀಯ
ಕಾಲೊ	1904–1948
ಪ್ರಕಾರೊ	ಕವನ
ವಿಸಯೊ	ಹಿಂದಿ ಸಾಹಿತ್ಯ
ಜೋಕುಲು	5

ಸುಭದ್ರ ಕುಮಾರಿ ಚೌಹಾಣ್ (೧೬ ಆಗಸ್ಟ್ ೧೯೦೪ - ೧೫ ಫೆಬ್ರವರಿ ೧೯೪೮) ಭಾರತದ ಕವಿ. ಅರೆನ ಅತ್ಯಂತ ಜನಪ್ರಿಯ ಕಬಿತೆಲೆಡ್ ಒಂಜಿ " ಝಾನ್ಸಿ ಕಿ ರಾಣಿ " (ಝಾನ್ಸಿದ ಧೈರ್ಯಶಾಲಿ ರಾಣಿ ಬಗ್ಗೆ).

ಜೀವನ ಚರಿತ್ರೆ

ಸುಭದ್ರ ಚೌಹಾಣ್ ಉತ್ತರ ಪ್ರದೇಶದ ಪ್ರಯಾಗ್ರಾಜ್ ಜಿಲ್ಲೆದ ನಿಹಾಲ್ಪುರ್ ಗ್ರಾಮೊಡು ಪುಟ್ಟುವೆರ್. ಆರ್ ಸುರುಟು ಅಲಹಾಬಾದ್ ದ ಕ್ರಾಸ್ಥ್ವೇಟ್ ಬಾಲೆಲೆನ ಶಾಲೆಡ್ ಅಧ್ಯಯನ ಮಲ್ತೆರ್. ಅಲ್ಪ ಆಲ್ ಸೀನಿಯರ್ ಆದಿತ್ತೆರ್ ಬೊಕ್ಕ ಮಹಾದೇವಿ ವರ್ಮನೊಟ್ಟುಗು ಸ್ನೇಹಿತೆರ್ ಆದಿತ್ತೆರ್. ಆರ್ 1919ಡ್ ಅರೆನ ಮಿಡ್ಲ್ ಸ್ಕೂಲ್ ಪರೀಕ್ಷೆಡ್ ಪಾಸ್ ಆಯೆರ್. ಬೊಕ್ಕ ಅದೇ ವರ್ಷ ಆರ್ ಖಂಡ್ವಾದ ಠಾಕೂರ್ ಲಕ್ಷ್ಮಣ್ ಸಿಂಗ್ ಚೌಹಾನ್ ನ್ ಮದಿಮೆ ಆಯೆರ್. ನನೊಂಜಿ ಸರ್ತಿ, ಆರ್ ಜುಬ್ಬಾಲ್ಪುರ್ (ಇತ್ತೆದ ಜಬಲ್ಪುರ್), ಸೆಂಟ್ರಲ್ ಪ್ರಾಂತ್ಯೊಗು ಪೋಯೆರ್.೧೯೨೧ಡ್ ಸುಭದ್ರ ಕುಮಾರಿ ಚೌಹಾನ್ ಬೊಕ್ಕ ಆರೆನ ಕಂಡನಿ ಮಹಾತ್ಮ ಗಾಂಧೆರೆನ ಅಸಹಕಾರ ಚಳುವಳಿಡ್ ಸೇರ್ದೆರ್. ನಾಗ್ಪುರೊಡು ನ್ಯಾಯಾಲಯೊಗು ಕನತಿನ ಸುರುತ ಪೊಣ್ಣು ಸತ್ಯಾಗ್ರಹಿ ಆರ್ ಬೊಕ್ಕ ಬ್ರಿಟಿಷ್ ಆಡಳಿತದ ವಿರುದ್ಧದ ಪ್ರತಿಭಟನೆಲೆಡ್ ಪಾಲ್ ಪಡೆಯಿನ ಕಾರಣೊಗು ರಡ್ಡ್ ಸರ್ತಿ ಜೈಲುಗು ಸೇರ್ದೆರ್, ೧೯೨೩ ಬೊಕ್ಕ ೧೯೪೨ಡ್.ಆರ್ ರಾಜ್ಯ ಶಾಸಕಾಂಗ ಸಭೆತ (ದುಂಬು ಮಧ್ಯ ಪ್ರಾಂತ್ಯೊಲು) ಸದಸ್ಯೆರಾದಿತ್ತೆರ್. ೧೯೪೮ಡ್ ಮಧ್ಯಪ್ರದೇಶೊದ ಸಿಯೋನಿದ ಸುತ್ತಮುತ್ತ ಒಂಜಿ ಕಾರ್ ಅಪಘಾತೊಡು ಆರ್ ತೀರ್ ಪೋಯೆರ್. ಆರ್ ವಿಧಾನಸಭೆ ಅಧಿವೇಶನೊಗು ಹಾಜರಾಯೆರೆ ಪೋಯಿನ ಮಧ್ಯ ಪ್ರಾಂತ್ಯೊಲೆನ ಅಪಗದ ರಾಜಧಾನಿ ನಾಗ್ಪುರ್ ಡ್ದ್ ಜಬಲ್ಪುರ್ ಗ್ ವಾಪಸ್ ಬರೊಂದಿತ್ತೆರ್.

