ಸೊಂಗ್ಕ್ರಾನ್ (ಥೈಲ್ಯಾಂಡ್)
ಸೊಂಗ್ಕ್ರಾನ್
[ಸಂಪೊಲಿಪುಲೆ]
ಥಾಯ್ಲಂಡ್ ದ ಹೊಸ ವರ್ಷ ಸೊಂಗ್ಕ್ರಾನ್ ಉತ್ಸವ ಅತ್ತಂದೆ ಸೊಂಗ್ಕ್ರಾನ್ ಸ್ಪ್ಲೆಂಡರ್ಸ್ ಪಂಡ್ದ್ ಲಾ ಲೆಪ್ಪುವೆರ್, ಥಾಯ್ ಪೊಸ ವರ್ಸೊದ ರಾಷ್ಟ್ರೀಯ ರಜೆ ಆಯಿನ ದಿನ.[೧] ಸೊಂಗ್ಕ್ರಾನ್ ಪ್ರತಿ ವರ್ಷ ಏಪ್ರಿಲ್ ೧೩ ತಾರೀಕ್ ಗ್ ಉಪ್ಪುಂಡು, ಆಂಡ ರಜೆದ ಅವಧಿ ಏಪ್ರಿಲ್ ೧೪ ರ್ದ್ ೧೫ ಮುಟ್ಟ ಉಪ್ಪುಂಡು. 2018ಡ್ ಥಾಯ್ ಕ್ಯಾಬಿನೆಟ್ ರಾಷ್ಟ್ರವ್ಯಾಪಿ ಉತ್ಸವೊನು ಏಳ್ ದಿನೊಕುಲು, 9-16 ಏಪ್ರಿಲ್ ಗ್ ವಿಸ್ತಾರ ಮಲ್ತ್ಂಡ್, ನಾಗರಿಕೆರ್ ರಜೆಗ್ ಇಲ್ಲಗ್ ಪೋಯೆರೆ ಸಾಧ್ಯ ಆಂಡ್.೨೦೧೯ಡ್, ರಜೆನ್ ಏಪ್ರಿಲ್ ೧೩ ಶನಿವಾರೊಗು ಬರ್ಪುನೆರ್ದಾತ್ರ ಏಪ್ರಿಲ್ ೯-೧೬ ಮುಟ್ಟ ಆಚರಣೆ ಮಲ್ತೆರ್. ೨೦೨೪ಡ್, ಸಾಂಪ್ರದಾಯಿಕ ಮೂಜಿ ದಿನೊತ ಆಚರಣೆದ ಬದಲ್ ಏಪ್ರಿಲ್ ೧ ರ್ದ್ ಏಪ್ರಿಲ್ ೨೧ ಮುಟ್ಟ ನಡಪುನ ಸೊಂಗ್ಕ್ರಾನ್ ನ್ ಸುಮಾರ್ ಇಡೀ ತಿಂಗೊಲುಗು ವಿಸ್ತಾರ ಮಲ್ತೆರ್. ಈ ಪರ್ಬ ಥೆರವಾಡ ಬೌದ್ಧ ಪಂಚಾಂಗೊನು ಅನುಸರಿಸವುನ ಅನೇಕ ಆಗ್ನೇಯ ಬುಕ್ಕೊ್ಕ ದಕ್ಷಿಣ ಏಷ್ಯಾದ ಸಂಸ್ಕೃತಿಲೆಡ್ ಆಚರಣೆ ಮಲ್ಪುನ ಪೊಸ ವರ್ಷೊಗು ಸರಿಸಾಟಿಯಾದುಂಡು, ಬುಕ್ಕೊ್ಕ ಬಿಹು, ಪೊಹೆಲ ಬೋಯಿಶಾಖ್, ಪಾಣ ಸಂಕ್ರಾಂತಿ, ತಮಿಳು ಪುತಂಡು, ವಿಷು, ವೈಶಾಖಿ ಇಂಚಿನ ಹಿಂದೂ ಪಂಚಾಂಗದ ಆಚರಣೆಲೆನೊಟ್ಟುಗು ಸಮ್ಮಿಶ್ರವಾದುಂಡು. ಚೀನಾ (ಯುನ್ನಾನ್ ಪ್ರಾಂತ್ಯೊದ ದೈ ಜನಕುಲು), ಭಾರತ, ಲಾವೊಸ್, ಕಂಬೋಡಿಯಾ, ಮ್ಯಾನ್ಮಾರ್, ನೇಪಾಳ, ಬುಕ್ಕೊ್ಕ ಶ್ರೀಲಂಕಾ ಇಂಚಿನ ದಕ್ಷಿಣ ಏಷ್ಯಾದ ಅನೇಕ ಪ್ರದೇಶೊಲೆಡ್ ಪೊಸ ವರ್ಷದ ಆಚರಣೆಲೆನ ಅದೇ ಸಮಯೊಡು ಪೊಸ ವರ್ಷ ನಡಪುಂಡು[೨]
ಥೈಲ್ಯಾಂಡ್ ಡ್, ಪೊಸ ವರ್ಷೊನು ಇತ್ತೆ ಅಧಿಕೃತವಾದ್ ಜನವರಿ ೧ ತಾರೀಕ್ ಗ್ ಆಚರಣೆ ಮಲ್ಪುವೆರ್. ಸೊಂಗ್ಕ್ರಾನ್ 1888 ಮುಟ್ಟ ಅಧಿಕೃತ ಪೊಸ ವರ್ಷ ಆದಿತ್ತ್ಂಡ್, ಅಪಗ ಅಯಿನ್ ಏಪ್ರಿಲ್ 1 ಗ್ ನಿಗದಿತ ದಿನಾಂಕೊಗು ಬದಲಾವಣೆ ಮಲ್ತೆರ್. ೧೯೪೦ಡ್, ದಿನಾಂಕೊನು ಜನವರಿ ೧ ಗ್ ಬದಲಾವಣೆ ಮಲ್ತೆರ್. ಸಾಂಪ್ರದಾಯಿಕ ಥಾಯ್ ಪೊಸ ವರ್ಷದ ಸೊಂಗ್ಕ್ರಾನ್ ಒಂಜಿ ರಾಷ್ಟ್ರೀಯ ರಜೆ ಆಂಡ್.ಆಚರಣೆಲು ಆಚರಣೆದ ಶುದ್ಧೀಕರಣ ಪಂಡ್ದ್ ರಚನೆ ಆಯಿನ ಸಾರ್ವಜನಿಕ ನೀರ್ದ ಜಗಳೊಲೆಗ್ ಪುದರ್ ಪೋತುಂಡು. ಉಂದು ಥಾಯ್ ಬುಕ್ಕೊ್ಕ ವಿದೇಶಿಯೆರೆನ ನಡುಟು ಮಸ್ತ್ ಜನಪ್ರಿಯ ಆತ್ಂಡ್.
ಪುದರ್ ಕೊರ್ತಿನ ರೀತಿ ಬುಕ್ಕೊ್ಕ ಆಚರಣೆದ ದಿನ
[ಸಂಪೊಲಿಪುಲೆ]ಸೊಂಗ್ಕ್ರಾನ್ ಪಂಡ ಒಂಜಿ ಥಾಯ್ ಶಬ್ದ, ಉಂದು ಸಂಸ್ಕೃತ ಸಂಕ್ರಾಂತಿ ಡ್ದ್ ಬತ್ತ್ ಂಡ್, ಅರ್ಥ 'ಚಲನೆ', 'ಚಲನೆ', 'ದಾರಿ' ಅತ್ತ್ಂಡ 'ಜ್ಯೋತಿಷ್ಯ ಮಾರ್ಗ'. ಉಂದು