ಹೆಚ್‌ಡಿಎಫ್‌ಸಿ ಬ್ಯಾಂಕ್
ಎಚ್‌ಡಿಎಫ್‌ಸಿ ಬ್ಯಾಂಕ್ ಲಿಮಿಟೆಡ್ ಭಾರತ ಮೂಲದ ಬ್ಯಾಂಕಿಂಗ್ ಬೊಕ್ಕ ಹಣಕಾಸು ಸೇವೆಲೆನ್ ಕೊರ್ಪಿನ ಸಂಸ್ಥೆ ಆದುಂಡು. ಇಂದೆತ ಮುಖ್ಯ ಕಛೇರಿ ಬೊಂಬಾಯಿಡ್ ಉಂಡು. ಆಸ್ತಿ ಬೊಕ್ಕ ಮಾರುಕಟ್ಟೆ ಬಂಡವಾಳದ ಆಧಾರಡು ಭಾರತದ ಖಾಸಗಿ ವಲಯದ ಮಾಮಲ್ಲ ಬ್ಯಾಂಕ್ ಆದುಂಡು.[1]
ಎಚ್‌ಡಿಎಫ್‌ಸಿ ಬ್ಯಾಂಕ್, ಭಾರತೀಯ ಸ್ಟೇಟ್ ಬ್ಯಾಂಕ್ ಬೊಕ್ಕ ಐಸಿಐಸಿಐ ಬ್ಯಾಂಕ್-ಈ ಮೂಜಿ ಬ್ಯಾಂಕುಲೆನ್ ನಮ ದೇಸೊದ ಮಸ್ತ್ ಪ್ರಮುಖ ಬ್ಯಾಂಕ್‌ಲು ಇಂದ್ ಭಾರತೀಯ ರಿಸರ್ವ್ ಬ್ಯಾಂಕ್ ಗುರುತು ಮಲ್ತ್‌ದುಂಡು. ಸಾಧಾರಣವಾದ್ ಇಂಚಿತ್ತಿನ ಮಾಮಲ್ಲ ಬ್ಯಾಂಕುಲೆಗ್ "ಮುರ್ಕರೆ ಸಾಧ್ಯನೇ ಇಜ್ಜಾಂದಿನಾತ್ ಮಲ್ಲ ಬ್ಯಾಂಕುಲು" ಪನ್ಪೆರ್.[2][3]
ಜೂನ್ ೨ ೨೦೨೬ದ ಪೊರ್ತುಗು, ಎಚ್‌ಡಿಎಫ್‌ಸಿ ಬ್ಯಾಂಕ್ ೧೨.೦೯ ಲಕ್ಷ ಕೋಟಿ ಮಾರುಕಟ್ಟೆ ಬಂಡವಾಳ ಹೊಂದ್‌ದ್, ಭಾರತೀಯ ಷೇರು ಮಾರುಕಟ್ಟೆಡ್ ರಡ್ಡನೇ ಮಾಮಲ್ಲ ಕಂಪೆನಿ ಆದ್ ಪುಗರ್ತೆ ಪಡೆದ್ಂಡ್.[4] ೨೦೨೩ನೇ ಇಸವಿಡ್ ಮೂಲ ಸಂಸ್ಥೆ ಹೌಸಿಂಗ್ ಡೆವಲಪ್‌ಮೆಂಟ್ ಫೈನಾನ್ಸ್ ಕಾರ್ಪೊರೇಷನ್, ಎಚ್‌ಡಿಎಫ್‌ಸಿ ಬ್ಯಾಂಕ್‌ದ ಒಟ್ಟುಗು ವಿಲೀನ ಆಯಿ ಬೊಕ್ಕ, 1,73,000ಡ್ದು ಎಚ್ಚ ಬೇಲೆದಕ್ಲು ಈ ಬ್ಯಾಂಕ್‌ಡ್ ಉಲ್ಲೆರ್. ಆ ಮೂಲಕ ಭಾರತದ 16ನೇ ಮಾಮಲ್ಲ ಉದ್ಯೋಗದಾತ ಸಂಸ್ಥೆಯಾದ್ ಎಚ್‌ಡಿಎಫ್‌ಸಿ ಮೂಡ್ದು ಬತ್ಂಡ್.[5][6]
