ಹಾಂಗ್ಕುನ್

ಹಾಂಗ್ಕುನ್ 宏村
ಊರು
ಹಾಂಗ್ಕುನ್
Interactive map of ಹಾಂಗ್ಕುನ್
Coordinates: 30°00′12″N 117°59′26″E
ದೇಶೊ	ಚೀನಾದ ಪೀಪಲ್ಸ್ ರಿಪಬ್ಲಿಕ್
ಪ್ರಾಂತೊ	ಆನ್‌ಹುಯಿ
ಪ್ರಾಂತ ಮಟ್ಟದ ಪಟ್ಟಣೊ	ಹುವಾಂಗ್‌ಶಾನ್ ಪಟ್ಟಣೊ
ಕೌಂಟಿ	ಯಿ ಕೌಂಟಿ
ಊರು	ಹಾಂಗ್ಕುನ್ ಊರು
ಟೆಂಪ್ಲೇಟ್:Designation list

ಹಾಂಗ್ಕುನ್ ಪಂಡ ಚೀನಾದ ದಕ್ಷಿಣ ಅನ್ಹುಯಿ ಪ್ರಾಂತ್ಯೊದ ಐತಿಹಾಸಿಕ ಹುಯಿಝೌ ಪ್ರದೇಶೊಡು ಹುವಾಂಗ್ಶಾನ್ ಪರ್ವತದ ನೈಋತ್ಯ ಇಳಿಜಾರುದ ಸಮೀಪೊಡು ಉಪ್ಪುನ ಹುವಾಂಗ್ಶಾನ್ ನಗರೊದ ಯಿ ಕೌಂಟಿದ ಹಾಂಗ್ಕುನ್ ಟೌನ್ ಡ್ ಒಂಜಿ ಊರು.

ಕ್ಸಿಡಿ ಬುಕ್ಕೊ, ಈ ಊರು 2000ಡ್ ಯುನೆಸ್ಕೋದ ವಿಶ್ವ ಪರಂಪರೆದ ತಾಣ ಆಂಡ್, ದಾಯೆ ಪಂಡ ಫ್ಯೂಡಲ್ ಚೀನಾದ ಒಂಜಿ ಗ್ರಾಮೀಣ ಊರುದ ವಾಸ್ತುಶಿಲ್ಪ ಬೊಕ್ಕ ನಗರ ಯೋಜನೆನ್ ಅಪೂರ್ವವಾದ್ ಸಂರಕ್ಷಣೆ ಮಲ್ತೆರ್. ಕ್ರೌಚಿಂಗ್ ಟೈಗರ್, ಹಿಡನ್ ಡ್ರ್ಯಾಗನ್ ಚಿತ್ರೊದ ದೃಶ್ಯೊಲೆನ್ ಹಾಂಗ್ಕುನ್ ಡ್ ಸ್ಥಳೊಡು ಚಿತ್ರೀಕರಣ ಮಲ್ತೆರ್.

ಇತಿಹಾಸ ಬೊಕ್ಕ ನಗರ ಯೋಜನೆ

ದಕ್ಷಿಣ ಸಾಂಗ್ ರಾಜವಂಶದ ಕಾಲೊಡು ಒರಿ ಜನರಲ್ ಆಯಿನ ವಾಂಗ್ ವೆನ್ 1131ಡ್ ಹಾಂಗ್ಕುನ್ ನ್ ಸ್ಥಾಪನೆ ಮಲ್ತೆರ್. ಕ್ಸಿಡಿಡ್ ನೆರೆಕರೆತ ಹು ಕುಟುಂಬದಲೆಕನೆ, ವಾಂಗ್ ಕುಟುಂಬೊಲಾ ಸಮೃದ್ಧ ವ್ಯಾಪಾರಿಲು ಆಯೆರ್ ಬೊಕ್ಕ ನಗರೊದ ಗಾತ್ರ 1400 ಡ್ದ್ ಸುಮಾರ್ 1900 ಮುಟ್ಟ ಬುಲೆಂಡ್. ಮಿಂಗ್ ಬೊಕ್ಕ ಕ್ವಿಂಗ್ ರಾಜವಂಶೊಲೆನ ಸುಮಾರ್ 150 ನಿವಾಸೊಲೆನ ವಾಸ್ತುಶಿಲ್ಪ ಬೊಕ್ಕ ಕೆತ್ತನೆಲು ಚೀನಾಡ್ ಅಯಿಕ್ಲೆನ ರೀತಿದ ಎಡ್ಡೆ ಉಂಡು ಪನ್ಪೆರ್. ಸಂದರ್ಶಕೆರೆಗ್ ತೆರೆದಿತ್ತಿನ ಮಲ್ಲ ನಿವಾಸೊಲೆಡ್ ಒಂಜಿ ಆಯಿನ ಚೆನ್ಜಿ ಹಾಲ್ ಡ್ ಒಂಜಿ ಎಲ್ಯ ಮ್ಯೂಸಿಯಂಲಾ ಉಂಡು.