ರಾಶಿಚಕ್ರೊಡು ಒಂಜಿ ಸ್ಥಾನೊಡ್ದ್ ಬೇತೆ ಸ್ಥಾನೊಗು ಸೂರ್ಯನ ಚಲನೆಡ್ದ್ ಬರ್ಪುಂಡು. ಸಂಸ್ಕೃತೊಡು ಅಯಿತ ಅಕ್ಷರಶಃ ಅರ್ಥದ ಪ್ರಕಾರ, ಪ್ರತಿ ತಿಂಗೊಲು ಒಂಜಿ ಸೊಂಗ್ಕ್ರಾನ್ ನಡಪುಂಡು, ಆಂಡ ಥಾಯ್ ಜನಕುಲು ಸೊಂಗ್ಕ್ರಾನ್ ಪನ್ಪಿನ ಅವಧಿ ಸೂರ್ಯೆ ಮೀನ ರಾಶಿಡ್ದ್ ಮೇಷ ರಾಶಿಗ್ ಪೋನಗ ನಡಪುಂಡು. ಈ ಅವಧಿಗ್ ಸರಿಯಾಯಿನ ಪುದರ್ ಮಹಾ ಸೊಂಗ್ಕ್ರಾನ್ ('ಮಹಾನ್ ಸೊಂಗ್ಕ್ರಾನ್) ಆವೊಡು ದಾಯೆ ಪಂಡ ಉಂದು ಪೊಸ ವರ್ಷದ ಆಗಮನೊಗು ಸರಿಸಾಟಿಯಾದುಂಡು. ಅಂಚಾದ್ ಸೊಂಗ್ಕ್ರಾನ್ ಪರ್ಬ ಪಂಡ ಸೌರ ಪಂಚಾಂಗೊಗು ಅನುಗುಣವಾದ್ ಪೊಸ ವರ್ಸೊದ ಆಚರಣೆ. ಈ ಆಚರಣೆ ಮೂಜಿ ದಿನೊತ ಅವಧಿನ್ ಒಳಗೊಂಡಿಪ್ಪುಂಡು: ಏಪ್ರಿಲ್ ೧೩ ನ್ ಮಹಾ ಸೊಂಗ್ಕ್ರಾನ್ ಪಂಡ್ದ್ ಪರಿಗಣಿಸವೆರ್, ಸೂರ್ಯೆ ಮೇಷ ರಾಶಿಗ್ ಪೋಪಿನ ದಿನ ಅತ್ತ್ಂಡ ಪಿರಾಕ್ದ ವರ್ಷದ ಕೊನೆತ ದಿನ. ಏಪ್ರಿಲ್ ೧೪ ವಾನ್ ನಾವೊ, ಪಿರಾಕ್ದ ಬುಕ್ಕೊ್ಕ ಪೊಸ ವರ್ಷೊಲೆನ ನಡುಟು ಪರಿವರ್ತನೆದ ದಿನ, ಬುಕ್ಕೊ್ಕ ಏಪ್ರಿಲ್ ೧೫ ವಾನ್ ಥಾಲೋಯೆಂಗ್ ಸೊಕ್ ಪೊಸ ವರ್ಷದ ದಿನ. ೧೯೮೯ಡ್, ಥಾಯ್ ಕ್ಯಾಬಿನೆಟ್ ಸರಿಯಾಯಿನ ಸುರುತ ದಿನಾಂಕ (ಏಪ್ರಿಲ್ ೧೩ ೨೦:೫೭) ಇತ್ತ್ಂಡಲಾ, ಸೊಂಗ್ಕ್ರಾನ್ ನ್ ೧೨-೧೪ ಏಪ್ರಿಲ್ ಗ್ ನಿಗದಿ ಮಲ್ತ್ಂಡ್. ಸೊಂಗ್ಕ್ರಾನ್ ನ್ ಸಾಂಪ್ರದಾಯಿಕವಾದ್ ಸೂರ್ಯ ಸಿದ್ಧಾಂತದ ಥಾಯ್ ಆವೃತ್ತಿಡ್ ಸೂರ್ಯಯಾರ್ಟ್ ಡ್ ವಿವರಿಸಾಯಿನ ವಿಧಾನೊದ ಪ್ರಕಾರ ಲೆಕ್ಕ ಮಲ್ತೆರ್. ಸೈಡರಿಯಲ್ ರಾಶಿಚಕ್ರ ವ್ಯವಸ್ಥೆದ ಪ್ರಕಾರ ಸೂರ್ಯ ಮೇಷ ರಾಶಿಗ್ ಪ್ರವೇಶ ಮಲ್ಪುನಗ ಆಚರಣೆ ಸುರು ಆಪುಂಡು. ಉಂದೆನ್ ಮಹಾ ಸೊಂಗ್ಕ್ರಾನ್ ದಿನ ಪನ್ಪೆರ್. ಅಂತಿಮ ದಿನೊನು ಪೊಸ ಸೌರ ವರ್ಷೊನು ಗುರುತು ಮಲ್ಪುಂಡು ಬುಕ್ಕೊ್ಕ ಉಂದೆನ್ ವಾನ್ ಥಾಲೋಯೆಂಗ್ಸೊಕ್ ಪನ್ಪೆರ್. ಜ್ಯೋತಿಷಿಲು, ಸ್ಥಳೀಯ ಅತ್ತಂದೆ ರಾಜಮನೆತನೊದಕುಲು, ನನ ರಡ್ಡ್ ದಿನೊಕುಲೆನ ನಡುಟು ತೂಯಿನ ಪ್ರಕಾರ ಆರ್ಥಿಕತೆ, ಕೃಷಿ, ಮಳೆ, ಬುಕ್ಕೊ್ಕ ರಾಜಕೀಯ ವ್ಯವಹಾರೊಲೆನ ಬಗ್ಗೆ ಮುನ್ಸೂಚನೆ ಮಲ್ಪುವೆರ್. ರಾಜೆ, ಅತ್ತಂದೆ ರಾಜೆರೆನ ಪರವಾದ್ ಮುಖ್ಯ ರಾಜ ಜ್ಯೋತಿಷಿ, ಪೊಸ ವರ್ಷೊದ ಬಗ್ಗೆ ಸಾರ್ವಜನಿಕೆರೆಗ್ ಅಧಿಕೃತ ಅಧಿಸೂಚನೆನ್ ಬುಡುಗಡೆ ಮಲ್ಪುವೆರ್. ಪ್ರಕಾತ್ ಸೊಂಗ್ಕ್ರಾನ್ ಪನ್ಪಿನ ಪ್ರಕಟಣೆಡ್ ಸೊಂಗ್ಕ್ರಾನ್, ಥಾಲೋಯೆಂಗ್ಸೊಕ್, ಚಂದ್ರನ ಪಂಚಾಂಗ, ಬುಕ್ಕೊ್ಕ ಧಾರ್ಮಿಕ ಬುಕ್ಕೊ್ಕ ರಾಜಮನೆತನದ ಸಮಾರಂಭೊಲೆನ ಬಗ್ಗೆ ಮಾಹಿತಿ ಉಂಡು. ಸರ್ಕಾರ ಘೋಷಣೆನ್ ಕಟ್ಟುನಿಟ್ಟಾದ್ ಪಾಲನೆ ಮಲ್ತ್ ದ್ ರಾಜಮನೆತನದ ಜ್ಯೋತಿಷಿ ಮಲ್ತಿನ ಲೆಕ್ಕೊದ ಪ್ರಕಾರ ಕೆಲವು ಸಮಾರಂಭೊಲೆನ್ ಏರ್ಪಾಡ್ ಮಲ್ತ್ಂಡ್.