ಇತಿಹಾಸ
[ಸಂಪೊಲಿಪುಲೆ]ಎಚ್‌ಡಿಎಫ್‌ಸಿ ಬ್ಯಾಂಕ್ 1994 ಡ್ ಎಚ್‌ಡಿಎಫ್‌ಸಿ ಲಿಮಿಟೆಡ್‌ನ ಅಂಗಸಂಸ್ಥೆಯಾದ್ ಸುರು ಆಯಿನ ಸಂಸ್ಥೆ.[7][8] ಎಚ್‌ಡಿಎಫ್‌ಸಿ ಲಿಮಿಟೆಡ್‌‌ಗ್ ಖಾಸಗಿ ಬ್ಯಾಂಕ್‌ನ್ ಸುರು ಮಲ್ಪೆರೆ ರಿಸರ್ವ್ ಬ್ಯಾಂಕ್‌ಡ್ದ್ ತಾತ್ವಿಕ ಅನುಮೋದನೆ ತಿಕ್ಕಿತ್ತ್ಂಡ್. ಅಂಚ ಎಚ್‌ಡಿಎಫ್‌ಸಿ ಬ್ಯಾಂಕ್ ಜನವರಿ 1995 ಡ್ ಮುಂಬೈಡ್ ತನ್ನ ನೋಂದಾಯಿತ ಕಚೇರಿದ ಒಟ್ಟುಗು ಕೆಲಸ ಸುರು ಮಲ್ತ್ಂಡ್.[9] ವರ್ಲಿದ ಸ್ಯಾಂಡೋಜ್ ಹೌಸ್‌ಡ್ ಇಪ್ಪುನ ಇಂದೆತ ಸುರುತ ಕಾರ್ಪೊರೇಟ್ ಕಚೇರಿ ಬುಕ್ಕ ಶಾಖೆನ್ ಅಪಗದ ಕೇಂದ್ರ ಹಣಕಾಸು ಸಚಿವೆರಾಯಿನ ಮನ್ಮೋಹನ್ ಸಿಂಗೆರ್ ಉದ್ಘಾಟನೆ ಮಲ್ತೆರ್.[10]
ವಿಲೀನಲು ಬುಕ್ಕ ಸ್ವಾದೀನಲು
[ಸಂಪೊಲಿಪುಲೆ]ಫೆಬ್ರವರಿ 2000ನೇ ಇಸವಿಡ್ ಟೈಮ್ಸ್ ಬ್ಯಾಂಕ್ ಎಚ್‌ಡಿಎಫ್‌ಸಿ ಬ್ಯಾಂಕ್‌ದ ಒಟ್ಟುಗು ವಿಲೀನ ಆಂಡ್.[11] ಉಂದು ಭಾರತದ ಬ್ಯಾಂಕಿಂಗ್ ಇತಿಹಾಸೊಡು ಸುರುತ ಸ್ವಯಂಪ್ರೇರಿತ ವಿಲೀನ ಆದುಂಡು. ಟೈಮ್ಸ್ ಬ್ಯಾಂಕ್‌ನ್ ಭಾರತದ ಮಾಮಲ್ಲ ಮಾಧ್ಯಮ ಸಂಸ್ಥೆ ಆಯಿನ 'ದಿ ಟೈಮ್ಸ್ ಗ್ರೂಪ್' ಸ್ಥಾಪನೆ ಮಲ್ತ್‌ದಿತ್ತ್ಂಡ್.