ಊರು ಒಂಜಿ ಎರುದ ಆಕಾರೊಡು ಜೋಡಾದ್ ಉಂಡು, ಸುತ್ತಮುತ್ತದ ಗುಡ್ಡೆನ್ (ಲೀಗಾಂಗ್ ಗುಡ್ಡೆ) ತಲೆ ಪಂಡ್ದ್ ಅರ್ಥ ಮಲ್ತೆರ್, ಬೊಕ್ಕ ಅಯಿಟ್ ರಡ್ಡ್ ಮರಕುಲು ಕೊಂಬುಲೆನ್ ಪಂಡ್ದ್ ಅರ್ಥ ಮಲ್ತೆರ್. ಜಿಯಿನ್ ತೋಡುದ ಮಿತ್ತ್ ನಾಲ್ ಸೇತುವೆಲೆನ್ ಕಾಲುಲೆನ ರೂಪೊಡು ತೂವೊಲಿ ಆಂಡ ಊರುದ ಇಲ್ಲ್ ಲು ದೇಹೊನು ರೂಪೊ ಕೊರ್ಪುಂಡು. "ದೇಹ" ದ ಒಳಗೆ, ಜಿಯಿನ್ ಸ್ಟ್ರೀಮ್ ಕರುಳುಲೆನ್ ಪ್ರತಿನಿಧಿಸವುಂಡು ಬೊಕ್ಕ "ದಕ್ಷಿಣ ಕೆರೆ" (ನಾನ್ಹು) ಇಂಚಿನ ವಿವಿಧ ಕೆರೆಕುಲು ಬೇತೆ ಆಂತರಿಕ ಅಂಗೊಲೆನ್ ರೂಪಿಸವುಂಡು. ಒಂಜಿ 400 ವರ್ಸೊದ ಪಿರಾಕ್ದ ಜಲಮಾರ್ಗ ಪ್ರತಿಯೊಂಜಿ ವಸತಿ ಇಲ್ಲ್ ನ್ ಊರುದ ರಡ್ಡ್ ಜಲಮೂಲೊಲೆಗ್ ಸಂಪರ್ಕ ಮಲ್ಪುಂಡು, ಅಯಿಕ್ಲೆನ ಜೊತೆಟ್ ಬಹುತೇಕ ಬೀದಿಲೆನ್ ನಿರ್ಮಾಣ ಮಲ್ತೆರ್. ಈ ಬೀದಿಲು ಮೂಲ ಯಿ ಕೌಂಟಿ ಗ್ರಾನೈಟ್ ಡ್ ಸುಸಜ್ಜಿತ ಆತ್ಂಡ್. ಊರುದ ಸಾಮಾನ್ಯ ನಿವಾಸೊಲು ಸಮ್ಮಿತಿ ಕೊಠಡಿಲೆಡ್ ಸುತ್ತುವರಿದ್ ಒಂಜಿ ಕೇಂದ್ರ ಪ್ರಾಂಗಣೊನು ಒಳಗೊಂಡಿಪ್ಪುಂಡು, ಆಂಡಲಾ ಶ್ರೀಮಂತ ನಾಗರಿಕೆರೆಗ್ ಮಸ್ತ್ ಮಲ್ಲ ಬೊಕ್ಕ ಖಾಸಗಿ ಇಲ್ಲ್ ಲು ಉಂಡು.

ಸಾರಿಗೆ

ಹುವಾಂಗ್ಶಾನ್ ಬಸ್ ನಿಲ್ದಾಣೊಡ್ದ್ ಬಸ್ಸುಲು ಲಭ್ಯ ಉಂಡು. ಟ್ಯಾಂಗ್ಕೌ ಬಸ್ ನಿಲ್ದಾಣೊಡ್ದ್ ಹಾಂಗ್ಕುನ್ ಗ್ ಬಸ್ಸುಲುಲಾ ಉಂಡು. ಟ್ಯಾಂಗ್ಕೌ ಬಸ್ ನಿಲ್ದಾಣ ಹುವಾಂಗ್ಶಾನ್ ದೃಶ್ಯ ಪ್ರದೇಶದ ಪಾದೊಡು ಉಂಡು.

ಗ್ಯಾಲರಿ

ಚೀನಾದ ಆನ್‌ಹುಯಿ ಪ್ರಾಂತೊದ ಹಾಂಗ್ಕುನ್.

ದಕ್ಷಿಣ ಅನ್ಹುಯಿಡ್ ಪ್ರಾಚೀನ ಗ್ರಾಮೊಲು - ಕ್ಸಿಡಿ ಬೊಕ್ಕ ಹಾಂಗ್ಕುನ್