ಬರವುದ ವೃತ್ತಿ

ಚೌಹಾಣ್ ಹಿಂದಿ ಕಾವ್ಯೊಡು ಕೆಲವು ಜನಪ್ರಿಯ ಕೃತಿಲೆನ್ ಬರೆತೆರ್. ಅರೆನ ಅತ್ಯಂತ ಪ್ರಸಿದ್ಧ ರಚನೆ ಝಾನ್ಸಿ ಕಿ ರಾಣಿ, ರಾಣಿ ಲಕ್ಷ್ಮೀ ಬಾಯಿನ ಜೀವನೊನು ವರ್ಣನೆ ಮಲ್ಪುನ ಒಂಜಿ ಭಾವನಾತ್ಮಕ ಕಬಿತೆ. ಈ ಕಬಿತೆ ಹಿಂದಿ ಸಾಹಿತ್ಯೊಡು ಮಸ್ತ್ ಪಠಣ ಆಪಿನ ಬೊಕ್ಕ ಪಾಡುನ ಕಬಿತೆಲೆಡ್ ಒಂಜಿ. ಝಾನ್ಸಿದ ರಾಣಿನ ಜೀವನ ಬೊಕ್ಕ ೧೮೫೭ ದಂಗೆಡ್ ಅರೆನ ಪಾಲ್ ಪಡೆಯಿನ ಬಗ್ಗೆ ಭಾವನಾತ್ಮಕವಾದ್ ಚಾರ್ಜ್ ಆಯಿನ ವರ್ಣನೆ ಉಂದು. ಭಾರತೊದ ಶಾಲೆಲೆಡ್ ಉಂದು ವ್ಯಾಪಕವಾದ್ ಕಲ್ಪಾವೊಂದುಲ್ಲೆರ್. ಜಲ್ಲಿಯನ್ವಾಲಾ ಬಾಗ್ ಮೀನ್ ವಸಂತ್, ವೀರನ್ ಕಾ ಕೈಸ ಹೋ ಬಸಂತ್, ರಾಖಿ ಕಿ ಚುನೌತಿ, ಬೊಕ್ಕ ವಿದಾ, ಸ್ವಾತಂತ್ರ್ಯ ಚಳುವಳಿದ ಬಗ್ಗೆ ಮುಕ್ತವಾದ್ ಪಾತೆರುವೆರ್. ಭಾರತೀಯ ಸ್ವಾತಂತ್ರ್ಯ ಚಳುವಳಿಡ್ ಪಾಲ್ ಪಡೆಯೆರೆ ಮಸ್ತ್ ಸಂಖ್ಯೆಡ್ ಭಾರತೀಯ ಜವನೆರೆನ್ ಪ್ರೇರೇಪಿಸಯೆರ್ ಪನ್ಪೆರ್. ಸುಭದ್ರ ಕುಮಾರಿ ಚೌಹಾನ್ ಸರಳ, ಸ್ಪಷ್ಟ ಶೈಲಿಡ್ ಹಿಂದಿದ ಖರಿಬೋಳಿ ಬಾಸೆಡ್ ಬರೆಯೆರ್. ವೀರ ಕಬಿತೆಲೆನ್ ಬುಡ್ದು ಜೋಕುಲೆಗಾದ್ ಕಬಿತೆಲೆನ್ಲಾ ಬರೆತೆರ್. ಮಧ್ಯಮ ವರ್ಗದಕ್ಲೆನ ಬದ್‍ಕ್ ನ್ ಆಧಾರ ಮಲ್ತ್‍ದ್ ಕೆಲವು ಎಲ್ಯ ಕತೆಕುಲೆನ್ ಬರೆತೆರ್.