2008 ಡ್, ಎಚ್‌ಡಿಎಫ್‌ಸಿ ಬ್ಯಾಂಕ್ 'ಸೆಂಚುರಿಯನ್ ಬ್ಯಾಂಕ್ ಆಫ್ ಪಂಜಾಬ್'ನ್ ಶೇರು ಬದಲಾವಣೆದ ಒಪ್ಪಂದದ ಮೂಲಕ ₹9,510 ಕೋಟಿಗ್ ತನ್ನ ವಶಕ್ ದೆತೊಂಡ್. ವರದಿಲೆನ ಪ್ರಕಾರ, ಉಂದು ಆ ಪೊರ್ತುಡು ಭಾರತೀಯ ಹಣಕಾಸು ವಲಯಡೇ ನಡತಿನ ಮಾಮಲ್ಲ ಸ್ವಾಧೀನ ಪ್ರಕ್ರಿಯೆ ಆದಿತ್ಂಡ್.[12]
2021 ಡ್, ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾದ ಲೆಕಾನೆ ದೇಸೊರ್ಮೆ ಚಿಲ್ಲರೆ ಪಾವತಿ ವ್ಯವಸ್ಥೆಲೆಗಾದ್ ಒಂಜಿ ಪ್ರಮುಖ ಸಂಸ್ಥೆನ್ ನಡಪುನ ಉದ್ದೇಶಡ್ದ್, ಟಾಟಾ ಗ್ರೂಪ್‌ದ 'ಫರ್ಬೈನ್' ಸಂಸ್ಥೆಡ್ ಎಚ್‌ಡಿಎಫ್‌ಸಿ ಬ್ಯಾಂಕ್ ಶೇಕಡಾ 9.99 ದಾತ್ ಪಾಲನ್ನು ದೆತೊಂಡ್.[13]
ಎಚ್‌ಡಿಎಫ್‌ಸಿ ಲಿಮಿಟೆಡ್ - ಎಚ್‌ಡಿಎಫ್‌ಸಿ ಬ್ಯಾಂಕ್ ವಿಲೀನ
[ಸಂಪೊಲಿಪುಲೆ]4 ಏಪ್ರಿಲ್ 2022 ರಂದು, ಎಚ್‌ಡಿಎಫ್‌ಸಿ ಲಿಮಿಟೆಡ್ ತನ್ನ ಅಂಗಸಂಸ್ಥೆ ಎಚ್‌ಡಿಎಫ್‌ಸಿ ಬ್ಯಾಂಕ್‌ದ ಒಟ್ಟುಗು ವಿಲೀನ ಆಪುನ ಘೋಷಣೆ ಮಲ್ತ್ಂಡ್. ಉಂದು ಭಾರತದ ಇತಿಹಾಸಡೇ ಮಾಮಲ್ಲ ವಿಲೀನ ಬೊಕ್ಕ ಸ್ವಾಧೀನ ಪ್ರಕ್ರಿಯೆ ಆದುಂಡು.[14][15] ಈ ವಿಲೀನದ ಭಾಗವಾದ್, ಎಚ್‌ಡಿಎಫ್‌ಸಿ ಲಿಮಿಟೆಡ್ ತನ್ನ ಇಲ್ಲ್ ಸಾಲದ ಪೂರ್ತಿ ಜಬದರಿನ್ ಎಚ್‌ಡಿಎಫ್‌ಸಿ ಬ್ಯಾಂಕ್‌ಗ್ ವರ್ಗಾವಣೆ ಮಲ್ತ್ಂಡ್. ಅಂಚನೆ, ಎಚ್‌ಡಿಎಫ್‌ಸಿ ಲಿಮಿಟೆಡ್‌ದ ಠೇವಣಿದಾರೆರೆಗ್ ತಂಕುಲೆನ ದುಡ್ಡುನು ಪಿರ ದೆಪ್ಪೆರೆ ಅತ್ತಂಡ ಬ್ಯಾಂಕ್ ಆ ಪೊರ್ತುಡು ಕೊರ್ಪುನ ಬಡ್ಡಿ ದರಟ್ ತಂಕುಲೆನ ಠೇವಣಿಲೆನ್ ಪೊಸತು ಮಲ್ಪೆರೆ ಅವಕಾಶ ಕೊರಿಯೆರ್.[16]
1 ಜುಲೈ 2023 ರಂದು, ಎಚ್‌ಡಿಎಫ್‌ಸಿ ಲಿಮಿಟೆಡ್ ಬೊಕ್ಕ ಎಚ್‌ಡಿಎಫ್‌ಸಿ ಬ್ಯಾಂಕ್‌ಲೆನ ವಿಲೀನ ಪ್ರಕ್ರಿಯೆ ಮುಗಿಂಡ್. ಈ ವಿಲೀನಡ್ದಾತ್ರ, ಎಚ್‌ಡಿಎಫ್‌ಸಿ ಬ್ಯಾಂಕ್ 154 ಬಿಲಿಯನ್ ಡಾಲರ್ ಮಾರುಕಟ್ಟೆ ಬಂಡವಾಳದ ಒಟ್ಟುಗು ಪ್ರಪಂಚದ ಏಳನೇ ಬಾರಿ ಮೌಲ್ಯಯುತ ಬ್ಯಾಂಕ್ ಆಂಡ್. ಅತ್ತಂದೆ, ಒಟ್ಟು ಆಸ್ತಿದ ಲೆಕ್ಕೊಡು ಪ್ರಪಂಚದ ಸುರುತ ೧೦೦ ಬ್ಯಾಂಕಿಂಗ್ ಕಂಪೆನಿಲೆನ ಪಟ್ಟಿಡ್ ಸ್ಥಾನ ಪಡೆಂಡ್.[17][18]
