ಸೌತ್ ಇಂಡಿಯನ್ ಬ್ಯಾಂಕ್
ಸೌತ್ ಇಂಡಿಯನ್ ಬ್ಯಾಂಕ್ ಲಿಮಿಟೆಡ್, ಕೇರಳ ರಾಜ್ಯೊಡು ಉಂಡಾಯಿನ ಒಂಜಿ ಖಾಸಗಿ ವಲಯದ ಬ್ಯಾಂಕ್. ಕೇರಳದ ತ್ರಿಶೂರುಡು ಈ ಬ್ಯಾಂಕ್ದ ಮುಖ್ಯ ಕಹೇರಿ ಉಂಡು. ಈ ಬ್ಯಾಂಕ್ ಭಾರತದ 26 ರಾಜ್ಯೊಲು ಬೊಕ್ಕ 4 ಕೇಂದ್ರಾಡಳಿತ ಪ್ರದೇಶೊಲೆಡ್ ಒಟ್ಟು 955 ಬ್ಯಾಂಕಿಂಗ್ ವ್ಯವಹಾರ ಕೇಂದ್ರೊಲೆನ್ (954 ಶಾಖೆಲು ಬೊಕ್ಕ 1 ಸೇವಾ ಶಾಖೆ) ಹೊಂದ್ದ್ ಉಂಡು. ಅತ್ತಂದೆ ದೇಸೊರ್ಮೆ ಒಟ್ಟು 1,290 ಎಟಿಎಂ/ಸಿಆರ್ಎಂ (1,159 ಎಟಿಎಂಲು ಬೊಕ್ಕ 131 ಕ್ಯಾಶ್ ರಿಸೈಕ್ಲರ್ ಯಂತ್ರೊಲು)ಲೆನ್ ಹೊಂದ್ದ್ ಉಂಡು. ಮಾರುಕಟ್ಟೆ ಬಂಡವಾಳದ ಪ್ರಕಾರ ಖಾಸಗಿ ಬ್ಯಾಂಕ್ ವಲಯಡ್ ಈ ಬ್ಯಾಂಕ್ ೧೫ನೇ ಸ್ಥಾನಡ್ ಉಂಡು.[೧]
ಇತಿಹಾಸ
[ಸಂಪೊಲಿಪುಲೆ]ಕೇರಳದ ತೃಶೂರ್ಡ್ ಸ್ಥಾಪನೆ ಆಯಿನ ಸೌತ್ ಇಂಡಿಯನ್ ಬ್ಯಾಂಕ್ ಭಾರತದ ಪಿರಾಕ್ದ ಖಾಸಗಿ ವಲಯದ ಬ್ಯಾಂಕುಲೆಡ್ ಒಂಜಿ ಆತ್ಂಡ್. ಈ ಬ್ಯಾಂಕ್ನ್ ತೃಶೂರ್ದ 44 ಜನ ಉದ್ಯಮಿಲು ಒಟ್ಟಾದ್ ಜನವರಿ 29, 1929ಕ್ ಆರಂಭ ಮಲ್ತೆರ್. ಬ್ಯಾಂಕ್ ಆರಂಭಡ್ ತೃಶೂರ್ದ 'ರೌಂಡ್ ಸೌತ್'ಡ್ ಇಪ್ಪುನ ಬಿಷಪ್ ಮೆನಾಚೆರಿ ಕಟ್ಟಡಡ್ ತನ್ನ ವ್ಯವಹಾರನ್ ಅಧಿಕೃತವಾದ್ ಸುರು ಮಲ್ತ್ಂಡ್. ಫೆಬ್ರವರಿ 12, 1932 ಕ್ 'ವಡಕ್ಕಂಚೇರಿ'ಡ್ ಬ್ಯಾಂಕ್ದ ಸುರುತ ಶಾಖೆನ್ ದೆತ್ತೆರ್. ಆಗಸ್ಟ್ 11, 1939 ಕ್ ಈ ಬ್ಯಾಂಕ್ನ್ 'ಪಬ್ಲಿಕ್ ಲಿಮಿಟೆಡ್ ಕಂಪನಿ'ಯಾದ್ ಬದಲಾವಣೆ ಮಲ್ತೆರ್. ಆಗಸ್ಟ್ 7, 1946 ಕ್ ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಕಾಯ್ದೆದಡಿ ಸೌತ್ ಇಂಡಿಯನ್ ಬ್ಯಾಂಕ್ಗ್ 'ಷೆಡ್ಯೂಲ್ಡ್ ಬ್ಯಾಂಕ್' ಸ್ಥಾನಮಾನನ್ ತಿಕ್ಕಿಂಡ್. ಈ ಪರವಾನಗಿ ತಿಕ್ಕಿನ ಕೇರಳದ ಸುರುತ ಖಾಸಗಿ ವಲಯದ ಬ್ಯಾಂಕ್ ಪುಗರ್ತೆ ಸೌತ್ ಇಂಡಿಯನ್ ಬ್ಯಾಂಕ್ಗ್ ಉಂಡು.[೧]
ಏಪ್ರಿಲ್ 1992 ಡ್ ಆರ್ಬಿಐ ಪರವಾದ್ 'ದುಡ್ಡುದ ಉಗ್ರಾಣ' ಸುರು ಮಲ್ತಿನ ಸುರುತ ಖಾಸಗಿ ಬ್ಯಾಂಕ್ ಪನ್ಪಿನ ಪುಗರ್ತೆಗ್ ಉಂದು ಪಾತ್ರ ಆಂಡ್. ಅಂಚೆನೆ ಆ ವರ್ಷದ ನವೆಂಬರ್ಡ್ ಅನಿವಾಸಿ ಭಾರತೀಯರೆಗಾದ್ ಬೇತೆನೆ ಎನ್ಆರ್ಐ ಶಾಖೆನ್ ಸುರು ಮಲ್ತೆರ್. ಬಂಡವಾಳ ಒಟ್ಟು ಮಲ್ಪೆಗಾದ್ ಅಕ್ಟೋಬರ್ 1998 ಡ್ ಬ್ಯಾಂಕ್ ತನ್ನ ಸುರುತ ಸಾರ್ವಜನಿಕ ಶೇರು ವಿತರಣೆನ್ ಸುರು ಮಲ್ತ್ಂಡ್. ಡಿಸೆಂಬರ್ 1998 ಡ್ ಬಿಎಸ್ಇ ಬೊಕ್ಕ ಎನ್ಎಸ್ಇ ಶೇರು ಮಾರುಕಟ್ಟೆಲೆಡ್ ಉಂದೆತ್ತ ಶೇರುಲು ನೋಂದಾವಣೆ ಆಂಡ್. ತಂತ್ರಜ್ಞಾನ ಗಲಸುನಾ ದುಂಬುದ ಹಂತವಾದ್, 2001 ಡ್ ಇನ್ಫೋಸಿಸ್ದ ಫಿನಾಕಲ್ ಸಾಫ್ಟ್ವೇರ್ ಆಧಾರಿತ ಕೇಂದ್ರೀಕೃತ ಬ್ಯಾಂಕಿಂಗ್ ತಂತ್ರಜ್ಞಾನನ್ ಜಾರಿಗ್ ಕನತ್ತೆರ್. ತನ್ನ ಗ್ರಾಹಕರೆಗ್ ಡಿಜಿಟಲ್ ಬ್ಯಾಂಕಿಂಗ್ ಸೌಲಭ್ಯನ್ ಕೊರಿಯೆಗಾದ್ ಮೊಬೈಲ್ ಬ್ಯಾಂಕಿಂಗ್ ಆಪ್ಲೆನ್ ಬುಡುಗಡೆ ಮಲ್ತ್ಂಡ್.[೨]
ಏಪ್ರಿಲ್ 25, 2018 ಕ್ ಬ್ಯಾಂಕ್ ದುಬೈಡ್ ತನ್ನ ಸುರುತ ವಿದೇಶಿ ಪ್ರತಿನಿಧಿ ಕಚೇರಿನ್ ದೆತ್ತ್ಂಡ್.
