ಹೋನ್ ಕೀಮ್ ಸರೋವರ
ಹೋನ್ ಕೀಮ್ ಸರೋವರ
ಹೊವಾನ್ ಕಿಮ್ ಸರೋವರ ಪಂಡ "ಪಿರ ಬತ್ತಿನ ಕತ್ತಿದ ಕೆರೆ" ಅತ್ತಂದೆ "ಪಿರ ಸ್ಥಾಪನೆ ಆಯಿನ ಕತ್ತಿದ ಕೆರೆ" ಸ್ವೋರ್ಡ್ ಕೆರೆ (ಹೊ ಗುಮ್) ಅತ್ತಂದೆ ಟಾ ವೊಂಗ್ ಕೆರೆ (ಹೊ ಟಾ ವೊಂಗ್) ಪಂಡ್ದ್ ಲೆಪ್ಪುವೆರ್. ಉಂದು ಒಂಜಿ ಚೀಪೆ ನೀರ್ದ ಕೆರೆ, ವಿಯೆಟ್ನಾಂ ರಾಜಧಾನಿ ಹೈನೋದ ಐತಿಹಾಸಿಕ ಕೇಂದ್ರೊಡು ಸುಮಾರ್ 12 ಹೆಕ್ಟೇರ್ ಅಳತೆಡ್ ಉಂಡು.[೧] ದುಂಬು, ಈ ಕೆರೆಗ್ "Lục Thủy Lake" ಅತ್ತ್ಂಡ "Thủy Quân Lake" ಪಂಡ್ದ್ ಪುದರ್ ದೀವೊಂದಿತ್ತೆರ್. ಈ ಸರೋವರ ನಗರೊಡು ಪ್ರಮುಖ ದೃಶ್ಯ ತಾಣೊಲೆಡ್ ಒಂಜಿ ಆದುಂಡು ಬುಕ್ಕೊ್ಕ ಉಂದು ಅಯಿತ ಸಾರ್ವಜನಿಕ ಜೀವನೊಗು ಒಂಜಿ ಕೇಂದ್ರಬಿಂದು ಆದ್ ಸೇವೆ ಮಲ್ಪುಂಡು.[೨]
ಚರಿತ್ರೆ ಬುಕ್ಕೊ್ಕ ಪುದರ್ ಬತ್ತಿನ ರೀತಿ
[ಸಂಪೊಲಿಪುಲೆ]_(53489075918).jpg)
ಒಂಜಿ ದಂತಕಥೆದ ಪ್ರಕಾರ, ಮಿಂಗ್ ಚೀನಾನ್ ಸೋಲ್ತುದು ಬುಕ್ಕೊ್ಕ, ಚಕ್ರವರ್ತಿ ಲೆ ಲೋಯಿ ಕೆರೆಟ್ ಬೋಟಿಂಗ್ ಮಲ್ತೊಂದು ಇತ್ತಿನಗ ಒರಿ ಗೋಲ್ಡನ್ ಟರ್ಟಲ್ ಗಾಡ್ (ಕಿಮ್ ಕ್ವಿ) ಬತ್ತ್ದ್ ಅರೆನ ಮಾಂತ್ರಿಕ ಕತ್ತಿ, ಸ್ವರ್ಗದ ಇಚ್ಛೆನ್ ಕೇಂಡೆರ್. ಮಿಂಗ್ ಚೀನಾನ್ ಸೋಲಾಯಿನ ನಿಟ್ಟಿಡ್ ಲೋಯಿಗ್ ಕೆಲವು ಸಮಯೊಗು ದುಂಬು ಅಯಿತ ಯಜಮಾನೆ, ಒರಿ ಸ್ಥಳೀಯ ದೇವೆರ್, ಡ್ರ್ಯಾಗನ್ ಕಿಂಗ್ (ಲಾಂಗ್ ವೊಂಗ್) ಕೊರ್ತಿನ ಕತ್ತಿನ್ ಮರ್ಯಾದಿ ಮಲ್ಪೆರೆ ಕಿಮ್ ಕ್ವಿ ಬತ್ತ್ ಂಡ್ ಪಂದ್ ಲೋಯಿ ತೀರ್ಮಾನ ಮಲ್ತೆರ್. ನನೊಂಜಿ ಸರ್ತಿ, ಚಕ್ರವರ್ತಿ ಚೀನಿಯೆರೆನ್ ಲಡಾಯಿ ಮಲ್ತ್ ದ್ ಮುಗಿತ್ ಬುಕ್ಕೊ್ಕ ಆಮೆಗ್ ಕತ್ತಿನ್ ಪಿರ ಕೊರ್ತೆರ್. ಚಕ್ರವರ್ತಿ ಲೋಯಿ ಈ ಘಟನೆನ್ ನೆಂಪು ಮಲ್ಪರೆ ಕೆರೆತ ಪುದರ್ ನ್ ಬದಲಾವಣೆ ಮಲ್ತೆರ್, ಉಂದೆತ ದುಂಬುದ ಪುದರ್ ಲೋಕ್ ಥೋಯಿ ಪಂಡ "ಪಚ್ಚೆ ನೀರ್". ಕೆರೆತ ಮಧ್ಯೊಡು ಒಂಜಿ ಎಲ್ಯ ದ್ವೀಪೊಡು ಉಪ್ಪುನ ಆಮೆ ಗೋಪುರ (ಥಾಪ್ ರುವಾ) ದಂತಕಥೆಗ್ ಸಂಬಂಧ ಪಟ್ಟಿನವು. ಚಕ್ರವರ್ತಿ ಗೋಲ್ಡನ್ ಟರ್ಟಲ್ ಗಾಡ್ (Cụ Rùa) ಗ್ ಮ್ಯಾಜಿಕಲ್ ಸ್ವೋರ್ಡ್ ನ್ ಪಿರ ಕೊರ್ದು ಇಜ್ಜಂದಿನ ಪೊರ್ತುಡು ಹೋನ್ ಕಿಮ್ ಸರೋವರತ್ತ ಸುರುತ ಪುದರ್ ಟಾ ವೊಂಗ್ ಆದಿತ್ತ್ಂಡ್.
