ಸೈಂಟ್ ಮೇರೀಸ್ ದ್ವೀಪೊಲು
ಸೇಂಟ್ ಮೇರಿ ದ್ವೀಪ ಕರ್ನಾಟಕ ದ ಉಡುಪಿ ಜಿಲ್ಲೆಡ್ ಮಲ್ಪೆ ಕರಾವಳಿಡ್ದ್ ಕೆಲವು ಕಿಲೋಮೀಟರ್ ದೂರೊಡು ಉಪ್ಪುನ ಒಂಜಿ ದ್ವೀಪ ಸಮೂಹ. ಸೇಂಟ್ ಮೇರಿ ದ್ವೀಪೊನು ತಾರಾಯಿ ದ್ವೀಪ ಪಂಡ್ದ್ ಲಾ ಲೆಪ್ಪುವೆರ್. ಈ ದ್ವೀಪ ಅಯಿತ ಸ್ತಂಭದ ಬ್ಯಾಲಿಸ್ಟಿಕ್ ಲಾವಾಗ್ ಪುದರ್ ಪೋತುಂಡು. [೧]. ಸೈಂಟ್ ಮೇರಿಸ್ ದ್ವೀಪ ಕರ್ನಾಟಕ ರಾಜ್ಯೊಡು ಉಪ್ಪುನ 4 ಭೂವಿಜ್ಞಾನದ ಸ್ಮಾರಕೊಲೆಡ್ ಒಂಜಿ ಬೊಕ್ಕ ಭಾರತದ ಭೂವಿಜ್ಞಾನ ಸರ್ವೆ ಘೋಷಣೆ ಮಲ್ತಿನ ದೇಶೊದ 26 ಭೂವಿಜ್ಞಾನದ ಸ್ಮಾರಕೊಲೆಡ್ ಒಂಜಿ.
ಇತಿಹಾಸ
[ಸಂಪೊಲಿಪುಲೆ]ಅಯಿತ ಮೂಲ ಪುದರ್ ತೋನ್ಸೆ ಪರ್. ಇತಿಹಾಸದ ಪ್ರಕಾರ, ೧೪೯೭ಡ್, ಪೋರ್ಚುಗೀಸ್ ಸಂಶೋಧಕೆ ವಾಸ್ಕೊ ಡಾ ಗಾಮಾ, ಯುರೋಪ್ ಡ್ದ್ ಭಾರತ ಗ್ ನೌಕಾಯಾನ ಮಲ್ಪುನಗ, ಈ ದ್ವೀಪೊಡು ಬತ್ತೆರ್ ಬೊಕ್ಕ ಅಲ್ಪ ಒಂಜಿ ಕ್ರಾಸ್ ನ್ ಕುತ್ತಿಯೆರ್ ಅಯಿಕ್ "ಎಲ್ ಪ್ಯಾಡ್ರೊನ್ ಡಿ ಸಾಂತಾ ಮಾರಿಯಾ" ಪನ್ಪಿನ ಪುದರ್ ದೀಯೆರ್, ಅರ್ಥ "ಅಮ್ಮೆ ಮೇರಿಗ್ ಸಮರ್ಪಿತ ಜಾಗೆ", ಅಂಚಾದ್ ಸೈಂಟ್ ಮೇರಿ ದ್ವೀಪ ಪನ್ಪಿನ ಪುದರ್ ಬತ್ತ್ಂಡ್.[೨].
ಭೂವಿಜ್ಞಾನ ಬೊಕ್ಕ ಸ್ಥಳಾಕೃತಿ
[ಸಂಪೊಲಿಪುಲೆ]ಸೈಂಟ್ ಮೇರಿ ದ್ವೀಪ ಪಂಡ 4 ದ್ವೀಪೊಲೆನ ಗುಂಪು. ಉತ್ತರ ದ್ವೀಪ, 4 ದ್ವೀಪೊಲೆಡ್ ಒಂಜಿ, ಬಸಾಲ್ಟಿಕ್-ರೈಯೋಡಾಸಿಟಿಕ್ ಕಲ್ಲುಲೆಡ್ದ್ ಮಲ್ಪುನವು ಬೊಕ್ಕ ಷಟ್ಕೋನ ಕಲ್ಲುಲೆನ ಗುಂಪು. ಈ ಪೊರ್ಲುದ ಷಟ್ಕೋನ ಕಲ್ಲುಲು ದೇಶೊಡು ಒಂಜೇ ಉಂಡು ಪನ್ಪೆರ್. ಈ ದ್ವೀಪೊ ಸುಮಾರ್ ೫೦೦ ಮೀ (೧,೬೪೦.೪ ಅಡಿ) ಉದ್ದ ಬೊಕ್ಕ ೧೦೦ ಮೀ ಅಗೆಲ ಉಂಡು. ದ್ವೀಪೊಡು ತಾರಾಯಿದ ಮರಕುಲು ಉಂಡು. ದ್ವೀಪೊಡು ಜನಕುಲು ಇಜ್ಜೆರ್.[೩][೪]. ಬಡಕಾಯಿ-ದೇ‍ಕಾಯಿ ದಿಕ್ಕುಡ್ ಪಸರಿದ್ ಉಪ್ಪುನ ಈ ದ್ವೀಪಸಮೂಹೊಡು ೪ ಮಲ್ಲ ದ್ವೀಪೊಲು ಉಂಡು. ಈ 4 ಮಲ್ಲ ದ್ವೀಪೊಲು
- ನಾರೀಕೇಳ (ತಾರಾಯಿ) ದ್ವೀಪ
- ಉತ್ತರ ದ್ವೀಪ
- ದರಿಯ ಬಹದ್ದೂರು ದ್ವೀಪ
- ದಕ್ಷಿಣ ದ್ವೀಪ
ದ್ವೀಪದ ಫೋಟೋಲು
[ಸಂಪೊಲಿಪುಲೆ]
ಒಂಜಿ ದ್ವೀಪೊಡು ಒಂಜಿ ಕಡಲತೀರ.
ದ್ವೀಪದ ಕಲ್ಲುಲೆನ ರಚನೆ.
ದ್ವೀಪದ ದೊರದ ನೊಟ.
ದ್ವೀಪೊಡು ಸ್ಯಾಂಡ್ ಪೈಪರ್ಸ್
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Columnar Basalt". Geological Survey of India. Archived from the original on 2011-07-21. Retrieved 2008-07-26.
- ↑ Prabhu, Ganesh (2006-03-31). "A beach and an island to relax on". ದ ಹಿಂದು. Archived from the original on 2006-12-13. Retrieved 2008-10-28.
{{cite news}}: More than one of|archivedate=and|archive-date=specified (help); More than one of|archiveurl=and|archive-url=specified (help) - ↑ "St Mary's Island". Retrieved 2009-01-24.
- ↑ "Where rocks tell a tale". ದಿ ಹಿಂದೂ. 2002-09-16. Retrieved 2009-01-24.