ಹೊಸಂಗಡಿ
ಹೊಸಂಗಡಿಕರ್ನಾಟಕದ ಉಡುಪಿ ಜಿಲ್ಲೆದ ಕುಂದಾಪುರಡ್ದ್ ಸುಮಾರು ೪೦ ಕಿ.ಮೀ ಪೂರ್ವ ದಿಕ್ಕ್ಡ್ ಪಶ್ಚಿಮ ಘಟ್ಟದ ಮುದೆಲ್ಡ್ ಉಪ್ಪುನ ಒಂಜಿ ಪೊರ್ಲ್ದ ಊರು. ಉಂದು ಕುಂದಾಪುರಡ್ದ್ ಶಿವಮೊಗ್ಗಗ್ ಪೋಪಿನ ಸಾದಿಡ್ ಬಾಳೆಬರೆ ಘಾಟ್ ಸುರುವಾಪುನ ಜಾಗೆಡ್ ಉಂಡು.
ಇತಿಹಾಸೋ
[ಸಂಪೊಲಿಪುಲೆ]ಬಿದನೂರು ಸಂಸ್ಥಾನದ ಸಾಮಂತೆರಾದ್ ಇತ್ತಿನ ಮನೆತನದಕುಲು ಮೂಲು ಆಳ್ವಿಕೆ ಮಲ್ತೊಂದಿತ್ತೆರ್.ಪರ ಕೋಟೆದ ಅವಶೇಷಲು ಮೂಲು ತೂಯರೆ ತಿಕ್ಕ್ಂಡು.ಕೋಟೆದ ಕೈತಲ್ ಉಂಜಿ ಪ್ರಾಕ್ದ ಕಲ್ಲ್ ಕಟ್ಟಿನ ಕೆರೆ ಉಂಡು.ಮೂಲು ಪ್ರಾಕ್ದ ವಿರೂಪಾಕ್ಷ ದೇವಸ್ಥಾನ ಉಂಡು. ದೆಟ್ಟ್ ಸುಮಾರು ಶಾಸನೊಲು ಇಪ್ಪಿನ ಶಿಲೆಕಲ್ಲುಲು ಉಂಡು.ಊರುಡ್ದ್ ಪಿದಾಯಿ ಒಂಜಿ ತರೆ ಇಜ್ಜಂದಿನ ಬಸವನ ಕಲ್ಲ್ ಉಂಡು. ಬಹುಷ: ಉಂದು ಲಿಂಗಾಯತ ಮಠತ್ತ ಪೀಠ ಆದುಪ್ಪು ಪಂಡ್ದ್ ವಿದ್ವಾಂಸೆರ್ನ ಆಭಿಪ್ರಾಯ.೧೪ನೆ ಶತಮಾನಡ್ ಉಂದು ಹೊನ್ನೆಕಂಬಳಿ ಅರಸೆರ್ನ ಸ್ಥಾನ ಆದಿತ್ತ್ಂಡ್.೧೫೫೪ ಇಸವಿ ಮುಕುಲು ಕೆಳದಿ ಸಂಸ್ಥಾನೊದ ಅಡಿಕ್ ಬತ್ತೆರ್.ಶಿವಪ್ಪ ನಾಯಕನ ಕಾಲಡ್ ಉಂದು ಕರಾವಳಿನ್ ಸಂಪರ್ಕ ಮಲ್ಪರೆ ಒಂಜಿ ಪ್ರಮುಖ ನೆಲೆಯಾದ್ ಬೊಳೆದ್ ಬತ್ತ್ಂಡ್.ಆ ಕಾಲೊಡ್ ಕರಾವಳಿ ಭಾಗದ ವೀಕ್ಷಣೆಗಾದ್ ಕಟ್ಟಿನ ಕೋಟೆ, ಗೋಪುರದ ಕುರುಹುಲು ಇತ್ತೆಲಾ ಉಂಡು.ಈ ಊರುಡು ಮಸ್ತ್ ಶಾಸನೊಲು, ವೀರಗಂಬೊಲು, ಮಾಸ್ತಿಕಲ್ಲುಲು ತೂಯರೆ ತಿಕ್ಕ್ಂಡು.
ಆಕರ್ಷಣೆಲು
[ಸಂಪೊಲಿಪುಲೆ]ವಾರಾಹಿ ಜಲವಿದ್ಯುತ್ ಸ್ಥಾವರ ಮೂಲು ಉಂಡು.ಉಂದು ನೆಲತ್ತ ಉಲಾಯಿ ಉಪ್ಪುನ ವಿಶೇಷ.ವಾರಾಹಿ ಸುದೆತ ತೊಂಬಟ್ಟು ಜಲಪಾತ ಕೈತಲ್ ಉಂಡು.ಮೆಟ್ಕಲ್ಗುಡ್ಡೆ ಮಹಾಗಣಪತಿ ದೇವಸ್ಥಾನ ಗುಡ್ಡೆ ಮಿತ್ತ್ ಉಪ್ಪುನೈಡ್ದಾವರ ಪಶ್ಚಿಮ ಘಟ್ಟ ಬೊಕ್ಕ ಕರಾವಳಿದ ಸಮತಟ್ಟ್ ಜಾಗೆದ ಪೊರ್ಲ್ದ ದೃಶ್ಯ ತೂಯೆರೆ ತಿಕ್ಕ್ಂಡು.