_(53489228584).jpg)
ಮಲ್ಲ ಮೃದು ಚಿಪ್ಪುದ ಆಮೆಲು, ರಾಫೆಟಸ್ ಸ್ವಿನ್ಹೋಯಿ ಜಾತಿ ಅತ್ತಂಡ ಚಕ್ರವರ್ತಿನ ಗೌರವಾರ್ಥ ರಾಫೆಟಸ್ ಲೆಲೋಯಿ ಪನ್ಪಿನ ಪ್ರತ್ಯೇಕ ಜಾತಿ, ಕೆರೆಟ್ ಮಸ್ತ್ ವರ್ಷೊಡ್ದಿಂಚಿ ತೋಜುಂಡು.ಸ್ವಿನ್ಹೋಯಿ ಜಾತಿದ ಮೂಜಿ ಏಮೆಲು ಒರಿಯಂದುಂಡು.
ಜೇಡ್ ಪರ್ವತದ ದೇವಸ್ಥಾನ
[ಸಂಪೊಲಿಪುಲೆ]ಕೆರೆತ ಉತ್ತರ ಕರಾವಳಿಡ್ ಜೇಡ್ ಐಲೆಟ್ ಉಂಡು, ಅಯಿಟ್ ಜೇಡ್ ಪರ್ವತದ ದೇವಸ್ಥಾನ (Ngọc Sơn ದೇವಸ್ಥಾನ) ಉಂಡು. ೧೮ನೇ ಶತಮಾನೊಡು ಈ ದೇವಸ್ಥಾನ ನಿರ್ಮಾಣ ಆಂಡ್. ವಿಯೆಟ್ನಾಂ ದ ಮಂಗೋಲ್ ಆಕ್ರಮಣೊಲೆನ್ ಮೂಜಿ ಸರ್ತಿ ಸೋತುದು ತನ್ನನ್ ತಾನ್ ಗೌರವಿಸಾಯಿನ 13ನೆ ಶತಮಾನೊದ ಮಿಲಿಟರಿ ನಾಯಕ ಟ್ರನ್ ಹ್ಯುಂಗ್ ಡಾವೊನ್ ಉಂದು ಗೌರವಿಸವುಂಡು; ಕ್ಲಾಸಿಕ್ ವಿದ್ವಾಂಸೆರ್ ವಾನ್ ಕ್ಸಾಂಗ್; ಬುಕ್ಕೊ್ಕ ನ್ಗುಯೆನ್ ವಾನ್ ಸಿಯು, ಒರಿ ಪ್ರಸಿದ್ಧ ಬರವುದಕುಲು ಬುಕ್ಕೊ್ಕ ಅಧಿಕಾರಿಲು 1864ಡ್ ದೇವಸ್ಥಾನೊದ ದುರಸ್ತಿನ್ ಕೈಗೊಂಡೆರ್. ಜೇಡ್ ದ್ವೀಪೊನು ಮರತ ಥೆ ಹುಕ್ ಸೇತುವೆಡ್ದ್ ಕರಾವಳಿಗ್ ಸಂಪರ್ಕ ಮಲ್ತೆರ್, ಉಂದೆನ್ ವರ್ಮಿಲಿಯನ್ ಕೆಂಪು ಬಣ್ಣೊಡು ಬಣ್ಣ ಪಾಡ್ದೆರ್. ಈ ಸೇತುವೆದ ಪುದರ್ ನ್ ಕಾವ್ಯೊಡು "ಪರ್ಚ್ ಆಫ್ ದ ಮಾರ್ನಿಂಗ್ ಸನ್ಲೈಟ್" ಪಂಡ್ದ್ ಅನುವಾದ ಮಲ್ತೆರ್.