ಸೌದಿ ಅರೇಬಿಯಾ
ಸೌದಿ ಅರೇಬಿಯಾ- ಅಧಿಕೃತವಾದ್ ಸೌದಿ ಅರೇಬಿಯಾ ಸಾಮ್ರಾಜ್ಯ- ಪಶ್ಚಿಮ ಏಷ್ಯಾದ ಒಂಜಿ ದೇಶ. ಅರೇಬಿಯನ್ ಪರ್ಯಾಯ ದ್ವೀಪದ ಮಲ್ಲ ಭಾಗೊಡು ಸೌದಿ ಅರೇಬಿಯಾ ಉಂಡು. ಇಂದೆತ ಇಸ್ತೀರ್ನೊ ೨೧,೪೯,೬೯ ಚದರ ಕಿ.ಮೀ ಉಂಡು. ರಿಯಾದ್ ಈ ದೇಸೊದ ರಾಜದಾನಿ ಬೊಕ್ಕ ಮಾಮಲ್ಲ ಪೇಂಟೆ. ಇಸ್ತೀರ್ನೊದ ಲೆಕ್ಕೊಡು ಸೌದಿ, ಏಷ್ಯಾದ ಐದನೇ ಮಲ್ಲ ದೇಶ ಬೊಕ್ಕ ಪ್ರಪಂಚದ ಪದಿರಾಡನೇ ಮಲ್ಲ ದೇಶ ಆದುಂಡು. ಮುಲ್ಪದ ಅಂದಾಜಿ ಜನಸಂಕೆ ೩ ಕೋಟಿ ೩೭ ಲಕ್ಷ. ಜನಸಂಕೆದ ಲೆಕ್ಕೊಡು ಸೌದಿ ಪ್ರಪಂಚೊಡು ೪೨ನೇ ಸಾನೊಡು ಉಂಡು. ಸೌದಿದ ಪಡ್ಡಾಯಿಡ್ ಕೆಂಪು ಸಮುದ್ರ ಉಂಡು. ಅಂಚನೆ ಬಡಕಾಯಿಡ್ ಜೋರ್ಡಾನ್, ಇರಾಕ್ ಬೊಕ್ಕ ಕುವೈತ್ ದೇಸೊಲು ಉಲ್ಲ. ಮೂಡಾಯಿಡ್ ಅರೇಬಿಯನ್ ಕೊಲ್ಲಿ ಉಂಡು. ಅವೇ ದಿಕ್ಕ್‌ಡ್ ಬಹ್ರೇನ್, ಕತಾರ್ ಬೊಕ್ಕ ಯುನೈಟೆಡ್ ಅರಬ್ ಎಮಿರೇಟ್ಸ್ ದೇಸೊಲು ಉಲ್ಲ. ಆಗ್ನೇಯಡ್ ಓಮನ್ ಬೊಕ್ಕ ತೆನ್ಕಾಯಿಡ್ ಯೆಮೆನ್ ದೇಸೊ ಉಂಡು. ವಾಯುವ್ಯಡ್ ಉಪ್ಪುನ ಅಕಾಬಾ ಕೊಲ್ಲಿ ಉಂದೆನ್ ಈಜಿಪ್ಟ್ ಬೊಕ್ಕ ಇಸ್ರೇಲ್ ದ್ದ್ ಬೇತೆ ಮಲ್ಪುಂಡು. ಇಸ್ಲಾಂ ಧರ್ಮದ ರಡ್ಡ್ ಪವಿತ್ರ ನಗರಲಾಯಿನ ಮಕ್ಕಾ ಬೊಕ್ಕ ಮದೀನಾ ಮುಲ್ಪ ಉಂಡು. ರಾಜದಾನಿ ರಿಯಾದ್‌ಡ್ದ್ ಮದೀನಾ ಅಂದಾಜಿ ೮೦೦ ಕಿಲೋಮೀಟರ್ ದೂರೊಡು, ಅಂಚನೆ ಮದೀನಾ ೮೫೦ ಕಿಲೋಮೀಟರ್ ದೂರೊಡು ಉಲ್ಲ.[1][2]
