ಸೂರಿಕುಮೇರು ಕೆ. ಗೋವಿಂದ ಭಟ್

ವಿಕಿಪೀಡಿಯರ್ದ್
ಸೂರಿಕುಮೇರು ಗೋವಿಂದ ಭಟ್

ಸೂರಿಕುಮೇರ್ ಕೆ. ಗೋವಿಂದ ಭಟ್ ಮೇರ್ ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳ ತಾಲೂಕುದ ಕುಕ್ಕೆಮನೆತ್ತಾರ್. ೧೯೩೮ ನೇ ಮಾರ್ಚ್ ೨೨ಕ್ಕ್ ಪುಟ್ಟಿನಾರ್. ಮೇರ್ ಯಕ್ಷಗಾನ ದ ದಶಾವತಾರಿ ಪಂದ್ ಪುದರ್ ಪಡೆಯಿನಾರ್. ಮೇರ್ ಯಕ್ಷಗಾನ ಕ್ಷೇತ್ರೊಗು ೭೦ ವರ್ಸೊ ಬೆಂದ್‍ದ್ ಮಲ್ಲ ಕಾಣಿಕೆ ಕೋರ್ತೆರ್.

ವಿದ್ಯಾಭ್ಯಾಸ-ಉದ್ಯೋಗ[ಸಂಪೊಲಿಪುಲೆ]

ಮೇರ್ ಶಾಲೆಡ್ ಪೋತುನೆ ೭ನೇ ಕ್ಲಾಸ್ ಮುಟ್ತ ಮಾತ್ರೆ. ಆರ್ ೧೯೫೧ಟ್ ಆಟೊದ ಮೇಳೊಗು ಸೇರುವೆರ್. ಮೇರ್ ನಾಟ್ಯೊನು ಕುರಿಯ ವಿಠಲ ಶಾಸ್ತ್ರೀ, ಪರಮಶಿವನ್, ಮಾಧವ ಮೆನನ್, ರಾಜನ್ ಅಯ್ಯರ್ ಪನ್ಪಿನಕುಲೆಡ ಕಲ್ತೆರ್. ಅಯಿದ್ದ್ ಬೊಕ್ಕ ಧರ್ಮಸ್ಥಳ, ಮೂಲ್ಕಿ, ಕೂಡ್ಲು, ಸುರತ್ಕಲ್ (ಕೆಳಗಿನ ಮಾರಿಗುಡಿ) ಇರಾ ಸೋಮನಾಥೇ‌ಶ್ವರ ಇಂಚ ಬೇತೆ-ಬೇತೆ ಮೇಳಳೊಡ್ ತಿರುಗಾಟ ಮಲ್ತೆರ್. ಮೇರ್ ಧರ್ಮಸ್ತಳ ಮೇಲೊಡೆ ೫೪ ವರ್ಸೊ ಕೆಲಸ ಮಲ್ತೆರ್. ಒಂಜೇ ಒಂಜಿ ಆಟೊ ಬುಡಂದೆ ಗೊಬ್ಬುನ ಉಂದು ಮೇರ್ ನ ಮಲ್ಲ ಸಾಧನೆ.

ಪುದರ್ ಪೋಯಿನ ಆಟೊದ ವೇಸೊಲು[ಸಂಪೊಲಿಪುಲೆ]

ಸೂರಿಕುಮೇರು ಗೋವಿಂದ ಭಟ್ ಮೇರ್ ಜೋಕುಲು - ಜವನೆರ್ ಬೊಕ್ಕ ಪಿರಯದಕುಲೆಗ್ ಲಾ ಇಸ್ಟ ಆಪುನ ಪಾತ್ರದಾರಿ. ಕೌರವ, ರಕ್ತಬೀಜ, ಇಂದ್ರಜಿತು ಮಾಗಧ, ಕರ್ಣ, ಭೀಷ್ಮ ಬಾಹುಬಲಿ, ವಿಶ್ವಾಮಿತ್ರ, ಅತಿಕಾಯ ನರಕಾಸುರ, ತಾಂಮ್ರಾಕ್ಷ ಕನಕಕಶಿಪು, ದೇವೇಂದ್ರ ಅರ್ಜುನ ಬೊಕ್ಕ ಹನುಮಂತ ಈ ವೇಸೊಲು ಅರೆನ ಪುದರ್ನ್ ಯಕ್ಷಗಾನ ಕ್ಷೇತ್ರೊಡು ಶಾಶ್ವತ ಮಲ್ತ.

ಎಲ್ಪ ತಿರುಗಾಟಲು[ಸಂಪೊಲಿಪುಲೆ]

ಆರ್ ಯಕ್ಷ ಗಾನೊದ ದಿನೊಕುಲೆನ್ ನೆನಪು ಮಲ್ದ್ 'ಎಪ್ಪತ್ತು ತಿರುಗಾಟಗಳು' ಪನ್ಪಿನ ಬೂಕು ಬರೆತೆರ್. ಬುಡುಗಡೆ ಸಮಾರಂಭಡ್ ಆರ್ ಯಕ್ಷಗಾನ ಕ್ಷೇತ್ರದ ಎರ್ತೆ-ಜಕ್ಕೆಲ್ನ್ ಪಣ್ದೆರ್. [೧]

ಪ್ರಶಸ್ತಿಲು[ಸಂಪೊಲಿಪುಲೆ]

  1. ೨೦೧೬ ನೆ ಇಸವಿಡ್ ಆರೆಗ್ ಕೇಂದ್ರ ಸಾಹಿತ್ಯ ನಾಟಕ ಅಕಾಡೆಮಿ ಪ್ರಶಸ್ತಿನ್ ಕೊರ್ತೆರ್.[೨]
  2. ೨೦೦೮ ನೇ ಇಸವಿಡ್ಕ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ(
  3. ಕನ್ನಡ ಸಾಹಿತ್ಯ ಪರಿಷತ್ತು ಪುರಸ್ಕಾರ
  4. ಕರ್ನಾಟಕ ಜಾನಪದ ಅಕಾಡೆಮಿ ಸಾಧನಾ ಪ್ರಶಸ್ತಿ.

ಉಲ್ಲೇಕೊ[ಸಂಪೊಲಿಪುಲೆ]

  1. https://www.prajavani.net/artculture/art/yakshagana-soorikumeru-k-govind-bhat-yeppattu-tirugatagalu-book-will-releasing-on-november-25th-885495.html
  2. https://www.thehindu.com/news/national/karnataka/sangeet-natak-akademi-award-for-govinda-bhat/article18592084.ece