ವಿಲೀನ ಆಯಿಬೊಕ್ಕ ಬ್ಯಾಂಕ್‌ದ ಉದ್ಯೋಗಿಲೆನ ಸಂಖ್ಯೆಲಾ ಬಾರಿ ಎಚ್ಚ ಆಂಡ್, ಒಟ್ಟು ಸಿಬ್ಬಂದಿಲು 1.77 ಲಕ್ಷಗ್ ಮುಟ್ಟಿಯೆರ್. ಬ್ಯಾಂಕ್ ಇಪ್ಪುನ ಒಟ್ಟು ಆಸ್ತಿಲೆನ್ ಲೆಕ್ಕ ಪಾಡ್ಂಡ ಭಾರತಡ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಬುಡಿಂಡ ರಡ್ಡನೇ ಮಾಮಲ್ಲ ಬ್ಯಾಂಕ್ ಪನ್ಪಿನ ಪುಗರ್ತೆ ಬತ್ಂಡ್. ಬ್ಯಾಂಕ್‌ದ ಒಟ್ಟು ಶಾಖೆಲೆನ ಸಂಖ್ಯೆ 8,300 ಕ್ಕೆ ಏರಿಂಡ್.[19]
ಎಚ್‌ಡಿಎಫ್‌ಸಿ ಲಿಮಿಟೆಡ್‌ದ ಶೇರುಲೆನ್ ಷೇರು ಮಾರುಕಟ್ಟೆಡ್ದ್ ದೆತ್ತ್ ಪಾಡ್ಯೆರ್ ಬೊಕ್ಕ ಶೇರುದಾರೆರೆಗ್ ಅಕ್ಲೆಡ ಇತ್ತಿನ ಪ್ರತಿ 25 ಎಚ್‌ಡಿಎಫ್‌ಸಿ ಲಿಮಿಟೆಡ್ ಶೇರುಲೆಗ್ ಬದಲಾದ್ 42 ಎಚ್‌ಡಿಎಫ್‌ಸಿ ಬ್ಯಾಂಕ್ ಶೇರುಲೆನ್ ಕೊರಿಯೆರ್. ಇಂದೆಡ್ದಾತ್ರ ಎಚ್‌ಡಿಎಫ್‌ಸಿ ಬ್ಯಾಂಕ್‌ದ ಇಕ್ವಿಟಿ ಬಂಡವಾಳ ಎಚ್ಚ ಆಂಡ್.[20]
ಕಾರ್ಯಾಚರಣೆ
[ಸಂಪೊಲಿಪುಲೆ]ಮಾರ್ಚ್ 2024 ರ ಹೊತ್ತಿಗೆ, ಎಚ್‌ಡಿಎಫ್‌ಸಿ ಬ್ಯಾಂಕ್ 8,735 ಶಾಖೆಲು ಅಂಚನೆ 20,938 ಎಟಿಎಂಲು (ದುಡ್ಡು ದೆಪ್ಪುನ ಬೊಕ್ಕ ಜಮಾ ಮಲ್ಪಿನ ಮಿಷಿನ್‌ಲಾ ಸೇರ್ದ್) ಉಲ್ಲ. ದೇಸೊರ್ಮೆ 3,836 ನಗರ ಬೊಕ್ಕ ಹಳ್ಳಿಲೆಡ್ ಬ್ಯಾಂಕ್‌ದ ಶಾಕೆಲು ಉಲ್ಲ. ದುಂಬು ಇತ್ತಿನ ಎಚ್‌ಡಿಎಫ್‌ಸಿ ಸೇಲ್ಸ್ ಪ್ರೈವೇಟ್ ಲಿಮಿಟೆಡ್‌ದ 214 ಕಚೇರಿಲು ಸೇರ್ದ್ 737 ಜಾಗೆಲೆನ್ ಹೊಂದ್‌ದಿನ ಎಚ್‌ಡಿಎಫ್‌ಸಿ ಲಿಮಿಟೆಡ್‌ದ ವಿತರಣಾ ಜಾಲವನ್ನು ಒಟ್ಟುಗು ಇತ್ತೆ ಈ ಬ್ಯಾಂಕ್‌ದ ನೆಟ್‌ವರ್ಕ್ ಒಟ್ಟುಗು ಸೇರಾವಣೆ ಮಲ್ತ್‌ದುಂಡು. ಅಂಚನೆ, ಬ್ಯಾಂಕ್‌ಗ್ 12 ಕೋಟಿಡ್ದ್ ಎಚ್ಚ ಗಿರಾಕಿಲು ಉಲ್ಲೆರ್.