ಸ್ವಾಧೀನ
[ಸಂಪೊಲಿಪುಲೆ]೧೬೩ಡ್
[ಸಂಪೊಲಿಪುಲೆ]1963 ತ ಪೊರ್ತುಡು ಸೌತ್ ಇಂಡಿಯನ್ ಬ್ಯಾಂಕ್ ಕೇರಳದ ರಡ್ಡ್ ಬ್ಯಾಂಕುಲೆನ್- ಕ್ಷೇಮವಿಲಾಸಂ ಬ್ಯಾಂಕಿಂಗ್ ಕಂಪನಿ ಲಿಮಿಟೆಡ್ ಬೊಕ್ಕ ಅಂಬಾಟ್ ಬ್ಯಾಂಕ್ ಪ್ರೈವೇಟ್ ಲಿಮಿಟೆಡ್, ಚಿತ್ತೂರು- ಖರೀದಿ ಮಲ್ತ್ಂಡ್.[೩]
೧೯೬೪ಡ್
[ಸಂಪೊಲಿಪುಲೆ]1964 ತ ಒಂಜೇ ವರ್ಷಡ್ ಸೌತ್ ಇಂಡಿಯನ್ ಬ್ಯಾಂಕ್ ಒಟ್ಟು 10 ಬ್ಯಾಂಕುಲೆನ್ ಸ್ವಾಧೀನ ಮಲ್ತೊಂಡ್.[೪] ಅವು-
- ಪಬ್ಲಿಕ್ ಬ್ಯಾಂಕ್ ಲಿಮಿಟೆಡ್
- ಸಬರ್ಬನ್ ಬ್ಯಾಂಕ್ ಪ್ರೈವೇಟ್ ಲಿಮಿಟೆಡ್
- ವಿಜಯಲಕ್ಷ್ಮಿ ಬ್ಯಾಂಕ್ ಪ್ರೈವೇಟ್ ಲಿಮಿಟೆಡ್
- ಚಾಲಕುಡಿ ಬ್ಯಾಂಕ್ ಲಿಮಿಟೆಡ್
- ಮುಕ್ಕಾಟ್ಟುಕರ ಕ್ಯಾಥೊಲಿಕ್ ಬ್ಯಾಂಕ್ ಲಿಮಿಟೆಡ್
- ಅಸಿರಿಯನ್ ಚಾರಿಟೀಸ್ ಬ್ಯಾಂಕಿಂಗ್ ಕಂಪನಿ ಲಿಮಿಟೆಡ್
- ದ ಕ್ಯಾಥೊಲಿಕ್ ಸಿರಿಯನ್ ಕ್ರಿಶ್ಚಿಯನ್ ಬ್ಯಾಂಕ್ ಲಿಮಿಟೆಡ್
- ಮಲಬಾರ್ ಬ್ಯಾಂಕ್ ಲಿಮಿಟೆಡ್
- ಭಾರತ ಯೂನಿಯನ್ ಬ್ಯಾಂಕ್ ಲಿಮಿಟೆಡ್
- ಕೊಝುವನಾಲ್ ಬ್ಯಾಂಕ್ ಲಿಮಿಟೆಡ್
ಉಲ್ಲೇಖ
[ಸಂಪೊಲಿಪುಲೆ]- 1 2 "About SIB". South Indian Bank. South Indian Bank. Retrieved 30 June 2026. Cite error: Unknown parameter "ref" in
<ref>tag; supported parameters are details, dir, follow, group, name (see the help page). - ↑ "COMPANY INFO". stocksandsecurities.adityabirlacapital.com. Aditya Birla Capital Ltd. Retrieved 30 June 2026.
- ↑ "COMPANY INFO". stocksandsecurities.adityabirlacapital.com. Aditya Birla Capital Ltd. Retrieved 30 June 2026.
- ↑ "COMPANY INFO". stocksandsecurities.adityabirlacapital.com. Aditya Birla Capital Ltd. Retrieved 30 June 2026.