ಸೋಬಾನೆ

ಸೋಬಾನೆ ಪಂಡ ಬೇತೆ ಬೇತೆ ಎಡ್ಡೆ ಮಂಗಿಲೊ ಕ್ರಮೊತ ಸಮಯೊಟು ಪೊಂಜೊವುನಕುಲು ಪನ್ಪುನ ಪದಕೊಲು. ಅವೆನ್ ಶೋಭಾನೆ, ಸೋಬನೆ, ಶೋಭಾನ, ಸೋಬನ ಪನ್ಪೆರ್. ಬೇತೆ ಬೇತೆ ಆಚರಣೆದ ಪೊರ್ತುಡು ಪೊಂಜೊವುಲು ಪದೊಕುಲು, ಆರತಿ ಮಾನ್ಪುನಗ, ಮದ್ರೆಂಗಿತಾನಿ, ಮದ್ಮೆತಾನಿ ಕಾಂಡೆ, ಬಯ್ಯ, ಪರ್ಬ, ಇಂಚಿತ್ತಿನ ಸಂದರ್ಬೊಡು ಪದೊತ ರೂಪೊಡು ಪನ್ಪುನ ಜಾನಪದ ಗೀತೆಲು. ಉಂದ್ ಪಿರಾಕ್ತ್, ತುಳು, ಅರೆಭಾಷೆ, ಹವ್ಯಕ, ಬುಕ್ಕೊ್ಕ ಕನ್ನಡ ಜಾನಪದ ಸಂಸ್ಕೃತಿದ ಮುಖ್ಯ ಪಾಲ್ ಅತ್ ಉಂಡು.

ಸೋಬಾನೆ

ಸಂಗ್ರಹೊ ಬುಕ್ಕ ಪ್ರಕಟಣೆ

ಇಂಚಿತ್ತಿನ ಸೋಬಾನೆ ಪದೊಕುಲೆನ್ ಹವ್ಯಕ ಬಾಸೆಟ್ ಪ್ರೊ. ಟಿ. ಕೇಶವಭಟ್ರ್ ಅಧ್ಯಯನ ಮಾನ್ತ್‌ತ್ ಸಂಗ್ರಹ ಮಲ್ತ್‌ದ್ ಪ್ರಕಟ ಮಲ್ತ್‌ದೆರ್. ಈ ಸಂಕಲನೊಡು ಸುಮಾರ್ 280 ಸೋಬಾನೆ ಪದೊಕುಲು ಉಂಡು, ಅವು ಮದಿಮೆದ ಸೋಬಾನೆ , ಚತುರ್ಥಿ ಸೋಬಾನೆ, ಇಲ್ಲಡೆ ಒಕ್ಕೆಲ್ ಸೋಬಾನೆ, ಇಲ್ಲದ ಪೊಣ್ಣನ ನಿತ್ಯಜೀವನ ಬುಕ್ಕೊ್ಕ ಕುಟುಂಬದ ಸೋಬಾನೆ, ಅಂಚೆನೇ ಪುಟ್ಟು ಪರ್ಬ, ಬಯಕೆ, ಉಪನಯನಸೋಬಾನೆ ಇಂಚಿತ್ತಿನ ವಿಭಾಗೊಲೆಡ್ ಗುಂಪು ಆತ್ಂಡ್. ಈ ಸೋಬಾನೆಟ್ ಪ್ರಾಸ, ಲಯ, ಮಟ್ಟು ಮಾಂತ ಯಕ್ಷಗಾನ ಪ್ರಸಂಗತ ಪದೊತ ಸಂಯೋಜನಾ ಶೈಲಿಗ್ ಸಮಾನವಾದುಂಡು ಪನ್ಪಿನೆನ್ ಪ್ರೊ.ಕೇಸವಭಟ್ಟೆರ್ ತನ್ನ ಕೃತಿಡ್ ವಿವರವಾದ್ ಚರ್ಚೆ ಮಲ್ತೆರ್.

ಜನಪದೊತ ಲಕ್ಷಣೊ

ಸೋಬಾನೆ ಪಂಡ ಪೊಂಜೊವುಲೆನ ಸೃಷ್ಟಿ, ಪೀಳಿಗೆಡ್ದ್ ಪೀಳಿಗೆಗ್, ಬಾಯಿತ್ ಬಾಯಿಗ್ ಪೋದ್, ಕೆಬಿತ್ ಕೆಬಿಕ್ ಬುರ್ದ್ ಬತ್ತಿನವು. ಪೊರ್ಲ ಕಂಟ್ ಸ್ವರೊ ಬುಕ್ಕೊ್ಕ ಲಯೊಲು ಇಪ್ಪುನ ಪೊಣ್ಣು ಪೊಂಜೊವುನಕುಲು ಪದೊ ಪನ್ಪೆರ್, ಬುಕ್ಕೊ್ಕ ಕೆಲವೆರ್ ಅವೆನ್ ಅನುಕರಣೆದ ಮೂಲಕ ಕಲ್ಪುವೆರ್.