ಎಚ್‌ಡಿಎಫ್‌ಸಿ ಬ್ಯಾಂಕ್ ಲಕ್ಷದ್ವೀಪೊಡು ಇಪ್ಪುನ ಒಂಜೇ ಒಂಜಿ ಖಾಸಗಿ ಬ್ಯಾಂಕ್ ಎಂದು ಪುದರ್ ಪೋತುಂಡು. ಬ್ಯಾಂಕ್‌ದ ಶಾಖೆ ಕವರತ್ತಿ ದ್ವೀಪಡ್ ಉಂಡು.[21]
ಅಂಗ ಸಂಸ್ಥೆಲು
[ಸಂಪೊಲಿಪುಲೆ]ವಿವಾದೊಲು
[ಸಂಪೊಲಿಪುಲೆ]- 2 ಡಿಸೆಂಬರ್ 2020 ರಂದು, ಎಚ್‌ಡಿಎಫ್‌ಸಿ ಬ್ಯಾಂಕ್‌ದ ಇಂಟರ್ನೆಟ್ ಬ್ಯಾಂಕಿಂಗ್, ಮೊಬೈಲ್ ಬ್ಯಾಂಕಿಂಗ್ ಬೊಕ್ಕ ಪಾವತಿ ಸೇವೆಲೆಡ್ ಆಪುನ ತಾಂತ್ರಿಕ ತೊಂದರೆಲೆನ್ ಉಲ್ಲೇಖ ಮಲ್ತ್‌ದ್, ಪೊಸ ಕ್ರೆಡಿಟ್ ಕಾರ್ಡ್‌ಲೆನ ಕೊರ್ಪುನೆ ಬೊಕ್ಕ ಬ್ಯಾಂಕ್‌ದ 'ಡಿಜಿಟಲ್ 2.0' ಯೋಜನೆದ ಅಡಿಟ್ ಮಲ್ಪೆರೆ ಇತ್ತಿನ ಮಾತಾ ಕೆಲಸಲೆನ್ ಒಂತೆ ಸಮಯ ಮುಚ್ಚರೆ ಭಾರತೀಯ ರಿಸರ್ವ್ ಬ್ಯಾಂಕ್ ಆದೇಶ ಕೊರ್ಂಡ್.[22]
- 29 ಜನವರಿ 2020 ರಂದು, ಐಪಿಒ ಬಿಡ್ಡಿಂಗ್ ಮಲ್ಪೆರೆ ದೆತ್ತ್‌ದಿನ 39 ಚಾಲ್ತಿ ಖಾತೆಲೆನ ಬಗ್ಗೆ ಅಗತ್ಯದ ಪರಿಶೀಲನೆ ಮಲ್ಪಂದಿನ ಕಾರಣಗಾದ್ ಭಾರತೀಯ ರಿಸರ್ವ್ ಬ್ಯಾಂಕ್ ಎಚ್‌ಡಿಎಫ್‌ಸಿ ಬ್ಯಾಂಕ್‌ಗ್ ದುಡ್ಡುದ ದಂಡ ಪಾಡ್ಂಡ್.[23]
- ಒಡಿಶಾಡ್ ₹59,41,000 ದುಡ್ಡುದ ಮೋಸದ ಆರೋಪದ ಮಿತ್ತ್ ಎಚ್‌ಡಿಎಫ್‌ಸಿ ಬ್ಯಾಂಕ್ ಮ್ಯಾನೇಜರ್‌ನ್ ಪತ್ತಿಯೆರ್.[24]
- ೨೦೧೯ರ ಅಕ್ಟೋಬರ್ ತಿಂಗೊಲುಡು, ಬಾಹ್ಯ ವಾಣಿಜ್ಯ ಸಾಲದ ಮೂಲಕ ಒಟ್ಟು ಮಲ್ತ್‌ದ್ ಬ್ಯಾಂಕ್‌ಡ್ ದೀತಿತ್ತಿನ ದುಡ್ಡುದ ಒಂಜಿ ಭಾಗವನ್ನು ಹೆಚ್‌ಡಿಎಫ್‌ಸಿ ಬ್ಯಾಂಕ್ ತನ್ನ ಖಾತೆಗ್ ಜಮಾ ಮಲ್ತ್‌ದೊಂಡ್ ಎಂದು 'ಆಲ್ಟಿಕೊ ಕ್ಯಾಪಿಟಲ್' ಬೊಕ್ಕ ದುಬೈದ 'ಮಶ್ರೇಕ್ ಬ್ಯಾಂಕ್', ಭಾರತೀಯ ರಿಸರ್ವ್ ಬ್ಯಾಂಕ್‌ಗ್ ದೂರು ಕೊರಿಯೆರ್.[25]
- 27 ಮೇ 2021 ರಂದು, ಬ್ಯಾಂಕ್‌ದ ಗಾಡಿ ಸಾಲದ ಪೋರ್ಟ್‌ಫೋಲಿಯೊಗು ಸಂಬಂಧ ಪಟ್ಟಿನ ಬ್ಯಾಂಕಿಂಗ್ ನಿಯಂತ್ರಣ ಕಾಯ್ದೆ, 1949 ರ ಕೆಲವು ನಿಯಮಲೆನ ಉಲ್ಲಂಘನೆಗಾದ್ ಆರ್‌ಬಿಐ ಎಚ್‌ಡಿಎಫ್‌ಸಿ ಬ್ಯಾಂಕ್‌ಗ್ ₹10 ಕೋಟಿ ದಂಡ ಪಾಡ್ಂಡ್.[26]
- ಮಾರ್ಚ್ 2023 ಡ್, ಎಚ್‌ಡಿಎಫ್‌ಸಿ ಬ್ಯಾಂಕ್‌ದ ಅಂಗಸಂಸ್ಥೆ ಆಯಿನ 'ಎಚ್‌ಡಿಬಿ ಫೈನಾನ್ಷಿಯಲ್ ಸರ್ವಿಸಸ್' ಸಂಸ್ಥೆದ, ೭ ಕೋಟಿಡ್ದ್ ಎಚ್ಚ ಗ್ರಾಹಕರೆನ ಖಾಸಗಿ ಮಾಹಿತಿಲು ಅಂತರಜಾಲಡ್ ಸೋರಿಕೆ ಆಂಡ್. ಗ್ರಾಹಕರೆನ ಇಮೇಲ್ ವಿಳಾಸ, ಪುದರ್, ಪುಟ್ಟಿನ ತಾರೀಕು, ಫೋನ್ ನಂಬರ್, ಲಿಂಗ, ಪೋಸ್ಟ್ ಕೋಡ್ ಬೊಕ್ಕ ಸಾಲದ ಮಾಹಿತಿ ಸೇರ್ದ್ ಮಾತಾ ವಿವರಲು ಪಿದಯಿ ಬತ್ತ್ಂಡ್.[27]