ಇತಿಹಾಸೊ
[ಸಂಪೊಲಿಪುಲೆ]ಇಸ್ಲಾಂ ಧರ್ಮ ಬರ್ಪುನೆಕ್ ದುಂಬು ಸೌದಿ ಅರೇಬಿಯಾದ ಇತ್ತೆದ ಜಾಗೆಡ್, ಮಸ್ತ್ ಪಿರಾಕ್‌ಡ್ ಸಂಸ್ಕೃತಿ ಬೊಕ್ಕ ನಾಗರಿಕತೆಲೆನ ಕೇಂದ್ರ ಆದಿತ್ತ್ಂಡ್. ಸೌದಿ ಅರೇಬಿಯಾದ ಇತಿಹಾಸ ಪೂರ್ವದ ಪುರಾತತ್ವ ಅಧ್ಯಯನೊಡು ಆಫ್ರಿಕಾ ಬುಡೀಂಡ ಪಿದಾಯಿ ನರಮಾನಿಲು ಇತ್ತಿನ ಸುರುತ ಕುರುಹುಲು ಮುಲ್ಪ ತೋಜಿದ್ ಬೈದ್ಂಡ್. ಸುಮಾರ್ ೧ ಲಕ್ಷ ವರ್ಸೊಗು ಪಿರ ಮುಲ್ಪ ನರಮನಿಲು ವಾಸಿಸೊಂದಿತ್ತೆರ್ ಪಂದ್ ಸಂಸೋದನೆಡ್ ಗೊತಾಂಡ್.[3]
ಏಳನೇ ಶತಮಾನದ ಸುರುಟು ಮುಲ್ಪ ಇಸ್ಲಾಂ ಧರ್ಮ ಪುಟ್ಟಿಂಡ್. ಇಸ್ಲಾಂ ಪ್ರವಾದಿ ಮುಹಮ್ಮದ್ ಪೈಗಂಬರೆರ್ ಅರೇಬಿಯನ್ ಪರ್ಯಾಯ ದ್ವೀಪದ ಜನಕುಲೆನ್ ಒಟ್ಟು ಮಲ್ತ್‌ದ್ ಒಂಜಿ ಇಸ್ಲಾಮಿಕ್ ಧಾರ್ಮಿಕ ರಾಜ್ಯೊನು ಉಂಡು ಮಲ್ತೆರ್. 632ನೇ ಇಸವಿಡ್ ಪೈಗಂಬರ್ ತೀರಿ ಬೊಕ್ಕ, ಆರೆನ ಅನುಯಾಯಿಲು ಮುಸ್ಲಿಂ ಆಡಳಿತೊನು ಅರೇಬಿಯಾದ ಪಿದಾಯಿಲಾ ವಿಸ್ತಾರ ಮಲ್ತೆರ್. ಕೆಲವು ದಶಕೊಲೆಡ್ ಉತ್ತರ ಆಫ್ರಿಕಾ, ಮಧ್ಯ ಏಷ್ಯಾ, ದಕ್ಷಿಣ ಏಷ್ಯಾ ಬೊಕ್ಕ ಐಬೀರಿಯಾದ ಜಾಗೆಲೆಡ್‌ಲಾ ಇಸ್ಲಾಮ್ ದರ್ಮೊ ಪಗರಿಂಡ್.