ಪರಂಪರೆ

ಸುಭದ್ರ ಕುಮಾರಿ ಚೌಹಾನ್ ಒಂಜಿ ಭಾರತೀಯ ಕರಾವಳಿ ರಕ್ಷಣಾ ಪಡೆದ ನೌಕೆ ಐಸಿಜಿಎಸ್ ನ್ ಅರೆನ ಪುದರ್ ಡ್ ದೀಯೆರ್. ಜಬಲ್ಪುರ್ ನಗರಸಭೆ ಕಚೇರಿದ ಎದುರು ಸುಭದ್ರ ಕುಮಾರಿ ಚೌಹಾನ್ ನ ಮೂರ್ತಿನ್ ಮಧ್ಯಪ್ರದೇಶ ಸರ್ಕಾರ ಪ್ರತಿಷ್ಠಾಪನೆ ಮಲ್ತ್ಂಡ್.

ಆಗಸ್ಟ್ ೬, ೧೯೧೭ ದಾನಿ ಆರೆನ ನೆಂಪುಗಾದ್ ಇಂಡಿಯಾ ಅಂಚೆ ಒಂಜಿ ಅಂಚೆ ಚೀಟಿ ಬುಡುಗಡೆ ಮಲ್ತ್ಂಡ್.

ಆಗಸ್ಟ್ ೧೬, ೨೦೨೧ಡ್, ಸರ್ಚ್ ಎಂಜಿನ್ ಗೂಗಲ್ ಸುಭದ್ರ ಕುಮಾರಿನ ೧೧೭ನೇ ಪುಟ್ಟು ಪರ್ಬೊನು ಒಂಜಿ ಡೂಡಲ್ ಡ್ ನೆಂಪು ಮಲ್ತ್ಂಡ್. "ಚೌಹಾನ್ ನ ಕಬಿತೆ ಐತಿಹಾಸಿಕ ಪ್ರಗತಿದ ಸಂಕೇತವಾದ್ ಅನೇಕ ಭಾರತೀಯ ತರಗತಿಲೆಡ್ ಒಂಜಿ ಪ್ರಧಾನವಾದ್ ಉಂಡು. ಉಂದು ಭವಿಷ್ಯದ ತರೆಮರೆನ್ ಸಾಮಾಜಿಕ ಅನ್ಯಾಯೊಗು ವಿರುದ್ಧವಾದ್ ನಿಲೆಯಾವರೆ ಬೊಕ್ಕ ರಾಷ್ಟ್ರದ ಇತಿಹಾಸೊನು ರೂಪಿಸಾಯಿನ ಪದೊಕುಲೆನ್ ಆಚರಣೆ ಮಲ್ಪೆರೆ ಪ್ರೋತ್ಸಾಹಿಸವುಂಡು," ಗೂಗಲ್ ಕಾಮೆಂಟ್ ಮಲ್ತ್ಂಡ್.

ಕೆಲಸ ಮಲ್ಪುಂಡು

ಕಬಿತೆದ ಸಂಕಲನೊಲು |

• ಖಿಲೋನೆವಾಲಾ

• ತ್ರಯ

• ಮುಕುಲ್ (೧೯೩೦)

• ಯೆ ಕಡಂಬ್ ಕಾ ಪೆದ್

ಈ ಸಂಕಲನೊಲೆಡ್ "ಝಾನ್ಸಿ ಕಿ ರಾಣಿ", "ವೀರೂಣ್ ಕಾ ಕೈಸ ಹೋ ಬಸಂತ್", "ಯೆ ಕಡಂಬ್ ಕಾ ಪೀಡ್" ಇಂಚಿನ ಕೆಲವು ಪುದರ್ ಪೋಯಿನ ಕಬಿತೆಲು ಉಂಡು.

• "ಸ್ಟ್ರೇಟ್-ಅಹೆಡ್ ಪಿಕ್ಚರ್" (೧೯೪೬)

• "ಮೇರ ನಾಯ ಬಚ್ಪನ್" (1946)

• "ಬಿಖಾರೆ ಮೋತಿ" (1932)

• "ಝಾನ್ಸಿ ರಾಣಿ"

ಸಣ್ಣ ಕತೆಕುಲು |

• ಹಿಂಗ್ವಾಲಾ