- ಜೂನ್ 2025 ಡ್, ಮುಂಬೈದ ಲೀಲಾವತಿ ಆಸ್ಪತ್ರೆನ್ ನಡಪುನ 'ಲೀಲಾವತಿ ಕೀರ್ತಿಲಾಲ್ ಮೆಹ್ತಾ ಮೆಡಿಕಲ್ ಟ್ರಸ್ಟ್' ಪಾಡಿನ ಎಫ್‌ಐಆರ್ ಡ್ ಎಚ್‌ಡಿಎಫ್‌ಸಿ ಬ್ಯಾಂಕ್‌ದ ವ್ಯವಸ್ಥಾಪಕ ನಿರ್ದೇಶಕ ಬೊಕ್ಕ ಸಿಇಒ ಶಂತಿಧರ್ ಜಗದೀಶನ್ ಆರ್ನ ಪುದರ್ ತೋಜುದು ಬತ್ತ್ಂಡ್. ಆಸ್ಪತ್ರೆದ ಟ್ರಸ್ಟಿಯೊಬ್ಬರ ಮಿತ್ತ್ ಒತ್ತಡ ಪಾಡುನ ಉದ್ದೇಶಡ್ದ್ ₹2.05 ಕೋಟಿ ಮೌಲ್ಯದ ಹಣಕಾಸು ವ್ಯವಹಾರಡ್ ಆರ್ ಭಾಗಿಯಾದ್ ಉಲ್ಲೆರ್ ಎಂದು ಆರೋಪ ಮಲ್ತ್‌ದಿತ್ತೆರ್.[28]
- 2025–2026 ಡ್, ಕ್ರೆಡಿಟ್ ಸ್ಯೂಸ್ ಕೊರ್ತಿನ ಬಾರಿ ರಿಸ್ಕ್ ಇಪ್ಪುನ 'ಅಡಿಷನಲ್ ಟೈರ್-1' ಬಾಂಡ್‌ಲೆನ್ ಸರಿಯಾಯಿನ ಅಪಾಯದ ಮಾಹಿತಿ ಕೊರಂದೆ, ಆದಾಯ ಬರ್ಪಿನ ಉತ್ಪನ್ನ ಸುಲ್ಲು ಪಂದ್ ಅನಿವಾಸಿ ಭಾರತೀಯ ಗ್ರಾಹಕರೆಗ್ ತಪ್ಪು ಮಾರಾಟ ಮಲ್ತ್‌ದೆರ್ ಎನ್ನುವ ಆರೋಪಲೆನ್ ಎಚ್‌ಡಿಎಫ್‌ಸಿ ಬ್ಯಾಂಕ್‌ದ ದುಬೈ ಬೊಕ್ಕ ಬಹ್ರೇನ್ ಶಾಖೆಲು ಎದುರು ಮಲ್ತ್ಂಡ್.[29] ಮಾರ್ಚ್ 2023 ದ ಕ್ರೆಡಿಟ್ ಸ್ಯೂಸ್ ಬೊಕ್ಕ ಯುಬಿಎಸ್ ಸ್ವಾಧೀನ ಪ್ರಕ್ರಿಯೆದ ಪೊರ್ತುಡು ಈ ಬಾಂಡ್‌ಲೆನ ಬೆಲೆ ಪೂರ್ತಿ ಶೂನ್ಯ ಆಂಡ್. ಅತ್ತಂದೆ ದುಬೈ ಫೈನಾನ್ಷಿಯಲ್ ಸರ್ವಿಸಸ್ ಅಥಾರಿಟಿಯು ದುಬೈ ಶಾಖೆನ್ ತನಿಖೆ ಮಲ್ತ್‌ದ್, ಪೊಸ ಗ್ರಾಹಕರೆನ್ ಸೇರ್ಸರೆ ಬಲ್ಲಿ ಎಂದು ತಡೆತ್ತ್ಂಡ್, ಈ ಕಾರಣಡ್ದ್ ಬ್ಯಾಂಕ್ ಉಲಯಿ ತನಿಖೆ ಮಲ್ತ್‌ದ್ ಸಿಬ್ಬಂದಿಲೆನ್ ಕೆಲಸಡ್ದ್ ದೆತ್ತ್ಂಡ್. ಅಂಚನೆ, "ಮೌಲ್ಯಲು ಬೊಕ್ಕ ನೈತಿಕತೆ"ದ ಕಾರಣ ಕೊರ್ದ್ ಮಾರ್ಚ್ 2026 ಡ್ ಬ್ಯಾಂಕ್ ಅಧ್ಯಕ್ಷ ಅತನು ಚಕ್ರವರ್ತಿ ಆರ್ ತಂಕುಲೆನ ಕೆಲಸಗ್ ರಾಜೀನಾಮೆ ಕೊರಿಯೆರ್.[30]
ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Top companies in India by total assets". Moneycontrol. Retrieved 10 January 2025.