ಸೌದಿ ಅರೇಬಿಯಾಡ್ ಪುಟ್ಟ್‌ನ ಅರಬ್ ರಾಜವಂಶೊಲು ಪನ್ನಗ- ರಶಿದುನ್ (632–661), ಉಮಯ್ಯದ್ (661–750), ಅಬ್ಬಾಸಿದ್ (750–1517) ಬೊಕ್ಕ ಫಾತಿಮಿದ್ (909–1171)- ಈ ಅರಸುವಂಸೊಲು ಸೌದಿಡ್ ಖಲೀಫಶಾಹಿನ್ ಸ್ಥಾಪನೆ ಮಲ್ತೆರ್. ಅತ್ತಂದೆ ಏಷ್ಯಾ, ಆಫ್ರಿಕಾ ಬೊಕ್ಕ ಯುರೋಪ್‌ಡ್ ಬೇತೆ ಮಸ್ತ್ ಮುಸ್ಲಿಂ ರಾಜ್ಯೊಲೆನ್ಲಾ ಉಂಡು ಮಲ್ತೆರ್.[4][5][6][7][8]
ಇತ್ತೆದ ಸೌದಿ ಅರೇಬಿಯಾನ್ ೧೯೩೨ನೇ ಇಸವಿಡ್ ಸೌದಿ ಅರೇಬಿಯಾದ ಸುರುತ ರಾಜೆ ಅಬ್ಲುಲ್ ಅಜೀಝ್ ಉಂಡು ಮಲ್ತೆರ್. ಸೌದಿ ಉಂಡಾವರ ದುಂಬು ರಡ್ ಸೌದಿ ಸಾಮ್ರಾಜ್ಯೊಲು ಆದ್ ಪೋತೊ. ರಾಜೆ ಅಬ್ದುಲ್ ಅಜೀಝ್, ಅಪಗ ಅಸ್ತಿತ್ವೊಡು ಇತ್ತಿನ ತುಂಡು ಸಾಮ್ರಾಜ್ಯೊಲೆನ್ ರಾಜಕೀಯ ಬೊಕ್ಕ ಮಿಲಿಟರಿ ಬಲ್ ಗಲಸ್‌ದ್ ಒಂಜಿ ಮಲ್ತೆರ್, ಅಂಚ ಒಂಜಿ ಮಾಮಲ್ಲ ಸೌದಿ ಸಾಮ್ರಾಜ್ಯೊ ಉಂಡಾಂಡ್.[9]
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Total, all countries or areas", World Statistics Pocketbook 2023, World Statistics Pocketbook (Ser. V), United Nations, 2023-09-09, p. 3, doi:10.18356/9789210025249c004, ISBN 978-92-1-002524-9, retrieved 2025-08-11
- ↑ Binder, Clemens (2016-12-10), "Border Disputes Through Ill-Defined Borders: Maritime Territorial Conflicts and Their Impact on Security", Border Politics, Cham: Springer International Publishing, pp. 33–50, doi:10.1007/978-3-319-46855-6_3, ISBN 978-3-319-46854-9, retrieved 2025-08-11
- ↑ Callaway, Ewen (27 January 2011). "Early human migration written in stone tools : Nature News". Nature. doi:10.1038/news.2011.55. ISSN 0028-0836. Archived from the original on 5 April 2017. Retrieved 25 November 2016.
- ↑ "Islam, The Arab Empire Of The Umayyads". history-world.org. Archived from the original on 15 December 2014. Retrieved 1 April 2017.
- ↑ "The Arab Empire | Mohammed | Umayyad Empire History". www.historybits.com. Archived from the original on 25 January 2019. Retrieved 9 January 2021.
- ↑ "Top 10 Greatest Empires In History". Listverse. 22 June 2010. Archived from the original on 9 August 2021. Retrieved 9 January 2021.
- ↑ Pillalamarri, Akhilesh (22 February 2015). "The 5 Most Powerful Empires in History". The National Interest. Archived from the original on 28 June 2018. Retrieved 9 January 2021.
- ↑ "10 Greatest Empires in the History of World". Top Ten Lists. 24 March 2010. Archived from the original on 2 February 2017. Retrieved 9 January 2021.
- ↑ Alhussein, Eman (2023), "Saudi Arabias centralized political structure: prospects and challenges", Handbook of Middle East Politics, Edward Elgar Publishing, pp. 144–157, ISBN 978-1-80220-563-3