ಅಚರಣೆದ ಹಿನ್ನಲೆ
[ಸಂಪೊಲಿಪುಲೆ]ಸೊಂಗ್ಕ್ರಾನ್ ಪರ್ಬೊದ ಮೂಲ ಬೌದ್ಧ ಜಾನಪದ ಪುರಾಣ ಅತ್ತಂಡ ಸುಗ್ಗಿ ಬುಕ್ಕೊ್ಕ ವಸಂತ ಋತುಗು ಸಂಬಂಧಪಟ್ಟಿನ ನಾನ್ ಕ್ಯಾನೊನಿಕಲ್ ಜಾತಕೊಡು ಉಂಡು. ಸುವಣ್ಣಭೂಮಿದ ಸಮೃದ್ಧ ಊರು ಸುಖಾವತಿಡ್ ಬಡಪತ್ತ್ ರೈತೆರೆನ ಇಲ್ಲಡ್ ಬೋಡಿಸ್ವ ಪುಟ್ಟುವೆ. ಒಂಜಿ ಸರ್ತಿ ದೇವೆರೆನ ರಾಜೆ ಇಂದ್ರೆ ಸ್ವರ್ಗೊಡ್ದ್ ನಗರೊನು ತೂದು ಭ್ರಷ್ಟಾಚಾರದ ಮಟ್ಟೊಗು ಬೇಜಾರಾಯೆರ್. ಜನಕುಲು ಅಕ್ಲೆನ ಹಿರಿಯೆರೆನ್ ಮಾನಾದಿಗೆ ಮಲ್ಪುಜೆರ್, ಅಸಭ್ಯವಾದ್ ವರ್ತನೆ ಮಲ್ಪುಜೆರ್, ಅಕ್ಲೆಗ್ ಸರಿಯಾಯಿನ ನುಪ್ಪು, ಮರ್ದ್ ಕೊರ್ಪುಜೆರ್ ಪನ್ಪಿನವು ಅರೆಗ್ ತೆರಿಂಡ್. ಅಕುಲೆಗ್ ಅಸಹಾಯಕೆರೆಗ್ ಬುಕ್ಕೊ್ಕ ಅಸಹಾಯಕೆರೆಗ್ ಕರುಣೆ ಇಜ್ಜಿ, ಸಿಲಾ ಬುಕ್ಕೊ್ಕ ಉಪಸತ್ ಡ್ ನಂಬಿಕೆ ಇಜ್ಜಿ ಆಂಡ ಪಾಪೊಡು ಮೋಜಿ ಇತ್ತ್ಂಡ್, ದಾನೊಡು ನಂಬಿಕೆ ಇಜ್ಜಿ ಆಂಡ ಐಶ್ವರ್ಯೊದ ಲೋಭ, ಧರ್ಮೊಡು ನಂಬಿಕೆ ಇಜ್ಜಿ ಆಂಡ ಧರ್ಮದ ವ್ಯವಹಾರ ಮಲ್ತೆರ್. ಧರ್ಮದ ಅವನತಿನ್ ತೂದು ಆರ್ ಪಂಡೆರ್, "ನರಮಾನಿಲೆನ ಮಹಿಮೆ/ಸಿರಿ ಧರ್ಮದ ಮಿತ್ತ್ ನಂಬಿಕೆಡ್ ಉಂಡು. ಧರ್ಮ ಇಜ್ಜಂದೆ ಮಹಿಮೆ ಇಜ್ಜಿ." ಈ ಸತ್ಯೊದ ದೃಢೀಕರಣೊಡು, ನಗರೊಡು ಜನಕುಲು ತಕ್ಷಣನೆ ಅಕ್ಲೆನ ವೈಭವೊನು ಕಳೆವೊಂಡೆರ್. ಮಳೆ, ನೀರ್, ಬುಕ್ಕೊ್ಕ ಆಹಾರ ಕಣ್ಮರೆ ಆಂಡ್ ಬುಕ್ಕೊ್ಕ ಚರ್ಮ ಸುಡುನ ಬಿಸಿ ಸೂರ್ಯನ ಅಲೆಲು ಬುಕ್ಕೊ್ಕ ಕೊಳಕು, ದುರ್ವಾಸನೆದ ಕಸ ಅಕ್ಲೆನ ಇಲ್ಲ್ ಲೆನ್ ತುಂಬಿಯೆರ್. ಈ ಕಷ್ಟೊರ್ದು ಬುಡುದು ಪೋಯೆರೆ ಬೋಡಿಸ್ವನ ನೇತೃತ್ವೊಡು ಜನಕುಲು ಭೂಮಿ ಅಪ್ಪೆ ಅತ್ತ್ಂಡ ಸಿರಿನ್ ಪ್ರಾರ್ಥನೆ ಮಲ್ತೆರ್. ಅಕುಲು ಸಿರಿಗ್ ಅಕ್ಲೆನ ದುರದೃಷ್ಟೊಗು ಕಾರಣ ಬುಕ್ಕೊ್ಕ ಪರಿಹಾರೊನು ಕೇಂಡೆರ್. ಅಲೆನ ಜೋಕುಲೆನ ಮಿತ್ತ್ ಕರುಣೆ ಬುಕ್ಕೊ್ಕ ಸಹಾನುಭೂತಿಡ್ದ್, ಧರ್ಮೊಡು ಅಕ್ಲೆನ ನಂಬಿಕೆನ್ ಪುನಃಸ್ಥಾಪಿಸವುನವು ಅಕ್ಲೆನ ಕಷ್ಟೊಲೆನ್ ಮುಗಿಪಾವುಂಡು ಪಂಡ್ದ್ ಅಲೆಗ್ ಪಂಡೆರ್. ಅಕುಲು ಅಕುಲೆಗ್ ಒಂಜಿ ದೈವಿಕ ತುಂಡು ಫಲವತ್ತಾಯಿನ ಭೂಮಿನ್, ದೈವಿಕ ಬೀಜೊಲೆನ್, ಬರ್ಸೊಗು ಒಂಜಿ ನಿಗೂಢ ಗೀತೆನ್, ಬುಕ್ಕೊ್ಕ ಸೂರ್ಯನ ಬೆಚ್ಚಡ್ದ್ ಶರೀರೊನು ತಂಪು ಮಲ್ಪೆರೆ ಅಕ್ಲೆನ ಚರ್ಮೊಗು ಪಾಡುನ ಕೆಲವು ಬಣ್ಣೊಲೆನ ದೈವಿಕ ತಾನಕ ಪುಡಿತ ಮಡಕೆಲೆನ್ ಕೊರ್ತೆರ್. ಬೋಡಿಸ್ತವನ ಮಾರ್ಗದರ್ಶನೊಡು ಸಿಲ ಬುಕ್ಕೊ್ಕ ಉಪಸೋತೊನು ಆಚರಣೆ ಮಲ್ಪೆರೆ ಜನೊಕುಲು ಪ್ರತಿಜ್ಞೆ ಮಲ್ತೆರ್.
ಬೋದಿಸ್ವ ಬುಕ್ಕೊ್ಕ ಅರೆನ ಸಹಚರೆರ್ ದೈವಿಕ ಭೂಮಿನ್ ಕೃಷಿ ಮಲ್ಪೆರೆ ಸುರು ಮಲ್ತೆರ್, ದೈವಿಕ ಬೀಜೊಲೆನ್ ಬುಳೆಪಾಯೆರ್. ಭಾರೀ ಸೂರ್ಯನ ಅಲೆಡ್ದ್ ಶರೀರ ತಂಪು ಮಲ್ಪರೆ ಕೆಲವು ಬಣ್ಣದ ತಾನಕ ಪೊಡಿ ಬುಕ್ಕೊ್ಕ ನೀರ್ ಪಾಡೊಂದಿತ್ತೆರ್. ಕೆಲವು ದಿನೊಟು ಅಕ್ಲೆನ ಬೆಳೆ ಬುಲೆಂಡ್ ಅವು ಸೂರ್ಯೆ ಮೇಷ ರಾಶಿದ ನಕ್ಷತ್ರಪುಂಜೊಗು ಪ್ರವೇಶ ಮಲ್ತಿನ ದಿನ. ಅಕುಲು ಮಸ್ತ್ ಧಾನ್ಯೊಲೆನ್ ಉತ್ಪಾದನೆ ಮಲ್ತೆರ್. ಸುಗ್ಗಿದ ದಿನೊಟ್ಟ್ ಅಕ್ಲೆನ ಹಿರಿಯಕ್ಲೆನ ಕಾರ್ ದೆಕ್ಕ್ದ್, ನಮನ ಮಲ್ತ್ದ್, ರುಚಿಯಾದ್ ನುಪ್ಪು, ಸರಿಯಾಯಿನ ಕುಂಟುಲೆನ್ ಬಲಸುವೆರ್. ಅಗತ್ಯೊಡುಪ್ಪುನಕ್ಲೆಗ್ ಬುಕ್ಕೊ್ಕ ಅಸಹಾಯಕೆರೆಗ್ ದಾನೊಲೆನ್ ಮಲ್ತೆರ್. ಅಂಚಾದ್, ಜನಕುಲು ಧರ್ಮನ್ ಪುನಃಸ್ಥಾಪಿಸಯೆರ್. ಕೆಳಕಂಡ ಕೋಷ್ಟಕೊಡು ನಾಂಗ್ ಸೊಂಗ್ಕ್ರಾನ್ ದ ಪುದರ್ ಬುಕ್ಕೊ್ಕ ಗುಣಲಕ್ಷಣೊಲೆನ್ ಪಟ್ಟಿ ಮಲ್ತ್ ದ್ ಉಂಡು, ಅವು ಪ್ರತಿ ವರ್ಷ ವಾರೊದ ಯಾವ ದಿನೊಟು ಮಹಾ ಸೊಂಗ್ಕ್ರಾನ್ ಬರ್ಪುಂಡು ಪನ್ಪಿನೆಕ್ ಅನುಗುಣವಾದ್ ಬದಲಾವಣೆ ಆಪುಂಡು.