- ↑ "RBI releases 2022 list of Domestic Systemically Important Banks (D-SIBs)". rbi.org.in. RBI. 2 January 2023. Retrieved 6 December 2023.
State Bank of India, ICICI Bank, and HDFC Bank continue to be identified as Domestic Systemically Important Banks (D-SIBs), under the same bucketing structure as in the 2021 list of D-SIBs.
- ↑ "RBI releases Domestic Systemically Important Banks (D-SIBs) of 2022". Livemint. New Delhi. 2 January 2023. Retrieved 6 December 2023.
- ↑ "Largest bank by Market capitalization". MoneyControl. Archived from the original on 6 June 2021. Retrieved 1 October 2014.
- ↑ "Financial Results (Indian GAAP) for the Quarter and Year Ended March 31, 2023" (PDF). hdfcbank.com. HDFC Bank. 31 March 2023. p. 4. Retrieved 16 November 2023.
- ↑ "HDFC Bank: Number of Employees 2006–2021 | HDB". macrotrends.net. Archived from the original on 22 May 2021. Retrieved 22 May 2021.
- ↑ "About HDFC Bank". hdfcbank.com. HDFC Bank. Retrieved 6 December 2023.
- ↑ "HDFC Bank Ltd" (PDF). careratings.com. CARE Ratings. 2 May 2023. Retrieved 6 December 2023.
The Housing Development Finance Corporation Limited (HDFC) was among the first institutions to receive an 'in principle' approval from RBI to set up a bank in the private sector, as part of the RBI's liberalization of the Indian banking industry in 1994. The bank was incorporated in August 1994 in the name of 'HDFC Bank Limited' (HBL), with its registered office in Mumbai, India.
