ಸೂರ್ಯಗಾಯತ್ರಿ

ಸೂರ್ಯಗಾಯತ್ರಿ ಕೇರಳದ ಕೋಜ಼ಿಕೋಡು ಜಿಲ್ಲೆದ ಪೆರುಮೇರಿ ಗ್ರಾಮೊಡ್ ೨೬ ಜನವರಿ ೨೦೦೬ ಗು ಪುಟ್ಟುಯೆರ್. ಸಂಗೀತ ಕ್ಷೇತ್ರೊಡು ಮಲ್ಲ ಪುಗರ್ತೆ ಮಾಲ್ತೆರ್. ಸಂಗೀತ ಮಾತ್ರ ಅತ್ತಾಂದೆ ದೇವೆರೆ ನಾಮೊ, ಭಜನೆ, ದಾಸೆರೆನ ಕೀರ್ತನೆಗ್ ಸೊರೊ ಕೋರ್ತೆರ್.

ಕುಟುಂಬ ಪರಿಚಯ

ಸೂರ್ಯ ಗಾಯತ್ರಿ ಎಲ್ಲಿಡುಪ್ಪುನಗನೇ ಸಂಗೀತಡ್ ಆಸಕ್ತಿ ಇತ್ತ್ಂಡ್ ಐನ್ ತುದು ಅಮ್ಮೆರಾಯಿನ ಪಿ.ವಿ.ಅನಿಲ್ ಕುಮಾರ್ ಆರೇಗೂ ಸುರುಕು ಸಂಗೀತದ ಕಲ್ಪಾದ್ ಗುರುವಾದೆರ್. ಆರ್ ಮೃದಂಗ ವಾದನದ ಕಲಾವಿದೆರ್. ಸೂರ್ಯಗಾಯತ್ರಿನ ಅಪ್ಪೆ ಪಿ.ಕೆ.ದಿವ್ಯ ಕಲಾಪೋಷಕರಾದ್ ಆರ್ ಎಲ್ಯ ಎಲ್ಯ ಕವಿತೆ, ಪದ್ಯೊ ಬರೆಪೆರ್. ಮೇರ್ನ ಅಜ್ಜೆರ್ ಬಾಲಚಂದ್ರನ್ ಪನ್ಪಿನಾರ್ ನಾಟ್ಯದ ಗುರು. ಅಂಚನೇ ಅಜ್ಜಿ ತಂಗಮಣಿ ಅಮ್ಮಲಾ ಸಂಗೀತ ಕ್ಷೇತ್ರೊಡು ಬೆಳಗಿನಾರ್.ಶಿವಸೂರ್ಯ ಪನ್ಪಿನಾರ್ ಆರೆನ ಎಲ್ಯ ಮೆಗ್ಯೆ.

ಸಾಧನೆ

ಸುರೂಕು ಅಮ್ಮೆರ್ ಗುರುವಾದ್ ಸೂರ್ಯ ಗಾಯತ್ರಿಗ್ ಸಂಗೀತದ ಪರಿಚಯ ಮಲ್ತ್‌ದ್ ಕೊರಿಯೆರ್. ಬುಕ್ಕೊ ಎಡ್ಡೆ ಗುರುಕ್ಲೆನ್ ನಾಡ್ದ್ ನಾದಾಪುರತ್ತ ನಿಶಾಂತ್ ಸರ್ ಇಂಬೆರೆಡಲಾ ಎಸ್. ಆನಂದಿ ಪನ್ಪಿನ ಗುರುಕ್ಲೆಡ್ದ್ಲಾ ಶಾಸ್ತ್ರೀಯವಾದ್ ಆರ್ ಸಂಗೀತ ಅಭ್ಯಾಸೊ ಸುರು ಮಲ್ತೆರ್. ೯ ವರ್ಸೊಡುದು ಬುಕ್ಕೊ ಕುಲದೀಪ್. ಎಮ್. ಪೈ ಇಂಬೆರೆನ ಶಿಷ್ಯತ್ವ ಸ್ವೀಕಾರ ಮಲ್ತೆರ್. ಬಂಗಾರ್‌ದ ಸ್ವರೊಕ್ಕು ಸಮಾನವಾಯಿನ ಆರೆನ ಸ್ವರೊನು ಕೇಂಡ್‌ದ್ ಜ್ಯೂನಿಯರ್ ಸುಬ್ಬುಲಕ್ಷ್ಮೀಂದ್ ಪಣ್ಪೆರ್.

ಪದ್ಯೊ

ಕುಲದೀಪ್ ಎಮ್. ಪೈ ಮುಕುಳೆಡ್ ಸಂಗೀತ ಕಲ್ತ್‌ದ್ ಸೂರ್ಯಗಾಯತ್ರಿ ಸುಮಾರ್ ಪದ್ಯೊ, ಭಜನೆ,ದೇವೆರೆನ ಸ್ತೋತ್ರ ಪಾಡ್ದ್ ಪ್ರಸಿದ್ದಿ ಪಡೆತೆರ್. ಅಯಿಟ್ಟ್ ಭಾರೀ ಪ್ರಸಿದ್ದವಾಯಿನ ಪದ್ಯೊ ಪಂಡ ರಾಮ ರಾಮ ರಾಮ್ ರಾಮ್ ರಾಮ್, ವೇಲ್ ಮುರುಗ ಪನ್ಪಿನ ಸುಬ್ರಹ್ಮಣ್ಯೊನ ಪದ್ಯ, ಸಹಸ್ರನಾಮ ಇಂಚ ಸುಮಾರ್ ಪದ್ಯೊ.ದೇಶ, ವಿದೇಶಡ್ಲಾ ಮೇರ್ ಸಂಗೀತ ಕಾರ್ಯಕ್ರಮ ಕೊರ್ತೆರ್.