ವಾರದ ದಿನ ಬುಕ್ಕೊ್ಕ ಅಯಿಕ್ ಅನುಗುಣವಾದ್ ಬಣ್ಣ ಪುದರ್ ಪುಷ್ಪ ಆಭರಣ ಕಲ್ಲ್ ಆಹಾರ ಬಲತ್ತ ಕೈ ಎಡತ್ತ ಕೈ ಸಾಗಾಣಿಕೆ ಭಾನುವಾರ ದುಂಗ್ಶಾ ದೇವಿ/ತುಂಗ್ಸಾ ಥೇವಿ/ ದಾಳಿಂಬೆ ಪೂ /ಮಾಣಿಕ್ಯ/ ಅಂಜೂರ/ ಶಂಖ/ ಗರುಡ ಸೋಮವಾರ ಗೋರಾಘಾ ದೇವಿ/ಖೊರಖಾ ತೇವಿ/ ಕಾರ್ಕ್ ಮರತ ಪೂ/ ಚಂದ್ರಕಲ್ಲು ಎಣ್ಣೆ/ ಕತ್ತಿ ದಂಡ/ ಹುಲಿ ಮಂಗಳವಾರ ರಾಕ್ಷಸ ದೇವಿ/ರಕ್ಷೋತ್ ತೇವಿ/ ಕಮಲದ ಪೂ /ಅಗೇಟ್ ನೆತ್ತ ತ್ರಿಶೂಲ/ ಬಿಲ್ಲು/ ಹಂದಿ ಬುಧವಾರ ಮಂಡಾದೇವಿ/ಮಂತ ತೇವಿ/ ಚಂಪಕ್ ಪೂ/ಬೆಕ್ಕುದ ಕಣ್ಣ್/ ಬೆಣ್ಣೆ ಸ್ಟೈಲಸ್/ ಸ್ಟಾಫ್ ಕತ್ತೆ ಗುರುವಾರ ಕಿರಿಣಿ ದೇವಿ/ಕಿರಿನಿ ತೆವಿ/ ಮೆಗ್ನೋಲಿಯಾ ಪಚ್ಚೆ/ ಕಾಯಿ ಬುಕ್ಕೊ್ಕ ಎಳ್ಳು ಕೊಕ್ಕೆ/ ಬಿಲ್ಲು/ ಆನೆ ಶುಕ್ರವಾರ ಕಿಮಿದಾ ದೇವಿ/ಕಿಮಿತಾ ಥೇವಿ/ ನೀರಿನ ಲಿಲಿಲು/ ನೀಲಮಣಿ/ ಬಾಳೆ/ ಕತ್ತಿ/ ಲೂಟ್ /ಎಮ್ಮೆ ಶನಿವಾರ ಮಹೋಧರಾ ದೇವಿ/ಮಹೋತೋನ್ ತೇವಿ /ನೀರಿನ ಹಯಾಸಿಂತ್ ಪೂ/ ನೀಲಿ ನೀಲಮಣಿ/ ಹಂದಿ /ಜಿಂಕೆ/ ಮಾಸ ಚಕ್ರ ತ್ರಿಶೂಲ/ ನವಿಲು.