- ↑ "HDFC Bank: Reports, Company History, Directors Report, Chairman's Speech, Auditors Report of HDFC Bank". profit.ndtv.com. Archived from the original on 9 July 2016. Retrieved 16 July 2016.
- ↑ "HDFC Bank to shift HQ from where it had started its operations 25 years ago". Business Standard. Retrieved 20 April 2026.
- ↑ "Hdfc, Timesbank Merger By Feb 25". Business Standard. Retrieved 12 May 2024.
- ↑ "HDFC Bank buys Centurion in India's biggest financial sector buyout". The New York Times. 4 December 2008. Retrieved 8 May 2024.
- ↑ "Kotak Mahindra Bank, HDFC Bank To Acquire 9.99% Each In Ferbine". Moneycontrol. 26 February 2021. Archived from the original on 14 April 2021. Retrieved 4 March 2021.
- ↑ "HDFC HDFC Bank Merger: HDFC to merge with HDFC Bank in India's biggest-ever M&A |". The Times of India. 5 April 2022.
- ↑ Singh, Preeti; Patil, Divya (30 June 2023). "Bank Giant Bigger Than Morgan Stanley Arises From India Merger". Bloomberg.com (in ಇಂಗ್ಲಿಷ್).
- ↑ Kulkarni, Sneha (3 July 2023). "What is the HDFC Bank-HDFC merger date". The Economic Times. ISSN 0013-0389. Retrieved 4 July 2023.
- ↑ "HDFC Ltd-HDFC Bank merger: Behind Sashi Jagdishan's big plans for HDFC Bank" (in ಇಂಗ್ಲಿಷ್). Business Today. 20 July 2023. Retrieved 27 December 2023.
- ↑ Mascarenhas, Rajesh (18 July 2023). "HDFC Bank becomes world's 7th largest lender post merger". The Economic Times. Retrieved 27 December 2023.
- ↑ "Spotlight on HDFC Ltd and HDFC Bank Merger !" (in ಇಂಗ್ಲಿಷ್). CNBCTV18. 3 July 2023. Retrieved 27 December 2023.
- ↑ "HDFC-HDFC Bank merger likely to be effective July 1, HDFC to be delisted on July 13: Deepak Parekh" (in ಇಂಗ್ಲಿಷ್). Business Today. 27 June 2023. Retrieved 27 December 2023.
- ↑ "Sole Private Bank Operator in UT Lakshdweep". The Indian Express. 10 April 2024. Retrieved 12 April 2024.
- ↑ "RBI asks HDFC Bank to halt issue of new credit cards, planned activities under Digital 2.0". Moneycontrol (in ಇಂಗ್ಲಿಷ್). 3 December 2020. Archived from the original on 7 December 2020. Retrieved 11 February 2022.
- ↑ "RBI imposes penalty on HDFC bank". rbi.org.in. Archived from the original on 30 January 2020. Retrieved 29 January 2020.
- ↑ "A HDFC bank manager arrested for Rs 59.41 lakh fraud in Odisha". The New Indian Express. Archived from the original on 5 October 2019. Retrieved 16 August 2019.
- ↑ Das, Saikat. "Altico and Mashreq approach RBI against HDFC Bank". The Economic Times. Archived from the original on 12 October 2019. Retrieved 13 October 2019.
- ↑ "Reserve Bank of India imposes Rs 10 crore penalty on HDFC Bank". The indian express. Archived from the original on 23 October 2021. Retrieved 23 October 2021.
- ↑ "HDB Financial Services flags data breach at service provider". The Economic Times. 7 March 2023. ISSN 0013-0389. Retrieved 27 June 2023.
- ↑ Mishra, Lalatendu (2025-06-07). "HDFC Bank denies allegations against MD & CEO Jagdishan, says recalcitrant defaulters at work to thwart recovery". The Hindu (in Indian English). ISSN 0971-751X. Retrieved 2025-06-09.
- ↑ "NRIs accuse HDFC Bank officials of fraud, allege misuse of Rs 25-30 crore funds to pay for AT-1 bonds: Report". The Financial Express (in ಇಂಗ್ಲಿಷ್). 2025-07-12. Retrieved 2026-04-18.
- ↑ Raghavan, Ranjani (2026-03-20). "HDFC Bank: What exactly was it? Atanu Chakrabarty's shock exit baffles global investors". The Economic Times. ISSN 0013-0389. Retrieved 2026-04-18.